Tweet
تمام انا الحمد لله جبت عربيه ax موديل 94 حاله عامه جيده موتور كويس اساسيات سليمه انا جربتها فى مشوار
-
-
تمام انا الحمد لله جبت عربيه ax موديل 94 حاله عامه جيده موتور كويس اساسيات سليمه انا جربتها فى مشوار حوالى 40 كيلو وكانت كويسه معايا وثابته بنسبه كويسه بس الملحوظه الوحيده لحد دلوقتى انا العربيه لما ببقى ماشى هادى بسمع صوت كده تحت رجلى صوت حاجه بتخبط او بتترج مش عارف بقا دى جلب ومقصات ولا قاعده الموتر الى تحت البطاريهComment
-
عندى استفسار ارجوا المساعده مش لاقى زجاج ستروين ax شمال الى عند السواق وفى مشكله تانيه لما بركن العربيه لازم القى تنقيط زيت على الارض ممكن حد يساعدنى فى حل المشاكل دىComment
-
التخبيط يبقى تراجع على العفشه احتمال الاسكاتره مبوشه
اقرب مكان ليك القاهره مليانه ناس بيشتغلو قطع غيار حتلاقى عندهم الازاز http://www.nilemotors.net/Nile/365606-ax.html
تنقيط الزيت بتغسل المكنه كويس وبعد كده تبص وتحدد المكان اللى بينقط الزيت فين
لو المكنه سليمه
ممكن تنقط من اويل سيل الكرنك
ممكن فلتر الزيت مش مربوط كويس
ممكن عند الاسبراتير فى اويل سيل ممكن ينقط(حتلاقى فى الحاله دى الفتيس غرقان زيت
لو المكنه بتنفخ
حتلاقيها بتجيب زيت من الفايظ
متنساش بالصبر تخلى عربيتك فى احسن حاله
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
شكرا لرد حضرتكComment
-
الاستاذ روتانا اشكرك على نصائحك المفيده لنا جميعا ولملاك الستروين الجداد اللى زى حلاتى وبصراحه المفروض المفروض توكيل ستروين يديلك عموله . كل اللى بيدخل الصفحه هنا بيشترى على طول ستروين ويقتنع بيها.
رحت بعد العيد علشان اضبط الراداتير والظاهر العربيه كانت حاسه انها رايحه لبتاع راداتير لانى فوجئت وانا ماشى ان عداد الحراره عمال يرفع بس مش بيرجع خالص. وقفت اشوف الحكايه لقيت المروحه مش شغاله. دخلت على الكهربائى بص على المروحه لقي الموتور محروق. رحت اشتريت مروحه الراجل اللى فى المحل ادانى مروحه اكسارا وقالى دى هتشتغل معاك تمام, ركبت المروحه واشتغلت الحمد لله ورحت لبتاع الراداتير فك الراداتير لقى فيه خرم صغير جدا لحمه وغيرت غطا الراداتير . المهم رحت مشوار طويل النهارده وانا رايح الصبح كان عداد الحراره بيوصل للنصف شويه ويقل عن النصف شويه قلت كده تمام. وانا راجع كنت راجع على الساعه 12 الظهر كده لقيت عداد الحراره بيعدى النصف ويوصل لاول شرطه بعد النصف . مش عارف كد طبيعى والا لسه محتاج اعمل فيه حاجه تانيه.
تانى حاجه بقى هى العفشه. رحت لمحل قطع الغيار وسالت عن الكبالن لقيت الكبالن جديده صينى ب 550 جنيه والاستيراد ب 350 ومش عارف اشترى مين فيهم احسن الصينى الجديد والا الاستيراد. وسالت برضه على علبه الدريكسيون لقيت الصينى ب370 والاستيراد برضه ب 370 وبرضه مش عارف اشترى مين فيهم . لو عندك فكره عن الصينى قولى.
واخيرا نشكرك على مجهودك معناComment
-
ramsisthethird باشا الحمد لله انك مبسوط من التقرير والعربيه عجبتك وانا معاك لاى استفسار بس ادعيلى دعوه حلوه
عداد الحراره ميتحسبش بالنص وفوق النص يتحسب بالدرجه اللى عليه
بيبدء 60 وشرطتتين 70-80 وشرطه مكتوب 90 وشرطتين و110 على ما اتذكر
الطبيعى فى الجو البارد يبقى 70-80 والجو الحر 80-90 والعربيه تتحمل معاك ال100 وال110 ده الخطر
يعنى انت لو ظبط النسب اللى فوق يبقى ظبط العربيه صح زى ما انا عملت(الله يباركله اللى اشتراها)انا شاريها بتمشى 100-110 وده دمار للمكنه وبايعها مبتجبش ال90 فى عز الحر بالتكييف (انت لاغيت خرطوم الرجوع صح)
السكاتره انا غيرت وركبت صينى للzx بس مش حقدر احكم عليها لان ممشيتش لسه كتير بيها(ندمت انى مجبتش بور استعمال الميكانيكى بيقولى مبتبظش بس ده للzx لان الax ملهاش بور)
والكبالن الصينى مجربتش بس بقول لو اتنين استيراد بس شكلهم زيرو حيكونو افضل لان خامه الكوبلن هى اللى حتدى عمر له
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
-
لو سمحتو يا جماعة انا فدامي عربية zx عاوزة مروحة تكييف وشحن للتكييف ومراية وصحابها بيقول انه لسة شاددها
السؤال لو العربية حلوة ومشدودة وفيها المشكلتين اللى فوق دول اخدها بكام والحاجات دى تتعمل بكام ومنين ارخص حاجة واحسن حاجة مع العلم انى لسة جديد فى العربيات ومعرفش اي حاجة فى اى حاجة وياريت لو حد يدلنى على ميكانيكى محترو وبيفهم فى العربيات دى ويكون فى الحنين ولو عاوز اكشف على العربية اعمل ايه والكشف هيكلفنى كام واللى عندة حاجة يقولها ويكسب فيا ثواب
وياريت يا جماعة الميكانيكى يكون قريب من منطقة عين شمسComment
-
خرطوم الرجع
دوره التبريد بيتفرع منها خرطومين عند كوعه الترموستات واحد للرداتير والتانى رجوع للمكنه عشان الترموستات الميكانيكى لما العربيه بتكون بارده بيقفل على الرداتير ويفتح على رجوع الماء للمكنه مباشر والعكس عند السخونه وما بينهم
طيب احنا لما بنلغى الترموستات الميكانيكى ايه اللى بيحصل بتتفتح الميه على الرداتير مباشرتا وعلى الرجوع ايضا وده بيعمل تشتيت للتبريد يعنى شويه ميه بتروح للرداتير تتبرد وشويه بترجع سخنه للمكنه
بيتقفل الخرطوم ده بطبتين على اوله واخره وبكده الميه مجبره على مسار واحد انها تعدى على الرداتير لتبرد
والكلام ده ينصح بيه للax وليس للzx
الاخ اللى بيسئل على الاسعار الموضوع نسبى حسب الحاله لو كله تمام على كلامك المرايه فى حدود 100 جنيه والتكييف لو مبيطلعش هوا ساقع يعتير غير شغال وبيتكلف حتى 3000 جنيه حسب اللى فاصل واللى سليم ورينج السعر من 25 حتى 35 للسليم اوى
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
شكرا استاذ روتانا يعني من الاخر كدة اى سعر يدهوني اخصم منه 3 الاف جنيه حق التكييف؟Comment
-
استاذ روتانا معنى كلامك انى الغى الترموستات الميكانيكى والغى خرطوم الرجع . السؤال ايه هو الترموستات الميكانيكى ده؟ هل المقصود بيه الترموستات اللى لما بيوصل 90 على العداد الحراره تشتغل مروحه الراداداتير والا حاجه تانيه؟. واذا كان هو لو لغيته المروحه هتشتغل ازاى؟ وازاى الغيه اصلا, هل اروح لبتاع الراداتير اقوله والا الكهربائى؟ بالتفصيل الممل من فضلك.المشاركة الأصلية كتبت بواسطة rotanamasoud مشاهدة المشاركةComment
-
استاذ روتانا انا رحت للميكانيكى وقلت له على الترموستات الالكترونى وخرطوم الراجع وكده. طبعا هو فى الاول عارض بشده وبعدين قعد يفكر شويه وقالى بس العربيات دى (قصده ال ايه اكس) مفيهاش خرطوم راجع وورانى مكان الكوعه اللى فيها الترموستات وخرطومين وقالى الخرطوم اللى فوق بتاع الراداتير واللى تحتيه على طول بيدخل على مواسير التكييف حاجه زى كده يعنى مش فهمت كويس. ياترى هو كده صح والا هو مش فاهم؟ وفين مكان خرطوم الراجع ده بالضبط علشان اقوله؟Comment
-
الموضوع عايز رواقه افضى وحرد عليك بالتفصيل
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
انا اشتريت بعد قطع الغيار استيراد
وكنت عاوز اوضح اسعارها للافاده
انا اشتريت من اسامه خطاب فى عين شمس
مقص شمال امامى ب 150
كوبلن ب 200
اكصدام امامى 250
فانوس امامى 150
باره دركسيون شمال 100
2 فانوس اشاره 70Comment
Comment