اى حد عندى استفسار عن skoda انا موجود !

[yts17]

الف حمد لله علي سلامتك وحشتنا يا بشمهندس يوسف

الله يسلمك يا باشا ويارب يبقى الواحدعند حسن ظنكم

[yts17]

انا كنت سألت حضرتك السؤال ده و انت رديت الاجاباة ده و دلوقتي انا عرفت ان ال a4 خلاص مش هينزلوا منها موديل 2010 عشان كده انا ان شاء الله ناوي اجيب a5 موديل 2006 او 2007 بس كان ليه سؤال عند حضرتك طبعا انا في الحالة ده لازم اكشف علي العربية كويس فهل تنصحني اني اكشف عليها قبل ما اشتريها في التوكيل -انا سمعت انهم بياخدوا 200 جنيه و يكشفوا علي العربية- و لا اخد ميكانيكي كويس و اذا حضرتك تعرف ميكانيكي كويس يا ريت تديني نمرته او تنصحني اعمل ايه عشان ميضحكش عليه و خصوصا انا مليش خبرة في موضوع العربيات

و اسف لازعاج حضرتك
و ربنا يجعله في ميزان حسناتك

خليك فى موديل 2007 احسن واتاكد من حالة التكييف والفتيس كويس واتاكد غير زيت فتيس ولا لأ عند 60.000 كيلو لان دى حاجة مهمة اوى . بالنسبة للكشف هوا عندنا بيتكلف 150 ودا فحص شامل على كل حاجة فى العربية من عفشة لكهرباء لدهان لكمبيوتر وطبعاً ميكانيكا . انصحك تروح بيها مكان متخصص لان بجد بيبقى فى حاجات مبتبنش الا بالجهاز . عندك مثلاً كتير اوى فى ال a5 كنترول ال abs بيبقى فيه مشكلة ومحتاج يتغير بيقوموا فاكين التابلوه و طافيين الللمبة بتاعة ال abs بمنديل صغير او ورقة سودا علشان متنورش قدامك والجميل ان العربيا لو الكنترول فيه حاجة الناس فاكره ان العربيا مش هيبقى فيها فرامل لأ بيبقى فيها فرامل بس مفهاش abs وطبعاً الفرق السما عن العما :) ! وممكن نفس الموضوع يتعمل مع كنترول ال airbag اللى عامل حادثة بيطفو اللمبة علشان ميغيروش الكنترول وبكدا حضرتك بتبقى ماشى بايرباج سليم وكل حاجة بس الكنترول بتاعه مش هيديله أمر اصلاً يضرب :) ! فريح دماغك ووديها لمكان متخصص . بالتوفيق

[elwazzan]

1000 شكرا

[yts17]

1000 شكرا

تحت أمرك بس ابقى طمنى عملت ايه ووصلت لايه !

[ahmedyehia515]

بالنسبة للزيت تمام ب متنساش تغير معاه الفلتر كمان. فلتر الهواء كل 20.000 تمام خلى البنزين كل 40.000 . السيور بتتغير كل 60.000 مش 50.000 وياريت لو عايز تطمن تغير الطقم كامل السيور بالشداد والبلية . والمياه الحمراء او الخضراء بتتغير كل 40.000 كيلو

بالنسبة لموضوع ال epc بص يا سيدى هوا المشكلة دى غالباً بتبقى اما مكنة الاستوب وواضح انها مش دى فى حالتك وتانى حاجة ممكن تكون البوابة او دواسة البنزين الكهربا بتاعتهم فيها حاجة وطبعاً ملهاش علاقة بالزينون . المفروض ان اى حد بيتعامل مع جهاز كشف الاعطال يخلصلك القصة دى بسرعة

اخيراً بالنسبة للبوجيهات ممكن تكون المشكلة فى الموبينة نفسها وممكن تكون السلوك نفسها فيها حاجة وممكن يكون حساس الكرنك ضعيف ودا بيهرتل الدنيا جامد اوى بس متخلهاش تتلت بصفة مستمرة كدا . واخبار البويجهات لما بطلعها عاملة ازاى عليها زيت مثلاً ولا مرطبة ولا طبيعية .

بجد شكراً على الرد ده, بصراحة موضوع لما تطلع ده عمرى ما خدت بالى منه, بس أدينا فيها أنا كام يوم كده و حغيرهم و حقولك
شكراً على الوقت و المجهود

[amro_abuabdo]

خليك فى موديل 2007 احسن واتاكد من حالة التكييف والفتيس كويس واتاكد غير زيت فتيس ولا لأ عند 60.000 كيلو لان دى حاجة مهمة اوى . بالنسبة للكشف هوا عندنا بيتكلف 150 ودا فحص شامل على كل حاجة فى العربية من عفشة لكهرباء لدهان لكمبيوتر وطبعاً ميكانيكا . انصحك تروح بيها مكان متخصص لان بجد بيبقى فى حاجات مبتبنش الا بالجهاز . عندك مثلاً كتير اوى فى ال a5 كنترول ال abs بيبقى فيه مشكلة ومحتاج يتغير بيقوموا فاكين التابلوه و طافيين الللمبة بتاعة ال abs بمنديل صغير او ورقة سودا علشان متنورش قدامك والجميل ان العربيا لو الكنترول فيه حاجة الناس فاكره ان العربيا مش هيبقى فيها فرامل لأ بيبقى فيها فرامل بس مفهاش abs وطبعاً الفرق السما عن العما :) ! وممكن نفس الموضوع يتعمل مع كنترول ال airbag اللى عامل حادثة بيطفو اللمبة علشان ميغيروش الكنترول وبكدا حضرتك بتبقى ماشى بايرباج سليم وكل حاجة بس الكنترول بتاعه مش هيديله أمر اصلاً يضرب :) ! فريح دماغك ووديها لمكان متخصص . بالتوفيق

و الله ربنا يكرمك فعلا و ينور عليك
بس معلش ليه استفسار يعني كده حضرتك بترجح اني اروح التوكيل؟؟؟؟ و اذا كده انهي فرع من فروع التوكيل يكون احسن تنصحني بيه حضرتك؟
و لا حضرتك تقصد حد متخصص بره التوكيل؟؟؟ ولو كده ممكن حضرتك ترشح لي حد يكون مضمون و عنده أمانة و ضمير...
و هل موديل 2007 افضل من 2006 و في ايه؟
و تاني حاجة ايه الي ممكن يكون في الاوكتافيا مستخبي و يخلي العربية غير صالحة او تكون مقلب في الشرا؟؟

اسف لازعاج حضرتك و الله بس ما صدقت لقيت حد متخصص زي حضرتك ممكن يفيدني
و ربنا يعزك و يعلمك من علمه

[wael357]

بص هوا تكييف ال octavia a5 فعلاً فيه مشاكل كتير بس ان شاء الله اتمنى انك تكون بعيد عن المشاكل دى
الاول انت بتقول الفيوزات تمام . طيب هيا المراوح شغالة فى حالة سخونة العربية ولا لأ ولو شغالة شغالة السرعتين (البطئ والسريع ) ولا لأ . تمام كدا
بعد كدا لو دايرة التبريد مفهاش فريون التكييف مش هيشتغل ولا المراوح هتشتغل مع التكييف لو فيها مبردوا مش شغال يبقى ممكن يكون حساس ضغط الفريون فيه مشكلة .

حمد لله على السلامه
شكراً على المداخله الفعاله بس ارجو التوضيح ان السرعات عندى 7 مش سرعتين بطئ و سريع
و هما شغالين كلهم و برضه auto و econ بس المشكله ان مفيش اى بروده و لما بشغل التكييف مفيش اى تحميل على الماتور او اى تأثير لحظى على rpm

[yts17]

و الله ربنا يكرمك فعلا و ينور عليك
بس معلش ليه استفسار يعني كده حضرتك بترجح اني اروح التوكيل؟؟؟؟ و اذا كده انهي فرع من فروع التوكيل يكون احسن تنصحني بيه حضرتك؟
و لا حضرتك تقصد حد متخصص بره التوكيل؟؟؟ ولو كده ممكن حضرتك ترشح لي حد يكون مضمون و عنده أمانة و ضمير...
و هل موديل 2007 افضل من 2006 و في ايه؟
و تاني حاجة ايه الي ممكن يكون في الاوكتافيا مستخبي و يخلي العربية غير صالحة او تكون مقلب في الشرا؟؟

اسف لازعاج حضرتك و الله بس ما صدقت لقيت حد متخصص زي حضرتك ممكن يفيدني
و ربنا يعزك و يعلمك من علمه

انا رايى التوكيل اغلى طبعاً بس فيه ناس خبرة اكتر روح اى توكيل معتمد هيعمللك كشف تمام ولو عايز تشرفنا فى التوكيل اللى انا شغال فيه عهمللك الفحص بنفسى وهواعتقد بيتكلف 150 جنيه. بص بيبقى فيه حاحات كتير ممكن يبقى فيه طلمبة بنزين وممكن لعب فى الكنترولات زى ما ضربتللك مثل كدا وممكن حساسات فيها مشاكل وممكن كذا حاجة علشان تطمن لازم العربية تتحط على جهاز أعطال والاهم يكون اللى شغال على الجهاز دا يبقى فاهم

[yts17]

حمد لله على السلامه
شكراً على المداخله الفعاله بس ارجو التوضيح ان السرعات عندى 7 مش سرعتين بطئ و سريع
و هما شغالين كلهم و برضه auto و econ بس المشكله ان مفيش اى بروده و لما بشغل التكييف مفيش اى تحميل على الماتور او اى تأثير لحظى على rpm

لا يا باشا انت فهمتنى غلط انا بتكلم على المراوح اللى بره فى الكبود اللى راكبه على الريداتير دى بتشتغل مع التكيف وبتشتغل مع حرارة العربية ولها سرعتين هل المراوح دى بتشتغل مع التكييف اصلاً ولا لأ وهل الكمبروسور بيلقط حركة اصلاً ولا لأ. بس بدال مفيش اى تحميل على الموتور يبقى بنسبة كبيرة اوى كدا الكمبروسور مبيشتغلش ودا ممكن يكون بسبب حساس ضغط الفريون وممكن تكون العربية مفهاش فريون اصلاً وممكن لاقدر الله الكمبرورسور يكون محروق .

[tot]

السلام عليكم يا باشمهندس، انا عندى ايه فور 2006، المشكلة عندى صوت تزييق بيطلع م الابواب مع السرعة 60 او اعلى و طبعا بكون قافل القزاز كلهرو اى هزة للعربية تلاقيها بتزيق من عند الابواب خاصة الباب اللى ورا السواق، قالولى اجيب مادة اسمها wd 40 و رشيتها ع المفصلات بس لسه الصوت موجود، انت رايك ايه الحل

[solly1979]

السلام عليكم يا باشمهندس، انا عندى ايه فور 2006، المشكلة عندى صوت تزييق بيطلع م الابواب مع السرعة 60 او اعلى و طبعا بكون قافل القزاز كلهرو اى هزة للعربية تلاقيها بتزيق من عند الابواب خاصة الباب اللى ورا السواق، قالولى اجيب مادة اسمها wd 40 و رشيتها ع المفصلات بس لسه الصوت موجود، انت رايك ايه الحل

عندى نفس المشكله فى a4 موديل 2003
كان عندى مشكله فى الزجاج الكهرباء الى ورا رحت اصله وبعدين قلت للراجل يزيت ال 4 ابوب والمفصالات
وبصراحه الصوت فارق معايا جدا كاد يكون انتهى

[yts17]

السلام عليكم يا باشمهندس، انا عندى ايه فور 2006، المشكلة عندى صوت تزييق بيطلع م الابواب مع السرعة 60 او اعلى و طبعا بكون قافل القزاز كلهرو اى هزة للعربية تلاقيها بتزيق من عند الابواب خاصة الباب اللى ورا السواق، قالولى اجيب مادة اسمها wd 40 و رشيتها ع المفصلات بس لسه الصوت موجود، انت رايك ايه الحل

لازم نتاكد الصوت دا من الفرش ولا من المفصلات نفسها .
لو من المفصلات ممكن شحم مع مزيل صداً يظبط الموضوع دا
لو الفرش شوف المشكلة فين فيه عشلان تقدر تحلها

[m_morad76]

عاوز أركب فلتر k&n و بوجيهات سبليت فاير و أسلاك لسيارة A5
هل يرفع من أداء السيارة أم لا و هل يؤثر على عمر الموتور

[amro_abuabdo]

أولا الف شكر علي نصايح حضرتك الغالية
و كان ليه سؤال بخصوص ال a5 هل من الافضل بما اني هاجيبها مستعملة اني اجبها وكيل و لا خليجي و انا سمعت انكم بتصلحوا الاتنين عادي لكن زي ما اتقالي ان الخليجي انعم و تكييفه احسن و مميزات تانية كتير عن المصري
فحضرتك تنصح بايه؟

[kemico]

السلام عليكم
ما هو الفرق بين كل من المواتير mpi fsi tsi