اى حد عندى استفسار عن skoda انا موجود !

[marawansabry]

هي لية العربية بعد كل صيانة دورية ووضعها على الجهاز بحس انها اتكتمت كدة لفترة يعني السحب مش هوه وشوية بتفك .. ودا ميش احساس او تهيوئات دي بجد السحب فعلا بيقل بعد كل صيانة (على فكرة انا بعمل الصيانة في توكيل اسكودا الرئيسي بتاع غمرة)

[elwazzan]

هو الفيليشا 98 لها جهاز تحديد اعطال يعنى ممكن تتحط على جهاز تحديد الاعطال؟

[marawansabry]

سؤال العربية لما بزود بنزين (اكسلاتير) وانا ماشي بسمع صوت حفة كدة (صوت حديد بيحف مع حديد) (كانك بتسن سكينة او بتشفط من شفاط) (ميش صوت ورة) والصوت بيروح لو انا واقف وبزود بنزين وبجيب اي غيار .. او لو انا بجري وشيلت رجلي من على البنزين .. يعني هو مرتبط بزيادة الدوس على البنزين مع الحركة فقط ملهوش اثر لو شيلت رجلي والعربية لسة بتجري او لو زودت والعربية وقفه في مكانها .. وشكرا

[islamaboelnaga]

انا برده بلاحظ موضوع السحب اللى بيقل بعد الصيانه بس بعد يوم او يومين بيتحسن جامد و يبقى احسن من الاول

[islam_ndc]

المشكلة الأساسية ان علشان الخرائط تشتغل على الكاسيت لازم خرائط معينة ومش اى خريطة تشتغل بمعنى مينفعش خرائط igo8 او sygic أو ndrive (دوول اشهر برامج الموبيلات اللى بتدعم خرائط مصر ) تشتغل على العربية عندك موجود عن طريق بعض المواقع على الانترنت الخرائط المتوافقة مع العربية بس معرفش فيها مصر ولا لأ

شكرا يا بشمهندس/ يوسف على الافاده . ارجو الافادة فى موضوع اخر وهو يوم متش مصر وغانا الف الف الفمبروك لمصر كنت ذاهب من العمل الى المنزل وللاسف انتظرت فى الطريق حوالى 3 ساعات انتظار ما بين ال D وال N وبعد ما الطريق فتح لقيت سخونه جمدة جدا طلعه من الدواسه مع ان مؤشر الحرارة كان على 90 ولم ينزل ولم يطلع فى كافه الاحوال ولم تضيئ اى مؤشرات ان الحراره عاليه ولكن بعد المشى فترة على الدائرى اختفت هذه الحرارة بعض الاصدقاء قال لى انه احتباس حرارى وعادى وتم الاتصال بالوكيل فقال فتحات التهويه مفتوحه مع العلم بان التكيف كان مغلق ولكن جربت ان افتح التكيف والضغط على الزر الخاص بتقليب الهواء داخل السيارة وعدم دخول هواء خارجى وبعدها اغلقت التكيف ولكن لحظت ان الهويات تفتح اوتوماتيك على السرعات العاليه فوق 100 كم السيارة موديل 2010 هاى لاين العداد 1200 كم ولكم جزيل الشكر على الافادة والرد السريع...... اسلام

[wael357]

لو هيا زينون والفوانيس عندك فيها موتورر زينون يبقى بتتظبط بالجهاز انما لو هيا عادية فى رجلاش للنور العالى والواطى فى الفانوس من جوا الكبود هتلاقى عبارة عن مسمار كدا لونه ا بيض

الف شكر على الاهتمام و الاجابه
بس فيه سؤال كمان فيه مسمار \للنور الواطى و واحد تانى للنور العالى ؟
و بالمناسبة انا الزينون اللى عندى d1s فيه قاعدة اشعال مدمجه بالفانوس [ بعدسه]

[abdusaleh]

اهدى كدا ان شاء الله سهلة ومحلولة ! اولاً كدا العربية بتاخد 5 كيلو زيت بالفلتر وكونك تحرق فى العربية وتحطلها 8 كيلو بغض النظر دخلو ازاى فى المكنة بس دا طبعاً سبب الدخنة وخنقة الموتور للنك كدا مبهدل كفاءة المحرك ومأثر على الاحتراق بصفة عامة . بنسبة 80 % مشكلتك يا اما ساعة الزيت ودى تغييرها سهل جدا . بس دا فى حالة العربيا مش بتسخن . لو بتسخن يبقى طلمبة زيت . وان شاء الله بسيطة

طيب يا هندسة لو العربية بتسخن بس اللمبة بتنور لما اشيل رجلي من على دواسة البنزين وأول ما أزود بتطفي واول مشغل العربية برضة بتنور وهي بارده ولما ازود بتطفي المشكلة كده في ايه؟؟؟ مع اني قست ضغط طلمبة الزيت وفكيت الساعة لقتها قوية جدا وغيرت الساعة وبرضة اللمبة بتنور .... افدني مشكورا

[spider6666]

باشمهندس عندي حاجة غريبة جدا ومش عارفلها حل
عداد الكيلومترات في العربية بتاعتي a4 بعد ال 60 او ال 70 بلاقي المؤشر وقع لتحت عند الصفر وبيقعد يترقص شوية ويرجع يوقع تاني عالصفر..في ناس قالولي ده بسبب حساس الاوتوماتيك عاوز يتغير..وفي ناس قالولي واير الكيلومترات..وانا تايه بينهم..انا عاوز الرد النهائي في حل هذه المشكلة..وشكرا

[ahmed1_com]

شكرا جدا يا باشمهندس على الموضوع الجميل ده وياريت استفسر منك على موضو انا مكنيكى قالى قالى العفشه عايزه جلدتين مقص بس انا بفضل حضرتك تشوفها افضل وتشوف ايه اخبار العربيه فا ياريت حضرتك تقلى على مكان مركز الصيانه ورقم التليفونات وياريت حضرتك تعرفنى جلد المقصات دى بكام ومع العلم هى اسكودا فابيا 2003 1200cc

[kempel]

السلام عليكم يابشمهندس انا عندى مشكلة فى عربيتى هى موديل 2009 انا جايبها زيرو ومن يوم ماجبتها وهى فيها عيب غريب ساعات وأنا بأقلب النور من واطى لعالى وأكون دايس بنزين ألاقى العربية تنتش وتفصل زي مايكون فيها بنزين وسخ والكهرباء بتاعة العربية اللى هيا التابلوه وكذلك الكاسيت بيفصلوا لمدة ثوانى ويرجعوا يشتغلوا تانى وساعات الحكاية ديه بتحصل لما بأكون بأعمل أى حاجة خاصة بالكهرباء زى اضاءة النور ساعات الدبل فلاشر لكن بتكون واضحة جداً وأنا بأقلب النور وطبعاً ده كله بيبان لما أكون دايس بنزين بس لكن لو مش دايس البنزين مابيبانش العيب ده خالص نسيت لأقول لك انى لما جيت أستلم العربية ورحت أرخصها لقيت عداد السرعة مش شغال المهم كنت بأرخصها وكلمت المعرض قالوا لى تعالى وأحنا نصلح لك العيب ده وأنت وتقف روحت لهم لقيت واحد من اللى شغالين هناك مد ايده فى الماتور وزى مايكون بيوصل فيشة او سلك وقاللى ممكن يكون وقع او حاجة والعداد اشتغل بعديها على طول فهل ده ممكن يكون له تأثير أنا كنت ناوى أجى التوكيل بس كل شوية اتشغل فياريت لو تقدر تبين لى ايه اللى ممكن يكون الأسباب الرئيسيةلل مشكلة ديه
وشكراااااااااااااا

[spider6666]

اولا لو كنت واخدها من معرض فده معناه انهم كانو شايلين عداد السرعة للكيلوماترات عشان كا يعدش عليهم المسافات وكانوا بيمشوا بيها
ممكن تعرفلي الكابل اللي ركبه ده محطوط فين والعربية A4 or A5

[eng_demy]

بسم الله الرحمن الرحيم

ازيك يا باشمهندس يوسف
اخبارك ايه انا عندى مشكله خطيره جدا اننا مش عارفين نتقابل اقولك على حاجه يا يوسف دلوقتى الناس بتشتكى من مركز نور الدين الشريف واحنا طبعا عارفين مركز عقل اللى كنا شغالين فيه الاول انا بفكر بجد إن شاء الله قريب جدا نفتح مركز مع بعض لان كده مش كويس ابدا واحنا عارفين اننا بنعطى مش بناخد اد ما نعطى انا بظبط حاليا موضوع الجهاز ولما اقابلك هحكيلك
اخوك المهندس / احمد الدمرداش:10d5c8~1107::10d5c8~1107:

[kempel]

spidr6666 [frame="1 80"](اولا لو كنت واخدها من معرض فده معناه انهم كانو شايلين عداد السرعة للكيلوماترات عشان كا يعدش عليهم المسافات وكانوا بيمشوا بيها
ممكن تعرفلي الكابل اللي ركبه ده محطوط فين والعربية A4 or A5 [/frame])

العربية a4 بالنسبة لمكان الكابل الحقيقة ما اخدتش بالى من المكان وهو بيركبه

[spider6666]

هو مهندس يوسف مش بيرد علينا ليه اكيد مشغول
لالاضافة لمشكلتي يا هندسة لقيت العربية بقالها اسبوع كده كل ما املى مية حمرا للعربية في القربية الاقيها بعد يومين فضت وادتني لمبة السخونة في العربية واجي ابص عليها من جوه لالقي القربة ناقصة مايه بس مفي مية لا تحت العربية ولا جوه العربية كمان..امال المية بتروح فين اللي بتنقص من القربة دي؟

[zero4end]

الرجاء عاوز مكانيكى بيصلح سكودا فابيا 1200cc

انا عندى جوان وش سلندر لسكودا فابيا 2003 1200cc عاوز حد بيكون بيفهم فى الموتور دة ضرورىىىىىىى