Tweet
تم البيع
-
-
بسم الله الرحمن الرحيم
دى اول مشاركة ليا فى المنتدى و بجد لازم ابدأها بشكر للناس اللى مبتبخلش على بعض بأى معلومة :)
انا لسة مبتدئ فى موضوع العربيات و كنت لسة بدور عشان اشترى اول عربية ليا .. انا بسوق بقالى فترة عادى بس دى هتبقى اول عربية اشتريها ..
ميزانيتى مش عالية .. يعنى فى حدود من 25-30 كحد اقصى .. و بحاول معلاش عن 27 مثلا عشان لو العربية احتاجت اى مصاريف بسيطة بعد ما اجيبها متزنقش ..
و فى نفس الوقت كنت عاوز عربية معقولة بالنسبة للسعر ده و ابعد عن الـ 128 و اخواتها .. استخدامى للعربية الى حد كبير استخدام عائلى .. و بالكتير سفر القاهرة او اسكندرية مرة او اتنين فى الاسبوع ..
يعنى عاوز عربية كمالياتها معقولة و فى حدود السعر ده .. انا عموما بحب العربيات الفرنساوى ( كان والدى الله يرحمه معاه ميجان ) .. بحس انها بنت ناس و دايما امكانياتها كويسة بالنسبة لسعرها .. و معنديش ازمة قوى فى اعادة البيع لأنى مش ناوى اغيرها قريبا و غالبا هسيبها للبيت حتى لو نفع اجيب حاجة اعلى ..
لما دورت شوية لاقيت ان حدود الفلوس دى ممكن اجيب AX حالة ممتازة او ZX حالتها معقولة .. و قريت كتير عن الاتنين خاصة التقرير اللى معمول على المنتدى هنا ( و اللى لازم اشكر صاحبه الحقيقة على المجهود الرهيب و كم المعلومات الرائع اللى فيه :) )
بس ليا شوية استفسارات عاوز النصيحة فيهم :
1- فى الحدود دى الافضل اجيب ax ولا zx ؟ .. يعنى الـ zx هتبقى فى حالة كويسة بالسعر ده ولا هتورط فيها ؟
2- الـ zx فعلا موتورها ضعيف عليها ؟ .. يعنى هيتعبنى فى استعمالها خاصة مع التكييف ولا الفكرة ان موتور الـ ax اعلى بالنسبة لحجمها ؟
3- وسع الـ ax سئ بالنسبة لاستخدام عائلى ؟ ..
4- لو حبيت اجيب zx من غير تكييف .. اى عربية من غير تكييف ممكن يتركبلها تكييف بعدين ؟ .. يبقى سعرها فى حدود ايه ؟ .. و لو حبيت اركبلها تكييف فيرنا هيكلفنى ككل قد ايه تقريبا ؟ ( بفكر اعمل كدة و ابقى اركب التكييف بعدين بما ان كذا حد قال ان تكييفها الاصلى ضعيف )
5- لو حبيت اجيب zx و اسقطلها موتور اكسارا 1600 .. هيكلفنى قد ايه تقريبا ؟ .. و ممكن موتورها الاصلى يتباع على اساس انى ادفع فرق بين الموتورين بس ؟ .. ولا هتدبس فيه ؟ ... و فى بدايل تانية لموتور اعلى من موتورها الاصلى ؟
6- بذكر الفرنساوى .. لو قدامى رينو ميجان موديل 2000 ( 1600 / انجكشن / هاف باور / تكييف / سنتر / زجاج كهربا ) .. فى نفس حدود السعر .. موتورها و العفشة و الفرامل بحالة كويسة بس مغيرة فيتيس بواحد مستورد من سنتين تقريبا .. و فيها شوية حاجات بسيطة محتاجة تظبيط ( سمكرة و مرايات و صالون و حاجات من دى ) يبقى الافضل بالنسبالى هى ولا الـ ZX او الـ AX ؟؟؟
معلش انا عارف انى رغاى بس مش عاوز اجيب حاجة اندم عليها خاصة انى عارف ان اعادة البيع فى الفرنساوى تقيلة يعنى ففرصة تغييرها مش هتبقى بسيطة :)
و الف شكر مقدما لأى نصيحة :)Comment
-
انا معاك فى اى استفسارات بس خوفى من انها اول عربيه ليك ومعندكش خبره تتعقد لانها عايزه واحد فاهم وغاوى فرنساوى انا من النوع اللى بعمل اى حاجه اقدر اعملها بايدى ولما بدخل على صنايعى بقوله اوامر نفذ كذا واعمل كذاالمشاركة الأصلية كتبت بواسطة ragehys مشاهدة المشاركة
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
الف شكر على المعلومات الجميلة :) هو زى ما قولت فى كلامى كان معانا ميجان قبل كدة بالفعل فعشان كدة انا فى ألفة بينى و بين الفرنساوى :)المشاركة الأصلية كتبت بواسطة rotanamasoud مشاهدة المشاركة
معلش هكمل غلاسة و اسأل شوية كمان
كدة بنسبة كبيرة على كلامك اخلينى فى الـ zx طالما استخدامها فى الاساس عائلى ...
طيب لو قدامى ZX بموتور 1600 مش 1400 .. كدة مشكلة الموتور هتبقى اتحلت و مش هيبقى فى مشكلة مع التكييف ؟
و يا ترى ممكن يتركبلها باور ولا لأ ؟ .. و تكلفته برضه فى حدود كام ؟
و معلش برضه بالنسبة لموتور الـ 405 .. تكلفته هتبقى فى حدود ايه تقريبا ؟ و الجزء التانى من سؤالى .. هل هينفع ابيع موتور الـ zx الاصلى بحيث انى ادفع الفرق ؟ و لو اتباع هيبقى فى حدود كام برضه ؟
بالنسبة للميجان .. هى زى ما قولتلك .. هى مع حد من قاريبى و بيسافر بيها من القاهرة للطور كل فترة و ماشية كويس .. بس معنديش معلومات دقيقة حوالين حالة الموتور و كدة .. و عارف ان هو عاوز يبيعها بالسعر ده عشان عاوز يغيرها و بيعها تقيل ... و هى قعدت حوالى 6 سنين كانت مركونة .. يا ترى ده ممكن يبقى مأثر عليها و له دور فى السعر ده و هيكلفنى معاها كتير ؟ ؟
اعتذر على الاطالة بس فعلا مش لاقى حد تانى كريم فى معلوماته و خبرته كدة
Comment
-
لو قدامك زد اكس بموتور 1600 (اتاكد الاول من الكود وانا ممكن اجيبلك الاكواد)ومكن سليمه يكون افضل(مبينزلش مصر ال1600 يعنى متسقطلها)
البور كامل حتى السيور والخراطيم ب1200 فى بورسعيد
موتور ال405 كان قدامى فى بورسعيد ب5 بالتركيب
بيع الموتور بيتبخس تمنه جامد وبيبقى بتراب الفلوس الافضل يتعان قطع غيار ولو تعرف تبيعه بسعر حلو بيعه
الميجان لو مضمونه مع قريبك اتكلم معاه واعرف كل اللى ناقصها وسوقها وشوف واحسب حساباتك الماديه لو مناسبه خلص بس انا معرفش عنها اى حاجه
مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
المشاركة الأصلية كتبت بواسطة rotanamasoud مشاهدة المشاركة
الف شكر يا باشا على الرد ...
معلش موضوع الاكواد ده انا مش فاهمه .. يا ريت لو شوية شرح :)
طيب بيع الموتور الاصلى امتى اقول انه سعر معقول ؟ .. يعنى فى حدود كام يبقى سعره معقول فى حدود كام يبقى كدة سعره اتبخس قوى ؟Comment
-
حاولت اشوفلك الاكواد مش لاقيها عموما من الذاكره كود المكنه اللى بيبدء بk2d بتكون 1400 واللى بيبدء بc2d بتكون 1100المشاركة الأصلية كتبت بواسطة RagehYS مشاهدة المشاركة
بيع الموتور لو اتباع بتمن وش سلندر تبقى وصلت لاكن ممكن يتباع بالكيلومصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
rotanamasoud سعر العربية لو ممكنComment
-
ياريت توضح وعموما راجع المشاركات القريبه فى الموضوعالمشاركة الأصلية كتبت بواسطة coolboy3888 مشاهدة المشاركةمصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
اخواني المحترمين
الاخ الفاضل rotana
تعبتوني ،، قريت الموضوع بالكامل وبجد موضوع محترررم جدا ، جزاكم الله خير
كنت بدور علي عربيه في حدود ال 25 مكيفه وطبعا ده طلب مش سهل
وفكرت شويه في البرايد او الاكسل ،، بس كلها حالات تعبانه جدا
وبرضه اعدت ادور وفكرت في السيينا او الرينو الرينبو
ولكن بعد قراء موضوعكم الهايل ده قررت ادور علي zx
لانها واسعه ومكيفه ومحترمه علي حد كلامكم
كل اللي اعرفهم قالوا عليا مجنون علي شان موضوع قطع الغيار ولكن كلامكم شجعني
كمان عرفت ان في ميكانيكي في المعادي اسمه حماده بيشتغل في العربيه دي بس
لذلك في عربيه 98 مكيفه معروضه للبيع هحطلكم اللينك بتاعها ،، ارجو ابتقييم وتحديد السعر هي مطلوب فيها 35 ،، طبعا ده سعر عالي بالنسبه للاسعار اللي بتقولوها
هحطلكوا اللينك وارجو المساعده
سيارات مستعملة | ستروين | ZX | 1400 سي سي | موديل 1998 - 2009556 - ContactCars.com
ارجو التقييم والتسعير ،، وشكراااComment
-
مكتوب تكييف (اى مجهزه تكييف)غير كلمه التكييف يعمل فى فرق 2000 جنيه على الكلمه دى واتاكد من صاحبها انه يعمل ولو قالك على الشحن اخصم 2000 تكييف على طول دى اول نقطهالمشاركة الأصلية كتبت بواسطة a_ragab_itp مشاهدة المشاركة
الكبوت مش بتاعها الاصلى الكابوت الاصلى بشبكه والكبوت ده متغير لان ده اللى بينزل فى الخارج
واحد طالب 34 يعنى عربيه شبه زيرو مستخسر يغير فانوس اشاره ب45 جنيه
انا شايف انها غاليه وغاليه جدا لو التكييف لا يعمل دى كبيرها 30 لو حالتها ممتازه بمعنى الكلمهمصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
الاخ الفاضل روتانا
اشكرك بشده علي المساعده
كلمت صحب العربيه وافاد بالتالي
1- التكييف شغال ولكن ضعيف
2- العربيه ماشيه 215 الف ولكن مغير موتور لما كانت ماشيه 211
3- العربيه بدون توكيلات ومعاه من 2010
4- مغير عافشه من شهرين
6- البطاريه كويسه
7- الكاوتش محتاج يتغير قريب
اعتقد بالشكل ده تبقي العربيه محتاجه مصاريف
ايه رأي حضرتك ابتدي التفاوض واروح اشوفها ولا كفانا الله شر القتال ،،،
شكرا جزيلا علي الوقت والمساعدهComment
-
مش دى اللى يدفع فيها ال32 حتى دى وجهه نظرى
انا مش ببيع عشان متفهمنيش غلط شوف صور عربيتى فى الموضوع ده http://www.nilemotors.net/Nile/422953-a.htmlمصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
-
ما شء الله ،، ربنا يطعمك خيرها ويكفيك شرها ،،
انا هقولوا 25 الف ولو رضي اخدها واصرف عليها ،، لو ما رضيش خلاص مفيش نصيب ،، وهدور تانيComment
-
العدادات بتطلع بطريقه معقده شويهالمشاركة الأصلية كتبت بواسطة hinrey_2 مشاهدة المشاركة
حتشيل الطاره والفريم بتاع العدادات والعلبه بتاعت الطاره اللى فيها الدراعات تلاقى العدادات ادامك تفكهممصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجرComment
Comment