وقفة ضد عيوب الإليزيه

[Ahmed Amin]

اخي العزيز
حضرتك مافهمتش وجه نظري
انا اقصد ان البنزين اللي انت بتحطة من البنزينة ممكن يكون مخلوط نتيجة الغش
ودة ممكن ينتج عنة ان البساتم تكربن علشان كدة قولتلك تتحط 95 وتاخد العربية مشوار قرص علشان تفتح الموتور وتخرج الكربون
وممكن المشكلة تتحل مش باقولك مون 95 عالطول
لان نفس المشكلة دي حصلت مع واحد زميلي بس في رينو ساندريو والعربية كانت بتقطع كمان
خلص البنزين اللي في التنك وعمل زي ما بقولك والعربية اتظبطت بعد ماوداها التوكيل 3 مرات ومعرفوش يعملوا فيها حاجة وبعدها بطل يمون من البنزينة اللي كان بيمون منها وبيحط بنزين من بنزينة تانية
والعبرة العيب دة فيها من اول ماجبتها ولا لاء
لو الاجابة لاء يبقي في احتمال كبير للكلام اللي انا قولته ولو الاجابة اه يبقي العربية كان فيها العيب دة من اول ماشتريتها ويبقي الكلام اختلف والحل دة مش هايكلفك حاجة دول 50 جنية مش هاتخسر
وتمنياتي ليك بالتوفيق
وشكرا

بص يا ميزو باشا, أنا فاهم وجهة نظرك كويس ومش بوجه أنتقاد لحضرتك,
أنا بعلق علي الكلام اللي أنت قلته,

لان أولاً مش منطقي في الدنيا إن فيه عربية زيروو البساتم بتاعتها هتكربن من غيار أو غيارين بنزين وحش,,
لأن دي مش عربيات صيني ولا ورق, وحتي الصيني مبيعملش كدا حتي لو أتزنقت و حطيت له 80. دي حاجة,,

الحاجة التانية لو كانت المشكلة دي أتذكرت من واحد أو أتنين في القسم,, كنا قلنا صدفة وممكن تكون بنزين أو عيوب عشوائية بتختلف من عربية لعربية تانية,
لكن أنت دلوقتي شايف أن كذا واحد بيكرر أن نفس الموضوع بيحصل معاه, ومع نفس العربية.!
أكيد يعني البنزين مش هيسيب كل ملاك السيتروين في مصر ويستقصد ملاك الأليزيه,,

وأخر حاجة زي ما قلت في كلامي اللي فات أنها لو كانت مشكلة بنزين, كانت هتظهر في كل عربياتنا وكنت هتلاقي مشاكل في كل الأقسام الفترة اللي فاتت مع التكيف بما أنها مشكلة بنزين و كانت مشكلة عامة في البلد.
أو علي الأقل كنت هتلاقي البيجو 301 بتعاني من نفس العيب, بما أنهم نفس الأجزاء الميكانيكة والعفشة, والأختلاف في تصميم جسم العربية والصالون بس.

دا غير إن الناس قالت أنها بتحط من بنزينات في التجمس الخامس, والبنزينات اللي هناك معظمها جديدة ونضيفة, مش زي بنزينة قديمة في وسط البلد ولا عال دائري ممكن يكون فيها أهمال.!

وزي ما قلت برضه إن البنزين 95 مهواش منظف زي ال STP Fuel System Cleaner مثلاً, وهيتحرق زيه زي البنزين ال 92 وال 90 العادي, مش هيعمل مفعول السحر اللي حضرتك متخيله لأنه بنزين مش منظف, وكمان صعب أنك تقول البستم هيكربن في عربية زيرو عشان أتحط لها بنزين وحش أو أقل في الأوكتان..

وأخر حاجة لو أفترضنا أن ال 95 أدي فرق مع العربية ودا مستبعد,
ونفس المشكلة رجعت مع البنزين 92,, هيبقي أيه العمل ساعتها ؟؟
مينفعش نقول للناس دي هتفضلو تفولو ب 95 عشان العربية تشتغل كويس مع التكيف.!



فعشان منلفش وندور كتير ونقول دي مشكلة بنزين وهيا مالهاش علاقة بالبنزين,
دي إما مشكلة سوفت ويير فيه bug وهيبقي سهل حلها لو تم الأهتمام بيها من الوكيل من دلوقتي,
أما مشكلة كمبرويسور,,


لازم الناس دي تعمل جروب من دلوقتي وتعمل بيه شكوي جماعية عشان جهاز حماية المستهلك يلزم التوكيل بأنه ينظر في الموضوع دا ويحله في أسرع وقت,

تحياتي ليك يا أستاذ ميزو علي ذوقك وردك الذوق,
وأنا كمان بتمني لك التوفيق, ولكل الناس اللي عندها مشاكل ربنا يسهل لهم أمورهم ويعينهم علي حل مشاكلهم في أقرب وقت,

[Ahmed Amin]

انا معاي بيجو 301 ومفيهاش اي مشكله في موضوع التكييف مع اني مشغل التكييف علطول
ومعامله التوكيل معاي ممتازه
انا روحت في مره كده كانت الشبكه الي قادم سايبه شويه فا روحت من نفسي لتوكيل بيجو صلاح سالم دخلي العربيه واتكلم معاي وثبتلي الشبكه كويس واتكلمت ماعه علي موضوع اني بحس بنقله الفتيس من الاول لي التاني قالي متخفش ده مش عيب فتيس انت هتتعود علي العربيه وطلع جرب العربيه معاي وقالي العربيه تمام مفيهاش اي مشكله(مع العلم اني مكنت محدد معاد مع التوكيل اني اروح)

كل الفرنساوي بيجو, و رينو, وسيتروين فيهم أحساس النقلة ما بين الأول للتاني دا طبيعي ومفهوش مشكلة,
علي عكس الياباني والكوري مش بنحس فيهم في الغالب بالأحساس دا.

بيبقي مشكلة بس لو حصل هبد أو ترزيع, لكن الأحساس بالنقلة عادي,

[Mohamed GEMY]

ايه الفرق بين احساسك بي النقله ومابين الهبد او الترزيه وهتبقي مشكله ليه بقه؟؟

[Ahmed Amin]

بسيطة انزل اي صالة عرض لبيجو ، واتفرج على الـ 301 ، وبص على الكمبريسور

وانا دلوقتى هحاول ادخل على السيرفس بوكس بتاع بيجو ، وبتاع الستروين ، واشوف هل الكمبريسور واحد ولا لا

من غير ما ينزل ومن غير ما تبص يا عمرو, العربيتين واحد وأحنا أتكلمنا في الموضوع دا قبل كدا,
نفس الميكانيكا كلها ونفس العفشة, والأتنين خارجين من مصنع واحد,
ولما بتيجي تجيب لاي واحدة فيهم قطع غيار الأتنين قطع الغيار فيهم واخدين نفس البارت نمبر.

عشان كدا أنا برجح أنها مشكلة سوفتوير خاص بستروين أكتر من ما نقول مشكلة كومبريسور,
عشان لو كانت مشكلة كومبريسور أو جزء ميكانيكي تاني كانت ظهرت في البيجو,,

واللي أأكد لي دا أكتر إن أستاذ إسلام عفيفي, بيقول إن العيب الجديد ظهر بعد أبديت السوفت وير,
فاواضح إن فيه مشكلة عند سيتروين في السوفت وير بتاعهم, و bug عايزة تتعالج.

لأنها مش موجودة في بيجو,, ولو سيتروين مصر محلتش المشكلة للناس هنا وأهتمو بيها,,
لازم يراسلو سيتروين فرنسا ومصانع PSA في أسبانيا بالمشكلة وبشكاواهم في جهاز حماية المستهلك,
عشان هما هناك اللي هيعملو الأبديت اللي يحل العيب دا ويبعتوه لسيتروين مصر,
مش هنا اللي هيحلوة ليهم..

و احتمال الكومبريسور و ظهر العيب بتاعه لما اتغير السوفت وير
و الله انا احترت و مش عارف افكر في العيب ممكن يكون من ايه :(

أنا مستبعد الموضوع دا, لأن العربيتين خارجين مصنع واحد ومتشاركين في كل الأجزاء الميكانيكة,
وأنت من كلامك بما إن المشكلة زادت بعد السوفت ويير, يبقي العيب في الغالب منه.

[Ahmed Amin]

ايه الفرق بين احساسك بي النقله ومابين الهبد او الترزيه وهتبقي مشكله ليه بقه؟؟

الهبدة والرزعة بتحسها أكن في حاجة أتهبدت جامد تحت رجلك, أو عربية خبطتك من ورا.
وأنت اللي عندك مش حاجة من دول,,
الهبد والرزع كان في الجيل القديم زي فتيس ال 307 وال c4 وال 406 وكان فيه مشاكل,
ودا كان فتيس مختلف وأقدم من الفتيس الجديد اللي في ال 301.

فأنت أحساس النقلة اللي عندك طبيعي وموجود في كل الفرنساوي,, فمتقلقش نفسك,

[islam.afifi]

استلمت العربية بعد كدا حطيت بنزين من شل الصحراوي زي ما المهندس هشام ما نصح
الصوت لسه موجود و بكدا انا هروح التوكيل السبت اعمل السليمة
و على جهاز حماية المستهلك مع الاخوة الاعضاء اللي هنا
و حسبي الله و نعم الوكيل

[د عمرو العمرجى]

السلام عليكم و رحمة الله
أتشرف بأولى مشاركاتى معكم و إن شاء الله لا تكن الأخيرة
اسمى عمرو العمرجى طبيب بشرى
و أود بداية التعبير عن إعجابى الشديد بمستوى الحوار الراقى و الصدق و الأمانة الواضحين فى عرض الآراء و النصائح
أنا شديد الإعجاب ب سى اليزيه و كنت على وشك شرائها لكن ما قرأته من الأصدقاء : أ إسلام و غيره أخافنى بشدة
و أتمنى من الله عز و جل أن تكون مشكلة بسيطه و حلها سريع
و قد تشرفت بمهاتفة أ إسلام و أود متابعة الأمر
و مع أن خبرتى فى السيارات محدودة إلا أننى قرأت شيئا فى أحد المواقع أرجو أن يكون مفيدا لمالكى ستروين
هناك شخص إسمه فريد شوقى ما فهمته من مالكين لسيارات ستروين يروون عنه أساطير وأنه مميز بشكل مذهل فى تفسير سبب أعطال مختلفة فى ستروين و أرجو التأكد من كلامى بمحركات البحث حيث أننى للأمانة لا أعرفه بأى شكل و لست متأكدا مما قرأته
العنوان مدينه نصر قبل سوق السيارات خلف بنزينة كار جاز المنطقة التاسعة ت 01223236021
و أرجو ممن يتعامل أو تعامل معه أن ىروى لنا تجربته

[Ahmed Amin]

فريد شوقي ممكن الواحد يروح لما يكون عندك عربية خرجت من الضمان, وعايز تعمل شغل فيها برة ومش عايز تعملة في التوكيل,
إنما مشكلة مالكي الاليزية لازم تتحل من الوكيل الأول, لأن مش معقول أننا نسيبها تتكرر في كل العربيات الأليزية اللي نازلة جديدة,
ومش معقول برضه إن كل واحد هيجيب عربية زيرو أو أليزيه وعنده مشكلة فيها هيروح بيها لفريد شوقي,
وإلا أيه فايدة الضمان بقي.؟!!!!

ومع العلم إن أي شغل أو تجارب هتتعمل في العربية برة التوكيل هيطير الضمان,, والناس مش حمل دا إلا بعد حل مشكلتهم

هناك شخص إسمه فريد شوقى ما فهمته من مالكين لسيارات ستروين يروون عنه أساطير وأنه مميز بشكل مذهل

شكراً علي الأعلان.

[د عمرو العمرجى]

الأخ الفاضل ليس هذا إعلانا عمن يدعى فريد شوقى
فأنا أبعد ما يمكن عنه فأنا أخصائى أورام فى مركز أورام سوهاج و ليس لى به أى علاقة و لا أقوم بالدعاية لأحد
و بالنسبة لموضوع الضمان فأنا ذكرت أن فريد شوقى ربما يكون مفيدا لمالكى ستروين عامة كما أننا فى سوهاج بعيدون عن مراكز الخدمة المتاحة لمن يعيشون فى القاهرة
كما أننا نستطيع بواسطته -إن كان ما يقال عنه صحيحا- أن نعرف سبب المشكلة ثم نتوجه للتوكيل بعد ذلك و كما يحدث معنا فى الطب فليس لزاما على الطبيب الذى قام بتشخيص الحالة أن يقوم هو نفسه بالعلاج
أرجو ألا أكون قد تسببت فى مضايقى أحد برايى و آسف لمن لم يعجبه ما كتبت

[islam.afifi]

السلام عليكم و رحمة الله
أتشرف بأولى مشاركاتى معكم و إن شاء الله لا تكن الأخيرة
اسمى عمرو العمرجى طبيب بشرى
و أود بداية التعبير عن إعجابى الشديد بمستوى الحوار الراقى و الصدق و الأمانة الواضحين فى عرض الآراء و النصائح
أنا شديد الإعجاب ب سى اليزيه و كنت على وشك شرائها لكن ما قرأته من الأصدقاء : أ إسلام و غيره أخافنى بشدة
و أتمنى من الله عز و جل أن تكون مشكلة بسيطه و حلها سريع
و قد تشرفت بمهاتفة أ إسلام و أود متابعة الأمر
و مع أن خبرتى فى السيارات محدودة إلا أننى قرأت شيئا فى أحد المواقع أرجو أن يكون مفيدا لمالكى ستروين
هناك شخص إسمه فريد شوقى ما فهمته من مالكين لسيارات ستروين يروون عنه أساطير وأنه مميز بشكل مذهل فى تفسير سبب أعطال مختلفة فى ستروين و أرجو التأكد من كلامى بمحركات البحث حيث أننى للأمانة لا أعرفه بأى شكل و لست متأكدا مما قرأته
العنوان مدينه نصر قبل سوق السيارات خلف بنزينة كار جاز المنطقة التاسعة ت 01223236021
و أرجو ممن يتعامل أو تعامل معه أن ىروى لنا تجربته

الف شكر ليك يا دكتور
و الشرف ليا والله
و احتمال فريد شوقي يكون ممتاز لكن محدش هيعرف يروح لحد لما المشكلة تتحل
و هو ينفعنا ان شاء الله لما الضمان يخلص لأن لو هو حط مسمار يبقى العربية بره الضمان
و ان شاء الله هبلغ حضرتك بالجديد في الموضوع و الشكوى بكرة

[seeworld]

هلا

ياجماعة المشكلة اتحلت انا معايا اليزية 2014
وكان غندى نفس مشكلة ضعف اداء الموتور مع التكييف لدرجة اوقات كنت بدوس بنزين مفيش استجابة اصلا
وروحت فرع ابو روش طريق اسكندرية الصحراوى قابلت مهندس اسمه احمد فوزى راجل محترم وقالى ان دى كانت مشكلة فعلا واتحلت ونزلى سوفت وير جديد تمام خد وقت شوية 4 ساعات بس العربية بقيت تمام معايا فى السحب والشد ومش حاسس باى حاجة
وسالته عن صوت العربية بيكون عالى وانا مشغل التككيف قالى علشان دى مروحة واحدة مش مروحتين والموتور بتاع المروحة قوى علشان كدا صوتها عالى وورانى اكتر من عربية موديلات مختلفة لستروين وصوتهم كلهم كدا

[Ahmed Amin]

ياجماعة المشكلة اتحلت انا معايا اليزية 2014
وكان غندى نفس مشكلة ضعف اداء الموتور مع التكييف لدرجة اوقات كنت بدوس بنزين مفيش استجابة اصلا
وروحت فرع ابو روش طريق اسكندرية الصحراوى قابلت مهندس اسمه احمد فوزى راجل محترم وقالى ان دى كانت مشكلة فعلا واتحلت ونزلى سوفت وير جديد تمام خد وقت شوية 4 ساعات بس العربية بقيت تمام معايا فى السحب والشد ومش حاسس باى حاجة
وسالته عن صوت العربية بيكون عالى وانا مشغل التككيف قالى علشان دى مروحة واحدة مش مروحتين والموتور بتاع المروحة قوى علشان كدا صوتها عالى وورانى اكتر من عربية موديلات مختلفة لستروين وصوتهم كلهم كدا

طيب دا خبر جميل جداااً,
ياريت أستاذ أسلام عفيفي يطلع بقي علي طول علي سيتروين أبو رواش
ويشوف السوفت وير أبديت دا هيفرق معاه وهيحل مشكلته ولا لأ, ويعرفنا.

وإن شاء الله تكون أتحلت فيه مشكلة وتكون كانت منه.

[islam.afifi]

طيب دا خبر جميل جداااً,
ياريت أستاذ أسلام عفيفي يطلع بقي علي طول علي سيتروين أبو رواش
ويشوف السوفت وير أبديت دا هيفرق معاه وهيحل مشكلته ولا لأ, ويعرفنا.

وإن شاء الله تكون أتحلت فيه مشكلة وتكون كانت منه.

يا باشا اصلا الصوت ظهر لما غيرت السوفت وير اول لما لقيت العربية مكتومة في الزحمة و لازم اضغط بنزين اكتر عشان العربية تقوم
و اخر مرة العربية كانت عندهم و قالي عملنا upgrade للسوفت وير
و لو ده تحديث يبقى السوفت وير و تحديثة سئ للغاية
المشكلة عندي و العضوين المحترمين أحمد حسين و محمد عبد العزيز اكتر من كدا
و التوكيل مش عارف يصلحها
و المهندس احمد فوزي غير محترم نهائيا ( كلام محترم في الاول بتاع اي توكيل , و بعد كدا التنفيض التمام )
لما نشوف اخرتها معاهم ايه
عموما هم كلموني النهاردة و قالوا هاتها و بتاع , بس طبعا ولا هيعملوا حاجة و انا مش فاضي ليهم بصراحة , كل شوية اروح و اتمشور على الفاضي

[Ahmed Amin]

علي فكرة زي ما لما انت روحت وكان فيه سوفت ويير أبديت أتعملك وانت لاقيت بعدها لعبكة وكركرة والحاجات اللي انت حكيت عليها.
ممكن يكون فيه سوفت ويير جديد نزل بتاريخ جديد الاسبوع دا علي سبيل المثال,
والابديت الاهير هيعالج المشكلة أو ال bug اللي بسببها العربية بقت أسوء عندك علي حد وصفك.

من كلام seeworld واضح انو كان عنده نفس مشكلتك الاولي بالظبط قبل مانت تعمل السوفت ويير ابديت.
ولما راح ابورواش انهارده او الاسبوع دا لانو محددش التاريخ اللي راح فيه, أخد أخر أبديت. والمشكلة راحت تماماً علي حد وصفه,,

ومحصلش معاه اللي بيحصل معاك لانو ماخدش الابديت القديم بتاعك اللي انت اخدته وكعبل الدنيا,
والله أعلم هيا هتطلع مشكلة سوفت ويير في الاخر ولا حاجة تانية.
عشان كدا انا بقولك الحق روح وشوف ابه الجديد عندهم واعمله زي ما عمل seeworld. عشان ممكن يكون حل مشكلتك في المشوار دا.

ولو أتاخرت عليهم شوية وكان الموضوع مشكلة في السوفتوير اللي عندك, ونزل ابديت تاني غير اللي اخدة seeworld
مش هنعرف ساعتها نحكم هيا مشكلة سوفت ويير ولا حاجة تانية.

بس تاني بما أن seeworld كان عنده نفس مشكلتك الاولي, واتحلت دلوقتي بالسوفت ويير دا, دا بيأكد أكتر أنها مشملة سوفت وير ومش مشملة ميكانيكة زي ما خمنا قبل كدا.
وممكن السوفت وير يكون اتعمل لك غلط لما روحت لهم أو كان فيه bug.
فألحق روح لهم يوم السبت أو الأحد ضروري, واطلب ان يتعملك نفس اللي اتعمل ل seeworld
ومن نفس المهندس لو أمكن. فتواصل معاه من دلوقتي ليوم السبت عشان تعرف اللي عمله,,

عشان اوقات كتير بيبقي فيه مهندسين كتير جداد او بدام مش عارفين يتعاملو مع السوفت ويير,
ودي حصلت معايا شخصياً مرتين لاقيتهم كل ما يفتحو قايمة بيقروا التعليمات اللي بتبقي في ال de......ion وبيسألو الميكانيكة لما بيتزنقو وبيجربو. !!

[islam.afifi]

علي فكرة زي ما لما انت روحت وكان فيه سوفت ويير أبديت أتعملك وانت لاقيت بعدها لعبكة وكركرة والحاجات اللي انت حكيت عليها.
ممكن يكون فيه سوفت ويير جديد نزل بتاريخ جديد الاسبوع دا علي سبيل المثال,
والابديت الاهير هيعالج المشكلة أو ال bug اللي بسببها العربية بقت أسوء عندك علي حد وصفك.

من كلام seeworld واضح انو كان عنده نفس مشكلتك الاولي بالظبط قبل مانت تعمل السوفت ويير ابديت.
ولما راح ابورواش انهارده او الاسبوع دا لانو محددش التاريخ اللي راح فيه, أخد أخر أبديت. والمشكلة راحت تماماً علي حد وصفه,,

ومحصلش معاه اللي بيحصل معاك لانو ماخدش الابديت القديم بتاعك اللي انت اخدته وكعبل الدنيا,
والله أعلم هيا هتطلع مشكلة سوفت ويير في الاخر ولا حاجة تانية.
عشان كدا انا بقولك الحق روح وشوف ابه الجديد عندهم واعمله زي ما عمل seeworld. عشان ممكن يكون حل مشكلتك في المشوار دا.

ولو أتاخرت عليهم شوية وكان الموضوع مشكلة في السوفتوير اللي عندك, ونزل ابديت تاني غير اللي اخدة seeworld
مش هنعرف ساعتها نحكم هيا مشكلة سوفت ويير ولا حاجة تانية.

بس تاني بما أن seeworld كان عنده نفس مشكلتك الاولي, واتحلت دلوقتي بالسوفت ويير دا, دا بيأكد أكتر أنها مشملة سوفت وير ومش مشملة ميكانيكة زي ما خمنا قبل كدا.
وممكن السوفت وير يكون اتعمل لك غلط لما روحت لهم أو كان فيه bug.
فألحق روح لهم يوم السبت أو الأحد ضروري, واطلب ان يتعملك نفس اللي اتعمل ل seeworld
ومن نفس المهندس لو أمكن. فتواصل معاه من دلوقتي ليوم السبت عشان تعرف اللي عمله,,

عشان اوقات كتير بيبقي فيه مهندسين كتير جداد او بدام مش عارفين يتعاملو مع السوفت ويير,
ودي حصلت معايا شخصياً مرتين لاقيتهم كل ما يفتحو قايمة بيقروا التعليمات اللي بتبقي في ال de......ion وبيسألو الميكانيكة لما بيتزنقو وبيجربو. !!

كلام الاخ الفاضل جه متأخر لأني بعت للجهاز اني عايز افحص العربية عنده
و انا عملت شكوى مع احمد و محمد و احنا ال 3 ماشيين في نفس الموضوع و مع كلام التوكيل المايع مش واثق اني اروح
مش واثق فيهم بصراحة بعد اللي شوفته في ال3 مرات اللي روحت فيها
اكيد الواحد مش عاوز كل مرة يقعد لسه يجرب
العربية جبتها من شهرين و ما استمتعتش بيها لحد النهاردة
هنشوف الحل ايه مع جهاز حماية المستهلك و الله المستعان