كنت فاكرو صوت تاكيهات واتارى الابيزا 98 مافيهاش تاكيهات

[Karim Ibiza]

السلام عليكم يا أهل المنتدى الكرام
انا لسه شارى ابيزا 98 من اسبوع بس ياخسارة ملحقتش افرح
العربية دواخل فابريكة ورشة حزام فقط والموتور 1000 وعاملة 104000 كيلومتر سنتر ومرايات وزجاج كهرباء فقط وغلتطى انى اشتريتها من غير ما اكشف على الموتور
المهم تانى يوم طلعت بيها مشوار شغل فى برج العرب واليوم ده عملت حوالى 300 كيلو, وحبيت اشوف اقصى سرعة ليها كام وانا عارف ان الموتور ده السرعة القصوة 150 بس العربية مش عايزة تجيب اكتر من 130, المهم على اخر اليوم لقيت صوت كده عامل زى صوت التاكيهات لما بتكون مفتوحة, وقلت مش مشكلة و بكره اروح للميكانيكى يظبط التاكيهات, تانى يوم روحت للميكانيكى هريسة (اشهر ميكانيكى للفولكس فى اسكندرية) وطلبت منه يظبوطلى التاكيهات ورد عليا وقالى (يابيه عربياتنا مافيهاش تاكيهات) وكانت الصدمة
كلمت الراجل اللى اشتريت منه العربية وسائلتوا اذا كان الموتور كان فيه مشكلة قبل كده, قالى ان فى الشتاء اللى فات سير التقسيمة قطع منه وجابت صبابات ووداها لميكانيكى بتاع عربيات شاهين ولادا وقالو انا هصلحالك ومن ساعتها وهى ملغبطة, المهم انا روحت لميكانيكى تانى اسمه اسلام عند كوبرى الناموس وده استاذ فى تسقيط المواتير ال vw وقالى ان الكرنك فيه بووش والزيت مش بيطلع للموتور فوق علشان التسريب اللى عند الكرنك, طيب وايه العمل؟ قالك شيل وحط موتور جديد, يعنى مالوش علاج؟ قالك المواتير دى مش بتتصلح, طيب وبعدين؟ قالك انا هجيبلك موتور 1600 ال 101 حصان بتاع البولو الصالون اللى بتنزل فى شرق اسيا بس من غير الفتيس عشان فتيسها اوتوماتيك, طيب وده هيركب عادى؟ قالك هنجيب الموتور بالضفيرة والكونترول بس ومش هنغير حاجة تانية ودى شوغلانة محفوظة وعملناها بدا المرة الف, طيب بكام ياعم الحج؟ قالك الموتور 3000 والمصنعية 1000 وانسى بعد كده ومتجيليش تصلح حاجة فيها قبل ماتعمل بيها 200 الف كيلو, طيب من غير باور ولا تكييف؟ قالى موتور وضفيرة وكنترول بس والموتور بتاعك خليك ماشى بيه لحد مايوقف خالص وبعد كده خد منه المارش والاسبراتير والبوابة وارمى الباقى.

دلوقتى انا عندى كام سؤال:
1 هو الموتور ده مش ممكن يتصلح؟ ولو هيتصلح يتصلح بكام؟
2 طيب هو ممكن يوقف منى بعد قد ايه؟
3 الموتور 1600 يركب على الفتيس والشكمان والعفشة عادى بدون تغيير؟
4 انتوا مش شايفين ان 1000 جنيه مصنعية كتير؟

وعلى فكرة انا ناوى اركب باور وتكييف وعشان كده انا شايف ان ال 1600 هيكون مناسب مع الحاجات دى اكتر من ال 1400.

افيدونى افادكم الله

واسف على الاطالة

[windofchange]

هات الموتور مع الفتيس ولو اوتو ايه المشكلة؟ هاته بالفتيس الاوتو,,,علما بان في الموتور مع فتيسه المانوال بيتباع بس هتغير طقم التبريد اللي هو الردياتير,,,,لأن لو ركبت الموتور ال1600 عالفتيس ال1000سي سي غلط عليه ومش هتاخد قدرة الموتور كاملة واستهلاك البنزين هيزيد معاك,,,,ياما تجيب موتور 1000 سي سي استعمال خارج فاضي وتركب حاجتك عليه وده يعمل من 1200 ل1700 جنيه بس من غير تكييف وممكن تركب عليه باور لكن التكييف لو ركب عليه هيهلك الموتور بسرعة,الا لو لقيت الموتور ال1000 سي سي بالكومبرسور التكييف الاصلي اللي جي معاه علما بان اغلب المواتير ال1000 اللي في السوق بتبقي من غير باور او تكييف وشويه منهم بيبقي جاي معاهم طرمبة باور وسمعت ان في 1000 نازل بكومبريسور تكييف وده كان في وكالة البلح لكن ماشفتش بعيني (الفكرة ان كومبريسور التكييف الاصلي بتاع الموتور مش بيهلكه زي كومبريسور بلدي راكب كوفقينه عليه ومركبينه بقاعدة معينة علشان يركب عالموتور ويشتغل والله اعلم) ,,, وطبعا المفروض تغير علب الشكمان ومواسير الشكمان من بعد الفرن فهتكبر مواسير الشكمان ل2بوصة وتغير العلب عندك بعلب مناسبة لموتور 1600...ايهاب

[م.محمد علاء]

لما هي من غير تاكيهات..أمال إيه اللي بيفتح الصبابات؟!؟
أصل أنا أول مره أسمه عن موضوع من غير تاكيهات ده .

[SYD]

السلام عليكم يا أهل المنتدى الكرام

وعليكم السلام ورحمة الله وبركاته
اهلا بيك في نايل موتورز وقسم سيات

انا لسه شارى ابيزا 98 من اسبوع بس ياخسارة ملحقتش افرح

الف مبروك العربية ربنا يديك خيرها ويكفيك شرها

العربية دواخل فابريكة ورشة حزام فقط والموتور 1000 وعاملة 104000 كيلومتر سنتر ومرايات وزجاج كهرباء فقط وغلتطى انى اشتريتها من غير ما اكشف على الموتور
المهم تانى يوم طلعت بيها مشوار شغل فى برج العرب واليوم ده عملت حوالى 300 كيلو, وحبيت اشوف اقصى سرعة ليها كام وانا عارف ان الموتور ده السرعة القصوة 150 بس العربية مش عايزة تجيب اكتر من 130, المهم على اخر اليوم لقيت صوت كده عامل زى صوت التاكيهات لما بتكون مفتوحة, وقلت مش مشكلة و بكره اروح للميكانيكى يظبط التاكيهات, تانى يوم روحت للميكانيكى هريسة (اشهر ميكانيكى للفولكس فى اسكندرية) وطلبت منه يظبوطلى التاكيهات ورد عليا وقالى (يابيه عربياتنا مافيهاش تاكيهات) وكانت الصدمة

فعلا الفولكس مافيهوش تاكيهات
بتبقي كوستبانات بتملي زيت وتظبط نفسها بنفسها

كلمت الراجل اللى اشتريت منه العربية وسائلتوا اذا كان الموتور كان فيه مشكلة قبل كده, قالى ان فى الشتاء اللى فات سير التقسيمة قطع منه وجابت صبابات ووداها لميكانيكى بتاع عربيات شاهين ولادا وقالو انا هصلحالك ومن ساعتها وهى ملغبطة, المهم انا روحت لميكانيكى تانى اسمه اسلام عند كوبرى الناموس وده استاذ فى تسقيط المواتير ال vw وقالى ان الكرنك فيه بووش والزيت مش بيطلع للموتور فوق علشان التسريب اللى عند الكرنك, طيب وايه العمل؟ قالك شيل وحط موتور جديد, يعنى مالوش علاج؟ قالك المواتير دى مش بتتصلح, طيب وبعدين؟ قالك انا هجيبلك موتور 1600 ال 101 حصان بتاع البولو الصالون اللى بتنزل فى شرق اسيا بس من غير الفتيس عشان فتيسها اوتوماتيك, طيب وده هيركب عادى؟ قالك هنجيب الموتور بالضفيرة والكونترول بس ومش هنغير حاجة تانية ودى شوغلانة محفوظة وعملناها بدا المرة الف, طيب بكام ياعم الحج؟ قالك الموتور 3000 والمصنعية 1000 وانسى بعد كده ومتجيليش تصلح حاجة فيها قبل ماتعمل بيها 200 الف كيلو, طيب من غير باور ولا تكييف؟ قالى موتور وضفيرة وكنترول بس والموتور بتاعك خليك ماشى بيه لحد مايوقف خالص وبعد كده خد منه المارش والاسبراتير والبوابة وارمى الباقى.

دلوقتى انا عندى كام سؤال:
1 هو الموتور ده مش ممكن يتصلح؟ ولو هيتصلح يتصلح بكام؟

فعلا مواتير الفولكس مش بتتصلح ولا بتعمر
الموتور يتغير بالكامل او بالكتير شورت بلوك

2 طيب هو ممكن يوقف منى بعد قد ايه؟

دي حاجة لا يعلمها الا الله

3 الموتور 1600 يركب على الفتيس والشكمان والعفشة عادى بدون تغيير؟

لا طبعا دة بيجر رجلك وهيدخلك في موال كبير

الموتور ال1600 هتغير عفشة كاملة بفراملها
هتغير فتيس
هتغير كنترول بضفيرة

4 انتوا مش شايفين ان 1000 جنيه مصنعية كتير؟

طبعا كتير السنين

وعلى فكرة انا ناوى اركب باور وتكييف وعشان كده انا شايف ان ال 1600 هيكون مناسب مع الحاجات دى اكتر من ال 1400.

افيدونى افادكم الله

واسف على الاطالة

بص يا باشا قدامك اختيار من 2 مالهمش ثالث

1- تجيب نص علي بعضه (كورسيليه) 1600 وتفضيه في عربيتك ودة هيعمل في حدود من 7500 - 9000 جنيه ومصنعيه ميكانيكي وكهربائي يعني قول 10000 مقفولة

2- تجيب شورت بلوك 1400 بالتكييف والباور وطرمبة المياة وتركبه علي فتيسك بفراملك بكنترولك بضفيرتك ومش هتغير اي حاجة تماما
دة هيكلفك في حدود 2500 ومصنعيات حوالي 500

حضرتك هتعمل التالي عشان تشغل التكييف
هتجيب ثلاجة + سربنتينة + الوصلات والخراطيم
في حدود 2000 جنيه الكلام الي فات دة

الباور
هتغير علبة الدريكسيون وهتجيب خزنة الزيت والخراطيم والمواسير
الكلام دة هيتكلف في حدود 300 + 80 + 200 = 600 تقريبا

بس نصيحة لوجه الله
سيبك من الباور

اولا الدريكسيون مش وحش من غير باور
ثانيا الباور مش زي الي انت متخيله
ثالثا هتعمل في حسابك كل 6 شهور هتغير طرمبة باور

تحياتي لحضرتك

والله المستعان
،
،

[windofchange]

1- تجيب نص علي بعضه (كورسيليه) 1600 وتفضيه في عربيتك ودة هيعمل في حدود من 7500 - 9000 جنيه ومصنعيه ميكانيكي وكهربائي يعني قول 10000 مقفولة
الله ينور يابشمهندس ,,,, معلومة ان الكورسيليه من مقدمة العربية لغاية عصاية الفتيس هتجيبه من غير التابلوه والصاج والفوانيس والشبكه والكبوت,,, ده سعره بموتور 1600 كان من سنتين ب6000 جنيه ويفضل تجيبه بالفوانيس والشبكه والصدر السعر هيزيد قول 1000 جنيه,مش هيخسروا وهينفعوا لا قدر الله احتجتهم طبعا السعر من سنتين دلوقتي زي ماسيد بك قال والله اعلم

[Karim Ibiza]

1000 شكر يا جماعة على الاهتمام

انا شايف ان انسب حل بالنسبة للماديات هو الحل الثانى للمهندس syd (الشورت بلوك)

بس السؤال هنا: هل الموتور ال 1400 المقصود هو الكود بتاعه aex؟
طيب الموتور ده فى بعض المواقع بتقول انه 60 حصان 40 كيلو واط وفى مواقع تانية بتقول 75 حصان 55 كيلو واط, يا ترى مين اللى صح؟
اصل لو 60 حصان يبقى معنى كده ان ازيد ب 10 حصان عن الموتور ال 1000 والفرق اكيد مش هيكون ملحوظ :(

افيدونى افادكم الله

[ehab_mansour]

1000 شكر يا جماعة على الاهتمام

انا شايف ان انسب حل بالنسبة للماديات هو الحل الثانى للمهندس syd (الشورت بلوك)

بس السؤال هنا: هل الموتور ال 1400 المقصود هو الكود بتاعه aex؟
طيب الموتور ده فى بعض المواقع بتقول انه 60 حصان 40 كيلو واط وفى مواقع تانية بتقول 75 حصان 55 كيلو واط, يا ترى مين اللى صح؟
اصل لو 60 حصان يبقى معنى كده ان ازيد ب 10 حصان عن الموتور ال 1000 والفرق اكيد مش هيكون ملحوظ :(

افيدونى افادكم الله

طبعا الأخوة الحبايب قالو كل المطلوب و انت حددت موقفك كمان

بالنسبة للشورت بلوك فحضرتك هتحط موتور 1400 8 فالف عشان ينفع يركب علي نفس ضفيرة و فتيس الموتور ال 1000 و ده فعلا 60 حصان

حضرتك هتحس بالفرق لأن المحركات مش قوة فقط لكن قوة و عزم لذلك هتاخد فرق قوة زيادة 10 حصان و فرق عزم محترم بين المحركين لأن المحرك ال 1000 سيسي مشكلته مش في القوة و لكن مشكلته الأكبر في العزم و الفرق بينهم ان المحرك ال 1000 عزمة 86 نيوتن متر و لكن ال 1400 عزمة 116 نيوتن متر

و كمان فيه فروق كبري بين المحركات في ان المحرك يخرج أقصي عزم له امتي و يفضل مستمر العزم لحد فين و بيخرج اقصي قوة امتا بالضبط و بتفضل مستمرة لحد فين ؟؟؟؟؟
يعني المحركات فيها قصص كتير و منحنيات بتحدد مستوي أدائها غير تفكيرنا احنا ان المحرك قوة و بس

اتمني اكون قدرت أوصلك ما أقصد

ولكن رأيي طبعا لو كنت هتشيل خالص و معاك امكانيات فكنت تشتري نص زي ما قالك محمد سيد بمحرك 1600 و بكل مكوناته و تفضيه عندك و لكن طالما الامكانيات محدودة فخليك في الشورت بلوك و كمان متركبش تكييف أنصحك امشي بيها شوية كده بالشورت بلوك ده و ابقي اشتري عربية مكيفة فبريكة لأن شغل التكييفات اللي متركبه ده كله عك انا مبحبهوش (من وجهة نظري )

و بالتوفيق لك و للجميع

[Karim Ibiza]

شكرا لمعلوماتك يا بشمهندس ايهاب

انا هتوكل على الله وهركب ال 1400 والله المستعان

وان شاء الله هتابعكم بكل خطوة عشان الكل يستفاد

شكرا

[alzelafy]

اوفر حل هات شورت بلوك 1000 زى اللى راكب شغلانه 4 ساعات و ب 1200 جنيه و 300 مصنعيه و 120 زيت و انتهينا ...... لو فكرت فى حوار ال 1400 ماشى بس هاتها بفتيسها بكنترولها بضفيرتها هتصرفلك 4000 بالتركيب من غير باور و لا تكييف

[Karim Ibiza]

فعلا يا استاذ Zelafy ده اوفر حل

بس المشكلة انى كنت فى برج العرب النهاردة والعربية جابت منى جوان وش سلندر بسبب سخونية الجو مع ان مؤشر الحرارة طول اليوم كان على النص بس اللى حصل ان المروحة فصلت ومشتغلتش مش عارف ليه مع العلم ان كان صوتها عالى جدا كأنى مشغل تكييف مع انى معنديش تكييف وصوتها كده من ساعة ما اشتريت العربية الاسبوع اللى فات وكمان المؤشر معداش النص برده مش عارف ليه وخليت عربية نص نقل تقطرنى لحد وسط البلد

دلوقتى انا مش عارف اعمل ايه!!!!

اعمل الجوان ويا ترى هيتكلف كام بالمصنعية

ولا اغير المكنة كلها

انا بدأت اتشاءم

[ehab_mansour]

فعلا يا استاذ zelafy ده اوفر حل

بس المشكلة انى كنت فى برج العرب النهاردة والعربية جابت منى جوان وش سلندر بسبب سخونية الجو مع ان مؤشر الحرارة طول اليوم كان على النص بس اللى حصل ان المروحة فصلت ومشتغلتش مش عارف ليه مع العلم ان كان صوتها عالى جدا كأنى مشغل تكييف مع انى معنديش تكييف وصوتها كده من ساعة ما اشتريت العربية الاسبوع اللى فات وكمان المؤشر معداش النص برده مش عارف ليه وخليت عربية نص نقل تقطرنى لحد وسط البلد

دلوقتى انا مش عارف اعمل ايه!!!!

اعمل الجوان ويا ترى هيتكلف كام بالمصنعية

ولا اغير المكنة كلها

انا بدأت اتشاءم

متعملش جوانات حضرتك اشتري شورت بلوك و غيره باللي عندك تجيبه 1000 تجيبه 1400 براحتك ولكن نصيحة لوجه الله متعملش جوان وش السلندر لأنه اللي هيفك هيدخلك في حوارات هتوصلك التكلفة للشورت بلوك

و طبعا انا مع زيلفي اللي بيقول ان الصح تسقيط الموتور علي فتيسه و لكن اولا الفرق مش كبير قوي بين الموتور ال 1000 و 1400 لذلك ينفع يشتغل علي فتسيه و ثانيا بنحاول تقليل التكلفة لك قدر المستطاع

ولو تقدر تشيل خالص و تسقط جديد برضه براحتك المهم تكون تقدر علي التكلفة و تشوف حد محترف يسقطلك عشان تنجح العملية
بالتوفيق ان شاء الله و دائما تفاءل بالخير تجده و نحن لا يوجد في ديننا تشاؤم

[SYD]

طبعا الأخوة الحبايب قالو كل المطلوب و انت حددت موقفك كمان

بالنسبة للشورت بلوك فحضرتك هتحط موتور 1400 8 فالف عشان ينفع يركب علي نفس ضفيرة و فتيس الموتور ال 1000 و ده فعلا 60 حصان

حضرتك هتحس بالفرق لأن المحركات مش قوة فقط لكن قوة و عزم لذلك هتاخد فرق قوة زيادة 10 حصان و فرق عزم محترم بين المحركين لأن المحرك ال 1000 سيسي مشكلته مش في القوة و لكن مشكلته الأكبر في العزم و الفرق بينهم ان المحرك ال 1000 عزمة 86 نيوتن متر و لكن ال 1400 عزمة 116 نيوتن متر

و كمان فيه فروق كبري بين المحركات في ان المحرك يخرج أقصي عزم له امتي و يفضل مستمر العزم لحد فين و بيخرج اقصي قوة امتا بالضبط و بتفضل مستمرة لحد فين ؟؟؟؟؟
يعني المحركات فيها قصص كتير و منحنيات بتحدد مستوي أدائها غير تفكيرنا احنا ان المحرك قوة و بس

اتمني اكون قدرت أوصلك ما أقصد

ولكن رأيي طبعا لو كنت هتشيل خالص و معاك امكانيات فكنت تشتري نص زي ما قالك محمد سيد بمحرك 1600 و بكل مكوناته و تفضيه عندك و لكن طالما الامكانيات محدودة فخليك في الشورت بلوك و كمان متركبش تكييف أنصحك امشي بيها شوية كده بالشورت بلوك ده و ابقي اشتري عربية مكيفة فبريكة لأن شغل التكييفات اللي متركبه ده كله عك انا مبحبهوش (من وجهة نظري )

و بالتوفيق لك و للجميع

بالظبط كلام المهندس ايهاب صح

عن تجربة
في فرق بين 1000 و1400 ملحوظ
ولكن كاستهلاك مش ملحوظ

والفرق يبان معاك في التسارع ومع التحميل وهو دة بالظبط العزم


ربنا يوفقك

[SYD]

اوفر حل هات شورت بلوك 1000 زى اللى راكب شغلانه 4 ساعات و ب 1200 جنيه و 300 مصنعيه و 120 زيت و انتهينا ...... لو فكرت فى حوار ال 1400 ماشى بس هاتها بفتيسها بكنترولها بضفيرتها هتصرفلك 4000 بالتركيب من غير باور و لا تكييف

ال1000 اريح بس لو لقاه.

وال1400 مش لازم الفتيس والكنترول والضفيرة

انا غيرت من 1000 ل 1400 صرفت بالظبط حوالي 2500 بالتركيب ومن غير فتيس او كنترول او ضفيرة

[SYD]

فعلا يا استاذ zelafy ده اوفر حل

بس المشكلة انى كنت فى برج العرب النهاردة والعربية جابت منى جوان وش سلندر بسبب سخونية الجو مع ان مؤشر الحرارة طول اليوم كان على النص بس اللى حصل ان المروحة فصلت ومشتغلتش مش عارف ليه مع العلم ان كان صوتها عالى جدا كأنى مشغل تكييف مع انى معنديش تكييف وصوتها كده من ساعة ما اشتريت العربية الاسبوع اللى فات وكمان المؤشر معداش النص برده مش عارف ليه وخليت عربية نص نقل تقطرنى لحد وسط البلد

دلوقتى انا مش عارف اعمل ايه!!!!

اعمل الجوان ويا ترى هيتكلف كام بالمصنعية

ولا اغير المكنة كلها

انا بدأت اتشاءم

قدر الله وماشاء فعل

بص يا باشا
بالنسبة للجوان
لو اتعمل صح، مش هتحس بأي فرق
انا ليا واحد زميلي عملها في جولف وكشط الوش وركب جوانيين
ومفيش مشاكل
والتكلفة هتكون في الحدود دي
فك وتركيب حوالي من 200-250
الخراط من 150 - 200
الجوانين من 150-200
سيليكون حراري حوالي 75
زيت موتور - حسب الزيت
فلتر زيت -
تنظيف ردياتير وتغيير مياة تبريد

لو العملية مش مريحة معاك حاليا خليك في الحل دة

اما لو متيسرة وتقدر تغير
فغير بردو شورت بلوك زي ماقولنا

هتجيب شورت بلوك 1400 (البلوكة + النص الفوقاني بتاع غطاء التاكيهات)

بالنسبة لتحليل الموقف الي حصل معاك
طبعا ثبات درجة الحرارة دة اولا بسبب ثرموستات الكوع
ولكن ثباتها حتي مع الغليان الشديد لدرجة ان الجوان ضرب فدة كدة معناه ان حساس الحرارة بايظ وبيدي قرايات خاطئة

صوت المروحة وتشغيلها دائماً علي السرعة العالية
اما المروحة مش بتاعتها
او الفيشة بتاعة المروحة مش بتاعتها ومعمولة بلدي - ودة احد اهم الأسباب انها دائما تشتغل علي السرعة العالية

نصيحتي ليك

لو هتاخد بالحل بتاع الشورت بلوك او لو حتي هتعمل الجوان
هات ضفيرة انجيكشن او بيسموها الضفيرة الصغيرة او نص الضفيرة
الضفيرة دي اولها عند البوابة وفيش الرشاشات - واخرها عند حساس الحرارة والسرعة مرورا بفيش الموتور.
صدقني لما تغيرها بواحدة رايقة وفبريكة هتحس بفرق عجيب في العربية

وربنا يوفقك

[SYD]

متعملش جوانات حضرتك اشتري شورت بلوك و غيره باللي عندك تجيبه 1000 تجيبه 1400 براحتك ولكن نصيحة لوجه الله متعملش جوان وش السلندر لأنه اللي هيفك هيدخلك في حوارات هتوصلك التكلفة للشورت بلوك

و طبعا انا مع زيلفي اللي بيقول ان الصح تسقيط الموتور علي فتيسه و لكن اولا الفرق مش كبير قوي بين الموتور ال 1000 و 1400 لذلك ينفع يشتغل علي فتسيه و ثانيا بنحاول تقليل التكلفة لك قدر المستطاع

ولو تقدر تشيل خالص و تسقط جديد برضه براحتك المهم تكون تقدر علي التكلفة و تشوف حد محترف يسقطلك عشان تنجح العملية
بالتوفيق ان شاء الله و دائما تفاءل بالخير تجده و نحن لا يوجد في ديننا تشاؤم

يابشمهندس ايه المشكلة لو غير جوان وكشط وركب جوان اضافي ؟؟؟
هو لا هيغير صبابات ولا بليهات ولا سبايك ولا هيلعب جوة المكنة في حاجة
الا لو كانت المكنة من الأول فيها مشاكل

لكن لو علي جوان وش السلندر فدة بيتغير عادي وفي عربيات موديل السنة كمان
اهم حاجة الصنايعي يكون امين ويشتغل علي قد المطلوب بس ومايفتحش في حاجات تانية

تحياتي ليك يابشمهندس ايهاب