هذه خبرتي مع سيارتي ستروين Ax !!

[azkol2005]

اسعار ax 1400 ايه دلوقتى يا رجاله

المتوسط 20.000جم

[azkol2005]

أنا اشتريت ماستر عمومي فرمل صني ثمنه 100 ج
شغال ميه ميه

[alihussien2]

السلام عليكم ارغب في المشاركة معكم باستفسار شاغلني من فترة؟ وهو ليه الستروين موديلات 95 وبعدها بتتباع بسعر رخيص جدا؟ فيها مشكلة معينة ؟ ولا ايه الموضوع بالضبط رجاء الافادة للاهمية

[ahmdghalwash]

السلام عليكم ارجو الافاده بان هذه السياره رائعة وليس بها عيوب ولكن للاسف الاهمال في الصيانه وعدم ثقافة السائق في تعامله مع السياره الاوروبيه علي انها سياره فيات هو ما يحبط ثمن هذه السياره

[azkol2005]

كان فيه عندي طبة ميه مقاس 27 صدت

جبتها ب 3ج
وركبتها بمصنعيه 70 ج عشان فك القاعده

[zohair28]

جديد فى الستروين

انا لسة شارى عربية ستروين ax موديل 1997 بس للأسف كانت مع واحد مهمل اوى العربية فيها حجات كتير عاوزة تتظبط بس انا عاوز اسأل على شوية حجات :
1- عداد البنزين مش مظبوط بيرعش جامد و سعات مش بيشتغل
2- عداد السرعة مش شغال و الميكانيكى قالى عاوزة مكنة سرعة و سيلك دول الاقيهم فين
3-فى اجزاء من التابلوة مكسرة وزراير ناقصة مش عارف اجيبها منبن
4- حد عندو دايرة كهرباء العربية او المانول
انا اغلب المشكلات عندى فى التابلوة أجزاء كتير مكسرة و مش شغالة مش عارف اجيبها منبن و كمان عاوز اغير الدريكسيون و العلبة لان شكلهم مش حلو حد يعرف الاقيهم فين و بكااااااااااام

[samy77]

عزيزى د أحمد
جزاك الله خيرا وكل من ساهم فى نقل الخبرات على هذة الصفحة الكريمة
انا معايا سيارة AX من خمس شهور تقريبا وقفت عطلانة عند الميكيانيكية أكثر من نصفهم مرات قليلة اللى ركبتها وسافرت بها فيهم
المهم ماطولش على حضرتك هاقولك أهم مشاكلها ايه ويا ريت تفيدونى لأنى اتعقدت و عاوز ابيعها بالرغم من انى لسة شاددها سمكرة ودوكو:
1- اولا كتير لما كانت تسخن اثناء الزحام مثلا ماترضاش تدور مع وجود صوت للمارش : نظفت كاربراتير و بكات ظبطت شوية بس رجعت تانى ثم ظبطها عند م ايهاب فى صقر قريش من اسبوع تقريبا وتالحمد لله لما سافرت بها ( حوالى 130كم ) لما ابطلها كانت تدور من غير مشاكل
. يا ترى دا كان ناتج من ايه
2- المشكلة الثانية والكبرى حاليا هى ارتفاع الحرارة السريع : غيرت على التوالى وعلى فترات ترموستات و طلمبة المياة لأنها كانت سربت و غيرت مروحة عشان القديمة كانت بتعلق بعد ما حرقت لى 3 كتاوت ( ريليهات )مروحة . الحمد لله المروحة الجديدة لما الحرارة بتعلى بتشتغل بس الحرارة مابتنزلش بشكل معقول والهوء الخارج من المروحة ناحية الموتور بيكون سخن فبضطر اتوقف على الأقل مرتين من كارفور المعادى مثلا حتى القطامية حتى تبرد
وعلى فكرة ساعات الحرارة بتوصل التسعين و مياة الردياتير بتخرج من فتحة جانبية تحت غطاء الريدياتير وبلاقى ساعتها ان المروحة بردة شغاله .يا ريت تفيدونى اعمل ايه لأن انا احترت ومبقتش عارف اعمل فيها اية وبقيت صارف كتير اوى اوى على الموضوع ده
3- المشكلة الثالثة هى ان االموتور خفيف وبيطلع دخان ابيض من الفايظ اللى داخل الكبوت اللى مفروض يوصل على العمة بس الحمد لله العربية مستوى زيت الموتور لا يقل با ستثنا ملاحظتى اليوم سقوط بعض قطرات الزيت تحت السيارة عند التوقف . يا ترى هل محتاجة تغير لها شنبر و لا عاوزة عمرة كاملة .

ياريت تفيدونى احل مشكلة الحرارة والموتور الخفيف ده ازاى ولا ابيع العربية وهل ممكت تباع بالحالة دى ويا ترى تعمل كام على كده
وربنا يكرمكم وجزاكم الله خيرا

أخوكم م. سامى عبد المنصف

[waledwaled]

عزيزي
أولا لو كانت العربيه 1400 يبقى مشكلة الحرارة مع تشغيل التكييف مشكلة مزمنه لا علاج لها !! ولكن كل موديلات السترويين فيها ميكانيزم مخصوص لتزويد الميه وهو إنك لازم تاخد الهوا من مكانين أولهم بلف ورا الرادياتيير و التاني بلف عند خراطيم التكييف مكانه جوه الحوض تقريبا تحت البربييز شمال
و معنى إنك تاخد هوا أي تفتح البلفين دول أثناء ما إنت بتزود الرادياتيير ميه لغاية ما تلاقي الميه خرجت من البلفين بإنتظام تروح ساعتها رابط البلفين و مكمل الرادياتيير ميه
و الهدف من الحكاية دي هو تفريغ الهواء من دورة التبريد يعني يبقى إللي ماشي جوة الدورة ميه و بس.
ثانيا تنقيط الزيت تحت العربيه ده مسألة طبيعيه لو كانت في حدود نقطتين تلاته
الزيت ده هوه زيت الجير بوكس و ده فايظ نتيجة سخونه الجير بوكس و خاصة في زحام القاهرة
بس لو الكميه كبيرة و ملحوظه يبقى محتاج أولسيهات و دي مش غاليه خالص و تغيرها بسيط عند أي ميكانيكي
و عموما إذا كنت متأكد من حالة الكربورايتور و استمرت ملاحظتك لتسريب زيت أو لون عادم أبيض
فده ليس معناه إن المكنه خفيفه و لكن ممكن جدا يكون إللي بيغييرلك الزيت بيملى ع الآخر و كل الكلام ده فايظ
ال ax عمرها ما تتملي زيت ع الآخر يعني لو هيه بتاخد 3.5 كيلو مفروض تحط 3 كيلو بس
فهمت قصدي؟
ربنا يبارك لك ف عربيتك

[waelelgazawey]

الموضوع جميل جدا يا دكتور احمد جزاك الله خيرا

انا خبرتي بالعربية قليلة جدا لكن هحكيلكم حاجه من واقع تجربة

حصلت معايا مشكلة سخونة في العربية بقت بتسخن علطول ومش بتقبل مياه والردياتير بيطقطق وبيعمل حجات غريبة انا قولت جابت جوان او وش سليندر وكل الناس قالولي كده ، لحد ماروحت لميكانيكي فاهم ، فك مسمار خلف فتحة مياه الردياتير ، وجنب مقياس الزيت ، وزود مياه وهو فاكك المسمار دا ، قبلت ميا عادي جدا ومقالتش حاجه ، وقالي انها كانت واخده هوا مش اكتر وهيا الستروين بتعمل زي ماتكون جايبه جوان في الحاله دي ، خلوا بالكوا بقى من الميكانيكية الكسر انا كنت ممكن اغير جوان او وش سليندر بسبب الموضوع دا

نصيحة للاستاذ اللي عربيته استروين وعن تجربة انا معايا واحدة موديل 96 وكنت عملت حادثة الحمد لله بسيطة اتسببت في كسر الجزء الايسر من الفبرة الموجودة في الريدياتير ودي كان حلها بسيط بس عند واحد معين موجود في اول السبتيه بالقاهرة اسمه الهندسية تقريبا هو محل صغير بس عنده مخزن وورشة كبيرة اوي في شارع جانبي عموما الراجل دة خبرته كبيرة اوي مشاء الله في الريدياتير وعمل حاجة كانت ممتازة انه فك الفبرة خالص وركب بدلها نحاس ومن ساعتها الحمد لله العربية مشتكتش من السخونة وبالتأكيد هيكون عنده حل لمشكلتك وعلى فكرة هو مش بتاع ستروين بس لاني دخلت المخزن وشوفت عنده ردياتيرات من اول البورش لحد التمنايه وعشرين
وائل الغزاوي

[waelelgazawey]

نصيحة للاستاذ اللي عربيته استروين وعن تجربة انا معايا واحدة موديل 96 وكنت عملت حادثة الحمد لله بسيطة اتسببت في كسر الجزء الايسر من الفبرة الموجودة في الريدياتير ودي كان حلها بسيط بس عند واحد معين موجود في اول السبتيه بالقاهرة اسمه الهندسية تقريبا هو محل صغير بس عنده مخزن وورشة كبيرة اوي في شارع جانبي عموما الراجل دة خبرته كبيرة اوي مشاء الله في الريدياتير وعمل حاجة كانت ممتازة انه فك الفبرة خالص وركب بدلها نحاس ومن ساعتها الحمد لله العربية مشتكتش من السخونة وبالتأكيد هيكون عنده حل لمشكلتك وعلى فكرة هو مش بتاع ستروين بس لاني دخلت المخزن وشوفت عنده ردياتيرات من اول البورش لحد التمنايه وعشرين
وائل الغزاوي

الى الاستاذ الفاضل
في مسمار تاني لازم تفكه وانت بتزود الميه وافضل حاجة انك تزود الميه والعربية دايرة مش وهى مبطله المسمار التاني دة موجود في اخر الشمال في الاخر كدة هتلاقيه طالع لوحدة فك المسمارين وزود ميه لحد ماتجيب ميه من الفتحتين وبعد كدة اقفل واحد وزود تاني وبعد اقفل التاني واقفل الردياتير كدة هتحافظ على العربية جدا
غير ان الموضوع ممكن يكون رخم شوية بس ممتاز انا بجربة ومفيش مرة عملت اي حركة مش تمام

[samy77]

الأخ الفاضل وليد / وائل
الف شكر ع الإفادة . أنا فعلا بفتح مسمار الفايظ لخروج الهواء من الردياتير اللى جنب مقاس الزيت بس معرفش المسمارالتانى اللى تقصدوه فين بالظبط :شمال فى اللأخر جنب ايه مثلا؟
فعلا تنقيط الزيت خفيف اوى . ان شاء الله هغير لها زيت بس هل احط 3 كجم فقط زى ماتكرمت لأنى ماعرفش هى اصلا المفروض تاخد اد ايه؟ وهل يفضل تغيير فلتر الزيت أيضا؟
وايه الأولسيهات اللى يجب تغييرها؟

أحب اضيف حاجة هنا لللإفادة : العربية كانت لما بتسخن فى الزحام ويمكن تكون كانت بتشرق أيضا احيانا كانت تبطل و ماتدورش وافضل مستنى حوالى ساعتين على ماتبرد وتدور . رحت ل م/ إيهاب اللى فى صقر قريش عشان شوية حاجات وساعتها غير فلتر بنزين و وطى العربية شوية والحمد لله من ساعتها ما حصلش كده تانى

وجزاكم الله خيرا

[zohair28]

كتاب المانوال الاصلى للستروين ax

انا جبت يا جماعة كتاب المنوال الخاص بالستروين ax و هوة كتاب جميل فية الصيانات و كيفية عملها ووقت عملها و سعة الخزانات و كل حاجة عن العربية الكتاب الانجلش بس ممتاز و انشاء الله هرفعوا على رابط قريب و هديكوا الرابط علشان الكل يستفيد ان شاء الله

[mostafano1]

[marq="3;right;3;scroll"]منتظرين الكتاب[/marq]

[zohair28]

كتاب الستروين ax

السلام عليكم :
مساهمة منى فى هذا الموقع الرائع و مساعدة لاصحاب السيارات سأقوم هنا برفع المانول للسيارات الستروين و سأبدأ بالسيارة الستروين AX لذلك أرجو تثبيت الموضوع و عند طلب اى مانواال للسيارات الستروين سأقوم برفعه على رابط .
اللينك الخاص بالمانوال للسيارة ستروين AX:

http://www.4shared.com/......../Ep4quFmX/Citroen_AX.html

[islam24101973]

السلام عليكم رحمه الله وبركاته
عندي مشكله صغيره في كيفيه ضبط الكاربراتير الخاص بالسياره ax1400
صوت السياره بترتل وي السلانسيه حيث انني قمت بفك وش الكربراتيروتنظيف البكيات وبعدها السياره غابت مده لحد ما دارت
وبعدها حصل الصوت ده وعايز اعرف توزيعه الخراطيم الخاصه بالهواء
وجزاكم الله كل الخير

الأربعاء 6 جمادى الثانية 1431