تقرير عن ستروين ax&zx

[RagehYS]

انا كنت بحسب مكنه 1600 كامله بالكنترول والضفيره او مكنه 405 كاربراتير
كده شورت بلوك بوش 1400
يعنى ممكن متخدش عزم وقوه ال1600 وده مش حتعرفه الا لو نازل من 1400 وسوقت ال1600 عشان تعرف الفرق حقيقى ولا لا
دوس شويه فى السعر على اساس انك كنت بتحسبها مكنه ال405 او اكسارا بالكنترول
والمكنه ال1600 كودها بيبدء ب b او n لاكن ال 1400 بيبدء بk
مكان الكود تحت وش السلندر بين الفتيس وجسم المحرك لو زهر وتحت تانى فتحه من الشكمان تحت وش السلندر لو الومنيوم
شكل الكود كده kfx nfz
اه انا حاليا معايا تمبرا مواصفات خاصه عجبتنى بصراحه لو عايز تدور على حاجه مختلفه وافضل من السيينا

انا كمان كنت بحسب كدة .. بس قالى الحالة زى ما شرحتلك كدة ...
انا قاعد ادور على النت بقالى ساعتين عن اجابة ان يبقى وش 1400 على موتور 1600 ده و موصلتش لحاجة .. حتى لقيتلك موضوع قديم كنت بتسأل نفس السؤال و تقريبا برضه موصلتش لحاجة ههههههه
طيب هو سعر وش السلندر للمكنة الـ 1600 ممكن يبقى فى حدود كام ؟ .. على اساس لو خلصت على سعر كويس ممكن ابقى اغيره انا بعد كدة ...

و بالنسبة للتمبرا .. سعرها فى حدود ايه ؟ .. و ايه مميزاتها و عيوبها ؟ .. و ايه فرقها عن السيينا و ميزتها عن الزد اكس ؟

[color="rgb(139, 0, 0)"]معلش انا عارف انى رغاى و اسئلتى كتير يعنى ^_^ [/color]

[rotanamasoud]

انا كمان كنت بحسب كدة .. بس قالى الحالة زى ما شرحتلك كدة ...
انا قاعد ادور على النت بقالى ساعتين عن اجابة ان يبقى وش 1400 على موتور 1600 ده و موصلتش لحاجة .. حتى لقيتلك موضوع قديم كنت بتسأل نفس السؤال و تقريبا برضه موصلتش لحاجة ههههههه
طيب هو سعر وش السلندر للمكنة الـ 1600 ممكن يبقى فى حدود كام ؟ .. على اساس لو خلصت على سعر كويس ممكن ابقى اغيره انا بعد كدة ...
الوش ال1600 انجكشن وميركبش عليه مانفو الكارباتير وده سبب انه مينفعش او ينفع بالكارتات والضفيره
و بالنسبة للتمبرا .. سعرها فى حدود ايه ؟ .. و ايه مميزاتها و عيوبها ؟ .. و ايه فرقها عن السيينا و ميزتها عن الزد اكس ؟

[color="rgb(139, 0, 0)"]معلش انا عارف انى رغاى و اسئلتى كتير يعنى ^_^ [/color]

التمبرا سعرها 25-35 لاكن المصرى معجبتنيش
لان اللى معايا جايه من بره مواصفات خاصه فرش جلد طبيعى طاره جلد طبيعى 4زجاج كهرباء مرايات كهرباء تكييف داول زون جنوط اسبور فرامل 4 سكينه اصلها مكنه 2000 وفيها 1600 مختلفه تماما عن اى تمبرا شوفتها دبل نور صالون مؤخر نور صالون حتى التمبرا اللى بفتحه سقف موصلتش للمواصفات دى ربنا يباركلى فيها اعتبرها مرسيدس الفيات
نتكلم عن التمبرا العاديه والستروين والسيينا
قطع غيارها رخيصه زى الستروين (مع فرق ان الستروين اصلى والتمبرا تتعب شويه لما تجيب الاصلى)والسيينا غاليه
السينا لو ال1600 متدخلش مقارنه لان الستروين والتمبرا تمسحها(قطع غيار نار وصعوبه التعامل مع الميكانيكيين
السينا ال1400 كاربراتير تعاملها اسهل لاكن حتظل عيوبها قائمه البارومه رسمى التمبرا اوسع من الستروين من الخلف شنطه كبيره غير هاتشباك الستروين مطبات الستروين انعم منها استهلاك البنزين الستروين اقل الثبات التمبرا(لاكن انا مسوقتش ستروين مجنطه وواطيه للحق عشان احكم بالظبط)يعنى ثبات ال120 ستروين يساوى ثبات 140 تمبرا يساوى ثبات 120 سيينا
الشكل الستروين اشيك من التمبرا ودى ازواق والسيينا شكلها حديث وتابلوه احدث(مبحبهاش شخصيا) والتمبرا شكل عجوز شويه بس باشا
صاج السيينا غالى ابواب وخلافه لان عليه طلب بسبب البرومه والبدى حيتعمل فيه ايه؟
التكييف التمبرا والسيينا افضل من الستروين
كل واحده وليها عيوب ومميزات
انا شخصيا ياستروين يا تمبرا (بس تمبرا مواصفات)

[RagehYS]

التمبرا سعرها 25-35 لاكن المصرى معجبتنيش
لان اللى معايا جايه من بره مواصفات خاصه فرش جلد طبيعى طاره جلد طبيعى 4زجاج كهرباء مرايات كهرباء تكييف داول زون جنوط اسبور فرامل 4 سكينه اصلها مكنه 2000 وفيها 1600 مختلفه تماما عن اى تمبرا شوفتها دبل نور صالون مؤخر نور صالون حتى التمبرا اللى بفتحه سقف موصلتش للمواصفات دى ربنا يباركلى فيها اعتبرها مرسيدس الفيات
نتكلم عن التمبرا العاديه والستروين والسيينا
قطع غيارها رخيصه زى الستروين (مع فرق ان الستروين اصلى والتمبرا تتعب شويه لما تجيب الاصلى)والسيينا غاليه
السينا لو ال1600 متدخلش مقارنه لان الستروين والتمبرا تمسحها(قطع غيار نار وصعوبه التعامل مع الميكانيكيين
السينا ال1400 كاربراتير تعاملها اسهل لاكن حتظل عيوبها قائمه البارومه رسمى التمبرا اوسع من الستروين من الخلف شنطه كبيره غير هاتشباك الستروين مطبات الستروين انعم منها استهلاك البنزين الستروين اقل الثبات التمبرا(لاكن انا مسوقتش ستروين مجنطه وواطيه للحق عشان احكم بالظبط)يعنى ثبات ال120 ستروين يساوى ثبات 140 تمبرا يساوى ثبات 120 سيينا
الشكل الستروين اشيك من التمبرا ودى ازواق والسيينا شكلها حديث وتابلوه احدث(مبحبهاش شخصيا) والتمبرا شكل عجوز شويه بس باشا
صاج السيينا غالى ابواب وخلافه لان عليه طلب بسبب البرومه والبدى حيتعمل فيه ايه؟
التكييف التمبرا والسيينا افضل من الستروين
كل واحده وليها عيوب ومميزات
انا شخصيا ياستروين يا تمبرا (بس تمبرا مواصفات)

بيعجبنى فى كلامك ان المقارنات موضوعية جدا و بتوفر اسئلة كتيييير

على كلامك كدة يبقى اتوكل على الله و اشوف الستروين اللى فى الاعلان لو حالتها فعلا كويسة زى كلامه و كل حاجة شغالة فيها ... بس اتكلم فى سعرها ...

الا لو لقيت تيمبرا مواصفات خاصة ممكن افكر فيها ...... ربنا يسهل بقى ^_^

[RagehYS]

صباح الخير يا باشا ^_^ ....

انا شوفت النهاردة الـ زد اكس اللى كنت باخد رأيك فيها ...

العربية فيها الاتى :

الحالة العامة خارجيا معقولة جدا زى اللى فى الصور بتاعت الاعلان تقريبا مفيش فرق
الموتور زى ما قولتلك فعلا .. 1600 بوش 1400
باور
طارة متحركة
بطارية جديدة
الانوار و الفوجات شغالين كلهم
عدادات سبور ( فيهم مؤشر حرارة و ار بى ام و ساعة ديجيتال لوحدها )
الفرش : كسوة فوق الاصلى قدام و مش الاصلى ورا
كان فى مشكلة فى رفع الزجاج الامامى و هو غير المكنة بتاعته
كان فى مشكلة فى السنتر و هو صلحها و شغال كويس دلوقتى
فيها كاسيت سونى بيشغل فلاشة و كدة يعنى
العربية بعقد مسجل باسمه من سنة و نص و لسة فى رخصتها حوالى 7 شهور تقريبا

السلبيات اللى فيها :
المراية اليمين كهربا لكن مش شغالة
فى شوية تجريح فى الدهان بس مش حاجات كبيرة و الاماكن المتجرحة مفيش تحتها معجون ( حتة فى الاكصدام الخلفى و حتة فى اطار باب من الابواب )
فيها خبطة خفيفة واضحة فى الصور اللى فى الاعلان و برضه مش باين فيها آثار سمكرة ولا كدة .. حتة مطبقة سنة بس
مؤشر الحرارة هو بيقول انه حاسه مش دقيق قوى و ساعات بيخرف
عداد الكيلومترات مش شغال
ساعات عداد السرعة بيعلق ( و انا راكبها معاه كان شغال و معلقش ولا مرة بس هو اللى قال كدة )
فى حاجة فى العفشة بتعمل خبطة كدة مع المطبات قدام ناحية اليمين .. هو بيقول حاجة اسمها الشمعة تقريبا ( لانا ولا هو متأكدين بصراحة ههههه ) و انه ماشى بيها بقاله فترة بس هى محتاجة تتغير
التكييف : هو مغيرله كباس من فترة .. بس بيقولى من اسبوعين كدة شغله فترة طويلة و العربية واقفة فحصل فيه مشكلة و بقى مبيطلعش هوا ساقع .. و فعلا جربنا نشغله بيطلع هوا بسرعاته العادية لكن مش ساقع .. فهو بيقول انه جايز محتاج يتشحن و كدة ... و عرض من نفسه ان لو فى نصيب و هشتريها انه هو اللى هيصلحه و مش هاخدها غير و التكييف شغال بكفاءة ...
فى حاجة بيدخل منها هوا سخن كدة على رجل السواق .. انا مش فاهمها برضه .. و هو بيقول انها حصلت تقريبا من بعد حوار التكييف

العربية و هى ماشية ناعمة و فى المطبات كويسة جدا باستثناء الخربطة اللى بتحصل فى الحتة اليمين اللى قولت عليها دى ... و فى لحظة كدة كان فى تغيير فى صوتها و هى بتسحب مش عارف ممكن تبقى مرتبطة بانه كان حاطط بنزين 80 ولا دى علامة على حاجة تانية ...

تقريبا دى كل التفاصيل اللى شوفتها يعنى ( مع العلم ان انا مش خبرة قوى يعنى و معظم الحاجات دى هو نفسه كان بيقولها من قبل ما اعلق عليها )

هو دلوقتى قافش فى السعر على 32.5 ... و انا مش عارف اقرر الحقيقة :( ... يعنى انا حاسسها حالتها اعلى كتير من معظم اللى شوفته معروض ... بس برضه مش قادر احسم السعر ده كدة كويس بالنسبة للتفاصيل اللى ذكرتها دى ولا ممكن يتحرك لسة ؟ .... يا ريت المشورة بقى يا اهل الخبرة يعنى ^_^

[rotanamasoud]

صباح الخير يا باشا ^_^ ....

انا شوفت النهاردة الـ زد اكس اللى كنت باخد رأيك فيها ...

العربية فيها الاتى :

الحالة العامة خارجيا معقولة جدا زى اللى فى الصور بتاعت الاعلان تقريبا مفيش فرق
الموتور زى ما قولتلك فعلا .. 1600 بوش 1400
باور
طارة متحركة(كلهم طاره متحركه)
بطارية جديدة
الانوار و الفوجات شغالين كلهم
عدادات سبور ( فيهم مؤشر حرارة و ار بى ام و ساعة ديجيتال لوحدها )
الفرش : كسوة فوق الاصلى قدام و مش الاصلى ورا (الحاله ايه تعبانه ولا فرش نضيف جدا)
كان فى مشكلة فى رفع الزجاج الامامى و هو غير المكنة بتاعته
كان فى مشكلة فى السنتر و هو صلحها و شغال كويس دلوقتى
فيها كاسيت سونى بيشغل فلاشة و كدة يعنى
العربية بعقد مسجل باسمه من سنة و نص و لسة فى رخصتها حوالى 7 شهور تقريبا
السلبيات اللى فيها :
المراية اليمين كهربا لكن مش شغالة
فى شوية تجريح فى الدهان بس مش حاجات كبيرة و الاماكن المتجرحة مفيش تحتها معجون ( حتة فى الاكصدام الخلفى و حتة فى اطار باب من الابواب )
فيها خبطة خفيفة واضحة فى الصور اللى فى الاعلان و برضه مش باين فيها آثار سمكرة ولا كدة .. حتة مطبقة سنة بس
مؤشر الحرارة هو بيقول انه حاسه مش دقيق قوى و ساعات بيخرف
عداد الكيلومترات مش شغال (السرعه والكيلو مرتبطين مع بعض يفصلو سوا ويشتغلو سوا)
ساعات عداد السرعة بيعلق ( و انا راكبها معاه كان شغال و معلقش ولا مرة بس هو اللى قال كدة )
فى حاجة فى العفشة بتعمل خبطة كدة مع المطبات قدام ناحية اليمين .. هو بيقول حاجة اسمها الشمعة تقريبا ( لانا ولا هو متأكدين بصراحة ههههه ) و انه ماشى بيها بقاله فترة بس هى محتاجة تتغير (الشمعدان مش الشمعه)
التكييف : هو مغيرله كباس من فترة .. بس بيقولى من اسبوعين كدة شغله فترة طويلة و العربية واقفة فحصل فيه مشكلة و بقى مبيطلعش هوا ساقع .. و فعلا جربنا نشغله بيطلع هوا بسرعاته العادية لكن مش ساقع .. فهو بيقول انه جايز محتاج يتشحن و كدة ... و عرض من نفسه ان لو فى نصيب و هشتريها انه هو اللى هيصلحه و مش هاخدها غير و التكييف شغال بكفاءة ...(اشتغاله تستلم ويومين ويسرب اعتبره مش شغال)
فى حاجة بيدخل منها هوا سخن كدة على رجل السواق .. انا مش فاهمها برضه .. و هو بيقول انها حصلت تقريبا من بعد حوار التكييف
(فتحات تبع التكييف)
العربية و هى ماشية ناعمة و فى المطبات كويسة جدا باستثناء الخربطة اللى بتحصل فى الحتة اليمين اللى قولت عليها دى ... و فى لحظة كدة كان فى تغيير فى صوتها و هى بتسحب مش عارف ممكن تبقى مرتبطة بانه كان حاطط بنزين 80 ولا دى علامة على حاجة تانية ...
تقريبا دى كل التفاصيل اللى شوفتها يعنى ( مع العلم ان انا مش خبرة قوى يعنى و معظم الحاجات دى هو نفسه كان بيقولها من قبل ما اعلق عليها )
هو دلوقتى قافش فى السعر على 32.5 ... و انا مش عارف اقرر الحقيقة :( ... يعنى انا حاسسها حالتها اعلى كتير من معظم اللى شوفته معروض ... بس برضه مش قادر احسم السعر ده كدة كويس بالنسبة للتفاصيل اللى ذكرتها دى ولا ممكن يتحرك لسة ؟ .... يا ريت المشورة بقى يا اهل الخبرة يعنى ^_^

اعلى من العربيات فى ايه العيوب دى عيوب واحد مقرر يبيع ومبيصرفش وبتتراكم فى العربيه
مش عارف اقرر لانى مشوفتش بعينى بس راىى الشخصى تسوى25 الا لو سعر العربيه فى القاهره مولع
ال32.5 دى لو تكييف تلاجه ومكنه 1600 سحب طياره ومفيش شغل عفشه وبور وجنوط وكاوتش وفرش صالون ممتاز ومفيش اى شغل الا خفايف بسيطه
القرار يرجعلك اولا واخيرا مع لازم واحد ثقه فاهم معاك حاسس انك مش خبره عشان ميدحكش عليك والله خبرا وبيقعو ما بالك بالمبتدئين

[RagehYS]

تمام كدة يا باشا :d .... هكلمه اقوله الكلمتين دول ^_^ .. سعر العربية فى القاهرة مش مولع قوى ولا حاجة .. يعنى الحاجات المعروضة على النت و فى الاعلانات و كدة كلها فى الرينج اللى انت قولته قبل كدة ...
لو رضى فى حدود الـ 25-26 كان بها .. مرضيش يبقى مفيش نصيب فيها و نشوف غيرها :) ...

و يا ريت لو اتكعبلت فى حاجة قدامك كدة فى الحدود و المواصفات اللى بنتكلم فيها ابقى عرفنى .. سواء تيمبرا او زد اكس او سيينا :) ... و معلش عارف انى عاملك دوشة ^_^

[mkah21]

ربنا يسهل وتلاقى عربية كويسة

بجد العربية دى جميلة وكان نفسى فيها زمان لكن ميحصلش نصيب وتلف الايام واجيب ميجان
رينا يكرمك وتلاقى عربية كويسة ان شاء الله

[ahmed foda88]

السلام عليكم ورحمة الله.....
اقدامي عربية zx موديل 97 مفيهاش بور او تكييف ومحتاجه بعض المصاريف في حدود 4000ج و مطلوب فيها 18000
السؤال هنا ... هل لو خلصت العربية على 18000 او 17000 ممكن اصرف عليها و اظبطها ولا بلاش ؟؟ علما ان العربية ماشية وشغاله ...
و هل ممكن اركبلها بور بتاع اكسارا ؟؟؟ ارجو الافادة

[rotanamasoud]

السلام عليكم ورحمة الله.....
اقدامي عربية zx موديل 97 مفيهاش بور او تكييف ومحتاجه بعض المصاريف في حدود 4000ج و مطلوب فيها 18000
السؤال هنا ... هل لو خلصت العربية على 18000 او 17000 ممكن اصرف عليها و اظبطها ولا بلاش ؟؟ علما ان العربية ماشية وشغاله ...
و هل ممكن اركبلها بور بتاع اكسارا ؟؟؟ ارجو الافادة

رقم واحد اساسيات سليمه شاسيه غير كده متشتريش
لو 17 ومحتاجه 5 اساسى حتكون واقفه عليك ب22 ومع الكماليات قول تكييف وبور توصل ل25 بس مشدوده على المسمار زيرو حسبه كويسه
بس شاسيه زيرو مفيهوش خبطات داخليه ولا برومه وصالون جيد وتبنى عليها اى حاجه غير كده بتشتغل نفسك
متنساش ان شد العربيات متعب وعايز واحد فاهم كويس هو بيعمل ايه لو تقدر حطلعها زيرو
يركبلها بور اكسارا وبيجو 405

[hinrey_2]

تحياتي لحضرتك واتمنى تكون بخير
ولى سؤالين لو سمحت
انا كنت عايز افحص سلك عداد السرغة والعداد وفكيت الطارة ولقيت تحتها 3 مسامير نجمة فهل لابد ان افكهم وافك فبر الطارة لاصل للوحة العدادات ؟
2- هل يمكن ان تتفضل بارشادي لطريقة لفك الراديو علشان عايز اوصل له سلك ايريال (دخلت من الجناب سكنتين رفيعين وشديت الراديو ولكن لم يتحرك من مكانه )
العربية ستروين ax
تحياتي واحترامي

[mosaad mohsen]

اسلام عليكم
والله انا قريت ال28 صفحه وطلع عيني بس ربنا يبارك لكل واحد اعطي نصيحه لله واخص الشكر والتقدير لا ا/ روتانا بجد ربنا يباك فيك.
انا بشتري دلوقتي ax 1400cc مويل 95 العربيه ماشاء الله متور ظهر الي معه محافظ عليها جدا الفرش الي عليها مغطي فرش الفبريكه بتعها احنا شلنا الفرش لقيت فرش الفبريكه متقعدش عليه الطبلوه ماشاء الله مينقصهوش مسمار ومفهوش خربوش المهم علشان مطولش هي اساسيات نظيفه الجنب الشمال الباب واخد تريحه بس تترض ع البارد احنا وصلنا ل19000 جم وده الاخر خالص الي قدرت اوصله يترا كده كويس ولا اه التكيف كله راكب وشغال بس مش بيجيب هوا ساقع عاوز صيانه او شحن فا ياتري كده كويس ولا ايه؟
وشكرا هحاول ارفع صور ليها

[mosaad mohsen]

السلام عليكم
مش عارف يا جماعة الموضع ده كتر وبقه يخنق كل واحد تكلمه في التيلفون علي عربيته الي عرضها للبيع يقولك العربيه ميه ميه مش هطحت جنيه وتروح تلاقي العربيه طالع عينها،ومش نفعة اصلا خبط في الشسيه شنطه متغير سقف متغير المهم فيها مصيبه ويقلك والله حاجه ممله وترح المشوار ع الفاضي ووقت ومصاريف وتعب وربنا يستر علي كل واحد بيشتري جديد

[mosaad mohsen]

زهقت والله

السلام عليكم
انا خلاص زهقت من الميكانيكية والكهربائيه
عندي الطبلوه مغيره للعربيه وجيبه بتعها بس بدل ما لمبة حراره ومن غير rbm خليته كله امبيرات والكهربائي يقلي ده شغل بتاع عدادات علشان مش عارف يشغل الrbm ولا عداد الحراره وبتاع العدادات يقلي ده شغل كهربا والعداد شغال عند ناس معاهم نفس عربيتي والميكانيكي مغيرلي طقم دبرياج والعربيه بتسقف زي ما بيقولو وبتبطل لوحدها وانا ماشي
حد عنده حد بيفهم في السيتروين الموضع سهل بس عاوز حد بيفهم
وجزاكم الله خيرا

[rotanamasoud]

الصبر يا mosaad mohsenالعربيات دى بتعانى اهمال السنين من ملاكها القدامى بالصبر ترجع مظبوطه

[mosaad mohsen]

والله يا ا/ روتانا
انت الي اقنعتني بالعربيه ديه وانا شخصيا عجباني انا جبت عربيه اساسيات جميله بس صرفت كتير عليها والحمد لله وصلتها لحاله كويسه بس بالتعب والاشتغلات من الميكانيكيه بطريقه مستفزه والحمد لله ربنا ييسرها واديني بحاول وربنا يعني