فتيس dsg حقائق ومعلومات !

[unisman]

وبعدين هو مش لو مشكله ف الفتيس في الهزة دي

مش كانت تبان ع الكمبيوتر والراجل بيكشف عليها

رغم اني كاشفه عليه مرتين وكل اللي اتقالي ان مفيش حاجه لا في الماكنه ولا الفتيس والمركز الاول قالي ف بس اتساخ ع حساس الشكمان ومش مشكله لما يعطل نبقي نغيره

فهل الكمبيوتر ده مش دليل ع انه الفتيس تمام ولا ممكن يبقا فيه مشكله والكمبيوتر ميظهرهاش

بصي انا هحاول اساعدك قدر اﻹمكان

زي ما قالك المهندس لو حسيتي ان الرعشه دي جايه من الفتيس بانك تحطي ايدك عليه
يبقي الفتيس و هو غالبا الفتيس
و ده علشان الفتيس ده بيحتاج سواقه خاصه جدا مش زي الفتيس الاوتوماتك العادي
نمشي علي ال d وخلاص

زي ما اخ فاضل هنا كان قال لما تبقي في طريق مفتوح يبقي نمشي علي ال dعادي
لو في زحمة يبقي sلحد ما الطريق يبقي مفتوح
لو في اشاره يبقي نجيبه علي n علشان نريح الفتيس لحد ما الاشاره تفتح
السبب في ده ان فتيس ال dsgهو عباره عن 2 فتيس مانوال مع بعض ووالمشي علي dعلطول بيخليه ينقل نقلات كتير ملهاش لزمه فياكل مجموعه الدبرياج بسرعه فالفتيس يعمل مشاكل

[maya_ahmed]

بس انا حطيت ايدي ع الفتيس وقت الهزة محستش بحاجة رجعت مسكت عمود الفتيس نفسه برضه نفس القصه الغريب ان اي حد ف عيلتي بيركب العربيه مبيحصلوش كده

ع فكره انا استنتجت برضه من قرايتي للموضوع موضوع الفتيس ع الاسبورت بس بيعلي صوت الماكنه تقريبا وبيسحب بنزين كتير ع ما اعتقد انا مجربتوش الا مرة بصراحه ومش فاكره بس هجرب

السؤال بقا هو طقم الدبرياج للعربية بره الضمان ف التوكيل بكاااااام

[maya_ahmed]

متاااااااااابعه للاهمية

[khaledelsakaty]

يا شباب.....سؤال في السريع بارك الله فيكم، الإبيزا 2011 إيه أخبارها مع ال dsg 7 سرعات ؟؟ هل حلوا المشكلة و لا لسة؟؟

برجاء سرعة الرد للأهمية القصوي حيث أنوي شراء هذه السيارة خلال أيام و قلقان من حكاية الفتيس ديز

ألف شكر و بارك الله فيكم

[khaledelsakaty]

للرف

[sala7]

برافو عليك

[amromaged]

انا عربيتي باسا ٢٠١١ الشكل القديم ١.٤ تي اس اي عملة ١٠٣٠٠٠ كم و ساعات بيحصل رجرجة علي النقلة الثانية المفروض اعمل ايه و ده عيب اسطوانة دبرياش و لا ايه بالظبط؟

[midom1090]

استاذ فرحات
عملية النقل المستمر للفتيس فى الطرق المزدحمه تتسبب فى تأكل مجموعة الدبرياج بسرعه شديده 25000 كم على الاكثر و على فكره مابترجعش زى الاول ومش هاتوصل لحاجه مع الوكيل و غالبا هاتبيع بخساره رهيبه
ما فيش عربيه محترمه زيرو او حتى توك توك الفتيس يصدر اصوات خشنه مسموعه بوضوح تام فى المطبات و عند تغيير النقله
ياريت زياره منك لمركز العبور هتلاقى عاملين طابور مخصوص لل dsg
و تقبل تحياتى

[midom1090]

[marq="3;right;2;scroll"]السلام عليكم[/marq]

[Ahmed Samy]

أحب أسجل حضور و شكر
استفدت كتير

[محمد ابراهيم 1]

موضوع هايل وشكرا للمجهود

[mik_e30]

هارسود ياجدعااااااااااان
اية دااااااا
هو الجديد وجع دماغ بالشكل دا !!!
مالها الbmw e30
دا الواحد كرهة للجديد علي كدا حلال
الواحد يجيب بلكتير bmw e36 or e64 ويجبلها اسطوانة دابل ماس ويسقط موتور m52b25 or m50b28 ويعيش حياتة بموتور جبار ولا بنزين 95 ولا دبرياج يبوظ دا الواحد لما بيتزنق بيحط 80 وبتميش زي القردة ولا بتتاثر
وبدل بتعمل السيرفيز للموتور والات الجر والكهربا صح العربية زي الطلقة
ربنا يكون في عون الي معاهم عربيات جديدة هيلاقوها من الفتيس ولا البنزين ولا الصاج اقصد ورق البفره :)

[fdroubi]

انا متهيألي ان من الواضح ان DSG فيتيس عليه تحفظات، وعلى العكس الفيتيس اللي بدأ ينتشر ومشاكله منعدمة هو الفيتيس CVT وهو منتشر في عربيات كتيرة في مصر زي
فلوانس 2014
نيسان قشقاي وجيوك 2103 2014
تويوتا 2014
لانسر (حد يتأكد من الموديل!)
وقريبا ال سيفيك

وخارج مصر منتشر في
أودي
بعض موديلات ال فورد
مرسيدس B Class
سوبارو
ليكساس
بعض موديلات ال جيب

وللتأكد راجعو
List of automobiles with continuously variable transmissions - Wikipedia, the free encyclopedia

انا مش عارف مين اللي اخترعه، بس شكله كده اليابانيين

[بيشوى_رمزى]

تسلم ايدك و دماغك على الشرح الواضح و المبسط

[Moabdelkader]

أرجو الإفادة للأهمية انا مقبل على شراء ابيزا موديل ٢٠١٤ والتوكيل بيأكدلي ان مشاكل الDSG بدأت تقل من موديلات ٢٠١٣ لكل ما يتعلق ب vw ياريت تنصحوني