وقفة ضد عيوب الإليزيه

[د عمرو العمرجى]

إلى العضو المتميز جدا LeitoSR

بدأت علاقتى مع هذا الموقع من أيام قليلة و مع تصفحى فى الموقع إزددت يقينا دقيقة بعد أخرى أنك شخص محترم إستفدت مما تكتبه فى مختلف الصفحات و أنك توثق ما تقوله بمعلومات قيمة جدا و تجادل بالحجة و الدليل و لا تترك تساؤل دون الإجابة عليه (بصراحة إنطباعى الأول ما كانش كده)
و لى عن حضرتك بعض الأسئلة
1-عربية حضرتك نوعها إيه ؟ (ارجح انها بيجو)
2-بالنسبة للمقارنة الأزلية بين 301 و سى اليزيه ما هو رأيك الشخصى فى المفاضلة بينهما و ما هو تو قعك لمسار السيارتين فى السوق
لانى بصراحة كنت مقتنع جدا و مهووس بسى اليزيه و كان شكل 301 بالنسبة لى بشع
و مع سماع شكاوى الإليزيه انتقل إعجابى تدريجيا ل 301 و خاصة بعد ما شفتها فى الشارع غير الصور تماما
3- ما معنى مالتى لنك و ما أهميتها
و شكرا مقدما

[Ahmed Amin]

بدأت علاقتى مع هذا الموقع من أيام قليلة و مع تصفحى فى الموقع إزددت يقينا دقيقة بعد أخرى أنك شخص محترم إستفدت مما تكتبه فى مختلف الصفحات و أنك توثق ما تقوله بمعلومات قيمة جدا و تجادل بالحجة و الدليل و لا تترك تساؤل دون الإجابة عليه (بصراحة إنطباعى الأول ما كانش كده)

ربنا يخليك يا دكتور عمرو علي كلامك دا,
وسامحني لو كنت أديتك أنا الأنطبع اللي مش قد كدا دا, بس هوا السبب كان تعليقك, أنا لما بلاقي حاجة هتودي لغلط مش بعرف أسكت عليها, زي دعوتك لزيارة فريد شوقي اللي كانت هتبقي كفيلة بأنها تضيع الضمان لأي حد لسه شاري العربية جديد وملحقش يتهني بيها,,

أنا كان أنطباعي عنك في الأول أنك بتعمل أعلان للورشة بتاعت فريد شوقي من طريقة وصفك له,,
وأنا واحد من الناس اللي روحت لفريد شوقي قبل كدا عشان أعمل عنده صيانة في الفتيس,
وسمعت من ناس كتير انو شاطر وأسطوري وكلمته عال تليفون وقلت له عايز أغير زيت الفتيس وقالي تعالي,
-قلت له عندك الزيت ولا أجيبه وأجيلك أمتي؟
-قالي عندي يا باشا, وتعالا في أي وقت.
وروحت له, والميكانيكي اللي عنده فك طبة الزيت عشان يغيرة,, وبعد ما الزيت كله نزل من الفتيس, لاقيته جايلي بعلب زيت مكتوب عليها swag ومعندوش زيت بيجو-سيتروين الأصلي.

-قلت له أيه دا, أحنا متفقناش علي كدا,, أنا مش مكلمك قبل ما أجي ومتفق معاك علي زيت العربية الأصلي وقلت لي عندك؟
-قالي يا باشا أنا مش هغشك ومش هضرك ومش عارف أيه, وهوا هوا نفس الزيت والكلام اللي مش هيزيد ولا ينقص ساعتها لأنو ضحك عليا وأخل بالأتفاق والمبدأ,,

وانا كنت مضايق جداً لاني وقتي كان ضيق, وطبعاً نزلي زيت فتيس العربية كله نزل عال أرض, ومفيش وقت أروح أجيب زيت من برة وأرجع, وأضطريت مقهوراً أحط للعربية الزيت دا بدل الأصلي بتاعها,,
مع تكرار التحذيرات علي كل المنتديات بعدم أستخدام أي زيوت غير الزيوت الأصلية في الفتيس الخاص بسيتروين و بيجو.

وفي الأخر لما جيت أحاسبة حاسبني علي سعر الزيت الأصلي, 130 جنيه للتر الواحد.!

ندمت أني روحت له, وقلت حسبي الله ونعم الوكيل فيه,,
وتمنيت لو كنت أشتريت أنا الزيت الأصلي معايا قبل ما أروح له عشان متحطش في الموقف دا بسبب قلة الضمير..
وأتعلمت درس بأني مصدقش حد يقولي كلام عال تليفون, إلا أما أروح واشوف قطع الغيار بنفسي اللي هتتركب لي قبل ما الفني يبدأ شغل في العربية.


فا يمكن ردك الأولاوني ووصفك لفريد شوقي أن حد أسطوري هوا اللي خلاني أخد أنطباع عنك أنك داخل تعمله دعايا,,
وخصوصاً إن الأكاونت بتاعك جديد, فمكنش مني إلا أني أنبه الناس عشان محدش يغلط غلطتي ويروح لميكانيكي برة ويجرب علي عربيته ويطلعه بره الضمان,
ويخسر الناس هنا أهم حاجة هما محتاجينها في عربياتهم وخصوصاً إن العربية لسه جديدة في السوق, وممكن يظهر فيها حاجة مع الوقت, وفيها مشاكل في الوقت الحالي.

و لى عن حضرتك بعض الأسئلة
1-عربية حضرتك نوعها إيه ؟ (ارجح انها بيجو)
2-بالنسبة للمقارنة الأزلية بين 301 و سى اليزيه ما هو رأيك الشخصى فى المفاضلة بينهما و ما هو تو قعك لمسار السيارتين فى السوق
لانى بصراحة كنت مقتنع جدا و مهووس بسى اليزيه و كان شكل 301 بالنسبة لى بشع
و مع سماع شكاوى الإليزيه انتقل إعجابى تدريجيا ل 301 و خاصة بعد ما شفتها فى الشارع غير الصور تماما
3- ما معنى مالتى لنك و ما أهميتها
و شكرا مقدما

(1) بالنسبة ليا أنا معايا بيجو وميتسوبيشي لانسر,
(2) وبالنسبة للمقارنة ما بين البيجو الأليزيه هما العربيتين واحد زي ما قلنا في كل الميكانيكا والعفشة وبيختلف التصميم الخارجي للجسم والداخلي للكابينة,
وأتوقع إن البيجو 301 هتنجح أكتر وتنتشر أكتر زي ما حصل مع البيجو 307 مقارنة بال C4
مش معني كدا إن ال C4 وحشة,, العربيتين واحد لو هتسألني عن المفاضلة ما بينهم هقولك مفيش فرق يذكر غير في التصميم,
أما لو هتسألني عن مسارهم في السوق هقولك إن أسم بيجو في مصر ليه تمن وتاريخ ووضع خاص عند المصريين,
ويمكن دا اللي ساعد ال 307 تنتشر عن ال C4
ونفس الحال في العربيات الجديدة زي ال 508 قدام ال C5
هتلاقي البيجو منتشرة أكتر, ودا هينعكس علي سهولة وسعر إعادة البيع قدام..


توكيل بيجو كانت سمعته سيئة جداً في الفترة ما بين أخر التسعينات وبداية الألفينات,
وكان بيقع في الفترة دي وكان لما حد يروح يعمل صيانة ميلاقيش قطع غيار. ويقولو اصبر اسبوعين نطلبها من فرنسا لو حاجة كبيرة. دا غير الأهمال اللي كان في الورش والفنين.

بس أتحسن كتير جداً من 4 سنين بعد ما دخل شريك جديد معاهم وبقت كل قطع الغيار موجودة, وكل الفنين شغالين كويس,, وأنا عن نفسي راضي عن شغلهم وأدائهم في أعمال الصيانات وتوافر قطع الغيار,

http://www.nilemotors.net/Nile/372940-301.html#post3875136529

بالنسبة لتوكيل عز العرب فاهو كويس مع بعض العلامات التجارية العالية زي فولفو ودوج وجيب, أو يمكن عشان الناس دي بتدفع وعشان العربيات غالية وأسعار الصيانات والقطع غالية.

وأكتر من سئ مع الناس بتوع بروتون ومكفر اللي جابوهم,
ومفيش سبب مبرر لدا غير أنك ممكن تقول أنها عربية الطبقة المتوسطة,, لأنها بيتعامل بنضافة مع بتوع فولفو ودودج وجيب.!!

وواضح كدا أنه حالياً نص نص مع سيتروين زي حال أغلب توكيلات مصر,
بس نتمني أنو يكون أحسن من كدا في الفترة اللي جاية, ويهتم بالأليزية أكتر من كدا ويلم المشاكل اللي بتظهر فيها بسرعة عشان متقلقش الناس,
ومتقتلش سمعة وأهتمام الناس بالعربية في مصر.

بالنسبة لأهتمام بالبيجو 301 ممكن تقرأ عنها أكتر في منتدي بيجو وفي أول صفحتين هتلاقي كذا موضوع لتجارب مالكينها تقدر تاخد منه فكرة أكبر عنها لو مهتم بيها,
العربيتين نفس الحجم تقريباً لو حسيت إن الأليزية في الحقيقة غير الصور,
أنا واحد من الناس شايف وش ال301 قوي وشيك جداً, بس من ورا مش حلوة أووي, وهيا هتبقي أزاوق ساعتها,,
بس العربية كا مضمون ممتازة كا سعر مع مواصفات ودا اللي يهمني أكتر فيها ويخليني أشتريها.

بالنسبة لنقطة (3) في المجمل هوا نظام التعليق الخلفي -العفشة-
بيكون متعدد الأزراع, كذا دراع ماسكين الفردتين الخلفيتين, دا بيدي للعربية أكتر, وبيدي راحة أكبر في السواقة وللي قاعدين في العربية.
وبينزل في الغالب في العربيات العالية لأنه مكلف, ومحتاج عرض معين عشان تعرف تحطة لأنه بياخد من مساحة الكنبة الخلفية بطبيعة تصميمة, عشان كدا الtorsion-beam بيكون أنسب للعربيات الأقتصادية من ناحية السعر وبيوفر مساحة للكنبة الخلفية والعربيات الهاتش باك أفضل.
ممكن تقرأ عنه أكتر هنا كنت كاتب عنه بأستفاضة شوية,

http://www.nilemotors.net/Nile/363514-15-6-a-2.html#post3875060778

www.nilemotors.net/Nile/369271-301-2.html

تحياتي ليك د عمرو, وتشرفت بمعرفتك.

[د عمرو العمرجى]

رد على صديق

تشرفت بالرد من حضرتك يا أستاذ 0000000 ؟ أتمنى التشرف بإسم حضرتك
و ما زلت تصر عل أن تفيدنى و أتعلم منك فى كل مرة أقرأ فيها تعليقك
و آسف لما حدث منى بحسن نية فى موضوع فريد شوقى و لك كل الحق من خلال تجربتك معه لكننى و الله لا أعرفه بأى شكل و لم أتعامل منه و هذا يعلمنى أنا أيضا أن أكون حريصا فى كلامى عما لا أعرفه
لكن تقول إيه -----صعيدى برضه
و شكرا لكل إجاباتك

[Ahmed Amin]

معاك أخوك أحمد أمين,
ومفيش أسف ولا حاجة, دا كان سوء فهم بسيط,,

وأكيد طالما بتسألني لازم أفيدك بتجربتي علي قد ما أقدر عشان تتجنب الوقوع ف نفس غلطاتي,
وإن شاء الله أنا أعرف وأتعلم حاجة جديدة منك بكرة.

تشرفت بمعرفتك يا دكتور عمرو.

[islam.afifi]

بص العربيتين طالعين من مصنع واحد, نفس الموتور بنفس التكنولوجيا ونفس البوجيهات والموبينة وفلتر الزيت ونفس الفتيس بالظبط.
ونفس التكيف والكومبريسور وحتي أجزاء العفشة.
والأتنين مشتركين في نفس البارت نمبر للقطع اللي ذكرتها دي,,
يعني لما بتيجي تشتري لها قطع غيار من بيجو أو ستروين بتاخد نفس القطعة بنفس البارت نمبر بيكونو أخوات أخوات مفيش فرق.

وممكن تشوف المشاركة دي عشان تفهم اللي أقصده أكتر,,

http://www.nilemotors.net/nile/365703-a-4.html

يعني لو كان فيه مشكلة في الكومبريسور او في التكييف عموماً. كنت ظهرت في البيجو ٣٠١ وسمعنا شكاوي منها بما أنهم أخوات في الميكانيكا وطالعين مع بعض من المصنع.

الفرق ما بين العربيتين في التصميم الخارجي لجسم العربية والداخلي للصالون.

شكرا على الشرح الوافي بس مش كل المفروض هو اللي بيحصل
الدليل ظهور عيوب مع ناس و ناس لأ في السيتروين و في بيجو مفيش مشاكل تماما إذا في حاجة مختلفة بتسبب المشكلة
انا رأيي لازال واحد
ان انا وديت العربية 3 مرات
قالي غيرت سوفت وير مرة و تحديث مرة
و لما الوالد سأله قال انه معملش حاجة يعني التوكيل غشاش و بيضحك على العميل
يبقى انا استمر مع الجهاز حتى لو قالي وديها و نزلي السوفت وير الجديد و بالتالي انا اطمئن اكتر
انا مش هثق في واحد بيغير كلامه و كل ده لأنه خايف من الجهاز
خوفه دليل انه هيهتم بالموضوع و انا معاهم للآخر
حرام المشواير اللي بدون داعي ولا استفادة و كل ما اروح يلعبوا في العربية و بس

[islam.afifi]

وبالنسبة لسؤالك,


السوفت ويير اللي بيندخل بيه علي ال ECU بتاع العربية مختلف في بيجو عن ستروين,,
عندك كل شركة بتنزل في عربيتها كماليات مختلفة عن الشركة التانية, زي في الستروين مثلاً هتلاقي فيها شغل ديجيتال كتير في الداش بورد بتاعتهم عن البيجو,,

عندك معظم الأوامر الموجودة في البرنامجين الخاصة بالفتيس والموتور بتكون نفس القريات وواحد تقريباً بما أنهم نفس الميكانيكا,
بس السوفت وير بيتخلف من سيتروين لبيجو علي حسب موديل العربية والكماليات اللي فيها.


دي صورة من سوفت وير سيتروين,



ودي صورة من سوفت ويير بيجو,



ودا الكابل اللي بيندخل بيه علي العربتين عشان تعمل أبديت للسوفت وير أو تقرأ العيوب,
وهوا نفس الكابل للعربيتين برضه مفيش أختلاف ما بينهم,
السوفت بس اللي بيختلف, والأبديت اللي بيجي من الشركتين بيختلف من بيجو لستروين.




أنا خمنت إن يكون العيب في السوفت ويير, لأن زي ما قلت قبل كدا العربيتين نفس الميكانيكا وطالعين مع بعض من نفس المصنع,,
ومن كلام أسلام عفيفي المشكلة حصلت بعد ما أتعمله سوفت ويير,,

واللي أكد لي كلامي أخر update من seeworld لما عملو له أخر سوفت ويير أبديت وحل له مشكلة التكيف اللي كانت عند أسلام عفيفي أول مرة,,

ومش عيب ولا ذنب التوكيل إن العربية ينزل فيها عيب في السوفت ويير ويبعت يطلب أبديت للمشكلة ويصلحة للعميل,
عندك مثال بسيط جداً في البيجو 301 كانت مع واحد مش بتعمل Sync للأرقام مع ال iPhone 5
ولما العميل أشتكي من الموضوع دا, لاقو إن فيه أبديت جديد نزل من وقت نزلو العربية, وعملوهوله والعربية عملت Sync مع الموبيل وبقت زي الفل.

http://www.nilemotors.net/Nile/370905-301.html#post3875121742

وقبل كدا في الموديلات القديمة من البيجو والستروين لما كان فيه مشاكل في الفتيس,
كنا بنغير بلوف الضغوط وبنعمل أبديت سوفت وير, مش عيب يعني ولا عيب وكيل.!! دا أبديت,

يعني دلوقتي لو فيه سوفت وير جديد, المفروض لو أنا عندي مشكلة أروح وأشوفه وأخدة عشان أحل مشكلتي اللي بشتكي منها,
مش أعاند أني أروح لمجرد أنو عايز أنتقم من التوكيل أو أحسسه أني أشتكيته وذليته,
وأنا بتكلم عموماً ومش بخص حد بالكلام,, <<<<

بالنسبة للي حصل مع أسلام عفيفي واللي مزعلة, زي مانا خمنت وميجي بوي خمن. انهم ممكن يكونو لعبو في سرعة الأيدل بتاع الموتور عشان العربية متبقاش مخنوقة لأنهم مكنش عندهم حل لسه جالهم من سيتروين الأم,,
بس كدا هما ممكن نقول أغبياء لو كانو قللو القيمة لأسلام عفيفي. ورفعوها السرعة ل seeworld.
أو حطو براميتر غلط بتاع ال C4 كمثال بما أنهم نفس الموتور بتعديل بسيط وكان بيجرو عليه يشوفو هتصلح العيب ولا لأ,,
مع أني شاكك في الأساس من أن يكون فيه أوبشن أنك تغير قيمة ال idle speed. !!
أعتقد دي مش سهلة ولازم يجي بيها أبديت من الشركة الأم للعربية, ومش بتبقي بأيد المهندس أنو يحددها ويلعب فيها, بس أنا مش متأكد من الكلام دا,,,



بغض النظر, أنا لو عندي مشكلة, وعرفت أن فيه واحد راح التوكيل وحلها, المفروض أروح وأحل مشكلتي,,
ولو متحلتش ساعتها أكمل أجراءات شكوتي بدل ماأستني الجهاز حماية المستهلك لحد ما يردو عليا, وفي الأخر هيوديها للتوكيل برضه, ومش هيضره في حاجة ولا هيزعله ولا هبقي أخدت حق زيادة, بس هكون أخرت نفسي عال فاضي.

وبالتوفيق في حل مشكلتكم,,

يا استاذ احمد
مش المفروض اننا نقول للتوكيل يعمل ايه و نفهمه شغله
و معلومات حضرتك مفيدة و رائعة و نستفيد منها
بس اي عربية جديدة تنزل لازم حد من التوكيل يا يكون اخد عنها تدريب او حد من فرنسا نزل يعلم الافاضل المؤلفين في التوكيل
و العميل مش كل يوم هيجرب , ليه جبت عربية جديدة ؟
التوكيل خايف من الجهاز و انا لحد دلوقتي ماشي في الخطوات صح
و لو قالولي روح للتوكيل و لو لسه المشكلة موجودة نشوف الحل ايه وقتها يبقى خلاص اروح للتوكيل و انا واثق انهم هيحلوا المشكلة
على أمل ان الموضوع يخلص و استمتع بالعربية , بره الناس بتحافظ على العميل لأنه كنز
( يا ريت في مصر البني ادم كان ليه قيمة )

[Marawan Nabil]

يا جماعه انا كنت حاجز الاليزيه و المفروض انى كنت استلمها لاكن من كلام استاذ اسلام ابتديت اقلق.....لكن امبارح كلمت مهندس فى فرع العجوزه اسمه جورج اسكندر و سالته على المشكله قلى المشكله كانت موجوده فى اول دفعه بس و اكد لى انها كانت برده موجوده فى البيجو 301 ....., و اكدلى انى مفيش مشاكل فى الدفعات الجديده

لو حد عايز يكلمه نمرته 01006115007

[د عمرو العمرجى]

عايز أسأل ما سلطة جهاز حماية المستهلك
و هل هو جهاز ر قابى رسمى و ماذا يتبع من الهيئات
لأن فكرتى من زمان كلما يجئ ذكر هذا النوع من الأساليب الرقابية أنها جمعيات أهلية أو غير رسمية لا بتودى و لا بتجيب

[Ahmed Amin]

عايز أسأل ما سلطة جهاز حماية المستهلك
و هل هو جهاز ر قابى رسمى و ماذا يتبع من الهيئات
لأن فكرتى من زمان كلما يجئ ذكر هذا النوع من الأساليب الرقابية أنها جمعيات أهلية أو غير رسمية لا بتودى و لا بتجيب

جهاز رقابي ورسمي.
ودورة المفروض الحفاظ علي الجودة المقدمة للعميل أو المستهلك من الشركة اللي بتشتري منها أي منتج كان معلن عنه بمواصفات معينة,, لو المواصفات دي حصل فيها خلل أو أخدت منتج معيوب والشركة اللي أشتريت منها مصلحتش لك أو مرجعتش لك المنتج, المفروض ساعتها تلجأ للجهاز زي أي بلد محترم المستهلك والمواطن فيه ليه حقوق,
وساعتها دورة أنو يلزم التوكيلات اللي مش بتلتزم بواجباتها مع العميل, بأنها تخلص الاعمال المطلوبة والأجراءات المطلوبة وأن تتم بأكمل وجه.

مثال لعميلة من عمليات جهاز حماية المستهلك ودور قوي منه, كان مع شركة تويوتا مصر.

في الوقت اللي الكورولا لمصر جنوب أفريقي وكانت بالفتيس ال mmt
كان كله مشاكل وكان بيسخن ولازم تركن العربية علي جانب الطريق عشان العربية تبرد قبل ما تبدأ تتحرك تاني بالعربية
وكل الناس أشتكت من الفتيس, لدرجة أن العربيات اللي كانت بتروح التوكيل كانت بتاخد مواعيد بأسبوعين قدام عشان تروح تكشف أو تغير القطع اللي سبب المشكلة,
وناس كانت بتغير القطع من التوكيل, وهيا طالعة من باب التوكيل يظهر نفس العيب,, !!!! وبقت العربية مش عربية ولا ينفع تتساق.!
ووقتها التوكيل عشان يهرب من الخساير بقي يحاول يماطل مع الناس عشان يخرجهم من الضمان وميغيرش للناس القطع في الضمان عشان يغيرها بعد كدا بفلوس.

فا اللي حصل في تويوتا لما ناس كتير أشتكت, حصل أهتمام من جهاز حماية المستهلك وأتسحب 6500 عربية من السوق عشان يعالجو مشكلة الفتيس فيها,,
وألزم التوكيل بحل مشاكل العربيات دي وبتكلفة 20 مليون جنيه, لخطورة العيب علي العربية وسلامة المستهلك.
��� ���� ���� ������ǻ ������ ���� ��������,

ودا لنك من جهاز حماية المستهلك نفسه
ناقل الحركة لجميع سيارات تويوتا MMT بمصر
جهاز حمايه المستهلك

طبعاً تويوتا رجعت تتقفل في اليابان بعد كدا, من أخر 3 سنين تقريباً ومرجعتش فيها العيوب دي تاني اللي أسائت لأسم وسمعة تويوتا في مصر, واللي بدأت فالشكل بتاع 2008 وقتل سعر أعادة بيعة في السوق وبقي غير مرغوب فيها.!

[د عمرو العمرجى]

أصدقاء المنتدى
أرجو أن نتبنى جميعا و قفة جادة بمنع التفكير فى أحد العيوب الشهيرة فى كلامنا عن أى سيارة و هو خرافة ما يسمى إعادة البيع للاسباب التالية:
1- هذا السبب كفيل بإغلاق باب التفكير فى أى عربية محترمة بمجرد أن يذكرك من يناقشك بمدى الخسارة الفادحة حين تنوى بيعها و اللى ممكن يكون بعد 10 أو 12 سنة و يسرح خيالك بعيدا و أنت تتخيل نفسك و قد تشققت قدماك من اللف على المعارض و تسول رضاء أقاربك وأصحابك و أنت تقنع أحدهم بأنها لقطة و ترجوه أن يأخذها هدية و يسرح نفس الخيال فى صورتك و أنت تبيع الفيرنا أو اللانوس و قد جلست مثل شهريار تدخن الشيشة فى أحد المقاهى مثل سى السيد و أصحاب المعارض يقفون طابور طويل و يتوسلون إليك لتمنحهم شرف شراء العربية
2- أفهم أن يتنازل الواحد عن شراء السيارة لأنها لا تناسب إمكاناته و أحترم هذا جدا و ماعدا هذا فلا
3- مسألة سعر إعادة البيع مردود عليها بشدة فلا يبيع أحدا سيارة إلا ليشترى غيرها و ليس ليضع فلوسها فى البنك فهنا يكون سعر أعادة البيع مرتبط بما تريد شراؤه فمثلا أنا لدى فيرنا أوتوماتيك و أريد شراء 301 أو سى إليزيه فهل لو فكرت فى الهوندا أو التويوتا هل سيسعفنى نفس المبلغ من إعادة بيع الفيرنا
إن فكرت فى شئ عالى و قيم و لم أستطع شراؤه سأفكر فى شئ قيم آخر و بإمكاناتى
4- أرجو أن نتذكر أن الصينى و الكورى كان أرخص من الياباني (كان نصف سعره ثم أصبح فى سعره ثم أغلى منه)
أرجو أن نفعل ذلك لأننا ظلمنا أنفسنا جدا بما نفعله و أغلقنا الباب فى وجه سيارات رائعة و حرمنا نفسنا منها ب بعبع إعادة البيع
و حين أنظر لأسواق هى أقل منا سكانا بمراحل و أستمع لزملائى الذين يعملون فى السعودية و أنك تشترى أى ماركى محترمة تخطر على بالك أتحسر و أتعجب

[hamaka]

أصدقاء المنتدى
أرجو أن نتبنى جميعا و قفة جادة بمنع التفكير فى أحد العيوب الشهيرة فى كلامنا عن أى سيارة و هو خرافة ما يسمى إعادة البيع للاسباب التالية:
1- هذا السبب كفيل بإغلاق باب التفكير فى أى عربية محترمة بمجرد أن يذكرك من يناقشك بمدى الخسارة الفادحة حين تنوى بيعها و اللى ممكن يكون بعد 10 أو 12 سنة و يسرح خيالك بعيدا و أنت تتخيل نفسك و قد تشققت قدماك من اللف على المعارض و تسول رضاء أقاربك وأصحابك و أنت تقنع أحدهم بأنها لقطة و ترجوه أن يأخذها هدية و يسرح نفس الخيال فى صورتك و أنت تبيع الفيرنا أو اللانوس و قد جلست مثل شهريار تدخن الشيشة فى أحد المقاهى مثل سى السيد و أصحاب المعارض يقفون طابور طويل و يتوسلون إليك لتمنحهم شرف شراء العربية
2- أفهم أن يتنازل الواحد عن شراء السيارة لأنها لا تناسب إمكاناته و أحترم هذا جدا و ماعدا هذا فلا
3- مسألة سعر إعادة البيع مردود عليها بشدة فلا يبيع أحدا سيارة إلا ليشترى غيرها و ليس ليضع فلوسها فى البنك فهنا يكون سعر أعادة البيع مرتبط بما تريد شراؤه فمثلا أنا لدى فيرنا أوتوماتيك و أريد شراء 301 أو سى إليزيه فهل لو فكرت فى الهوندا أو التويوتا هل سيسعفنى نفس المبلغ من إعادة بيع الفيرنا
إن فكرت فى شئ عالى و قيم و لم أستطع شراؤه سأفكر فى شئ قيم آخر و بإمكاناتى
4- أرجو أن نتذكر أن الصينى و الكورى كان أرخص من الياباني (كان نصف سعره ثم أصبح فى سعره ثم أغلى منه)
أرجو أن نفعل ذلك لأننا ظلمنا أنفسنا جدا بما نفعله و أغلقنا الباب فى وجه سيارات رائعة و حرمنا نفسنا منها ب بعبع إعادة البيع
و حين أنظر لأسواق هى أقل منا سكانا بمراحل و أستمع لزملائى الذين يعملون فى السعودية و أنك تشترى أى ماركى محترمة تخطر على بالك أتحسر و أتعجب

كلام 100 % ، و ده اللى خلانى أفكس لكل الكلام الفارغ اللى سمعته و أنا بشترى عربيتى و أصريت انى أجيب فرنساوى و سيتروين بالذات لاقتناعى بيها دون التفكير فى الفيلم بتاع اعادة البيع ده ، و الحمد لله لم أندم على قرارى و اتضح ان معظم الكلام اللى سمعته من الناس من غلاء قطع الغيار و تعقيد العربية و كثرة الأعطال ما هو الا "الهبل بعينه"....

[د عمرو العمرجى]

ها هى بعض المعلومات عن ستروين و بيجو 301
السيارتان مخصصة للنزول فى الأسواق النامية و لن تطرح فى غرب اوروبا و بالتحديد فى فرنسا و المملكة المتحدة
إجمالى انتاج سيارات سى اليزيه حول العالم هو 7000 سيارة و اجمالى مبيعاتها 5600
اجمالى انتاج بيجو 301 حول العالم هو 11600 و اجمالى المبيعات هو 4800
هذا الكلام فى أول عام انتاج لهما 2012
و مكتوب ان السيارتين توأم
و الصفحة على ويكيبيديا هى( http://en.wikipedia.org/wiki/Peugeot_301_(2012)
و مكتوب بجوار 301 تاريخ 2012 لأن بيجو أنتجت السيارة 301 اول مرة مابين عامى 1932-1936
و كان شكلها أنتيكة زى مناظر العربيات قبل عصر شارلى شابلن

[د عمرو العمرجى]

لكل الأخوة فى المنتدى
استفسار و استشارة
كنت امس السبت فى مستشفى جراحات اليوم الواحد بمدينة نصر و بعد انتهاء العمل أخبرنى أحد زملائى أن أباظة اوتوتريد قريب للغاية و ذهبت لم أجد عنده سى اليزيه و إنما فقط بيجو 301
شكلها بصراحة جميل و لكن سؤالى هو ملاحظة وجدتها و أعتقد أنها فى السيارتين
لا يوجد قفل للابواب من الداخل و غلق الأبواب يتم أوتوماتيكيا عندما تكون العربية على d و بعدها بثوانى قليلة كمان كما أخبرنى أ محمد الخطيب فى المعرض
و هذا أراه عيبا لأن معى فيرنا بمجرد أن أدخل العربية أقوم بغلق الأبواب كلها فى لحظة حتى قبل و ضع المفتاح فى الكونتاك
و هذا أمر مهم فى ظل ما نراه و نسمعه من بلطجه
فهل هذا صحيح

[hamaka]

أكيد فيها زرار فى التابلوه أو فى باب السواق بيقفل الأربع أبواب و الشنطة حتى و انت واقف....

[Haitham G]

أكيد فيها زرار فى التابلوه أو فى باب السواق بيقفل الأربع أبواب و الشنطة حتى و انت واقف....

كلام سليم فيه زرار فى التابلوه بيعمل لوك للعربية كلها لكن مفيش لكل باب منفصل لوك لوحده