تقرير عن ستروين ax&zx

[ramsisthethird]

باركولى ياجماعه اخيرا اشتريت عربيه ايه اكس بعد مفاوضات وبعد تردد منى حيث ان كتير من اصحابى وبعض الصنايعيه قالوا لا اوعى والكلام اللى انتو عارفينه. انا قلت لازم اخرج من الفيات واجرب حاجه تانيه واشتريت والحمد لله.
ادونى بقى النصايح الاوليه

[rotanamasoud]

الف مبروك
اعمل الصيانات الدوريه الكامله
تغيير كل السيور والفلاتروالزيوت واهمهم سير التقسيمه
مراجعه للاربع عجلات الكاوتش البلى العفشه نظام الفرامل والتيل وزيت الباكم
غسيل دوره التبريد وتنظيفها جيدا وبعد مشوارين والتاكد انها مبتسربش وضع ميه خضراء
انت كده امنت فراملك عفشتك فلاترك زيوتك تبريدك اساسيات مشيك على الطريق

[mkah21]

الف مبروك
اعمل الصيانات الدوريه الكامله
تغيير كل السيور والفلاتروالزيوت واهمهم سير التقسيمه
مراجعه للاربع عجلات الكاوتش البلى العفشه نظام الفرامل والتيل وزيت الباكم
غسيل دوره التبريد وتنظيفها جيدا وبعد مشوارين والتاكد انها مبتسربش وضع ميه خضراء
انت كده امنت فراملك عفشتك فلاترك زيوتك تبريدك اساسيات مشيك على الطريق

معلومان رائعه جدااااااااا

[ramsisthethird]

الف مبروك
اعمل الصيانات الدوريه الكامله
تغيير كل السيور والفلاتروالزيوت واهمهم سير التقسيمه
مراجعه للاربع عجلات الكاوتش البلى العفشه نظام الفرامل والتيل وزيت الباكم
غسيل دوره التبريد وتنظيفها جيدا وبعد مشوارين والتاكد انها مبتسربش وضع ميه خضراء
انت كده امنت فراملك عفشتك فلاترك زيوتك تبريدك اساسيات مشيك على الطريق

متشكر جدا على النصائح الرائعه . بالنسبه لسير الكاتينه والزيت والفلتر هو لسه مغيره قبل مااشترى العربيه بيومين. اما سير التقسيمه ده اول مره اسمع عنه ياريت تقولى ايه هو واقول ايه للميكانيكى.
بالنسبه للعجل والكاوتش صاحب العربيه كان مغير خمس فرد كاوتش جديد وملاه نتروجين . الفرامل تمام التبريد كويس بس انا برضه هنظف دوره التبريد واحط ميه خضراء.
بالنسبه للعفشه الكبالن بتخبط فى الملفات ياريت لو عندك فكره تقولى تمنها كام. وبرضه علبه الدركسيون فيها رجه ياريت برضه تقولى تعمل كام.
برضه فيه اكره بايظه بتاع باب السواق عايزه تتغير وايضا السنتر فيه باب والشنطه بيعلق مش بيقفل من اول مره مش عارف بقى اغير القربه بتاعتهم والا اركب سنتر جديد بس انا مستخسر السنتر الاصلى
عايز نصيحه بقى فى تركيب انذار اركبه والا بلاش عشان الكهربائى مايلعبش فى الضفيره ومش لازم انذار. والا اركبه
وشكرا مقدما

[rotanamasoud]

تقريبا تسميتك لسير الكاتينه هى اللى اقصده بسير التقسيمه
الكبالن معرفش سعرها حاليا بس لو قولنا بالتقريب زى الكبيره حيبقو فى حدود600
السكاتره(اللى بتقصد بيها علبه الدركسيون) كانت بتخبط عندى ودى من اغلى الاشياء فى الصغيره وتعمل فى حدود 500 ومستعمله مشوفتش منها جديد بصراحه
شوف بتاع ابواب يظبطلك الابواب والسنتر الاصلى ميتعوضش بيركب جزء من الطبله هات البايظ استعمال

[ramsisthethird]

العربيه دلوقت بقالها معايا اسبوعين والحمد لله ماشيه تمام. لسه مغيرتش الكبالن والسكاترا لانى قلت امشى بيها على كده لحد مااشوف كل اللى فيها

العربيه لما بمشى مشوار طويل الاقى عداد الحراره رفع الى 110 يعنى عدا د الحراره بيعدى النص بشرطتين . وبيرجع شويه تانى بس انا خايف تكون كده بتسخن والمروحه بتفضل شغاله على طول وبعد مااطفى العربيه تفضل المروحه شغاله حوالى 10 دقائق. هل ده طبيعى والا مش طبيعى وايه الحل؟ اعمل ايه.

[rotanamasoud]

السخونه واجهتنى اول ماجبت العربيه وبهدلتنى جدا عشان احدد مصدرها واخليها فى سخونه الفيات بس جاوبنى على الاسئله دى عشان احدد واقولك تعمل ايه
الرداتير عندك الاصلى الالومنيوم ولا نحاس
المروحه الاصليه حجمها كبير جدا وضغط هواها جامد هى دى اللى عندك بتسحب 15 امبير لوحدها من البطاريه
انت فاهم كويس نظام اخد الهوا ولا اقولهولك
سربنتينه التكييف موجوده قدام الرداتير ولا شايلها
عملت غسيل للدوره ولا لا عندك تسريب ولا لا الغطا محكم بتاع الرداتير حاطط ميه خضرا

[ramsisthethird]

السخونه واجهتنى اول ماجبت العربيه وبهدلتنى جدا عشان احدد مصدرها واخليها فى سخونه الفيات بس جاوبنى على الاسئله دى عشان احدد واقولك تعمل ايه
الرداتير عندك الاصلى الالومنيوم ولا نحاس
المروحه الاصليه حجمها كبير جدا وضغط هواها جامد هى دى اللى عندك بتسحب 15 امبير لوحدها من البطاريه
انت فاهم كويس نظام اخد الهوا ولا اقولهولك
سربنتينه التكييف موجوده قدام الرداتير ولا شايلها
عملت غسيل للدوره ولا لا عندك تسريب ولا لا الغطا محكم بتاع الرداتير حاطط ميه خضرا

الراداتير اللى راكب نحاس مش الاصلى
المروحه اللى راكبه عاديه يعنى مش كبيره اوى
لا مش فاهم ايه هو نظام اخد الهوا
سربنتينه التكييف مش موجوده اصلا فى العربيه بس ناوى اركب واحده على الصيف الجاى
لا لسه مش عملت غسيل للدوره ومش حاطط ميه خضرا
اعتقد افيش تسريب لانى لما حبيت ازود ميه لقيت الراداتير مليان زى ماهو مش بينقص منه ميه

[rotanamasoud]

الرداتير النحاس وده ميزته انه بيتفك ويتنضف ماسوره هاسوره بس عايز صنايعى كويس وتشوفه وهو بيسلك ماسوره ماسوره(ده كان اساس المشكله عندى)
المروحه تعرفها من قطر الموتور الصغيره قطر الموتور زى موتور المساحات 5 سنتى والكبيره حاجه 10 الى 12 سنتى ولازم الكبيره عشان التكييف وعشان سرعه التبريد ومتغيبش شغاله
سربنتينه التكييف لما بتكون قديمه بتبقى معظمها مسدوده من التراب والطينه الخ فتركب واحده تتاكد انها مبتعقش الهوى لانها بتفرق
اجل غسل دوره التبريد بعد تسليك الرداتير
نظام اخد الهوا
العربيات دى بتشتغل بدوره مغلقه 1.4 ضغط جوى وده معناه ان الميه بتوصل ل120 بدون ما تغلى
عشان تحكم دوره التبريد بتتاكد ان الغطا محكم عشان يحافظ على الضغط ومينفعش تزود ميه بعد لما العربيه تسخن لان الضغط حيتسرب وتاخد هوا
معنى الهوى ان مسارات التبريد فيها هوى بيقلل كفائه التبريد
عندك مكانين تاخد منهم الهوى مكان خلفى عند مواسير السخن بتاع التكييف وده غير ضرورى الا لو انت موصل مواسير السخن يبقى لازم تاخد منه الهوى(كان ملغى عندى) ومكن قدام جنب ترموستات الكوعه ومكنه الحراره بيبقى الن كيه 10 بتدور العربيه (طبعا بارده)وتفتح الغطا وتزود ميه وتفتح مسمار الان كيه وتفضل تزود حتى يطلع ميه من المسمار تقفله وتقفل الغطا والدوره كده مظبوطه
فى سبب ثانوى تانى كان مسخن عربيتى كان خرطوم الباكم بتاع عجله عامل زى صمام عدم رجوع يدخل الباكم وميرجعوش فكان كاتم العربيه لحد لما فهمت وعملته
انا معايه دكتوراه فى الax فى تبريدها ووصلت بيها انها تبقى درجه حرارتها 60-70 فى الشتا و70-80 فى الصيف حتى مع التكييف وعمرها ما وصلت كسرت ال90 لحد لما بعتها (يعنى خلتها زى الفيات فى السخونهfبعد لما كنت الحراره 120 عادى فيها)وعمرك ما حتستمتع بالعربيه الا لما موضوع السخونه يكون امره انتهى تماما (ومستحيل تاخد من العربيه دى تكييف الا لما تنى قصه السخونه نهائئ
وانا معاك بس متبخلش عليها ونفذ الخطوات دى مره واحده ورا بعض

[ramsisthethird]

الرداتير النحاس وده ميزته انه بيتفك ويتنضف ماسوره هاسوره بس عايز صنايعى كويس وتشوفه وهو بيسلك ماسوره ماسوره(ده كان اساس المشكله عندى)
المروحه تعرفها من قطر الموتور الصغيره قطر الموتور زى موتور المساحات 5 سنتى والكبيره حاجه 10 الى 12 سنتى ولازم الكبيره عشان التكييف وعشان سرعه التبريد ومتغيبش شغاله
سربنتينه التكييف لما بتكون قديمه بتبقى معظمها مسدوده من التراب والطينه الخ فتركب واحده تتاكد انها مبتعقش الهوى لانها بتفرق
اجل غسل دوره التبريد بعد تسليك الرداتير
نظام اخد الهوا
العربيات دى بتشتغل بدوره مغلقه 1.4 ضغط جوى وده معناه ان الميه بتوصل ل120 بدون ما تغلى
عشان تحكم دوره التبريد بتتاكد ان الغطا محكم عشان يحافظ على الضغط ومينفعش تزود ميه بعد لما العربيه تسخن لان الضغط حيتسرب وتاخد هوا
معنى الهوى ان مسارات التبريد فيها هوى بيقلل كفائه التبريد
عندك مكانين تاخد منهم الهوى مكان خلفى عند مواسير السخن بتاع التكييف وده غير ضرورى الا لو انت موصل مواسير السخن يبقى لازم تاخد منه الهوى(كان ملغى عندى) ومكن قدام جنب ترموستات الكوعه ومكنه الحراره بيبقى الن كيه 10 بتدور العربيه (طبعا بارده)وتفتح الغطا وتزود ميه وتفتح مسمار الان كيه وتفضل تزود حتى يطلع ميه من المسمار تقفله وتقفل الغطا والدوره كده مظبوطه
فى سبب ثانوى تانى كان مسخن عربيتى كان خرطوم الباكم بتاع عجله عامل زى صمام عدم رجوع يدخل الباكم وميرجعوش فكان كاتم العربيه لحد لما فهمت وعملته
انا معايه دكتوراه فى الax فى تبريدها ووصلت بيها انها تبقى درجه حرارتها 60-70 فى الشتا و70-80 فى الصيف حتى مع التكييف وعمرها ما وصلت كسرت ال90 لحد لما بعتها (يعنى خلتها زى الفيات فى السخونهfبعد لما كنت الحراره 120 عادى فيها)وعمرك ما حتستمتع بالعربيه الا لما موضوع السخونه يكون امره انتهى تماما (ومستحيل تاخد من العربيه دى تكييف الا لما تنى قصه السخونه نهائئ
وانا معاك بس متبخلش عليها ونفذ الخطوات دى مره واحده ورا بعض

متشكر جدا على النصايح الغاليه دى وهنفذها خطوه بخطوه بعد العيد على طول . وحسب مافهمت هتبقى بالترتيب كده:

1. اروح لبتاع راداتير يسلك الراداتير تمام ماسوره ماسوره ويحط مياه خضرا وطبعا ياخد هوا
2. لو المروحه صغيره اشترى مروحه كبيره واخلى بتاع الراداتير يركبها مكان الصغيره

كده ابقى خلصت موضوع الراداتير والسخونه . نيجى بقى للتكييف هو دلوقت السربنتينه مش موجوده انا هشترى واحده جديده واركبها. وعلى فكره اللى اشتريت العربيه منه كان شايل السربنتينه من 3 سنين وقالى انه لما كان بيشغل التكييف كانت العربيه تطفى بس الكباس شغال تمام وباقى المواسير والوصلات موجوده وحالتها حلوه يعنى ناقصه على السربنتينه وموضوع انها بتطفى لما يشغل التكييف.

[rotanamasoud]

متشكر جدا على النصايح الغاليه دى وهنفذها خطوه بخطوه بعد العيد على طول . وحسب مافهمت هتبقى بالترتيب كده:

1. اروح لبتاع راداتير يسلك الراداتير تمام ماسوره ماسوره ويحط مياه خضرا وطبعا ياخد هوا
2. لو المروحه صغيره اشترى مروحه كبيره واخلى بتاع الراداتير يركبها مكان الصغيره

كده ابقى خلصت موضوع الراداتير والسخونه . نيجى بقى للتكييف هو دلوقت السربنتينه مش موجوده انا هشترى واحده جديده واركبها. وعلى فكره اللى اشتريت العربيه منه كان شايل السربنتينه من 3 سنين وقالى انه لما كان بيشغل التكييف كانت العربيه تطفى بس الكباس شغال تمام وباقى المواسير والوصلات موجوده وحالتها حلوه يعنى ناقصه على السربنتينه وموضوع انها بتطفى لما يشغل التكييف.

تمام يا باشا بانتظار النتائج

المكنه 1400 من كلام الميكانيكى فقط
انما انا مابصتش على اى حاجه من اللى انت بتقول عليها دى :(
عموما هابص على الكود بتاعها الصبح ان شاء الله
وانا ما اتفقتش على حاجه غير ان المكنه لو فيها مشكله بتاعته بس ماحددناش وقت معين
وان شاء الله اجرب الجرى والحرق زى ما انت بتقول عشان اطمن (عموما امبارح والنهارده اداء المكنه اتحسن عن الاول فى السحب والتجميع خصوصا فى الغيار الاول والتانى)
وموضوع التاكيهات ده الميكانيكى قاللى عليه فعلا وبالنسبه للتبريد انا كنت مستنى اتأكد ان مفيش تسريب عشان احط ميه خضرا والحمد لله مفيش تسريب
بس عايز اسألك على حاجتين معلش هاتعبك معايا
الاول: انا عايز اغير الميه لوحدى من غير ما اروح لبتاع رادياتير بس مش عارف افضى الميه اللى موجوده منين ... انا فكرت فى خرطوم الميه اللى داخل على الموتور بس بيتهيألى مش هاقدر انزل الميه كلها منه وفى نفس الوقت مش عارف اوصل لنهاية الرادياتير عشان اشوف فى طبه والا لأ لأن الحوض ضيق ومش شايف ولا عارف ادخل ايدى كويس
التانى: كنت سألتك قبل كده عن طريقة تنظيف عوامه البنزين فى رساله وماردتش عليا
انا فكتها فعلا قبل كده بس معرفتش اعمل فيها ايه فركبتها تانى زى ماهى بتاع العدادات قاللى لازم الشريحه تتنضف بس انا مش عارف الشريحه دى انهى جزء فى العوامه ولا عارف تنضف ازاى
معلش يا باشا اسألتى الكتير دى على قد عشمى فيك :)

الzx فيها طبه تحت لاكن الax كان رداتيرها نحاس من غير طبه بس معرفش الفبريكه بتاعها بطبه ولا لا
تغيير الميه حتفك الخرطوم اللى داخل على المكنه اللى فوق(اللى تحت صعب انا فكيته وخلعت الرداتير كله تحت الحنفيه ونضفته انا بجمد البى وبدوس وبقول لو بوظت حاجه بايدى افضل ما صنايعى يبوظهالى)وتحط خرطوم ميه فى الرداتير وتشغل الميه وتدور 10 دقايق لما تنضف الميه تشيل خرطوم الحنفيه وتستنى لما المكنه تفضى ميتها وتبطلها (كل ده والمكنه بارده تماما) وتقفل وتحط الميه الخضرا وتاخد الهوى(يعيب الطريقه انه بيتبقى جزء من الميه القديمه)
العوامه فيها شريط سلك انا نضفطه باسبراى ودراع بيلمس الشريط ده كانت سوستته ضعفت طلعته وضغطه فبقى ملمس السلك جيد جدا وقفلت واشتغلت بتحسن افضل 50%

[AAAH]

تمام يا باشا بانتظار النتائج

الzx فيها طبه تحت لاكن الax كان رداتيرها نحاس من غير طبه بس معرفش الفبريكه بتاعها بطبه ولا لا
تغيير الميه حتفك الخرطوم اللى داخل على المكنه اللى فوق(اللى تحت صعب انا فكيته وخلعت الرداتير كله تحت الحنفيه ونضفته انا بجمد البى وبدوس وبقول لو بوظت حاجه بايدى افضل ما صنايعى يبوظهالى)وتحط خرطوم ميه فى الرداتير وتشغل الميه وتدور 10 دقايق لما تنضف الميه تشيل خرطوم الحنفيه وتستنى لما المكنه تفضى ميتها وتبطلها (كل ده والمكنه بارده تماما) وتقفل وتحط الميه الخضرا وتاخد الهوى(يعيب الطريقه انه بيتبقى جزء من الميه القديمه)
العوامه فيها شريط سلك انا نضفطه باسبراى ودراع بيلمس الشريط ده كانت سوستته ضعفت طلعته وضغطه فبقى ملمس السلك جيد جدا وقفلت واشتغلت بتحسن افضل 50%

تسلم يا باشا على المعلومات القيمه دى
موضوع الرادياتير ده ان شاء الله هاعمله بعد العيد
وموضوع العوامه اعتقد ان العوامة شكلها كان مختلف عن اللى انت بتوصفه ده بس ممكن اكون انا نسيت شكلها عموما افكها تانى ان شاء الله واجرب مش هاخسر حاجه
وجزاكم الله خيرا وكل عام وانت بالف خير

[samy_xl]

تقرير رائع

متابع لأني معنديش خبرة لسه :)

[hesham1984]

السلام عليكم ورحمة الله وبركاته
انا عضو جديد فى المنتدى واتمنى الافاده بخصوص ستروين ax
الموضوع بختصار انا اول عربيه اشتريتها كانت سيات ابيزا موديل 93 سيستم بورش وكان سعرها 22 الف وكنت فرحان بشكلها وبعد ما جبتها اتصدمت فى كل حاجه قطع غيار نار والناس كلها قالتلى دى عربيه فاشله واخلص منها لانى عانيت منها كتير ومن مشاكلها وكان يومى نصه عند الميكانيكيه
قررت ابيعها ولما جيت ابيع مع اول سمكرى بص عليها طلعت العربيه اساسيتها مش سليمه وبعتها ب 15 الف بعد 3 شهور لان كمان الموتور كان بيرزع
الحمد لله على كل شىء ومحدش بيتعلم ببلاش
دلوقتى انا عاوز اجيب ستروين ax وقدامى حاجات حالتها كويسه وهاخد معايا حد خبره فيها
بس الصراحه حيران بينها وبين مازدا 323 موديل 82
انا كل الى عاوزه عربيه تودينى من اكتوبر للمعادى كل يوم ومتكنش مشاكلها كتير
لانى والله اتعقدت بسبب اول تجربه مع الابيزا
فى ناس بتقولى الستروين كويسه جدا وفى ناس بتقولى قطع غيار غاليه وحوض ديق ومحدش من الميكانيكيه بيحب يشتغل فيها وخصوصا هنا فى اكتوبر الميكانيكيه على قدهم جدا جدا جدا
انا مش عاوز خساره تانى لان ظروفى الماديه مش قد كده ومقدرش اجيب عربيات واصرف عليها وفى الاخر ابيعها بخساره كبيره زى الى حصل اول مره وفى نفس الوقت مش عاوز اركب 28 والكلام ده عاوز عربيه معقوله وكل الى معايا 20 الف جنيه والمبلغ دا اما ستروين ax او مازدا 323 ومحتار بين الاتنين
واسف على الاطاله

[rotanamasoud]

الحاله الممتازه ققاعده هى رقم واحد لاى عربيه
ax سليمه دواخل ومش متهانه حتكون افضل من المازدا والعكس
انا عربيتى القديمه الax شديتها وصرفت مبخلتش عليها ادتنى خير حتى بعتها سنتين زيت وبنزين ودى ميزه الفرنساوى انه معمر جدا(ال127 اتشدت وبتطلب مصروف عالى بعد الشد لان قطع الغيار تعبانه والمحرك صغير والعفشه غير عمليه) بس اساسى اى عربيه حتجيبها حيبقى فيها مشاكل فى الاول بالصبر توصلها لافضل حاله ولما توصل للحاله الممتازه حتريحك جدا اما المازدا مركبتهاش ومقدرش افتى
عموما اقرء التقرير ده كويس وادرس الموضوع من جميع الزوايا وانا معاك فى اى استفسار