كنت فاكرو صوت تاكيهات واتارى الابيزا 98 مافيهاش تاكيهات

[ehab_mansour]

نفس المشكلة دى عندى فبولو 95 1300 اول ما بطلع بيها ع التانى بحس انها مخنوقة ودوسة البنزين مش بتستجيب وتنتف او تقطع كدة بعد فترة لما بمشى بيها مدة تبتدى تسلك بس بردة لما ساعات ادوس احس انها هتقطع والار بى ام ينزل فجاة ويطلع تانى دى بوجيهات ولا كهربا ولا بوابة لان مكانيكى قالى مسجلة بوابة

غير وش أسبراتير + شاكوش + بوجيهات + تنظيف أطراف سلوك البوجيهات + تنظيف البوابة جيدا لو كانت رشاش واحد + غير فلاتر هواء و بنزين

ان شاء الله هتتحل المشكلة
و بالتوفيق ان شاء الله

[SYD]

غير وش أسبراتير + شاكوش + بوجيهات + تنظيف أطراف سلوك البوجيهات + تنظيف البوابة جيدا لو كانت رشاش واحد + غير فلاتر هواء و بنزين

ان شاء الله هتتحل المشكلة
و بالتوفيق ان شاء الله

1+

[Hussein Hijazy]

طيب بعد كل اللى انا قريته انا بقيت قلقان انا عاوز اجيب ابيزا 98 او 99 تفتكروا حلوة ولا لا وهى انشجكشن و لا اية ؟؟؟ و الف شكر

[SYD]

طيب بعد كل اللى انا قريته انا بقيت قلقان انا عاوز اجيب ابيزا 98 او 99 تفتكروا حلوة ولا لا وهى انشجكشن و لا اية ؟؟؟ و الف شكر

في البداية برحب بيك في قسم سيات نايل موتورز

حضرتك قرأت ايه ؟؟ وقلقان من ايه ؟؟
الأخ صاحب الموضوع كان عنده اعتقاد والحمد لله مفاهيمه اتصححت وكان عنده كام مشكلة في عربيته وبفضل الله اتعملوا

الأبيزا 98 - 99 انجيكشن كامل بمواتير 1000 سي سي

موضوع حلوة او لاء محدش يقدر يقولها - انت حضرتك اسأل واحنا هنجاوبك وحضرتك هتحكم عليها حلوة ولا لاء بناء علي معايير اختيارك وتقييمك للعربية.

لكن انا شخصيا في رأيي الشخصي
هي عربية حلوة واقتصادية واعتمادية

[Hussein Hijazy]

حضرتك انا بحب العربية دى جدا بس انا قريت حاجات كتيرة هنا فى المنتدى و حبتها اكتر بس خايف تكون مشكلها كتيرة .
و هل لو جبتها و سقطتلها موتور 1400 او 1600 هيكون انشجكشن ولا لا ؟
و ايه الاحسن اجبها 1400 او 1600 ولا اجبها 1000 و اعمل كل دا و اهى تكون كل حاجة قدام عينى ؟!
و هتعمل كام جاهزة و هتعمل كام لو سقطتلها موتور ؟ ولا اسبها زى ما هى احسن ؟
و اسف جدا على اسئلتى الكتير

[Hussein Hijazy]

حاجة كمان معلش لو هختار بين ابيزا و اكسنت و اكسل , و كلوا موديل 99 .
اختار ايه ؟ انا بجد دماغى هتفرقع انا صبح و ليل بفكر فى الموضوع دا , قلولى ايه الاحسن و اشمعنا ؟

[SYD]

حضرتك انا بحب العربية دى جدا بس انا قريت حاجات كتيرة هنا فى المنتدى و حبتها اكتر بس خايف تكون مشكلها كتيرة .
و هل لو جبتها و سقطتلها موتور 1400 او 1600 هيكون انشجكشن ولا لا ؟
و ايه الاحسن اجبها 1400 او 1600 ولا اجبها 1000 و اعمل كل دا و اهى تكون كل حاجة قدام عينى ؟!
و هتعمل كام جاهزة و هتعمل كام لو سقطتلها موتور ؟ ولا اسبها زى ما هى احسن ؟
و اسف جدا على اسئلتى الكتير

بتحب العربية ؟؟؟
طب كويس جداً
طالما بتحبها يبقي هتتفهم الموقف وهتقبل تسمع عنها
بص يا باشا
في البداية العربية دي ألمانية مأصلة هتركبها هتشم فيها ريحة الألماني (طبعا ماقصدش الريحة بالمعني المفهوم للكلمة) ولكن اقصد انك لما هتركبها هتحس بيها فعلا لما تمشي 80 - 90 - 100 - 120 هتعرف فعلا انها ألماني ومش هتحس بالطريق تحتيك - تطلع وتنزل وتاخد ملفات علي السرعات وتحس انها ماشية هي والطريق حاجة واحدة

اي آله لازملها صيانة
اعرف جدول صيانتها واعملها في مواعيدها هتحس بقيمة العربية
ماتستناش عليها - واصرف ماتبخلش هتلاقيها محتفظة برونقها دائماً

موضوع تجيبها وتسقط او تجيبها متسقطة مش هي دي القضية
المهم انك لما تسقط تبقي عارف انت بتعمل ايه

اهم حاجة في التسقيط انك ما تغيرش اساسيات العربية
بمعني
مش عشان اسقط اغير قواعد او عفشة او فرامل او او

انسب محرك للعربية بدون تعديلات هو ال1400 انجيكشن

سواء هتجيبها 1000 وتسقط او هتجيبها 1400 او هتجيبها 1000 ومش هتسقط
المهم ما تعلاش عن رينجها في السوق

العربية في افضل حالاتها ولأعلي سعر لأعلي موديل لأعلي كماليات لا تتعدي ال35

تحياتي
وفي انتظار المزيد من الأسئلة

[SYD]

حاجة كمان معلش لو هختار بين ابيزا و اكسنت و اكسل , و كلوا موديل 99 .
اختار ايه ؟ انا بجد دماغى هتفرقع انا صبح و ليل بفكر فى الموضوع دا , قلولى ايه الاحسن و اشمعنا ؟

مفيش حاجة احسن من حاجة
كل فولة وليها كيال

كل عربية وليها استخدام وليها الركيبة بتوعها

الأبيزا والألماني عايزة الشاب وتستحمل السفر والتعتيل فيها والجري والمناورات وبتقبل الترويش والتسقيط والتعديلات

الكوري - عربيات المدينة - الأستخدام اليومي العادي
بتروح شغلك بتمشي 90 - 100 بتهدي في المطبات الهوا والملفات ومش بتاعة السواقة العنيفة ولا المعاملة الرياضية
بتقبل ترويش بس مش بتقبل تعديلات

الأبيزا والألماني يعني وسائل الأمان والرفاهية - يعني قطع غيار اغلي بس معمرة
لسة امبارح كنت بكلم واحد زميلي بقوله التيل عندي جبته المضروب ب100 جنيه في حين ان تيل اللانوس الأصلي ب45 جنيه
الفرق كبير - بس انا فراملي بتمسك احسن وبتعيش اكتر

الحمد لله رب العالمين

بقولك ايه ؟؟
ما تعمل موضوع ليك نتكلم فيه براحتنا ونسيب موضوع الراجل مانبوظوش ليه

ايه رأيك ؟؟
اعمل موضوع واكتب فيه كل استفساراتك واسئلتك ونتناقش فيه احسن

تحياتي

[Ahmedhk]

الموضوع ده من أحسن المواضيع و أفيدها اللي قرأته من ساعة ما دخلت
و كم المعلومات اللي فيه لا يقيم
شكرا لأعمدة القسم مش محتاج اذكر أسماءهم.