وقفة ضد عيوب الإليزيه

[Ahmed_Adham]

مش عز العرب بس اللي عايز وقفه. التوكيلات كلها في مصر جشعه وكل اللي يهمهم هبش الفلوس وخلاص. احنا العربيات عندنا من أغلى البلاد في العالم وهامش ربح التوكيلات من الاعلى في العالم برضه وكمان بيجيلنا عربيات درجه تالته في التقفيل والمواصفات وراضيين ومع ذلك ملناش أي حقوق معاهم وبمجرد ما يقبضو تمن العربيه بيحطو رجل على رجل وانت تعمل ما بدالك ومتلاقيش حد يعبرك ولا قانون صارم يحميك. لو توكيل واحد بس خد حظر استيراد 3 شهور الباقيين هيتأدبو ولو مش هنقدر نعمل ده يبقى بعد كده محدش يجيب عربيه وكيل وكله يبقى استيراد خليجي وخلافه.

[Mzeid]

أستاذ أسلام حضرتك او حد تانى فى مشاركه له فى نفس المشكله كان بيقول انه لما يشغل التكييف فى السلانسيه ال rpm بينزل مش كده ؟ انت كده شخصت المشكله ومفروض فى الصيانه تكون قلتلهم الكلام ده لأن الطبيعى ان جميع العربيات لما تشغل التكييف السيلانسيه بيعلى يعنى مثلا فى عربيتى ال ax 95 ال rpm فى السيلنسيه بيبقى على 800 لفه ولما بتشغل التكييف ال rpm بيعلى ويوصل لغايه 1200 لفه فى الدقيقه ده بيحسن كتير من طلعه العربيه من السكون . والمسئول عن العمليه دى فى العربيات الحديثه ال ecu ( الكمبيوتر ) وفى العربيات القديمه ( الرداخ ) فى الكربراتير . ماعرفش الكلام ده تايه عنهم ولا جايز الوحده لسه متوفرتش عندهم دلوقت ولا أيه الله أعلم

كلام سليم
المفروض المحرك يعلى شوية مع التكييف

[Karim Ibiza]

انا لاحظت فعلا فى البيجو الـ301 والاليزيه ان المروحة بتشتغل على السرعة العالية كتير مع التكييف

[hamaka]

الغريب ان فى ناس كتير أعرفهم جابوا العربية و مظهرش معاهم العيب ده خالص ، أنا شوفت واحد فى التوكيل من كام يوم عامل بيها 10000 كم و كان جاى يعمل صيانة و الدنيا معاه لوز و مظهرش معاه أى حاجة من ساعة ما جاب العربية و متعملوش أى حاجة فى السوفت وير خالص غير لما راح يعمل الصيانة الأولى فا عملوله Update فى التوكيل من غير ما يطلب ، معنى كده ان القصة مش سوفت وير خالص لأن لو السوفت وير فيه مشاكل كان العيب بان فى كل العربيات اللى نازلة مع العربيات اللى فيها العيب ده ، انما كده واضح ان فى كام عربية نزلوا فيهم مشكلة ممكن تكون فى ال ECU بتاع العربية و التوكيل لسة مش قادر يوصلها و عمالين يحوروا بقى فى حوار السوفت وير الفكسان ده عشان يكسبوا وقت على ما الحل يجيلهم من فرنسا....

[mezo73]

حطيت من موبيل 92 و رافع اوكتان و ده كان بعد الكشف عليها يوم الثلاثاء الماضي
و ظهرت نفس المشكلة يوم الخميس و الجمعة
و طبعا قالي امبارح انهم كشفوا على البوجيهات و نظفوا البوابة و عملوا تحديث للسوفت وير
الموضوع اللي عملوه كبير جدا و كتير
و لو لسه فيه مشكلة يبقى الموضوع لازم حماية المستهلك لأن التوكيل كدا بيضيع وقت على الفاضي

معلش مش هاتخسر حاجة بدون رافع اوكتين لانة ممكن يكون مضروب
ارجو عمل الاتي تخلي العربية تشحر بنزين وتحط 15 لتر95 مثلا ويكون يوم جمعة الدنيا فاضية وتطلع الدائري وتكبس بالعربية كيك دوان وار بي ام عالي وتوصل لسرعة 180 مثلا بدون تكييف وشوف وقرر بعد كدة
ممكن يكون البنزين وحش والموتور كربن وعاوز يتفتح
وبعد كدة شغل التكييف وشوف في فرق ولا لاء
وربك يحلها ان شاء الله

[Ahmed Amin]

معلش مش هاتخسر حاجة بدون رافع اوكتين لانة ممكن يكون مضروب
ارجو عمل الاتي تخلي العربية تشحر بنزين وتحط 15 لتر95 مثلا ويكون يوم جمعة الدنيا فاضية وتطلع الدائري وتكبس بالعربية كيك دوان وار بي ام عالي وتوصل لسرعة 180 مثلا بدون تكييف وشوف وقرر بعد كدة
ممكن يكون البنزين وحش والموتور كربن وعاوز يتفتح
وبعد كدة شغل التكييف وشوف في فرق ولا لاء
وربك يحلها ان شاء الله

يا جماعة العربية نازلة أصلاً منصوح أن ينحطلها ببنزين 92 ومتصممة أنها تمشي بيه وكل العربيات سوا الأليزية أو ال 301 أو الأعلي منهم زي c4 أو 308 شغالين ب 92 زي الفل,
95 أيه اللي بتنصحو بيه دا وبالتجربة عليه.!!!

ولو أفترضنا جدلاً أنو هيظبطها,, هل دا هيكون علاج ولا مسكن ؟؟
وهل لو ظبطت معني كدا إن أصحابها المفروض يحطو 95 طول عمرهم عشان التكييف يبقي مظبوط.؟
ومش مشكلة بقي أن صاحبها يدفع 3 أضعاف تمن البنزين ال 92 بتاعها في مشاويرة واللي هيا نازلة عشان تشتغل بيه,,؟؟
لمجرد إن البرجلة ممكن تروح معاه حاجة وقتية كدا.!

عشان ال 95 مش منظف ولا بينضف, دا بنزين هيتحرق,,
المشكلة لو أتحلت معاه يبقي ظبط أنضغاط الموتور عايز يتظبط سوفتوير,
لو مظبتطش مع البنزين يبقي التوكيل يكشف علي العربية كويس ويشوف دا عيب كومبريسور ولا عيب أيه ويتصلح أو يتغير ويتبلغ بيه الشركة الأم عشان مينزلش في الباتشات الجديدة وميموتش سوق العربية,

اللي أنتو بتقولوه دا مش حل ولا علاج.

مع العلم إن البيجو 301 لحد أنهارده مفهاش مشاكل في التكييف وهما الأتنين المفروض خارجين من نفس المصنع,
فأنا اللي شايفة دلوقتي أنكم تعملو جروب وتبعتو لجهاز حماية المستهلك لان شكاوي التكييف كترت في القسم هنا, يعني لو كانت مشاكل عشوائية كنا قلنا بنزين أو عربية فيها عيب وعربية لأ,
لكن كدا ممكن يكون في حاجة محتاجة يتكشف عليها,,

وبعد ما تعملو جروب وتبعتو لجهاز حماية السمستهلك بمشكلتكم وأرقام شاسية عربياتكم,, تراسلو مصنع psa في أسبانيا وسيتروين فرنسا وتعرفوة بالمشكلة دي وتعرفوهم أنكم عايزين حل ليها في أسرع وقت ممكن..

[Ahmed Amin]

انا لاحظت فعلا فى البيجو الـ301 والاليزيه ان المروحة بتشتغل على السرعة العالية كتير مع التكييف

علي فكرة دا طبيعي ومش عيب,,
الفرنساوي كله دا المروحة بتشتغل عال سرعة العالية مع التكييف من أول ما بتشغلة حتي لو العربية باردة, وبتفصل شوية وبتشتغل شوية.

مش عيب يعني.

[asuity]

لكل ملاك اليزيه .. لو عندك مشكلة مع العربية في ان
التكييف ضعيف
او لو الموتور بيتأثر من تشغيل التكييف والسحب بيبقى ضعيف
او عندك الموتور بيصقف مع التكييف
او ان اداء العربية عموما مش طبيعي مع التكييف

ارجوكم اتجمعوا هنا عشان نبعت شكوى جماعية لحماية المستهلك.

موضوع عمل تحديث للسوفت وير اللي التوكيل بيتحجج بيه مش بيجيب نتيجة نهائي.

انا اعرف 3 اعضاء هنا في المنتدى وفيه اتنين على جروب ستروين على الفيس بوك وقابلت ناس في التوكيل عندهم نفس العك اللي في العربية الخربانة دي

حسبي الله ونعم الوكيل

[islam.afifi]

أستاذ أسلام حضرتك او حد تانى فى مشاركه له فى نفس المشكله كان بيقول انه لما يشغل التكييف فى السلانسيه ال rpm بينزل مش كده ؟ انت كده شخصت المشكله ومفروض فى الصيانه تكون قلتلهم الكلام ده لأن الطبيعى ان جميع العربيات لما تشغل التكييف السيلانسيه بيعلى يعنى مثلا فى عربيتى ال ax 95 ال rpm فى السيلنسيه بيبقى على 800 لفه ولما بتشغل التكييف ال rpm بيعلى ويوصل لغايه 1200 لفه فى الدقيقه ده بيحسن كتير من طلعه العربيه من السكون . والمسئول عن العمليه دى فى العربيات الحديثه ال ecu ( الكمبيوتر ) وفى العربيات القديمه ( الرداخ ) فى الكربراتير . ماعرفش الكلام ده تايه عنهم ولا جايز الوحده لسه متوفرتش عندهم دلوقت ولا أيه الله أعلم

طبعا اشكر حضرتك على المشاركة
و طبعا كل ده معروف و انا بلغتهم في ال 3 مرات اللي رحت التوكيل فيها
هم عارفين ان فيه عيب في العربية و بيماطلوا لأنهم مش عارفين يصلحوه
و اكيد بيقولوا مشكلة بنزين بحيث اقبل العيب على ما هو و طول ما الصوت موجود هقول بنزين
مصر كلها بتحط بنزين و بيسمعوا صوت و بيروح , لكن انك تعرف انهي محطة نظيفة ده مستحيل
و في النهاية لو الصوت لازال موجود و التحميل على الماتور لسه موجود يبقى الحل واضح هو على جهاز حماية المستهلك و هم يجيبوا حقي و حق اي واحد عنده عيب في العربية

[islam.afifi]

هي و البيجو حاجة واحدة

أ إسلام هو تأثير التكييف على السحب بيكون شديد ولا مجرد تأثير ملحوظ لأن الطبيعي في اي عربية فيها محرك صغير ان التكييف يأثر على السحب
و الرجة مع التكييف بيكون على طول ؟ و لما تكون العربية idled و التكييف شغال بيكون عداد ال rpm على كام ؟

التأثير ملحوظ و واضح و في الزحمة اكتر
لما بقفل التكييف حتى لو في زحمة ولا بحس بأي حاجة و الصوت هادي جدا و ناعمة

في الزحمة و التكييف شغال ال rpm بيرقص
مرة اكتر من 1 و مره قبل 900 و مره اقل من 900 بحاجة بسيطة و هنا بتحصل الكركرة و الرجة

[islam.afifi]

علي فكرة دا طبيعي ومش عيب,,
الفرنساوي كله دا المروحة بتشتغل عال سرعة العالية مع التكييف من أول ما بتشغلة حتي لو العربية باردة, وبتفصل شوية وبتشتغل شوية.

مش عيب يعني.

طيب و احنا مش معترضين على صوتها
الإعتراض هو على الكركرة لما بنشغي التكييف في الزحمة
يعني هنجيب عربية و نقفل التكييف في عز الحر ده

و الرجة في الزحمة برضه قصة تانية

[Ahmed Amin]

وعشان محدش بس يقول عيب بنزين تاني بالعقل كدا لو العيب عيب بنزين, كان ظهر في الc4 وال c5 والبيجو 301 .!! لأن العربيات دي مفهاش المشكلة دي,,
وأكيد البنزين يعني مش هيستقصد يعني بتوع الأليزية ويسيب كل العربيات دي..

أنا من رأيي لو هما مش عارفين العيب في التوكيل, لازم يتبعت ميل للشركة الأم في فرنسا ومصانع psa في أسبانيا عشان لو فيه أبديت للسوفت وير يعالج نزول ال rpm لعدد لفات قليل يسبب الرجرجة دي,
أو لو فيه مشكلة في الكومبريسور يعترفو بيها ويحلوها مع عمل شكوي جماعية عشان يحصل أهتمام بيها بشكل أسرع.

[islam.afifi]

كلام سليم
المفروض المحرك يعلى شوية مع التكييف

حضرتك مش فاهم برضه المشكلة
الموضوع مش صوت مروحة عالي او تكييف بيفصل
الموضوع كالاتي:
1- في الزحمة العربية مكتومة و لازم تضغط بنزين اكتر عشان تبدأ تجمع عشان توصل حتى لسرعة 20 كم س
2- رجرجة في العربية و انت على السلانسيه مع التكييف , المشكلة ده مش موجودة اساسا و التكييف مقفول
3- الكركرة اللي بتحصل و انت برضه على السلانسيه و التكييف شغال , و برضه المشكلة مش موجودة و التكييف مقفول , صوت الكركرة بيظهر برضه على سرعات عالية و هو بينقل الغيار
4- فيه ناس ظهر عندها تهنيج في السوفت وير و منهم الأستاذ أحمد ( أسيوطي ) ممكن حضراتكم تتأكدوا منه

الخلاصة ان العربية فيها عيوب صناعة و واضح انها من تحميل التكييف لأن و التكييف مقفول الدنيا حلوة اوي و الأصوات اللي بنسمعها هي العادية و الطبيعية ( احنا مش سايقين s500 عشان تبقى حرير من غير اي اصوات )
و مفيش اعتراض ان الاليزيه و البيجو من مصنع واحد , لكن ده لا يمنع ظهور عيب صناعة ولا بد من حل المشكلة او التوكيل هيخسر اكتر و يقفل تماما لو لم يثبت اهتمامه بمشاكل العملاء

[islam.afifi]

وعشان محدش بس يقول عيب بنزين تاني بالعقل كدا لو العيب عيب بنزين, كان ظهر في الc4 وال c5 والبيجو 301 .!! لأن العربيات دي مفهاش المشكلة دي,,
وأكيد البنزين يعني مش هيستقصد يعني بتوع الأليزية ويسيب كل العربيات دي..

أنا من رأيي لو هما مش عارفين العيب في التوكيل, لازم يتبعت ميل للشركة الأم في فرنسا ومصانع psa في أسبانيا عشان لو فيه أبديت للسوفت وير يعالج نزول ال rpm لعدد لفات قليل يسبب الرجرجة دي,
أو لو فيه مشكلة في الكومبريسور يعترفو بيها ويحلوها مع عمل شكوي جماعية عشان يحصل أهتمام بيها بشكل أسرع.

يا سلام على الكلام الموزون و المنطقي
اخيرا حد قال اللي عاوزين نقوله من زمان
مع العلم ان في اول مشاركة ليا قولت ان صوت الكركرة و الرجرجة بتحصل و التكييف شغال و في زحمة و مفيش اي حاجة بتحصل و التكييف شغال
مع زيادة الحمل على العربية كل حاجة بتظهر
حضرتك فعلا جبت من الاخر

[mezo73]

يا جماعة العربية نازلة أصلاً منصوح أن ينحطلها ببنزين 92 ومتصممة أنها تمشي بيه وكل العربيات سوا الأليزية أو ال 301 أو الأعلي منهم زي c4 أو 308 شغالين ب 92 زي الفل,
95 أيه اللي بتنصحو بيه دا وبالتجربة عليه.!!!

ولو أفترضنا جدلاً أنو هيظبطها,, هل دا هيكون علاج ولا مسكن ؟؟
وهل لو ظبطت معني كدا إن أصحابها المفروض يحطو 95 طول عمرهم عشان التكييف يبقي مظبوط.؟
ومش مشكلة بقي أن صاحبها يدفع 3 أضعاف تمن البنزين ال 92 بتاعها في مشاويرة واللي هيا نازلة عشان تشتغل بيه,,؟؟
لمجرد إن البرجلة ممكن تروح معاه حاجة وقتية كدا.!

عشان ال 95 مش منظف ولا بينضف, دا بنزين هيتحرق,,
المشكلة لو أتحلت معاه يبقي ظبط أنضغاط الموتور عايز يتظبط سوفتوير,
لو مظبتطش مع البنزين يبقي التوكيل يكشف علي العربية كويس ويشوف دا عيب كومبريسور ولا عيب أيه ويتصلح أو يتغير ويتبلغ بيه الشركة الأم عشان مينزلش في الباتشات الجديدة وميموتش سوق العربية,

اللي أنتو بتقولوه دا مش حل ولا علاج.

مع العلم إن البيجو 301 لحد أنهارده مفهاش مشاكل في التكييف وهما الأتنين المفروض خارجين من نفس المصنع,
فأنا اللي شايفة دلوقتي أنكم تعملو جروب وتبعتو لجهاز حماية المستهلك لان شكاوي التكييف كترت في القسم هنا, يعني لو كانت مشاكل عشوائية كنا قلنا بنزين أو عربية فيها عيب وعربية لأ,
لكن كدا ممكن يكون في حاجة محتاجة يتكشف عليها,,

وبعد ما تعملو جروب وتبعتو لجهاز حماية السمستهلك بمشكلتكم وأرقام شاسية عربياتكم,, تراسلو مصنع psa في أسبانيا وسيتروين فرنسا وتعرفوة بالمشكلة دي وتعرفوهم أنكم عايزين حل ليها في أسرع وقت ممكن..

اخي العزيز
حضرتك مافهمتش وجه نظري
انا اقصد ان البنزين اللي انت بتحطة من البنزينة ممكن يكون مخلوط نتيجة الغش
ودة ممكن ينتج عنة ان البساتم تكربن علشان كدة قولتلك تتحط 95 وتاخد العربية مشوار قرص علشان تفتح الموتور وتخرج الكربون
وممكن المشكلة تتحل مش باقولك مون 95 عالطول
لان نفس المشكلة دي حصلت مع واحد زميلي بس في رينو ساندريو والعربية كانت بتقطع كمان
خلص البنزين اللي في التنك وعمل زي ما بقولك والعربية اتظبطت بعد ماوداها التوكيل 3 مرات ومعرفوش يعملوا فيها حاجة وبعدها بطل يمون من البنزينة اللي كان بيمون منها وبيحط بنزين من بنزينة تانية
والعبرة العيب دة فيها من اول ماجبتها ولا لاء
لو الاجابة لاء يبقي في احتمال كبير للكلام اللي انا قولته ولو الاجابة اه يبقي العربية كان فيها العيب دة من اول ماشتريتها ويبقي الكلام اختلف والحل دة مش هايكلفك حاجة دول 50 جنية مش هاتخسر
وتمنياتي ليك بالتوفيق
وشكرا