اى حد عندى استفسار عن skoda انا موجود !

[yts17]

أسف على التأخير جارى الرد على الكل

[yts17]

السلام عليكم و رحمة الله و بركاته
عندى مشكله ممكن تساعدنى فيها
النهارده جيت اشغل التكييف فى a5 موديل 2007 بس مفيش اى تبريد نهائى المراوح الداخليه هى اللى شغاله - بصيت على الفيوزات بس كاننت سليمه
ممكن تحاول تعرفنى ممكن المشكله تكون من ايه
و شكراً على مداخلاتك الفعاله

بص هوا تكييف ال octavia a5 فعلاً فيه مشاكل كتير بس ان شاء الله اتمنى انك تكون بعيد عن المشاكل دى
الاول انت بتقول الفيوزات تمام . طيب هيا المراوح شغالة فى حالة سخونة العربية ولا لأ ولو شغالة شغالة السرعتين (البطئ والسريع ) ولا لأ . تمام كدا
بعد كدا لو دايرة التبريد مفهاش فريون التكييف مش هيشتغل ولا المراوح هتشتغل مع التكييف لو فيها مبردوا مش شغال يبقى ممكن يكون حساس ضغط الفريون فيه مشكلة .

[yts17]

السلام عليكم
انا حصلى نفس المشكله مع a4 من كام شهر كنت مشغله زى الفل تانى يوم جيت اجرب بردة المراوح الداخليه بس هى الى شغاله والفريون زى الفل والمراوح الخارجيه والكباس مش شاغالين
ناس قالولى الحساس بتاع الكباس ودة استيراد ب 150 جنيه من الحرفيين جبت واحد وبردة مشتغلش رجعته
طلع فى الاخر المقاومه الى تحت البطاريه جبتها استيراد ب 300 جنيه والحمدلله التكيف اشتغل تمام
كل دة عملته فى الحرفيين فى اقل من 3 ساعات

شكراً لمشاركتك . بس الوضع فى ال a5 مختلف شويا اللى حضرتك غيرته دا يعتبر كنترول المراوح فى ال a4 انما فى ال a5 دا مش موجود والكنترول موجود فى المروحة الكبيرة ودى عبارة عن شريحة الكترونية وليس مجموعة كتاوتات زى ال a4 ومعلش اسمحلى دى الميزة فى التوكيل (لو كنت جيت التوكيل مكنتش هتجيب حساس الضغط دا على الفاضى بس اكيد كنت هتدفع قد تمنه مرتين مصنعية :):) )

[yts17]

السلام عليكم و رحمة الله...

الف شكر لك يا باش مهندس على تفاعلاتك المتميزة.

عندى استفسار بخصوص زرار فتح التنك.؟
عربيتى a4 موديل 98 اتوماتيك
لما روحت افول العربية النهارده - الزرار اللى بيفتح التانك كان مش عايز يفتح - بعد عدة محاولات فتح - لكن بعد ما خرجت من البنزينة لقيت لمبة البنزين فى التابلوه بتنور كل شوية كأن مافيش بنزين فى العربية.- كمان مؤشر البنزين عمال يروح يمين و شمال مش ثابت.؟

ارجوا الافادة

الف شكر
وائل

انت كدا مدخل الدنيا فى بعضها مؤشر البنزين له علاقة بعوامة البنزين الموجود فى طلمبة البنزين ومككن يكون من التابلوه نفسه موضوع التنك ده ممكن يكون الزرار بتاع التنك معيوب او التنك نفسه كان واخد خبطه ومش مرتاح فى مكانه

[yts17]

شكرا يا باشمهندس على مجهودك ووقتك
رأى حضرتك ايه في الاوكتافيا ال a4 2010 طبعا هي هتكون مانيوال لانهم وقفوا تصنيع الاوتوماتيك منها زي ما حضرتك عارف
و هل فيها عيوب فى التصنيع أو مشاكل زى كومبرسور ال ايه 5 مثلا

و هل فيها اختلاف عن موديل 2009
و يا تري فعلا سعرها هينزل علي اول السنة عشان هية من السيارات الاوروبي و هينزل اد ايه؟

و جزاكم الله خيرا

معظم الاستفسارات دى انت محتاج معرض او حد عنده فكرة بالمبيعات لشركة skoda انا مهندس صيانة فقط . بالنسبة لموضوع التكيف ادر اقوللك ان فعلاً كومبروسور ال a4 أأمن من الa5 بمعنى معظم المشاكل فى التكييف موجودة فى ال a5 مش ال A4 وعلى فكرة تكييف ال a4 اقوى من ال a5 فعلاً بس احب اقول ان موضوع التكييف فى ال a5 فى الموديلات الجديدة

[yts17]

[overline]
باشمهندس
تحياتى لك

انا انوى شراء سيارة فابيا مينى الجديدة 1.4 لتر مانيوال. ولكنى متردد بسبب عدم انتشارها و بعض الكلام عن سوء التعامل و الصيانة بالتوكيل.. لذلك ارجو لو تكرمت ان تفيدنى بالتالى وبصدق:
1-هل قطع غيار هذه السيارة متوفرة ومن اى بلد
2-هل من الممكن الأفادة بأسعار قطع الغيار الأساسية و الدورية لهذه السيارة
3-هل التوكيل سمعته طيبة مثل توكيلات بعض السيارات الأخرى كرينو مثلاً
4-فى اى مكان صنعت هذه السيارة (بلد الصنع و التجميع) وهل يوجد فى المانيوال هاتشباك
5-اخيراً ما رأيك فى هذا الأختيار علماً بأن سعر هذه السيارة هو الأكثر ملائمة لى (89000 جنيه) و هى اول سيارة اشتريها واخترتها بعد وقت طويل جداً من البحث فى انواع اخرى

شاكر جداً لمبادرتك الفعالة

اكرر ساجاوب فى حدود معلوماتى عن الناحية الفنية وليس التسويقية
التوكيل فى رايى مستواه جيد . بالنسبة لقطع الغيار هيا الان متوفرة اصلية ومعنديش فكرة التقليد اخباره ايه بس يتهيألى مش كتير لان العربية مش منتشرة
انا لو معايا 89000 انا مغرم بحاجة اسمها gen 2 !!!! (فى ناس كتير هتموتنى كدا صح :) )

[yts17]

ياباش مهندس اديني نصحتك انا محتار انا معايا فلوس اقدر اشتري بيها
سكودا a5 موديل 2007 2008 كسر الزيرو والسعر ده يجبلي حاجه جديده زي السيراتو او الكروز انصحني اشتري ايه

انا رايى الشخصى ال a5 عربية محترمة جداً وتستاهل كل جنيه يدفع فيها بس فى السعر اللى حضرتك بتتكلم فيه انا استبعد الكيا لانها اقل كفاءة والكروز طبعاً عربية محترمة جدا من شركة ليها سمعة كبيرة بس انا بحس الكروز شويا OVER PRICED غالية على امكانيتها ومعرفش حاجة عن توكيلها بس انا عايز افكرك ان فى عندك عربية انا بشوفها قوية جداً وانا هفكر فيها لو معايا المبلغ دا وهيا ال HONDA CIVIC دى عربية من العربيات اللى مش واخدة حقها بس هيا فعلاً عربية قوية .
طبعأ لو حضرتك بتفكر انك تمشى بالعربية شويا وتبعها يبقى انصحك بالاوكتافيا طبعاً وال كيا انا شايف هيبقى مستقبل سعرها كويس و بالتوفيق

[yts17]

السلام عليكم
انا معايا فيليشيا 98 وعايز اعرف مهمة لمبة الزيت اية هل لما الزيت ينقص تنور؟ ولا لما الزيت ميترفعش تنور؟
ومهمة طرمبة الزيت اية هلى هى رفع الزيت الى السلامية ووش السلندر ؟ ولا اية بالظبط
والفرق بين تروس طرمبة الزيت؟ وصفاية الزيت؟ وهل لو الفلتر فى 4 فتحات بس من الداخل دة يخلى لمبة الزيت تنور
معلش طولت على سيادتك بس حضرتك قولتلى قبل كدة ان فى عطل عندى فى طربمة الزيت وانا سالت قالولى التروس ولا الصفاية؟
اكون جزيل الشكر عن ردك

اولاً لمبة الزيت دى اسمها لمبة ظغط الزيت تمام كدا يعنى دى المسؤولة عن حساب مستوى ضغط الزيت . طلمبة الزين هيا المسئولة عن عملية تزيت المحرك بالكامل من الدخل بدون الدخول فى تفاصيل فنية الصفاية دى بتبقى موجود فى بداية الطلمبة لزالة الشوائب انما التروس دى اللى الطلمبة بتاخد حركتها من الكرنك بواسطتها

عشلت ملخبطكش اكتر من كدا
جرب حساس ضغط الزيت الاول وبعدين الطلمبة لو كل دا اللمبة مطفتش يبقى فى حاجة ميكانيكية فى الموتور بتهرب ظغط الزيت ممكن نكون سبايك الكرنك

[yts17]

السلام عليكم \ أنا معايا فانتازيا 2010 و الحمدلله كل حاجة كويسة ما عدا مشكلة مطلعة عيني لمل باجيب مرشدير و أدوس فرامل بسمع طقة روحت مرتين التوكيل يربطوا العفشة تختفي و بعدين ترجع تاني \ ايه الحل

صعب عليا احدد من غير ما اسمع الصوت بنفسى

[yts17]

السلام عليكم
قدامي سكودا 2001 اوتوماتيك
سؤالي بخصوص الفتيس الاوتوماتيك عشان كنت سمعت اني فيه مشاكل فيه .. الكلام دا صحيح؟
وياريت اعرف ايه مشاكل الموديلات من 2000 الي 2004 خصوصا وانها هتكون مستعمله ولو تدلني على مكان اكشف فيه مزبوط على العربية والسعر كام هكون شاكر جدا

ممكن تقللى a4 ولا a5 علشان كلامى يبقى محدد

[yts17]

ان شاء الله سوف اكون متواجد فى الفترة القادمة باستمرار كان فى مشاكل فى النت واتحلت وبعتذر عن تاخيرى مرة تانية

[ahmedyehia515]

حمد الله على السلامة :)
يص بقى انا عندى كام سؤال كده فيا رب تقدر تساعدنى فيهم. العربية سكودا فابيا هاتش باك 1400 موديل 2001 عامله 295000. كان فى سواق زمان هوه اللى بيوديها التوكيل و متابع معاها بس من اول 240000, بقت مسؤوليتى.

أنا بغير الزيت كل 10000, فلتر الهواء و البنزين كل 20000, بغسل الرادياتير كل 6 شهور و بحط مياه خضراء. سمعن أن السيور المفروض تتغير كل 50000, الكلام ده صح ولا مش تمام ؟

كل كام يوم ألاقى بوجيه فصل و العربية بتبرجل, جربن ال 2و3و4 شمعة و مافيش أختلاف كبير, موضوع ان البوجيه يبوظ عيب فل موبينه ولا فى حاجة تانيه مع العلم انو مكان البوجيه اللى بيبوظ بيختلف كل مره

فى بقى مصيبة فل العربية اسمها epc مره واحده تنور و العربية تقلب توك توك, أقصى سرعة 80, مفيش حاجة اسمها سحب, لو شلت رجلى من على البنزين تبطل. بتيجى لوحدها و تروح لوحدها. توكيل دير الملاك قال انو ده عشان أنا مركب زينون بس الموضوع ده من قبل الزينون و جربت شيلت الزينون لقيته برده بيحصل. الميكانيكى قاللى لو حصل اطفى العربية و افصل البطارية 5ربع ساعة و كله هيبقى تمام, بس حاسس انو الموضوع ده أكيد له حل أحسن من كده

معلش طولت عليك بس بجد العربية ده غاليى على أوى و بكون مضايق اوى لما يكون فيها حاجة

[HASBALAH]

الف حمد لله علي سلامتك وحشتنا يا بشمهندس يوسف

[amro_abuabdo]

جزاك الله خيرا علي الرد

معظم الاستفسارات دى انت محتاج معرض او حد عنده فكرة بالمبيعات لشركة skoda انا مهندس صيانة فقط . بالنسبة لموضوع التكيف ادر اقوللك ان فعلاً كومبروسور ال a4 أأمن من الa5 بمعنى معظم المشاكل فى التكييف موجودة فى ال a5 مش ال a4 وعلى فكرة تكييف ال a4 اقوى من ال a5 فعلاً بس احب اقول ان موضوع التكييف فى ال a5 فى الموديلات الجديدة

انا كنت سألت حضرتك السؤال ده و انت رديت الاجاباة ده و دلوقتي انا عرفت ان ال a4 خلاص مش هينزلوا منها موديل 2010 عشان كده انا ان شاء الله ناوي اجيب a5 موديل 2006 او 2007 بس كان ليه سؤال عند حضرتك طبعا انا في الحالة ده لازم اكشف علي العربية كويس فهل تنصحني اني اكشف عليها قبل ما اشتريها في التوكيل -انا سمعت انهم بياخدوا 200 جنيه و يكشفوا علي العربية- و لا اخد ميكانيكي كويس و اذا حضرتك تعرف ميكانيكي كويس يا ريت تديني نمرته او تنصحني اعمل ايه عشان ميضحكش عليه و خصوصا انا مليش خبرة في موضوع العربيات

و اسف لازعاج حضرتك
و ربنا يجعله في ميزان حسناتك

[yts17]

حمد الله على السلامة :)
يص بقى انا عندى كام سؤال كده فيا رب تقدر تساعدنى فيهم. العربية سكودا فابيا هاتش باك 1400 موديل 2001 عامله 295000. كان فى سواق زمان هوه اللى بيوديها التوكيل و متابع معاها بس من اول 240000, بقت مسؤوليتى.

أنا بغير الزيت كل 10000, فلتر الهواء و البنزين كل 20000, بغسل الرادياتير كل 6 شهور و بحط مياه خضراء. سمعن أن السيور المفروض تتغير كل 50000, الكلام ده صح ولا مش تمام ؟

كل كام يوم ألاقى بوجيه فصل و العربية بتبرجل, جربن ال 2و3و4 شمعة و مافيش أختلاف كبير, موضوع ان البوجيه يبوظ عيب فل موبينه ولا فى حاجة تانيه مع العلم انو مكان البوجيه اللى بيبوظ بيختلف كل مره

فى بقى مصيبة فل العربية اسمها epc مره واحده تنور و العربية تقلب توك توك, أقصى سرعة 80, مفيش حاجة اسمها سحب, لو شلت رجلى من على البنزين تبطل. بتيجى لوحدها و تروح لوحدها. توكيل دير الملاك قال انو ده عشان أنا مركب زينون بس الموضوع ده من قبل الزينون و جربت شيلت الزينون لقيته برده بيحصل. الميكانيكى قاللى لو حصل اطفى العربية و افصل البطارية 5ربع ساعة و كله هيبقى تمام, بس حاسس انو الموضوع ده أكيد له حل أحسن من كده

معلش طولت عليك بس بجد العربية ده غاليى على أوى و بكون مضايق اوى لما يكون فيها حاجة

بالنسبة للزيت تمام ب متنساش تغير معاه الفلتر كمان. فلتر الهواء كل 20.000 تمام خلى البنزين كل 40.000 . السيور بتتغير كل 60.000 مش 50.000 وياريت لو عايز تطمن تغير الطقم كامل السيور بالشداد والبلية . والمياه الحمراء او الخضراء بتتغير كل 40.000 كيلو

بالنسبة لموضوع ال epc بص يا سيدى هوا المشكلة دى غالباً بتبقى اما مكنة الاستوب وواضح انها مش دى فى حالتك وتانى حاجة ممكن تكون البوابة او دواسة البنزين الكهربا بتاعتهم فيها حاجة وطبعاً ملهاش علاقة بالزينون . المفروض ان اى حد بيتعامل مع جهاز كشف الاعطال يخلصلك القصة دى بسرعة

اخيراً بالنسبة للبوجيهات ممكن تكون المشكلة فى الموبينة نفسها وممكن تكون السلوك نفسها فيها حاجة وممكن يكون حساس الكرنك ضعيف ودا بيهرتل الدنيا جامد اوى بس متخلهاش تتلت بصفة مستمرة كدا . واخبار البويجهات لما بطلعها عاملة ازاى عليها زيت مثلاً ولا مرطبة ولا طبيعية .