إعـــــــلان

**Hany Saad** · 06-09-2013, 12:23 PM

المشاركة الأصلية كتبت بواسطة mohamed zizo مشاهدة المشاركة

وغير الكركرة كمان بيفصل التكيف لمده بسيطة ويرجع تانى وافتكر ده مش طبيعى فى العربيات انه يفصل ويرجع يشتغل تانى

تعليق بسيط أستاذ محمد لو سمحتلى على موضوع " ده مش طبيعى فى العربيات أنه يفصل و يرجع يشتغل تانى"

التكييف طبيعى جدا أنه يفصل و يرجع يشتغل تانى....ده الطبيعى بتاعه و فى عربيات كتير كده و خصوصا الأوروبى....حضرتك التكييف بيفصل فى حالة من أتنين:

1-أنك تكون مقلل ضبط درجة الحرارة بتاعتة...يعنى لو الساقع لونه أزرق، حضرتك مش مختار اللون الأزرق للmax...أو بمعنى أخر مش طالب أقصى كفاءة منه ده فى حالة التكييف البكر...أو لو عندك تكييف كليماترونيك بتكون جايب درجة الحرارة على 24 مثلا فبيفصل عند الوصول لهذه الدرجة و يرجع يشتغل تانى لو زاد عنها

2-الأحتمال التانى للفصل هو أن يكون التكييف ساقع جدا و مواسير التبريد قاربت على التجمد و حضرتك مش ضابط المروحة بسرعة مناسبة لهذه السقوعية....يعنى مسقع على أقل حاجة و عامل المروحة على أقل درجة أو تانى درجة....يوجد حساس تجمد المواسير بيفصل لحماية المواسير من التجمد فى هذه الحالة....

جرب للتأكد أنك تختار أقل درجة حرارة ممكنة (أسقع حاجة)، و تظبط أن الهواء يجى من خارج السيارة مش وضعية تدوير الهواء داخليا و أظبط المروحة على أعلى درجة....لو فصل التكييف أختفى أو قل بدرجة كبيرة جدا يبقى تكييف حضرتك زى الفل...أما لو لم يحدث تغيير يبقى فى مشكلة

أعتقد أنك تكييف حضرتك مفهوش مشكلة لأنه لو كان بايظ (ضغط فريون مش مظبوط أو أى عطل أخر...) و فصل مش هيرجع يقوم تانى إلا لما تطفى التكييف و ترجع تشغله تانى...

إن شاء الله مشاكلك أنت و باقى الأعضاء المحترمين تتحل قريبا

**Hany Saad** · 06-09-2013, 12:35 PM

المشاركة الأصلية كتبت بواسطة seeworld مشاهدة المشاركة

انا روحت ابو روش يوم الاثنين ياجماعة يعنى ممكن يكون فعلا الابديت بتعكم قديم لانى انا اول لما روحت كنت شديد معاهم وقولتلهم انى قريت على المنتديات نفس المشكلة وان الناس راحت اكتر من مرة ومفيش فايدة قالولى لاء خلاص المشكلة اتحلت فعلا وجرب بنفسك
وفعلا انا طولت شوية عندهم بس خدت العربية وجربتها والطريق طبعا كان زقت على المحور والدائرى وكنت مشغل التكييف والطريق واقف واستجابتها تمام لدرجة انها بقيت طبيعية جدا بمجرد لما اشيل رجلى من على دواسة الفرامل تمشى لوحدها مش لازم حتى ادوسلها بنزين علشان تتحرك والتكييف اداءه ماشاء الله مع السحب دلوقتى
اما موضوع الكركرة دا مش حصلى لغاية دلوقتى بصراحة يمكن يكون بنزين مغشوش او فيه شىء عما مش هتخسر حاجة لما تروح الفرع دا وتعمل الابديت وتجرب للمرة الاخيرة وانت كدا كدا ماشى فى شكوتك ولا اية ؟؟

أعتقد حضرتك أنهم فى السوفت ووير علالك ال idle speed يعنى بالبلدى أدالك سنة بنزين للعربية أو على الموتور سنه زى ميكانيكية زمان ما كانوا بيعملوا....و ده سبب تعليق حضرتك فوق أن العربية بتمشى لوحدها لما تشيل رجلك...

العيب ده برده موجود فى الأوبل أسترا الحديثة و التوكيل بيحله بنفس الأسلوب أنه يعلى ال idle speed علشان كل الأعراض دى تروح....يعنى لو ال idle speed المفروض تكون مظبوطة عند 780 rpm هو بيخليها 850 أو 900 rpm

عيب الموضوع ده فقط أن أستهلاك البنزين عندك هيعلى شوية.....و لكنه هيضيع إحساس الكركرة لأنك و كأنك دايس بنزين على طول

**Ahmed Amin** · 06-09-2013, 01:19 PM

المشاركة الأصلية كتبت بواسطة Meggieboy مشاهدة المشاركة

أعتقد حضرتك أنهم فى السوفت ووير علالك ال idle speed يعنى بالبلدى أدالك سنة بنزين للعربية أو على الموتور سنه زى ميكانيكية زمان ما كانوا بيعملوا....و ده سبب تعليق حضرتك فوق أن العربية بتمشى لوحدها لما تشيل رجلك...

العيب ده برده موجود فى الأوبل أسترا الحديثة و التوكيل بيحله بنفس الأسلوب أنه يعلى ال idle speed علشان كل الأعراض دى تروح....يعنى لو ال idle speed المفروض تكون مظبوطة عند 780 rpm هو بيخليها 850 أو 900 rpm

عيب الموضوع ده فقط أن أستهلاك البنزين عندك هيعلى شوية.....و لكنه هيضيع إحساس الكركرة لأنك و كأنك دايس بنزين على طول

أو ممكن نقول إن السوفت ويير ظبطها علي الطبيعي بتاعها, وإنها كانت مأخرة عشان كدا حصلت الكركرة.
لان في أكتر الأوتوماتيك و في البيجو وحتي الانسر لما بديها D بتطلع وتتحرك من اير ما أدوس بنزين,, بس بتتحرك هادية جداً,, سرعة الأيدل بتاع. ويمكن دا اللي اتظبط عند seeworld.
علي عكس ماسمعت ناس قبل كدا في المنتدي إن في ناس لما بيجيبو الربية عال D مش بتتحرك إلا أما يدوسو بنزين.!!

**Hany Saad** · 06-09-2013, 02:05 PM

المشاركة الأصلية كتبت بواسطة LeitoSR مشاهدة المشاركة

أو ممكن نقول إن السوفت ويير ظبطها علي الطبيعي بتاعها, وإنها كانت مأخرة عشان كدا حصلت الكركرة.
لان في أكتر الأوتوماتيك و في البيجو وحتي الانسر لما بديها D بتطلع وتتحرك من اير ما أدوس بنزين,, بس بتتحرك هادية جداً,, سرعة الأيدل بتاع. ويمكن دا اللي اتظبط عند seeworld.
علي عكس ماسمعت ناس قبل كدا في المنتدي إن في ناس لما بيجيبو الربية عال D مش بتتحرك إلا أما يدوسو بنزين.!!

عزيزى المحترم Leito SR ....طبعا وارد جدا اللى حضرتك بتقوله...ساعتها يبقى فيه كام عربية الIDLE بتاعهم مش مظبوط و رفعه هيظبط القصة
يمكن أنا عندى تفسير أخر بعد أذنك مبنى على السيتروين و الأسترا....و هو البنزين....البنزين فى أوروبا الردئ هو 95 أوكتين خالى الرصاص و النظيف هو 98 أوكتين خالى الرصاص...على فكرة اللتر عندهم بحوالى 1.69 Euros

فكرة أن العربية تكون نازلة من مصنعها مش متظبطة و خصوصا لو عربية أوروبى يمكن تكون صعبة شوية و ذلك نتيجة أختبارات الجودة العالية فى مصانعهم و لكن ما أعتقده هو أن العربية ليها IDLE SPEED معينة مظبوطه عليه بناء على البنزين المستخدم هناك...95 فى أسوء الظروف و 98 فى المعتاد...طبعا 95 و 98 بتاع أبوه مش مضروب يعنى....

ظبط الIDLE بيفرق فى إستهلاك البنزين و إنبعاثات الCO اللى هما النسبة ليهم أهمية قصوى قصوى فى أوروبا....لاحظ أن إختبار الأنبعاثات بيتم و يقاس عند ال IDLE SPEED و العربية ممكن ترخيصها يترفض فى هذه الحالة....

طبعا فى أم الدنيا نوعية البنزين زى ما اللبنانية بيقولوا "غير شكل"

.....و الكركة KNOCKING وارد...الحل....أرفع سنة البنزين فى الIDLE....
اللإستفادة....عالجنا الكركرة

العيوب....إستهلاك بنزين أعلى و إنبعاثات أعلى

**Ahmed Amin** · 06-09-2013, 08:38 PM

المشاركة الأصلية كتبت بواسطة Meggieboy مشاهدة المشاركة

عزيزى المحترم Leito SR ....طبعا وارد جدا اللى حضرتك بتقوله...ساعتها يبقى فيه كام عربية الIDLE بتاعهم مش مظبوط و رفعه هيظبط القصة
يمكن أنا عندى تفسير أخر بعد أذنك مبنى على السيتروين و الأسترا....و هو البنزين....البنزين فى أوروبا الردئ هو 95 أوكتين خالى الرصاص و النظيف هو 98 أوكتين خالى الرصاص...على فكرة اللتر عندهم بحوالى 1.69 Euros

فكرة أن العربية تكون نازلة من مصنعها مش متظبطة و خصوصا لو عربية أوروبى يمكن تكون صعبة شوية و ذلك نتيجة أختبارات الجودة العالية فى مصانعهم و لكن ما أعتقده هو أن العربية ليها IDLE SPEED معينة مظبوطه عليه بناء على البنزين المستخدم هناك...95 فى أسوء الظروف و 98 فى المعتاد...طبعا 95 و 98 بتاع أبوه مش مضروب يعنى....

طبعاً كلامك مظبوط في إن فكرة العربية صعب تنزل مش متظبطة,
بس مادام المشكلة أتكررت في كذا عربية, ومتكررتش في البيجو وهما نفس الميكانيكا والعفشة بالظبط, يبقي تخميني الشخصي ان فيه عيب او bug في سوفت ويير ستروين.
واللي اتظبط مع seeworld حالياً لما أخد أخر أبديت.!!

وبالنسبة لموضوع ال idle speed اللي مظبوط علي البنزين المستخدم هناك دي أنا مش معاك فيها,,
لأن العربية نازلة من بلدها منصوح ليها بأستخدام بنزين ٩٢ فقط,, ونسبة الانضغاط في الموتور والأيدل سبيد مظبوطة علي الاوكتان دا, يعني ملهاش علاقة بال ٩٥ وال ٩٨
ولا نزلت في بلاد في اوروبا مكتوب انها ينصح لها باستخدام بنزين ٩٥ او ٩٨. وحتي في بروشو بريطانيا كان مكتوب RON92.

وعندك أختها ال ٣٠١ شغالة بكفائة ومن غير مشاكل بالبنزين دا, مع انهم نفس المحرك ونفس كومبريسور التكييف ونفس العفشة وأخوات في كل الاجزاء الميكانيكية والعفشة بنفس البارت نمبر لأنهم خارجين من نفس المصنع.
وطبعا باقي عربياتنا بيجو ٣٠٧ او ٣٠٨ او رينو ميجان او C4 شغالين ببنزين ٩٢ ودا مفهوش مشكلة معاهم ومع معدل الضغط والاحتراق في الموتور.

**Ahmed Amin** · 06-09-2013, 10:28 PM

المشاركة الأصلية كتبت بواسطة mohamed zizo مشاهدة المشاركة

ياباشا انا عايز توضحلى يعنى ايه سوفت وير خاص بستروين هما مش مفروض انهم من مصنع واحد واكيد المصنع عامل نفس السوفت وير للعربيتين ؟؟؟؟؟
وللعلم انا من المجموعة اللى عملت شكوة مع اسلام
وياريت حد يقولنا ازاى نرسل الشكوى ستروين فرنسا والمصنع فى اسبانيا

بص العربيتين طالعين من مصنع واحد, نفس الموتور بنفس التكنولوجيا ونفس البوجيهات والموبينة وفلتر الزيت ونفس الفتيس بالظبط.
ونفس التكيف والكومبريسور وحتي أجزاء العفشة.
والأتنين مشتركين في نفس البارت نمبر للقطع اللي ذكرتها دي,,
يعني لما بتيجي تشتري لها قطع غيار من بيجو أو ستروين بتاخد نفس القطعة بنفس البارت نمبر بيكونو أخوات أخوات مفيش فرق.

وممكن تشوف المشاركة دي عشان تفهم اللي أقصده أكتر,,

نايل موتورز - NileMotors.net

http://www.nilemotors.net/Nile/365703-a-4.html

يعني لو كان فيه مشكلة في الكومبريسور او في التكييف عموماً. كنت ظهرت في البيجو ٣٠١ وسمعنا شكاوي منها بما أنهم أخوات في الميكانيكا وطالعين مع بعض من المصنع.

الفرق ما بين العربيتين في التصميم الخارجي لجسم العربية والداخلي للصالون.

**Ahmed Amin** · 06-09-2013, 10:29 PM

وبالنسبة لسؤالك,

المشاركة الأصلية كتبت بواسطة mohamed zizo مشاهدة المشاركة

ياباشا انا عايز توضحلى يعنى ايه سوفت وير خاص بستروين هما مش مفروض انهم من مصنع واحد واكيد المصنع عامل نفس السوفت وير للعربيتين ؟؟؟؟؟

السوفت ويير اللي بيندخل بيه علي ال ECU بتاع العربية مختلف في بيجو عن ستروين,,
عندك كل شركة بتنزل في عربيتها كماليات مختلفة عن الشركة التانية, زي في الستروين مثلاً هتلاقي فيها شغل ديجيتال كتير في الداش بورد بتاعتهم عن البيجو,,

عندك معظم الأوامر الموجودة في البرنامجين الخاصة بالفتيس والموتور بتكون نفس القريات وواحد تقريباً بما أنهم نفس الميكانيكا,
بس السوفت وير بيتخلف من سيتروين لبيجو علي حسب موديل العربية والكماليات اللي فيها.

دي صورة من سوفت وير سيتروين,

ودي صورة من سوفت ويير بيجو,

ودا الكابل اللي بيندخل بيه علي العربتين عشان تعمل أبديت للسوفت وير أو تقرأ العيوب,
وهوا نفس الكابل للعربيتين برضه مفيش أختلاف ما بينهم,
السوفت بس اللي بيختلف, والأبديت اللي بيجي من الشركتين بيختلف من بيجو لستروين.

أنا خمنت إن يكون العيب في السوفت ويير, لأن زي ما قلت قبل كدا العربيتين نفس الميكانيكا وطالعين مع بعض من نفس المصنع,,
ومن كلام أسلام عفيفي المشكلة حصلت بعد ما أتعمله سوفت ويير,,

واللي أكد لي كلامي أخر update من seeworld لما عملو له أخر سوفت ويير أبديت وحل له مشكلة التكيف اللي كانت عند أسلام عفيفي أول مرة,,

ومش عيب ولا ذنب التوكيل إن العربية ينزل فيها عيب في السوفت ويير ويبعت يطلب أبديت للمشكلة ويصلحة للعميل,
عندك مثال بسيط جداً في البيجو 301 كانت مع واحد مش بتعمل Sync للأرقام مع ال iPhone 5
ولما العميل أشتكي من الموضوع دا, لاقو إن فيه أبديت جديد نزل من وقت نزلو العربية, وعملوهوله والعربية عملت Sync مع الموبيل وبقت زي الفل.

المشاركة الأصلية كتبت بواسطة mohjarr مشاهدة المشاركة

أول صيانة فى بيجو مصر على 2500 كيلومتر و بتكون مجانية . بيراجعوا على سوائل السيارة مع عمل تربيطات للعفشة و مراجعة مفاصل الأبواب و فيه سوفت وير جديد نزل من الشركة الأم قاموا بتنزيلة و لا يوجد تغيير زيوت بها .

نايل موتورز - NileMotors.net

http://www.nilemotors.net/Nile/370905-301.html#post3875121742

وقبل كدا في الموديلات القديمة من البيجو والستروين لما كان فيه مشاكل في الفتيس,
كنا بنغير بلوف الضغوط وبنعمل أبديت سوفت وير, مش عيب يعني ولا عيب وكيل.!! دا أبديت,

يعني دلوقتي لو فيه سوفت وير جديد, المفروض لو أنا عندي مشكلة أروح وأشوفه وأخدة عشان أحل مشكلتي اللي بشتكي منها,
مش أعاند أني أروح لمجرد أنو عايز أنتقم من التوكيل أو أحسسه أني أشتكيته وذليته,
وأنا بتكلم عموماً ومش بخص حد بالكلام,, <<<<

بالنسبة للي حصل مع أسلام عفيفي واللي مزعلة, زي مانا خمنت وميجي بوي خمن. انهم ممكن يكونو لعبو في سرعة الأيدل بتاع الموتور عشان العربية متبقاش مخنوقة لأنهم مكنش عندهم حل لسه جالهم من سيتروين الأم,,
بس كدا هما ممكن نقول أغبياء لو كانو قللو القيمة لأسلام عفيفي. ورفعوها السرعة ل seeworld.
أو حطو براميتر غلط بتاع ال C4 كمثال بما أنهم نفس الموتور بتعديل بسيط وكان بيجرو عليه يشوفو هتصلح العيب ولا لأ,,
مع أني شاكك في الأساس من أن يكون فيه أوبشن أنك تغير قيمة ال idle speed. !!
أعتقد دي مش سهلة ولازم يجي بيها أبديت من الشركة الأم للعربية, ومش بتبقي بأيد المهندس أنو يحددها ويلعب فيها, بس أنا مش متأكد من الكلام دا,,,

بغض النظر, أنا لو عندي مشكلة, وعرفت أن فيه واحد راح التوكيل وحلها, المفروض أروح وأحل مشكلتي,,
ولو متحلتش ساعتها أكمل أجراءات شكوتي بدل ماأستني الجهاز حماية المستهلك لحد ما يردو عليا, وفي الأخر هيوديها للتوكيل برضه, ومش هيضره في حاجة ولا هيزعله ولا هبقي أخدت حق زيادة, بس هكون أخرت نفسي عال فاضي.

وبالتوفيق في حل مشكلتكم,,

**Ahmed Amin** · 07-09-2013, 01:02 AM

كل توكيلات مصر أجازة الجمعة, وباقي أيام الأسبوع شغالة عادي ومواعيد العمل من 9 ل 5 مساءاً
أرقام وعنواين توكيل سيتروين
مراكز خدمة سيتروين | التوكيل

Comment

Comment

Comment

Comment

Comment

Comment

Comment

إعـــــــلان

.

وقفة ضد عيوب الإليزيه

Comment

Comment

Comment

Comment

Comment

Comment

Comment

Comment