تقرير عن ستروين ax&zx

[hinrey_2]

لقد رفعت الصورة على موقع العملاق وشربت المر وبعد ما ظهرت فى الرد اختفت تانى
وعموما انا باسأل عن الزرارين يمين ويسار التابلوه وعليهم اشكال زى كشاف وعليه خطوط متعرجة
وزرارين شكل زرار الانتظار بالضبط جنب بعض تحت الطفاية وزرار عليه شكل كشاف وجنبه بكرة زى اسكرول الماوس على يمين زرار الشفاط
واعتذر عن اختفاء الصورة

[rotanamasoud]

انا شوفت الصوره
من الذاكره
تحت الطفايه يمين ده بيخلى التكييف يسحب هوا دوره مغلقه او يسحب من خارج العربيه
تحت الطفايه شمال جنبك يعنى تشغيل وفصل التكييف
شمال فى فى التابلوه جنب العدادات صوره كشاف وعليه لمبه متعرجه ده نور للشبوره(لو عربيتك فبريكه يشتغل)بيعمل ايه حتلاقى لمبه زياده فى الفانوس الخلفى نورت مع النور الواطى اللمبه اللى نحيه السواق بحيث انها تزود النور الخلفى لتحسين رؤيه السياره فى الشبوره
يمين فى فى التابلوه جنب العدادات ده زرار تشغيل الحراره للزجاج الخلفى (لما بيكون عليه تلج بره مصر وحتلاقيه ملغى)
زرار الكشاف وعليه بكره بتلف ده زرار التحكم فى انخفاض وارتفاع اضائه العدادات
لو جبت الصوره ححددلك بالظبط

[hinrey_2]

متشكر جدا يا استاذ روتانا على الرد ولافادة
واسمحلى استشيرك فى المشكلة دي
يصدر عن العربية (ستروين ax ) صوت عالى عندما ارجع للخلف وتكون الارض خلفى مرتفعة
ولا يصدر الا فى هذه الحالة فقط .
مع ملاحظة ان العجل عندى مقاس 175 ولكنه لا يحتك بالرفرف (فى الغالب).
ولاحظت ان الصوت على بعما اصدمت برصيف منخفض اثناء الدوران
ايه ده فرملة يد معلقة والا عفشة والا احتكاك الفتيس .
لانى خايف الصنايعي يضحك عليا ويفتح فى الشغلانة او يشخص المشكلة غلط كالعادة

[rotanamasoud]

دى صعب اعرفها لانى مسمعتش الصوت او بصيت تحت العربيه
لاكن بديهيا لا يصدر الصوت الا عند الرجوع على خلفيه مرتفعه معناه ان فى حاجه سايبه وبتميل مع الارتفاع تعمل الصوت اشك فى الشكمان ساقط ومش متركب على جميع العليقات بتوعه انزل بص بصه وهز الشكمان وقلى النتيجه

[hinrey_2]

الشكمان فعلا بيتهز ومش ثابت
فيه ميكانيكي قبل كده قالى الشكمان لازق فى الكروسليه وطبعا انا مش فاهم معنى الكلمة ومشيت
وفى انتظار راى حضرتك مع الشكر والامتنان لاهتمامك

[hinrey_2]

كمان فيه مفاجأة .انا حطيت ايدي بين كاوتش العربية الخلفى الاكبر فى المقاس من الاصلى وبين جسم العربية ووجدت المسافة اقل من 1 سم ..
وده طبعا راجع ان الكوتش معووج لان الجنب اليمين فوق رصيف والفردتين الشمال فى الشارع والعربية بتركن مايلة جهة اليسار .

[rotanamasoud]

لازم الشكمان يتهز ولاكن اهتزاز مدروس يعنى ميكونش ثابت ينقل الاهتزاز للركاب وميكونش بيتمرجح
الكروسليه انا مش عارفها بس اعتقد تعنى جسم العربيه
الكاوتش كان عندى 175 ومعملش اى مشاكل الا لو محمل وبجرى على الدولى وكلت مطب هوا ممكن اسمعه يحك حتى لو المسافه قصيره
عموما بعد شراء اى عربيه لازم تفك وتظبط الفرامل والعفشه والسيور والفلاتر ومتهملش فى الحجات دى

[Reddawn]

السلام عليكم ورحمه الله وبركاته

شكرا للمجهود الرائع لاستاذ rotanamasoud و aaah وغيرهم من الاعضاء ع مشاركه الخبرات .....وانا الحمد لله تمكنت من استبدال سيارتي ال ايه اكس ب زد اكس مو 99 جبتها ب 25 التكييف محتاج اصلاح....واضطريت اجيبها لاني محتاج وسع الصالون ولان عملي كل طريقه ريفي بمقبات (مطبات) فظيعه وكنت بحس ان ال ax عامله زي الحصاله ....ومع ان فعلا الميكانيكي وكذا صديق حطموا مقاديفي شويه ( كنت جبت اونو او شاهين او 131...لكن حرام ادفع السعر ده في عربيات موديلات التمانينات ومحتاجه كذلك الشغل المعتاد


استفساراتي...1 - الشكمان بيطلع منه دخان اسود عجيب وتنتيش وساعات العربيه بتبطل...صاحبها قالي انضف الكربراتير والميكانيكي بيقولي احتمال اشتري واحد....الجديد بكام؟ والاستيراد بكام؟؟

2- الحمد لله العفشه تمام وكويسه....لو حبيت اتقي شر المطبات وانا محمل 3 ورا...يا ترى ينفع اعلي ال zx؟؟...وايه التعديل اللي ميعوقش ثباتها ؟

3- سؤال نابع من الفضول.....كبالن ال zx بكام؟ .....الفرامل جميله لكن بعيده....دي يتاخدلها هوا ولا ممكن تتعدل بنظام احدث ولا ايه....عذرا لو استفساراتي نابعه من جهلي لكن عشمي في ذوق حضراتكم ومعرفتكم كتير...........ربنا يبارك فيكم ويقيكم شر الطريق والاعطال ويشحذ هماتنا جميعا للخير...

[rotanamasoud]

اسف على التاخير يا استاذ Reddawn
- الشكمان بيطلع منه دخان اسود عجيب وتنتيش وساعات العربيه بتبطل...صاحبها قالي انضف الكربراتير والميكانيكي بيقولي احتمال اشتري واحد....الجديد بكام؟ والاستيراد بكام؟؟
دى مش حقدر افتى فيها بس تنضيف الكاربراتير مش حيضر تجيب منظف كاربراتير وفلتر بنزين جديد واعملها بايدك تفك فلتر الهوا هو مسمار وتبخ السائل مع الضغط على البنزين وانا مغيرتش كاتربراتير بس كنت اسمع انه فى حدود 700فى اسكندريه
2- الحمد لله العفشه تمام وكويسه....لو حبيت اتقي شر المطبات وانا محمل 3 ورا...يا ترى ينفع اعلي ال zx؟؟...وايه التعديل اللي ميعوقش ثباتها ؟
بتتعلى بس عايزه واحد فاهم لان الدنجل مسنن زى التروس هو بيعلى سنتين بس لو خلف العربيه حتميل وممكن المساعدين ورا ضعاف يتغيرو يحسنو الوضع
3- سؤال نابع من الفضول.....كبالن ال zx بكام؟ .....الفرامل جميله لكن بعيده....دي يتاخدلها هوا ولا ممكن تتعدل بنظام احدث ولا ايه....عذرا لو استفساراتي نابعه من جهلي لكن عشمي في ذوق حضراتكم ومعرفتكم كتير...........ربنا يبارك فيكم ويقيكم شر الطريق والاعطال ويشحذ هماتنا جميعا للخير...
الكبالن مش فاكر بس كنت سامع 600 لاكنى غير متاكد تماما والفرامل تاخد هواها ولو مظبططتش حقولك تعمل ايه ولو عايز تعدلها ممكن تركب سكاكين ورا (نفس دنجل الاكسارا وتبقى اسفدت بتعديل الفرامل وتعليه العفشه من ورا وتجديد العفشه بالكامل من ورا)

[hinrey_2]

لو سمحت ممكن تعرفنى ايه هيا وظيفة المواسير المرقمة فى الصورة المضغوطة الملحقة .
_بالنسبة لرقم اربعة دول حديدتين زي الفيشة الدكر فى المكان ده ومش متوصلين بحاجة وعايز اعرف وظيفتهم .اما رقم 5 فعايز اعرف اسمها لانى باقول عمة من عندي وما اعرفش اسمها ايه .
ملحوظة : التكييف عندي ملغي

[hinrey_2]

http://dl101.ot2.com/83673d370651d8e7ecfdc1bc6ea5d82d/00.jpg

[santos egypt]

ممكن تدلونى على حل جذرى لمشكلة الفرامل فى ال ax وكمان عايز اعرف البلية بتاعت العجله الأماميه بكام ؟وايه هو افضل نوع عشان بسمع صوت قدام وقالولى دى البليه
وشكرا

[rotanamasoud]

استاذ hinrey_2 استخدم موقع 4شايرد لرفع الصور لانه ممتاز
استاذ santos egypt
فرامل الax خرافيه وقويه جدا ومناسبه للعربيه انت عندك مشكله اكيد
فانت تاسسها من الصفر حتلاقيها ودى فرامل يعنى متتسبش الا لما تتعمل صح
تبدء بالاجهزه تروح لمتخصص يفك ال4 اجهزه وينضفهم ويشوف لو عايز تيل او خرط طنابير اوتغيير طنابير
بعد ظبط الاجهزه تفك الماستر والسيرفو وتنضفهم وتغير جلد الماستر نضافه وتغير زيت الفرامل بالكامل من اول العلبه حتى الاجهزه وتنزل اللى فى المواسير
حتاخد فرامل ملهاش حل
بليه العجل مش متزكر تعمل كام لانى مغيرتهاش بس مش حتكون رقم كبير متقلقش

[hinrey_2]

خالص الشكر للاستاذ المحترم روتانا على الاهتمام والرد لان للاسف مفيش تعاون من الزملاء بالمعدل المأمول
وشكرا على النصيحة الخاصة برفع الصورة
واكرر الاستفسار

لو سمحت ممكن تعرفنى ايه هيا وظيفة المواسير المرقمة فى الصورة المضغوطة الملحقة .
_بالنسبة لرقم اربعة دول حديدتين زي الفيشة الدكر فى المكان ده ومش متوصلين بحاجة وعايز اعرف وظيفتهم .اما رقم 5 فعايز اعرف اسمها لانى باقول عمة من عندي وما اعرفش اسمها ايه .
ملحوظة : التكييف عندي ملغي

[hinrey_2]

وعارف ان حضرتك شكرت قبل كده ونصحتنى بزيت شل الاصفر بس ممكن اسالك عن زيت توتال الفرنسي مقارنة بشل .كمان فيه نوع المانى اسمه رافينول نصحنى به الاستاذ فريد شوقى وكنت عايز مناقشة من حضرتك للمفاضلة واعذرنى لكثرة الاسئلة بس انا عايز احافظ على الموتور خصوصا انى جديد فى السواقة وباحرق على الغيارات وعايز احمى الموتور وزيت ما يتحرقش بسرعة