اى حد عندى استفسار عن skoda انا موجود !

[romerooo]

السلام عليكم لو سمحت يابشمهندس تنصحنى بالفانتازيا الاليجانس ولابالجيتا الهاي لاين واحنا خمس افراد بنركبها بس انا عاوز اقل عيوب واكثر اعتماديه عشان بروح بيها مشاوير كتير والاتنين قطع غيارهم زي بعض ولا فيه واحده اغلى من التانيه عشان انا محتار بجد
والاسعار هتنزل بعد معرض الاهرام ولا لا ولو اشتري الفانتازيا اشتريها منين اقرب مكان ليا انا من الشرقيه بس مكان مضمون والف شكر

[ahmed1_com]

انا معايا اسكودا فابيا 2003 ولسه شريها من فتره من كام يوم صفرت لوحدها قفلت وشغلت راحت الصفاره عملتها مرتين ممكن اعرف ايه ده مع العلم مفيش اى علامه فى التابلوه

[elwazzan]

لو سمحت يا هندسة انا معايا فيليشيا 98 جوان الجنب بتاع الموتور معذبنى غيرتة 3 مرات وبرد مفيش فايدة بيجيب زيت بردو وكل مرة اغيرة اجيب الاصلى ومفيش فايدة ومرة الميكانيكى يحط سيليكون ومرة جومالكة ومرة من غير اى حاجة وبردو بيجيب زيت لدرجة انى غيرت الوش نفسة ومفيش فايدة انا صرفت كتير اوى حتى الان ارجو الافادة

[yts17]

لو سمحت يابشمهندس ان بشترى اوكتافيا وحبيت اقارن بينa5مانيول a4 مانيول ايهما افضل وايهما تنصحينى بشرائه

ياريت تقللى موديل كام هتم المقارنة دى
بس ببساطة ال a4 تعتبر الفئة الأقل عن ال a5 بس مش معنىكدا انها اوحش ال a4 مشاكلها اقل نسبياً من ال a5 وتعتبر اقوى فى الأداء كمحرك (دا فى حالة المواتير ال a4 القديمة لأن فى المواتير الجديدة اصبحت نفس الموتور) ال a5 طبعاً شكل ورفاهية اعلى بكتير من ال a5 وال options اعلى فيها
رايى الشخصى
a5 ركوبة ورفاهية
a4 اداء رياضى اكتر

[yts17]

الف مبروك على النقله الجديدة و ان شاء الله تكون نقله كويسه
واكيد الاقصى اكبر من عقل المحله
بس اسعارهم اغلى كتير من عقل
عموما ً بارك الله لك

ربنا يبارك فيك
هو فعلاً اسعار المصنعيات أغلى بكتير من عقل بس أسعار قطع الغيار أقل

[yts17]

السلام عليكم يا هندسه
انا بتكلم عن octavia a4 2003
الحراره عندي بتعدي عن 90 بتزيد شويه شويه مع المشي لما السرعه بتاعت العربيه تزيد عن 80 لما انزل لسرعه 80 الحراره تنزل للمعدل الطبيعي بتاعها لو فضلت ماشي كتير علي سرعه 80 الحراره تفضل ثابته وبيكون rbm علي 30 مع العلم ان المياه بتكون في منسوبها الطبيعي في القربه لاني بزودها يوميا الصبح المياه بتنقص دايما بتأخد تقريبا لتر إلا ربع مياه يوميا
مع العلم ان العربيه فتيس اتوماتيك

وشكرا لحضرتك

مش من الطبيعى ان يبقى موجود تسريب مياه وانك تزودها يومياً
لازم تكشف على التسريب ومعالجته ويفضل تروح لحد عنده جهاز لكبس دورة المياه علشان تقدر تحدد المياه منين بالضبط

[yts17]

طبعا مبارك علي النقلة الجديدة ده و ربنا يوفقك و يجعلها قدم خير عليك
و الله يا باشمهندس دا خبر بمليون جنيه لان انا كنت حامل هم موضوع الكشف علي العربية و انه ميتكشفش عليها كويس و سبحان الله يمكن ربنا اخرها عشان انت الي تكشف لي عليها بنفسك زي ما وعدتني لان مركز الاقصي دا في زهراء المعادي و انا ساكن في المعادي

و في انتظار رد حضرتك علي سؤالي عن الخليجي و المستعمل ان شاء الله و ربنا يجازيك كل خير

و اذا مفيهاش مضايقة يا ريت لو تقولي مواعيد شغل حضرتك في التوكيل عشان اقدر اجيب العربية الي هاشتريها في المواعيد ده او تديني رقم موبايلك عشان اتاكد ساعتها انك موجود هناك و ان شاء الله مش هازعجك الا لما يكون فيه حاجة و ربنا يكرمك يا رب

انا موجود فى مركز الأقصى فى المعادى بجوار كارفور المعادى من السعة 8.30 الى 5
حضرتك تشرفنى ونتكلم فى كل الحاجات اللى انت عايز تستفسر عنها
وشكراً لمباركتك

[yts17]

السلام على احلى هنسه للاسف معى سيارة اسكوده فليشيا 2000 المفتاح اتكسر والشببايه ضاعت ممكن الفاده وعيز اعم نسخ من المفتاح علشن نسخه الثانيه ضاعت من ابو سامى

الفليشيا مفهاش مشاكل خالص فى المفاتيح اى حد عنده جهاز تكويد مفاتيح هيقدر يكودللك المفاتيح سواء جديدة او اضافية

[yts17]

الف شكر باشمهندس لموضوعك ده اللى اكيد هيسبب لك تعب وجهد , بس نتوقع منك العطاء والبذل .

ومبغل الجديد وعقبال ما تبقى فى قلب الصيانة الرئيسية

والله انا فعلاً فرحان انا الناس فرحانة لتقدمى وان شاء الله ربنا يقدرنى واكون عند حسن ظن الجميع

[yts17]

انا عندي مشكلة في العربية قلولي علبة الدركسيو بايظة و ده عيب صناعة و هنغيرها في الضمان
لاكن العلبة مش موجدة و هتيجي في خلال 15 يوم
الكلام ده بقالو شهرين و كل شويه حجة شكل و بجد مش عارف اعمل ايه

ممكن حضرتك تقول نوع العربية ايه علشان نقدر نساعدك

[yts17]

السلام عليكم ورحمة الله وبركاته

إن شاء الله ناوى أشترى عربيه مستعمله .. وبفكر فى السكودا - فيليشيا 1300 سى سى وليا كذا إستفسار عنها:
- إن شاء الله ها أسافر بيها حوالى مرتين فى الشهر حوالى مسافه 350 كم ما مدى الثبات على السرعات ..
- الأعطال ..؟
- توافر قطع الغيار ..؟
- إستهلاك البنزين ...؟
- هل فعلا العيب الى سمعتها عن العربيه دى ( بتسخن وبتجيب وش سلندر )..؟
- ما هو متوسط سعر( موديلات 96 إلى 2000) ..؟

منتظر ردك يا باشمهندس .. ومن جميع الإخوه مالكى هذه السياره ....

بالنسبة للسعر مش هقدر افيدك . رايى الشخصى فى العربية جيدة وثباتها وسحبها واستهلاكها للبنزين معقول . الأعطال فى متناول يد الجميع وقطع الغيار لازم تتقارن بعربية تانية علشان تقدر تقول غالية ولا رخيصة . وعلى العموم صلى صلاة استخارة كدا واتكل على الله

[yts17]

لو سمحت انا معايا فيليشيا 98عندى مشكلة فى التدوير الصبح مش بتدور على طول والناس قالولى دى شغالة على حاجة اشمها تشوك او السخان تقريا مش بتدور على طول بتدور من ثالث او رابع مرة ولمة بتدور بلاقى دواسة البنزين نزلت لوحدها وصوت العربية عالى انا عايز افهم اية الموضوع دة والحل لو سمحت مع العلم انى جربت ادوس بنزين قبل ما ادور وجربت بردو من غير ما ادوس بنزين بس الكلام دة الصبح بص اما فى وسط النهار بتدور عادى لو كنت دورتها قبل كدة الصبح ارجو الرد لو سمحت

اخبار البوجيهات عندك ايه . اكشف عليها الاول واتاكد انها بتاعة العربية مس صينى او بتاعة عربية تانية

[yts17]

السلام عليكم لو سمحت يابشمهندس تنصحنى بالفانتازيا الاليجانس ولابالجيتا الهاي لاين واحنا خمس افراد بنركبها بس انا عاوز اقل عيوب واكثر اعتماديه عشان بروح بيها مشاوير كتير والاتنين قطع غيارهم زي بعض ولا فيه واحده اغلى من التانيه عشان انا محتار بجد
والاسعار هتنزل بعد معرض الاهرام ولا لا ولو اشتري الفانتازيا اشتريها منين اقرب مكان ليا انا من الشرقيه بس مكان مضمون والف شكر

انا مش مبيعات فمش هقدر افيدك فى جزئية المبيعات دى اوى
بس انا رايى ال فانتازيا احسن من ال جيتا . هما الاتينين تقريباً واحد فى كل حاجة بس انا رايى الجيتا مش اعتمادية او بتاعة شغل زى الاسكودا عموماً انا عارف ان الرايى دا ممكن يختلف معايا ناس كتير فيه . بس انا لو معايا فلوس اشترى يا فانتازيا او ازود واجيب باسات انما جيتا لأ !!! والمفروض ان فى جيتا شكل جديد نازلة انا معرفش اخبارها ايه او ايه الاختلاف بصراحة

[yts17]

انا معايا اسكودا فابيا 2003 ولسه شريها من فتره من كام يوم صفرت لوحدها قفلت وشغلت راحت الصفاره عملتها مرتين ممكن اعرف ايه ده مع العلم مفيش اى علامه فى التابلوه

انا معرفش الصفارة دى تعنى ايه بالظبط بس لازم يكون فى حاجة فى التابوه دور كويس لما تسمع الصوت دا وممكن تكون علامة الصيانة شوف كدا مكتوب فى التابلوه insp او oil

[yts17]

لو سمحت يا هندسة انا معايا فيليشيا 98 جوان الجنب بتاع الموتور معذبنى غيرتة 3 مرات وبرد مفيش فايدة بيجيب زيت بردو وكل مرة اغيرة اجيب الاصلى ومفيش فايدة ومرة الميكانيكى يحط سيليكون ومرة جومالكة ومرة من غير اى حاجة وبردو بيجيب زيت لدرجة انى غيرت الوش نفسة ومفيش فايدة انا صرفت كتير اوى حتى الان ارجو الافادة

مش عارف اقللك ايه بس اول حاجة انصحك بيها غير الميكانيكى ! او روح مركز معتمد.