تقرير عن ستروين ax&zx

[sherif0333]

بعد العمره مغير طرمبه ميه سربنتينه التكييف موجوده ترموستات الكوعه مش عارف هي فين دي بس متهيالي مفيش غير الترموستات اللى فى الرادياتير فوق

[ahmedfouad]

مشكور يا باشا

[rotanamasoud]

انت محتاج تظبط دوره التبريد وتشوف الحراره
تشوف الحراره حتشترى عدادات العربيه السبور من200 الى 300 ودى فيها ار بى ام وحراره وتركب على فيش العدادات الاصليه على طول وكله بيشتغل الاربى ام والبنزين وتشترى صوبع حراره وتركبه فى الكوعه بتاعت الميه من فوق(ده مكانه الاصلى)وتخلى كهربائى يوصلهولك كده احنا شايفين حراره المحرك وقادرين نعرف اذا كانت سخنه طبيعى ولا ازيد من اللازم ولا خطر(يمكنك تجاهل هذا الجزئ لاكنى عملته والفرق زى الاعمى والبصير فى الحراره)
ظبط دوره التبريد
تم اهمال طرمبه التبريد لتغييرها مع العمره وترموستات الكوعه لان الميكانيكيه بتخلعه
انت تلغى الجزى بتاع اخد الهوى اللى عند الكاربراتير لانه فبريكه بياخد الهوى من دوره تكييف السخن وهى ملغيه فتنفى السبب من وجودها واصبحت تمثل مشكله زى التسريب
اصبح عندك مكان واحد لاخد الهوى اللى هو عند الكوعه اللى فوق عند وش السلندر من الامام
سربنتينه التكييف مع السنين بتصبح عائق لمرور الهوى للرداتير نظرا لتراكم الاوساخ والطينه الخ داخلها فعندك لها كذا حل انك تلغيها لو التكييف لا يعمل او تنضفها وتفكها وتتاكد ان كل الريش مظبوطه بعد التنضيف وان مفيش اى اعاقه لمسار الهوا او تغيرها
يتبقى عندك احتمال ان الرداتير نفسه مسدود وده حتفكه(خلى بالك فى افيز من تحت غلس بالراحه تفكه عشان ميتكسرش ويدوخك)ويتنضف كويس جدا عند بتاع الرداتير ولو فكه وسلكه ماسوره ماسوره يبقى استاذ وتبقى انت اشتريته وتتاكد بعد التنضيف انه ريشه سليمه ولا يعيق مجرى الهوى غير كده يتغير
تقفل وتغسل الدوره
يتبقى من المنظومه المروحتين وحساس تشغيلهم
الحساس الاصلى بيشتغل عند 85 ويفصل 80 تقريبا وده عشان يحافظ على رينج ال80 دايما
والمروحتين فبريكه سرعتين توالى وليس توازى بمعنى ان الاولى الاتنين شغالين بطيى والثانيه ان الاتنين شغالين سريع مش واحده وواحده وانا لم احتاج السرعه الثانيه اطلاقا
يعمل تست وتنزل تمشى بالعربيه كله تمام ومفيش تسريب تنزل الميه وتحط ميه خضرا او حمرا
بعد كده حتعانى ان المكنه بارده زيى(حلها ممكن ترجع ترموستات الكوعه) والعربيه لا تواجه اى مشكله حراره فى اقصى الظروف شرط تنفذ اللى قولتهولك عن المنظومه بالكامل وانسى الحراره نهائى

[sherif0333]

الف شكر ياباشا هبدا فى الويك اند اللى جاى انفذ الخطوات واقولك النتيجه بس بجد انت دكتور

[محمد على على]

مطلوب عربيه ستروين zx

[coolboy3888]

استاذ rotanamasoud انا كونت عندى ستروين ax من حولى 10 سنين تقريبنا انا اعشق هذه السيارة المهم انا مراتى عوزة اجبلها عربية ستروين طبعاا انا معى رينو ميجان دلوقتى وحافظ ماكنيكى الفرنسوى بس عندى سئل انا العربية الكانت معى كانت عملها GTI وقفل الشنطة المهم انا اصلاا بحبها وممكن احكى لصوبح الئل بق انا شيف موديل 1998 رخيص عن 95 ليه انا طبعاا مبقتنعش بال1100 انا بقول على 1400 98 ده فى ax رخيص وبردو فى zx ارخص ممكن تفدنى فى الموضع ده

[rotanamasoud]

الف شكر ياباشا هبدا فى الويك اند اللى جاى انفذ الخطوات واقولك النتيجه بس بجد انت دكتور

الله يكرمك وانا معاك

استاذ rotanamasoud انا كونت عندى ستروين ax من حولى 10 سنين تقريبنا انا اعشق هذه السيارة المهم انا مراتى عوزة اجبلها عربية ستروين طبعاا انا معى رينو ميجان دلوقتى وحافظ ماكنيكى الفرنسوى بس عندى سئل انا العربية الكانت معى كانت عملها gti وقفل الشنطة المهم انا اصلاا بحبها وممكن احكى لصوبح الئل بق انا شيف موديل 1998 رخيص عن 95 ليه انا طبعاا مبقتنعش بال1100 انا بقول على 1400 98 ده فى ax رخيص وبردو فى zx ارخص ممكن تفدنى فى الموضع ده

السؤال مش واصلنى كويس بس متشتريش ال1100 لانها اقل كتير فى كل حاجه

[coolboy3888]

شكرا على ردك انا اقصد موديل سنه 1998 انا ادامى مثلاا ax 1400فبريكة بره وجوة 20 دى موديل 98 تمام ووحد رشة 95 حالتها حلوة بردوة 22 وبردو فى zx موديل 98 اقل كتير من 96 هل الموديل ده يوجد فى مشكلة ده سئلى وشكرا على اهتمامك وحاجة تانية انا سوقة ax انا كونت بجرى مع بى ام بجد عربية تحفه بجد بس الحلها اهم شياء انا عن نفسى بدور على الحالة البيتى مش مهم السعر بس حاجة نظايفة اجيب axولا zxبما ان حضرتك سوقت الاثنين انى احسان حلااا كا كل شياء انا الحلاا هجبها نضيفها بس انى احسان كا عربية دى ولا دى

[rotanamasoud]

الحاله افضل من الموديل 94 حاله ممتازه افضل من98 حاله تعبانه
الzx تمتاز بالوسع ونظام تبريد افضل وتكييف افضل وقطع الغيار منتشره اكتر اما الax تجميع خرافى
لو عايز الzx تبقى زيها حتسقط مكنه اكسارا 1600 بالضفيره يبقى معاك عربيه اخده مميزات الاتنين ولو فرق الفلوس صغير يبقى الكبيره تكسب

[coolboy3888]

متشكر على ردك ربنا يبركلك فو صحتك ويبركلك فى رزقق وينولك كل النفسك فيه انت انسان طيب وجدع وخدوم ربنا يوفقق فى حياتك

[coolboy3888]

هو فى ax انجكشن انا الاعرفه zx ممكن يتركبها بور وممكن كمان انجكشن بس الax لاء صح اصلى فى اعلان وحد بيبع ax بور وانجكشن انا مستغرب بس انا متاكدانه بيقول اية كلام انت معى ولا اروح اشفها

[rotanamasoud]

فى انجكشن بس بره مصر وفى مصر عادى ممكن تركب مكنه انجكشن بالضفيره والكنترول
الاحتمال الاكبر انه مسقط مكنه بالضفيره والكنترول
اما البور فى الاى اكس شوفته فى صور عالنت قبل كده اى اكس باسكتره بور والتفسير هو غاوى وبيصرف على عربيته ونزله بورسعيد لاقاه صدفه جابه واللى بيعمل كده بيبقى ركيب بص عليها مش حتخسر حاجه مش انت فاهم كويس الفرق بين الكاربراتير والرشاشات والسكاتره العادى والبور

[coolboy3888]

شكرا على رادك طبعا يابشا فهم كل الحاضرتك بتقول علية بس فعلاا هو جيبها من بره موديل 95 انجيكشن بس مش بور والكام يوم دول مطار ومش هعرف اشوفها غير يوم الاحد هو الحدد كمان والرجل على كلمة انا خلينى عوزة اشوفها انا العربية دى حافظها وربنا يسهل ان شاء الله انت رحت بور سعيد قريب صح فى الكامليات للستروين ولا قلت انا من حولى 10 سنين كونت جايب اكسدام بشبور وره وادام وكونت جياب كبوت مكاشر وكونت قفل شنطيط العربية وعامل فتحت صقف وعفشة رياضية وعتاب ومغير الطنبير اربع ماسمر وحطيط الفنوس الوره كرستال فا الحجات دى كانت من بور سعيد وتظبطاط الفنش كان فى الحارفين فى القاهرة انا فعلاا العربية دى اكثر عربية طولت معى فى حياتى تلات سنين بس احسان كتير من عربيات بياعه بس مش اداء ولا سرعه زى دى انا كونت بعملها زى المتسكل الهندا الغير التلاته ده ممكن تجيب بيه 100 والاول وتانى كونت بجرى مع عربيات عالية اوى انا سوقت بى ام دبيو على الطريق او السافر تحفه بس فعلاا ايةاكس جرية وعربي جميلة فا اول ما مترتى قليتلى عوزة عربية فكرت فيها على طول انا معى ميجان بس بفكرا اغير معليشى طولت عليك بس انت زى عشاق للعربية دى فعلاا هى عربية محترامة عارف ايةاكس بتتظبط شكرها بيكون جميل اوى احسان من zxبس التانية اوساع الكنية كبير اوى فعلاا كانت مشكلة الax صغير الكنبة على العموم انا اتشرفت بمعرفت حضارتك والله بجد انت رجل معرفتك تشرفنى وتزدنى خبره فى مجال العربيات وانا كمان بقلى كتير بيعيد عن السوق انا ركبات جولف 2 وظبطها عربية جميلة بردو والbmw الشركة 80 تحفة وبتظبط بتكون جميلة وركبات السفك92 روعه وبتظبط بردو ياريت تركب الهندا هترتحلها ال92 دى احسان هندا فى نظرى اما الستروين دى عربية تتعشق مش تتركب

[محمد على على]

انا الحمد لله ربنا كرمنى وخلاص جبت ax بعد طول انتظار وتدوير العربيه الحمدلله كويسه بس فى حاجه غريبه بتحصل معايا ان ساعات بدوس بنزين والعربيه مش بتسحب وساعات تنتش فهل ده بوجيهات ولا ايه يا شباب من فضلكم افيدونى
ولو طقم كهربا هل بيركبلها عربيه تانيه وبتاعها اجيبه منين ؟ وشكرا

[rotanamasoud]

استاذ coolboy3888
انا ليا الشرف انى اتعرفت على حضرتك ومعاك فى اى استفسار
استاذ محمد على على
العربيه لسه جايه فمش حنقدر نحكم عليها من الاول
مبدايا نعمل سيرفس تغيير السيور والفلاتر والبوجيهات ونظبط الكهرباء وبعد كده نبدء ندور على العيب لو لسه موجود
بالنسبه لسؤال الكهربه لو تقصد المشط فهو بيعمل من 100-150