اى حد عندى استفسار عن skoda انا موجود !

[momomania22]

hwa enta te3raf el octavia beta5od kam Liter oil
ana asma3 enaha beta5od 5 liters

[yts17]

hwa enta te3raf el octavia beta5od kam liter oil
ana asma3 enaha beta5od 5 liters

من 4.5 ل 5 لتر بالفلتر
وبتاخد اقل من كدا تقريباً نص لتر بدون الفلتر

[yts17]

اسف على التاخير

اعتذر للكل عن التاخير .

[yts17]

يا باشمهندس، عندي مشكلة، إمبارح مؤشر الحرارة نور بعد لما إتحركت بدقائق مع إن مفيش ماية ناقصة ولا حاجة وبعدين طفت. وبعدها بحوالي نصف ساعة (كنت شغلت التكييف علي 1) نورة مرة ثانية. وبعد ما مشيت شوية قررت أجرب يمكن المشكلة بتظهر لما التكييف يكون شغال (شغلته علي 2) بس مفيش حاجة ظهرت. العربية a4 موديل 99 (أوروبي). ممكن تكون إيه المشكلة.

ألف شكر علي مجهوداتك معانا وكل سنة وإنت طيب.

ممكن يكون الحساس اللى فى القربة مش مضبوط. بس السؤال هل لمبة الحرارة ضهرت ودرجة حرارة العربية تمام .

[yts17]

لو سمحت ياباشمهندس الفابيا مينى 1400 كام كامه وهل هى 12 صمام فعلا وبالنسبه للأوبشنز وسائل الأمان فيها كامله وايه الفرق بينها وبين الرومستر غير الشكل شكرا ياباشا بس يلريت الرد بسرعه لأنى انشاء الله ناوى اختار بينها وبين عربيه تانيه و الأجابه هاتفرق فى حاجه كمان قطع غيارها متوفره

للاسف انا مركز صيانة ولست مبيعات . مش هقدر افيدك . وبصراحة المينى فابيا لسا ممرتش عليا كتير علشان اقدراقوللك المعلومة كاملةعنها .

[yts17]

ازيك ياباشمهندس انا معايا اوكتافيا 2009 وانا مقيم بالسعوديه العربيه فل اوبشن عندى مشكله فى المطبات بسمع صوت ترزيع سألتهم قالى عشان الكفرات الى عندك الرياضايه الى بتكون رفيعه والجنط 17 ممكن هو ده السبب

وايه الزيت الى احطه للماكينه لان الجماعه هنا بتوع الصيانه شغلهم تعبان جدا جدا جدا جدا

هوا فعلاً معظم ال octavia فيها صوت الهبدة دا ودا ميعتبرش عيب يعيب سيارتك لوحدها .
الزيت المعتمد للسيارات ال skoda هو شيل وان كان الوكيل بيحط فى بعض فروعه توتال 10000

[yts17]

اسكودا فليشيا
العربية الفترة اللى فاتت بتسخن على طول و مؤشر الحرارة بيعلى عن النص
صوت العربية عالى شوية
وساعات بالقى نقص فى المياة
ارحو الرد والمساعدة
افيدونا

1- اتاكد ان المياه الموجودة هى مياه حمراء
2- بص على وجود تسريب مياه
3-ممكن جداً تكون دورةالمياه فيها هواء (واخده هوا)
4-ف احتمال ان طلمبة المياه تكون فيها مشكلة بس دا هيخلى العربيةتولع فى ثوانى

[yts17]

يا جماعة, فى سيارة حمايا اوكتافيا a4 نورت لمبة حمراء شبه الفنار تقريبا, عاوزين نعرف ديه خاصة ب ايه

لمبة الحرارة
ممكن حضرتك تشوف القربة فيها مياه ولا لأ ولو كدا تزودها
هام لتزويد المياه :
لازم العربية تبقى دايرة وانت بتزود مياه علشان متخدش هواء وينصح بتزويد المياه وال rpm على 3 يعنى تدوس بنزين وانت بتزود

[yts17]

لو سمحت ياباشمهندس انا لسه جايب عربية اوكتافيا ايه 4 زيرو عملت بيها 400 كيلو وقالوا لى فى المعرض ومركز الاقصى اللى فى المعادى ان العربية لاداعى لتليينها لانها نازله متلينه وانى امشى براحتى وعلى اى سرعة المهم مشيت بيها على 170 كلم وبعدين قريت فى الكتالوج انى المفروض فى ال1500 كيلو الاولى مامشيش اكتر من 3/4 السرعة القصوى اللى هيا تقريبا 187 كلم فهل ده يأثر على الموتور

انا اللى اعرفه ان السيارات دى لا تحتاج للتلين ولكن دا ميمنعش انك متحرقش عليها اوى فى الاول كدا.
ولكن اكدللك محصلش ان فى عربية دخلت جديدة فيها مشاكل فى الموتور اوصوته عالى .

[yts17]

السلام عليكم
انا عندي اوكتفيا a4 2004 فتيس اتوماتيك اشتريتها مستعمله من واحد منه لله طبعا بالاول هو قال انه مغير الفتيس في التوكيل بعد لما اتشريت اتضح انه كان مصلحه عند واحد اي كلام
وقال انه مغيره قبليها بالتوكيل يعني كده متغير مرتين
المهم العربيه عندي بتمشي عادي والفتيس بينقل بس فيه صوت مع المشي صوت تخبيط ( تيك تيك تيك تيك)
ناس كتير قالت انه الفتيس ده عاوز يتغير وناس تانيه تقول الاتوماتيك لو بايظ العربيه متمشيش من مكانها
دلوقت ممكن مساعده في الاسئله دي
1 انا لو عاوز اوديها لمكانيكي كويس في الاسكندريه يكون مين؟
2 لو انا بوديها التوكيل لو غيروا الفتيس تتكلف كم ؟ وهل ممكن انهم يفحصوا الفتيس ويقولوا انه يتصلح بس او لازم يتغير
3 لو جبت فتيس استيراد كم سعره ؟
ممكن تدلوني اعمل ايه محتااااااااار
شكرا لكم

نصيحة من اخ قبل ما تصرف فى الفتيس الاوتوماتيك . اوفرللك واسهللك دور على فتيس استيراد
وهشرحللك ليه
التوكيل بيعمل الاتى :
فى حاجة اسمها خريطة دى الاول بتتغير مع زيت الفتيس دىاللى بتدى الاوامرلل بلوف علشان تنقل
طبعا الخريطة دى تقريباً فوق ال 800 جنيه . بالنسبة لزيت الفتيس تقريباً عامل 600 او اكتر من غير الفلتر ولا المصنعية
بعد كدا لو العيب لسا موجود هيجى يقولك بس لقتها غير ال valve او العقل اللى فيه ال بلوف دى علشان فيه واحد قافش . هتعمل كدا وغالباً عتغير معاه زيت الفتيس تانى لانه ممكن يكون اتحرق لو عندك تفويته او رزعة جامدة فى الفتيس
و فى احتمال ان يبقى فى تفويته ورزعة فبغير مجاميع الفتيس او الشجرة وبردوا ممكن ميظبطش

طبعاً انا مبقفلهاش فى وشك بس لو الفتيس فيه هبد جامد واصوات والموضوع هيخرج برا الحساسات والخريطة . انصحك بتغيير الفتيس من غير تعب قلب

[yts17]

مش ملاحظين انة مفيش رد خالص
انا حاسس انة لا مهندس في التوكيل ولا حاجة

ميرسى على ذوقك وبكرر لو حد عنده اعتراض على الموضوع ممكن يتجنبه

رقم تليفون مركز سكودا فى الدلتا
040/2454441

ممكن تسال حضرتك عليا بنفسك

[yts17]

مشيت على سرعة 120 كم بس على التالت وكنت فاكره الخامس لمدة 30 دقيقة
نوع عربيتى سكودا فانتازيا الجديدة ووبعد كده عرفت انه التالت والعربية دلوقتى ماشية معايا عادى دى ممكن يكون أثر على حاجة فى الماتور او الزيت واعرف ازاى ان فى حاجة حصلت فى الماتور
ياريت حد عنده خبرة ينصحنى اعمل اية

هوا جا اكيد حرق على العربية زيادة شويا بس اطمنك الغيار ال 3 يعتبر اقوى غيار فى عربيتك
متقلقش انشاء الله

[yts17]

انا لسه شارى سكودا فانتازيا 2010ومشيت بيها 2000 كم
وحغير زيت على 5000 كم من النهاية كده اغيره فى التوكيل ولا ميهمش وهلى دى حيلغى الضمان او لا والضمان اصلا ليه فايدة فعلية ولا كلام وخلاص عايز رد شامل لكل الاستفسارات دى ومعلش طولت عليكم

بص يا سيدى
لو مش عاوز تغير فى التوكيل الزيت مش مشكلة بس لما تيجى تغير قطع غيار لصالح السيارة انا برجخ التوكيل انا عارف انو غالى بس فى حاجات بجد ميبنفعش فيها ابعد عن الاصلى
زى مثلاً السيور والتيل والطنابير .

[abuelhadid]

يا باشمهندس

هو انا ينفع اركب نور الطفاية بتاعة السجاير فى العربية الاليجانس الفنتازيا ؟

انا غيرت قاعدة صباع الولاعة واشتريت الصباع والطفاية

وفاضلى النور

وبصيت مالقتش مكان دواية ولا سلك مكان اللمبة عشان تركب

ليها حل ؟

وشكرا

[heshaaam]

انا جبت الايه فور وعاملة 2000 كيلو ظهر عندى ف الكمبيوتر سرفس 1500 كيلو مع العلم ان اول صيانة هى 10000 كيلو