كنت فاكرو صوت تاكيهات واتارى الابيزا 98 مافيهاش تاكيهات

[ehab_mansour]

طالما انت من اسكندرية
خليك في شيل الأصفر عشان هتلاقيه متوفر عندك بسهولة
و نزله علي 4 الي 5 الاف كيلو
و غير الفلتر كل مرتين تغيير يعني مره تغيره و مره لأ

[SYD]

بص يا باشا
موضوع الزيوت دة قتل بحثاً مئات المرات علي صفحات المنتدي
والنتيجة شبه النهائية ان جميع الزيوت المعدنية في مصر تكاد تكون واحدة
اما الزيوت التخليقية فهي تتفاوت في الأضافات ولكن باساس بردو واحد لجميع الشركات

وعليه
شيل احسن من موبيل حتي الأن في عربياتنا وبالزات الأصفر
انا شخصيا حالياً في مرحلة التجربة لزيت كاسترول واول لما تخلص معايا هعمل بيها تقرير ان شاء الله
المهندس ايهاب شكر في زيت فيسكو بردو بالزات في الأبيزا 98
windsofchange شكر في زيت ليكوي مولي ومعاه ابيزا 98

كدة معاك 3 اختيارات لحد لما اعمل تقريري ويبقي معاك 4
شيل أصفر
فيسكو 2000
ليكوي مولي نصف تخليقي

وانا حاليا بجرب ب كاسترول GTX الأبيض لو اثبت فعالية في الأحتراق واللزوجة هجرب كاسترول ماجناتيك

والله المستعان
،
،

[Karim Ibiza]

وأخيرا ركبت الكونترول بتاع الموتور الجديد, المشكلة طلعت فى الكبل :)

المهم العربية قوتها زادت بس مكتومة أوى مش عارف ليه, ياترى ده بسبب الشكمان بتاع ال 1000 ولا ايه؟؟؟

أفيدونى

[Karim Ibiza]

انا تأكدت ان شكمان ال 1000 نفس ال 1400, طيب الكتمة دى ممكن تكون من ايه؟؟؟؟

[ehab_mansour]

انا تأكدت ان شكمان ال 1000 نفس ال 1400, طيب الكتمة دى ممكن تكون من ايه؟؟؟؟

تقصد ايه من كتمه
يعني ضعف في السحب و التسارع ولا ايه بالضبط لأن الكلمة دي تتفسر بحاجات كتير

[Karim Ibiza]

يعنى لما بكبس على دواسة البنزين بتتخنق لكن عشان متتخنقش لازم اسايسها واحدة واحدة عشان تجمع وكمان النقلات مش بتوصل للسرعات المفروضة يعنى مثلا الغيار الثانى المفروض يكون 80 لكن بتوصل 70 وال RPM بيكون فى ال red zone, انا متأكد ان الاسطوانة كويسة بس مش عارف هل ده ظبط اسبراتير ولا رشاشات مسدودة؟؟؟

[ehab_mansour]

يعنى لما بكبس على دواسة البنزين بتتخنق لكن عشان متتخنقش لازم اسايسها واحدة واحدة عشان تجمع وكمان النقلات مش بتوصل للسرعات المفروضة يعنى مثلا الغيار الثانى المفروض يكون 80 لكن بتوصل 70 وال rpm بيكون فى ال red zone, انا متأكد ان الاسطوانة كويسة بس مش عارف هل ده ظبط اسبراتير ولا رشاشات مسدودة؟؟؟

يا أخي الفاضل الرحمه شوية تاني ايه اللي بيوصل 80 ؟؟
دانا بمشي بالعربية سرعات لأني بسافر كتير و عمري ما عديت 6 ار بي ام رغم اني موتور عربيتي بيخرج أعلي قوة له عند 6600 ار بي ام

يعني عايزك تستمتع بالعربية و لكن من غير اهانه يعني ايه يخليك تجيب 80 ولا حتي 50 علي التاني طالما فيه ثالث و رابع انا اللي اعرفه في حياتي ان طالما مش محتاج ازود ار بي ام و معايا غيارات اغيرها موصلش للأر بي ام العالي غير لما اكون خلاص جبت الخامس و طريق فاضي و محتاج امشي سرعات خلاص ادوس

متزعلش من كلامي و لكن ده للحفاظ علي عربيتك غير دايما علي 3000 الي 4000 بالكتير ار بي ام عشان تحافظ عليها

بخصوص مشكلتك فمن خلال متابعتي لكلامك السابق انت تقريبا عملت السيرفيس كله ما عدا البوجيهات و فلتر البنزين غيرهم ولو عايز تحتفظ بالبوجيهات القديمة اللي جايه مع المحرك مترميهاش خدها ولو مش هي المشكلة ابقي ركبها تاني

علي فكرة نفس مشكلتك دي يشبهها كان عندي في عربيتي امبارح و كمان كانت بتبطل لدرجة انها بطلت مني 5 مرات و بتدور تاني ولكن بدون عزم و ده و هي باردة المهم انا عارف ان البوجيهات تعبانه لأني كنت واخدهم من صديق بجربهم لأسباب معينه في دماغي و كانو ماشيين 60 الف كيلو عنده و انا مركبهم بقالهم حوالي 15 الف كمان المهم قلت كفاية كده و غيرتهم امبارح و الحمد لله كله زي الفل النهارده الصبح

فغير بوجيهاتك و قلي ايه الأخبار و كمان نظف أطراف كابلاتها من الناحيتين و تأكد ان اطراف الاسبراتير نظيفه و بتلمع و ياريت تصوره لنا نعرف هو الكتروني ولا بيتظبط عشان نقلك يتضبط ازاي


والله الموفق

[SYD]

وأخيرا ركبت الكونترول بتاع الموتور الجديد, المشكلة طلعت فى الكبل :)

المهم العربية قوتها زادت بس مكتومة أوى مش عارف ليه, ياترى ده بسبب الشكمان بتاع ال 1000 ولا ايه؟؟؟

أفيدونى

الف مبروك الكنترول

انا تأكدت ان شكمان ال 1000 نفس ال 1400, طيب الكتمة دى ممكن تكون من ايه؟؟؟؟

فعلا ال1000 وال1400 بنفس الشكمان وبنفس القطر والفرن وحساس الشكمان

[SYD]

يعنى لما بكبس على دواسة البنزين بتتخنق لكن عشان متتخنقش لازم اسايسها واحدة واحدة عشان تجمع وكمان النقلات مش بتوصل للسرعات المفروضة يعنى مثلا الغيار الثانى المفروض يكون 80 لكن بتوصل 70 وال rpm بيكون فى ال red zone, انا متأكد ان الاسطوانة كويسة بس مش عارف هل ده ظبط اسبراتير ولا رشاشات مسدودة؟؟؟

ازاي بتتخنق ؟؟؟
اعتقد حضرتك تكون مش متعود عليها

عايز اقول لحضرتك ملحوظة
انا بكبس مرة واحدة بجيب الدواسة في الأرض - الأر بي ام مش بيتهز من مكانه حتي
ولكن بعد ثانيتين تقريبا بلاقيه بدأ في الصعود التدريجي
المفروض انك بتدوس بالراحة وبتزود ببطء مش البطء الشليل ولكن بالهداوة العربية هتعملك الي انت عايزه

اما بالنسبة للحد الأقصي للسرعات علي كل غيار
الأول انت ممكن توصل بيه لحد 30
الثاني اعتقد زي انت ماقولت لحد 70
الثالث لحد 100
الرابع لحد 140

بصراحة دة كان اخري مع الحرق وساعتها كنت بشد مع النترا 2010 وكوبري اكتوبر قفل عليا

[SYD]

تمام زي المهندس ايهاب ما قالك
غير البوجيهات وفلتر البنزين

حد ينسي دوول يا راجل ؟؟؟

دة اول حاجة بتعملها انك بتغير فلتر البنزين اول لما بتسقط الموتور الجديد

انا غيرته مرتين اول لما سقطت المكنة ولسة مغيره للمرة الثالثة بعد تنظيف الرشاشات
وكل دة في حدود ال7000 كم

غيرته اول لما سقطت

ورجعت غيرته مع غيار الزيت

ورجعت غيرته لما نظفت الرشاشات

زي ما بتغسل بالزيت وترميه وتحط غيره
بردو بتغسل بفلتر البنزين وترميه وتركب غيره

ربنا يوفقك
وتستمتع بعربيتك

والله المستعان
،
،

[SYD]

يعنى لما بكبس على دواسة البنزين بتتخنق لكن عشان متتخنقش لازم اسايسها واحدة واحدة عشان تجمع وكمان النقلات مش بتوصل للسرعات المفروضة يعنى مثلا الغيار الثانى المفروض يكون 80 لكن بتوصل 70 وال RPM بيكون فى ال red zone, انا متأكد ان الاسطوانة كويسة بس مش عارف هل ده ظبط اسبراتير ولا رشاشات مسدودة؟؟؟

ليا تعليق حابب اقولهولك عشان بردو تكون مقتنع

انت واضح انك بتركب مع حد زميلك معاه جولف او حاجة زي كدة 1600 او اكثر

عربياتنا دي اولا انجيكشن مش كربراتير

وكنا قولنا لحضرتك قبل كدة ان انجيشكن يعني فيها كنترول (متحكم) بيتحكم في كل ما يخص التغذية بالوقود (الرشاشات والبوابة وخلافه)

المفترض لما حضرتك بتدوس بنزين البوابة بتفتح بقدر معين
تقوم تقول للكنترول انها فتحت
يقوم الكنترول مدي أمر بالتغذية

لما حضرتك بتكبس مرة واحدة
الكنترول مش بيدي الأمر بالتغذية فوراً
اعتقد انه بيستني لمدة ثانيتين يشوف هل سبب الضغط المفاجئ دة لخطأ ما ولا السواق قاصد
فبيستني وكأن شيئاً لم يكن
ولكن لما بيلاقي اصرارك بيستجيب ويبدأ يرفع الأر بي ام واحدة واحدة بردو مش مرة واحدة زي مانت عايز

وبناء علي هذا التصور طوروا في دواسة البنزين في الموديل الي بعدينا علي طول وعملوا الدواسة كهربا علي حساس بدل الواير بتاع الأكسلاتير عشان تبقي المنظومة كلها الكتروني وليس جزء الكتروني وجزء ميكانيكال

علي عكس الكربراتير
فتح البكات وبوابة الهوا بيتم ميكانيكيا مع سلك الأكسلاتير
فبمجرد الضغط علي الدواسة بتفتح تلقائيا علي قدر دوستك وفي نفس لحطة دوستك - يعني بيتم بينهم تزامن او synchronization

دة تفسيري المتواضع بناء علي خبرتي (مش الطويلة اوي) مع سيارات فولكس والمحركات الأنجيكشن والكربراتير


والله المستعان
،
،

[Karim Ibiza]

يا أخي الفاضل الرحمه شوية تاني ايه اللي بيوصل 80 ؟؟
دانا بمشي بالعربية سرعات لأني بسافر كتير و عمري ما عديت 6 ار بي ام رغم اني موتور عربيتي بيخرج أعلي قوة له عند 6600 ار بي ام

يعني عايزك تستمتع بالعربية و لكن من غير اهانه يعني ايه يخليك تجيب 80 ولا حتي 50 علي التاني طالما فيه ثالث و رابع انا اللي اعرفه في حياتي ان طالما مش محتاج ازود ار بي ام و معايا غيارات اغيرها موصلش للأر بي ام العالي غير لما اكون خلاص جبت الخامس و طريق فاضي و محتاج امشي سرعات خلاص ادوس

متزعلش من كلامي و لكن ده للحفاظ علي عربيتك غير دايما علي 3000 الي 4000 بالكتير ار بي ام عشان تحافظ عليها

ياهندسة انا مش بمشى كده على طول بس الفكرة انك لما بتركب عربية جديدة عليك او مركب موتور جديد فابتكون عايز تجرب تشوف ايه امكانياته وبتخرج كل قوته للتجربة فقط عشان لما تحب تشد مع حد تبقى عارف ال perfect shift يكون امتى, لكن فى العادى بنقل على 3000 او 4000 طالما مش محتاج تجميع سريع

بخصوص مشكلتك فمن خلال متابعتي لكلامك السابق انت تقريبا عملت السيرفيس كله ما عدا البوجيهات و فلتر البنزين غيرهم ولو عايز تحتفظ بالبوجيهات القديمة اللي جايه مع المحرك مترميهاش خدها ولو مش هي المشكلة ابقي ركبها تاني

علي فكرة نفس مشكلتك دي يشبهها كان عندي في عربيتي امبارح و كمان كانت بتبطل لدرجة انها بطلت مني 5 مرات و بتدور تاني ولكن بدون عزم و ده و هي باردة المهم انا عارف ان البوجيهات تعبانه لأني كنت واخدهم من صديق بجربهم لأسباب معينه في دماغي و كانو ماشيين 60 الف كيلو عنده و انا مركبهم بقالهم حوالي 15 الف كمان المهم قلت كفاية كده و غيرتهم امبارح و الحمد لله كله زي الفل النهارده الصبح

فغير بوجيهاتك و قلي ايه الأخبار و كمان نظف أطراف كابلاتها من الناحيتين و تأكد ان اطراف الاسبراتير نظيفه و بتلمع و ياريت تصوره لنا نعرف هو الكتروني ولا بيتظبط عشان نقلك يتضبط ازاي

فعلا انا لازم اغير البوجيهات وفلتر البنزين بس هل ينفع انى اغير البوجيهات بنفسى ولا لازم الميكانيكى؟ انا عارف ان البوجيهات فى مكان مزنوق ومتهيائلى لازم اشيل المنافول عشان اعرف اوصلها, ياريت تصححلى المعلومة دى


والله الموفق

[Karim Ibiza]

تمام زي المهندس ايهاب ما قالك
غير البوجيهات وفلتر البنزين

حد ينسي دوول يا راجل ؟؟؟

انا منسيتش والله بس الميكانيكى كشف عليهم وقالى انهم كويسين بس فعلا عندك حق والبشمهندس ايهاب عنده حق فى موضوع البوجيهات ده لان حتى لو حالتهم كويسة فاالمدة اللى كان واقفها الموتور على الارض كافية انها تخليهم يرطبو


دة اول حاجة بتعملها انك بتغير فلتر البنزين اول لما بتسقط الموتور الجديد

انا غيرته مرتين اول لما سقطت المكنة ولسة مغيره للمرة الثالثة بعد تنظيف الرشاشات
وكل دة في حدود ال7000 كم

غيرته اول لما سقطت

ورجعت غيرته مع غيار الزيت

ورجعت غيرته لما نظفت الرشاشات

زي ما بتغسل بالزيت وترميه وتحط غيره
بردو بتغسل بفلتر البنزين وترميه وتركب غيره

ربنا يوفقك
وتستمتع بعربيتك

والله المستعان
،
،

[Karim Ibiza]

ليا تعليق حابب اقولهولك عشان بردو تكون مقتنع

انت واضح انك بتركب مع حد زميلك معاه جولف او حاجة زي كدة 1600 او اكثر

انا فعلا سوقت عربية واحد صاحبى بولو 2000 وكان متسقطلها 1400 بس 16v واستجابتها سريعة جدا وده اللى كنت بقارن بيه بس من الواضح ان فرق الكامة الزيادة فرق كبير, وركبت مع واحد صاحبى ابيزا 94 بس موتور vr6 :copy of m-s5: طبعا مش هقدر اوصفلك شعورى وانا لازق فى دهر الكرسى من قوة العزم, طبعا انا مش بقارن :copy of m-s5:

عربياتنا دي اولا انجيكشن مش كربراتير

وكنا قولنا لحضرتك قبل كدة ان انجيشكن يعني فيها كنترول (متحكم) بيتحكم في كل ما يخص التغذية بالوقود (الرشاشات والبوابة وخلافه)

المفترض لما حضرتك بتدوس بنزين البوابة بتفتح بقدر معين
تقوم تقول للكنترول انها فتحت
يقوم الكنترول مدي أمر بالتغذية

لما حضرتك بتكبس مرة واحدة
الكنترول مش بيدي الأمر بالتغذية فوراً
اعتقد انه بيستني لمدة ثانيتين يشوف هل سبب الضغط المفاجئ دة لخطأ ما ولا السواق قاصد
فبيستني وكأن شيئاً لم يكن
ولكن لما بيلاقي اصرارك بيستجيب ويبدأ يرفع الأر بي ام واحدة واحدة بردو مش مرة واحدة زي مانت عايز

وبناء علي هذا التصور طوروا في دواسة البنزين في الموديل الي بعدينا علي طول وعملوا الدواسة كهربا علي حساس بدل الواير بتاع الأكسلاتير عشان تبقي المنظومة كلها الكتروني وليس جزء الكتروني وجزء ميكانيكال

علي عكس الكربراتير
فتح البكات وبوابة الهوا بيتم ميكانيكيا مع سلك الأكسلاتير
فبمجرد الضغط علي الدواسة بتفتح تلقائيا علي قدر دوستك وفي نفس لحطة دوستك - يعني بيتم بينهم تزامن او synchronization

دة تفسيري المتواضع بناء علي خبرتي (مش الطويلة اوي) مع سيارات فولكس والمحركات الأنجيكشن والكربراتير

تفسيرك منطقى جدا لأنى كان معايا لادا 2105 قبل الابيزا وكانت 1300 كاربرتير وانا فعلا حسيت بالفرق بين الانجيكشن والكربرتير فى دوسة البنزين لانى كنت اول لما ادوس كانت بترجم على طول مقدار الدوسة بضخ البنزين وحتى كنت بقدر اتحكم بالدواسة انى افتح باب الكربرتير التانى قبل ميعاده, من الواضح انى لسه مش واخد على حساسية الانجيكشن, اللى بيسوق كربرتير ويشد بيه بيخلى رجله غشيمه فى الدوسة


والله المستعان
،
،

الف شكر ياباشا على التفسير المفيد ده

[akramlail]

نفس المشكلة دى عندى فبولو 95 1300 اول ما بطلع بيها ع التانى بحس انها مخنوقة ودوسة البنزين مش بتستجيب وتنتف او تقطع كدة بعد فترة لما بمشى بيها مدة تبتدى تسلك بس بردة لما ساعات ادوس احس انها هتقطع والار بى ام ينزل فجاة ويطلع تانى دى بوجيهات ولا كهربا ولا بوابة لان مكانيكى قالى مسجلة بوابة