تقرير عن ستروين ax&zx

[rotanamasoud]

كثر الكلام عن الستروين AXواختها الكبرىZX
وبما انى ركبت العربيتين فتره جيده واتعاملت معاهم وعرفت كتير من اسرارهم ححاول افيد الناس بكل المعلومات اللى اقدر اوصلها باذن الله

مميزات الAX
1-الامكانيات والكماليات مقابل السعر حتكون الافضل بلا منافس(نشكر ثقافه الشعب المصرى)
2-الكماليات سنترزجاج كهربا تكييف
3-محرك قوى على شاسيه صغير 1360-75حصان=سحب وتجميع
4-النعومه الفرنسيه والجوده العاليه فى المكونات
5- ثابته جدا رغم تسارعها وده لاقتراب مركز ثقلها من الارض(تحس ان قاعدتها واطيه)
6-نظام الفرامل ممتاز جدا وقوى ومناسب للتسارع بتاعها
عيوب الAX
1- صغر حجم العربيه خصوصا من الخلف(اوسع قليلا من ال127 ولاكنها مريحه جدا كتصميم وقعده)
2-نظام التعليق على شاسيه وليس على قنطره(عند اكل مطب بسرعه جامده وتدمير نظام التعليق الامامى فى نظام القنطره هى اللى شايله كل النظام بتتغير وتصبح زيرو اما الشاسيه فبيتسمكر
3-الشنطه فيبر(بعض الناس بتعتبره عيب)
4-الحوض ضيق بيصعب عمليات الصيانه
5-يوجد محركين زهر والومنيوم انا بفضل الزهر لقوته وسهوله صيانته
6-قطع الغيار موجوده استيراد ومفيش جديد تقريبا
7-العيب المصرى الشائع الحق رجعها ايه البلوه اللى انت جبتها دى
8-تقل البيع والشراء(لم اعانى اطلاقا من العيب ده وبعد عمل الاعلان اول اتصال بعد نص ساعه وسجلت 15 رقم كلمنى وبعت بعد3 ايام)
9-الجنط 3 مسمار هو قوى لاكن غير شائع
مميزات ال ZX
1--الامكانيات والكماليات مقابل السعر حتكون الافضل بلا منافس(نشكر ثقافه الشعب المصرى)
2-طبعا الكماليات سنتر زجاج كهربا تكييف
3-النعومه الفرنسيه والجوده العاليه فى المكونات
4-الثبات اعلى من الAX (طبعا كل حجم العربيه ما يكبر بيزيد الثبات خاصه مع التصميمات الجيده)
5-نظام الفرامل ممتاز جدا وقوى ومناسب للتسارع بتاعها
6- تم تلافى عيوب الAX من ضيق الحجم(الوسع هنا مستريح جدا جدا ورا وادام)وحوض المكنه الوسع فيه خرافى لانها بتنزل بمجموعه كبيره من المكن بره ونظام التبريد مستريح جدا جدا الرداتير بعرض العربيه وده عند ظبط نظام التبريد بتنسى السخونه وطبعا التبريد الجيد يبرد سربنتينه التكييف افضل فتحصل على تبريد افضل من الصغيره والحوض الواسع بيسهل الصيانه
7-قطع الغيار متوفره جديد واستعمال
8-امكانيه تركيب بور وفرامل سكينه خلفى(قطع غيار الاكسارا وال405 بتركب عليها غير قطعها الاصليه)
عيوب الZX
1-المحرك اضعف مقارنه انى كنت راكب الصغيره(سهل تلافى العيب لان كميه المحركات اللى تركب فى الحوض كتير والعربيه بره بتنزل بمحركات حتى 2400 وال1360 بتاعها بيجيب 150 لو سليم
2-يوجد محركين زهر والومنيوم انا بفضل الزهر لقوته وسهوله صيانته
3-العيب المصرى الشائع الحق رجعها ايه البلوه اللى انت جبتها دى
4- الشنطه فيبر(بعض الناس بتعتبره عيب)
5-العربيه بتنزل بعدادات مفيهاش مؤشر حراره وار بى ام(موجوده استيراد من200-ل300)
لو اى حاجه نسيتها يتبع واى استفسار فى الموضوع متابع

[matrix_it]

الف شكر على التقرير هيفيد ناس كتير

[Mo7amedSa3ed]

الاسعار لو سمحت والحالة

[rotanamasoud]

الاسعار متفاوته وبترجع لحاله العربيه
رينج الاسعار للصغيره السليم مش اقل من 15 وفى شغل وبيوصل ل25 الدارج 15-17
رينج الاسعار للكبيره السليم مش اقل من 25 وفى شغل وبيوصل ل35الدارج 25-27
طبعا فى اسعار اقل لظروف(نادر)او لسوء الحاله

[Mo7amedSa3ed]

الاسعار متفاوته وبترجع لحاله العربيه
رينج الاسعار للصغيره السليم مش اقل من 15 وفى شغل وبيوصل ل25 الدارج 15-17
رينج الاسعار للكبيره السليم مش اقل من 25 وفى شغل وبيوصل ل35الدارج 25-27
طبعا فى اسعار اقل لظروف(نادر)او لسوء الحاله

شكرا جدا

[ramsisthethird]

التقرير هايل انا كل يوم اقراه واشوف لو فيه اى تعليقات جديده واقترح ان الموضوع ده يكون زى رابطه لملاك الستروين AX والستروين ZX لان فيه ناس كتير دلوقت ابتدت تاخد بالها من العربيه دى وبتبقى عايزه معلومات عنها من ملاكها. انا من سنتين كنت هشتريها بس فيه ناس كتير قالتلى لا ابعد عنها مش هتعرف تبيع وناس تانيه قالت مالهاش قطع غيار وهتبهدلك وطبعا سمعت الكلام واشتريت فيات. بعد مابعت عربيتى ابتديت افكر تانى فى الستروين وقعدت ادور على معلومات عنها وطبعا الموقع هنا ساعدنى كتير انى اقتنع فعلا بيها واحب الستروين الكبيره رغم انى كنت بفكر فى الصغيره وطبعا الاستاذ روتانا بما انه جرب العربيتين فعلا فهو يعتبر بالنسبه لينا مرجع هام جدا. عايزين الصفحه دى كل واحد بيسال عن الستروين يدخل هنا ويلاقى كل المعلومات اللى عايزاه. (بس مش عايزينها تشتهر قوى لحد مااشترى الاول احسن اسعارها تغلى)

دلوقت بقى عايز اسال الاستاذ روتانا سؤال انا ركبت عربيه واحد صاحبى ستروين صغيره وهى فعلا ناعمه فى السواقه بس مش زى الهيونداى مثلا ياترى الستروين الكبيره انعم فى السواقه من الصغيره وهل يمكن مقارنه نعومه الستروين بالهيونداى واللانوس مثلا وباى درجه

[rotanamasoud]

دلوقت بقى عايز اسال الاستاذ روتانا سؤال انا ركبت عربيه واحد صاحبى ستروين صغيره وهى فعلا ناعمه فى السواقه بس مش زى الهيونداى مثلا ياترى الستروين الكبيره انعم فى السواقه من الصغيره وهل يمكن مقارنه نعومه الستروين بالهيونداى واللانوس مثلا وباى درجه

الاول بشكرك
ثانيا اى حد عايز اى معلومات انا مش بتاخر
قصه النعومه مرتبطه بحاله الفبريكا
كل ما كانت حاله الفبريكا اقرب ما يكون تاخد النعومه الاصليه بتاعت العربيه
ال axبتاعتى القديمه كانت فبريكا بنسبه 90 الميه وده فرق فى حجات كتير
1- العزل كان صح لما بقفل الازاز متسمعش
2-المحرك الفبريكا الزهر(كل اللى شفتهم لاصحابى كانو محرك الومنيوم)الزهر اقوى واهدى
3-الفتيس الاصلى(زى ما قولتلك كله مرتبط بالفبريكا)ومعدل التسارع هنا ان الفتيس الاصلى سريع جدا لانه محسوب لعربيه جسم صغير ومكنه كبيره فبيدى نعومه خرافيه
ولما سوقتax تانيه عرفت الفرق
يعنى الموضوع بيختلف من عربيه للتانيه ومن حاله لحاله
الكبيره حتفرق فى ايه الحجم بيخلى العفشه اريح بكتير ومتحسش بصوت العفشه زى الصغيره لازم تظبط العفشه على الشعره وايضا المطبات فى الكبيره(جنوط14)مبتحسش بيها الصغيره بتحس بالمطب ولو محمل بتحس بالمطب الضعف والنعومه افضل قليلا فى الكبيره وافضل كتير جدا فى الكبيره(نعومه العفشه)
ايضا النعومه على السرعات العاليه افضل للكبيره واخيرا انت بتقارن بين اتنين فرنساوى يعنى الفروق مش جباره
الكبيره بتتقارن بالانوس لاكن هى اوسع من ورا من الانوس والانوس اوسع فى الشنطه

[S O P H O S]

تسلــم
تقريـر رائــع ..

[Hasan_EGT]

تقرير رائع بجد . مع اني مش شايف ان عيوبها تذكر انا باتكلم عن ax بس مش عارف ليه مش مستريحلها يمكن عشان موضوع الانتشار

[ramsisthethird]

طيب ياجماعه انا عرفت ان الستروين فيه منها فرنساوى ومنها مصرى اعرف ازاى الفرق بين الاتنين سزاء بالنسه للصغيره والكبيره

[rotanamasoud]

طيب ياجماعه انا عرفت ان الستروين فيه منها فرنساوى ومنها مصرى اعرف ازاى الفرق بين الاتنين سزاء بالنسه للصغيره والكبيره

انظر الرخصه بيبقى مكتوب اوربى او عربي تقريبا

[mkah21]

تقرير 100 100

[ramsisthethird]

ياجماعه انا لقيت عربيه ستروين الصغيره مع واحد صاحبى عايز يبيعها ورغم انى مقتنع اكتر بالكبيره بس عشان مش لاقى ودى مع واحد معرفه يعنى فقلت كويس يبقى الواحد مطمن . المشكله بقى صاحبى اشترى العربيه دى من 3 سنين ويوم مااشتراها كانت عربيه ممتازه بس هو اتعلم على العربيه واولاده اتعلموا عليها وطبعا كان عمل بعض الحوادث البسيطه وده اللى قالقنى شويه. المهم كنت معاه امبارح وشفت العربيه جنب البيت ولقيتها يعنى شكلها لسه ماسك نفسه وكويس . انتو ايه رايكم اخدها اوديها لسمكرى وميكانيكى يكشفوا عليها وهخليهم برضو يتمنوا العربيه . والا اصرف نظر عنها خالص وياترى تفتكروا تساوى كام تقريبى مع العلم ان التكييف بتاعها باظ فى احدى الحوادث البسيطه تقريبا السبرنتينه باظت.

[ramsisthethird]

اه سورى ياجماعه نسيت بس اسال سؤال مهم بيقال ان الستروين الصغيره بتسخن جامد وان ده عامل مشكله كبيره لملاك الصغيره وبتبقى مشكله مقرفه جدا وحلها صعب ياترى برضه الكلام ده صح والا فيه حل

[rotanamasoud]

سخونه الax لها حل وانا عانيت كتير من مشكله السخونه اول ما جبتها لحد ما حلتها وعند حلها لا تسخن العربيه حتى مع التكييف فى الضهر
لازم طبعا تكون المروحه الكبيره مش الصغيره(الفبريكا بتاعتها)
لازم تلغى الترموستات الميكانيكى(غلط بس ده بيظبط وغير مستحب الغائه فى الكبيره)وتلغى ماسوره الرجع بتاعته منه للمحرك
بعد كده تغسل الرداتير كويس وتعمل تست(طبعا تاخد الهوا)لو الحراره ظبطت خلاص لسه يبقى تفك الرداتير وتسلكه ماسوره ماسوره او تجيب واحد جديد
انا شخصيا كان راكب عندى رداتير نحاس معمول مش فبريكا واتحلت كل المشاكل بعد تسليكه ماسوره ماسوره وبع استقرار الحراره والتاكد من عدم التسريب جركن ميه خضرا وانسى لان الحراره كانت الاول 90 و100 الى 110 بالتكييف وبعد كده 70 و80 بالتكييف ومشوفتش ال90 لحد لما بعتها