فتيس dsg حقائق ومعلومات !

[mostafa3000]

بلا تكنولوجيا بلا كلام فاضي
الخلاصة احنا عايشين في مصر العربية بالنسبة لنا فلوس متجمدة
يعني علشان ادفع مبلغ فوق الربع مليون في عربية والاقي نفسي خايف احسن الفتيس يبوظ واغيرة علي حسابي بعد الضمان دة شيئ غير واقعي
لو شركة فلوكس عايزة تجرب فينا لحد ما تعمل فتيس بدون مشاكل موافق بس تدي ضمان مش اقل من عشر سنين علي الفتيس واحنا نشتري العربية

[farahat]

شكراً لكل الناس إلي تفاعلت مع الموضوع ، ويا ريت يكون فعلاً مفيد وموضوعي للناس إلي بتفكر في العربيات اللي فيها الفتيس دة

[farahat]

السلام عليكم و رحمة الله و بركاته
احب اشكر كل الناي اللي في المنتدي هنا و بالاخص المهندس فرحات و المهندس هاني ..لان فعلا المناقشة الراقية المحترمة دي انا استفدت منها كتير و جاوبتلي علي اسئلة كتير كنت فعلا محتار فيها

انا شايف ان الفتيس dsg دا فعلا ثوره واختراع و فعلا لو متماشي مع البيئة هنا في مصر هيعمل طفرة كبيرة جدا في مبيعات فولكس في مصر

لكن خلينا نتكلم بواقعيه انا كشاب في بداية حياتي عايز اركب عربية محترمه و فيها سيفتي كفاية وفي نفس الوقت مقدرش كل سنه اغير فتيس او اغير عربيتي .. لاني مش هعرف ابيعها الا بخسارة كبيره
اكيد هدورعلي حاجة تناسب الوضع اللي في مصر و اكيد في ناس كتير هتفر بنفس المنطق

السؤال اللي اتمني الاقي عليه اجابة

1- جولف 5 موديل 2006 الي 2009 هل فيها نفس الفتيس ده ولا لأ .
2- بيجو 308 فيها نفس المشاكل بخصوص الفتيس اللي موجودفي 307 - انا راكب 307 حاليا - و الفتيس بعمله صيانه و خايف منه بصراحه لانه بدأ يظهر فيه عيب بخصوص الزيت .
3 - لو عايز اركب عربية bmw مكن الاقي حاجه في حدود 110000 .

اسف علي الاطالة بس فعلا انا مش هلاقي توبيك احسن من ده عشان اقدر استفيد منه
متابع باهتمام و اتمني التواصل مع الجميع ان شاء الله

أولاً أحب أشكرك على الرد بتاعك ، و فعلاً بأكد على إكلام بتاعك ، احنا هنا في مصر بتكون العربية بالنسبة لنا إستثمار ، وبنحط فيها تحويشة العمر ذي ما بيقولوا ، لكن للأسف برضه بنختار بشكل مش موضوعي خالص ولا على أساس ، يعني مش بنختار المناسب لينا وطلبتنا ، بس بنختار على أساس أكبر حاجة ممكن نجيبها بالفلوس اللي معانا !!
ودة بيعمل مشكلة بعد كدة ، لأن تكاليف العربية مش بس في تمن الشراء بتاعها لأ دة فيه لسة كتير بعد كدة ، ودي بتزيد كل ما العربية كانت أكبر أو أحدث أو فيها تكنولوجيا أكتر ، و مش بتعتمد على سعر الشراء كان عالي أو قليل .


المهم عشان أجاوب على أسئلتك :
1- جولف 5 في أوروبا نزل فيها الفتيس ال-DSG في بعد الموديلات لكن اللي نزلت مصر كان فيها الفتيس العادي الستيبترونك بتاع الجيتا والباسات القديم
2- بيجو 308 ال-1600CC فيها نفس مواتير الموجودة في ميني كوبر وكوبر S لكن من ناحيت الفتيس فيها نفس الفتيس ال-AL4 بتاع ال-307 ال 4 غيار لكن مع تعديلات في بعض أجزاؤه . يعني version جديدة
3- في حدود ال-110 ألف ممكن تجيب BMW 318i موديل 2000-2001 ، ويستحسن ال-2001 طبعاً لكن ممكن تحتاج تزود حاجة بسيطة عشان تكون الحالة نضيفة ، يعني توصل إلى 120 هتجيب حالة كويسة جداً في 2001 .

[Gelgel2004]

السلام عليكم
لى صديق اشترى فولكس جولف 2011 و العربيه طبعا موش محتاجه شرح او تعليق
بعد 5000 كلم ابتدى الفتيس يهنج
اتصل بتوكيل الصيانه بمصر و التوكيل بعت الكشف لالمانيا
الرد بعد 15 دقيقه على الميل
غيروا الميكاترونيك على حسابكم
اتغيرت الشريحه دى النهارده و التقييم اليومين الجايين ان شاء الله...

لفت

السلام عليكم
الحمد لله لعد تغيير الشريحه المعدله للفتيس
كله تمام ...........

[farahat]

لفت

السلام عليكم
الحمد لله لعد تغيير الشريحه المعدله للفتيس
كله تمام ...........

مبروك يا باشا ، وربنا يسهل إن شاء الله وتكون فعلاً التعديلات الجديدة حلت الموضوع نهائياً

[Gelgel2004]

مبروك يا باشا ، وربنا يسهل إن شاء الله وتكون فعلاً التعديلات الجديدة حلت الموضوع نهائياً

الحمد لله تم السفر الى شرم و العوده و الحمد لله مافيش مشاكل و جارى التقييم

[Falcon.Crest]

بعد التغير العربيه عملت 1390 كم و حصل نفس المشكله و رساءل عجيبه تشوفها علي الشاشه زي
tcs errot
lower left beam problem
break oil problem
العربيه مش بتدور اصلا و راحت التوكيل علي الونش الكلام ده من 4 ايام و لسه هما مستنين الرد من المانيا
انا طبعا محروق دمي حاسس اني اشتريت عربيه 128 مش جولف 2011
الان انا بعمل كل جهدي ان الضمان علي الفتيس يكون 5 سنين او اعمل تريد ان و ابدل العربيه
و ناوي ارفع عليهم قضيه و بلاغ لجهاز حمايه المستهلك

[Gelgel2004]

بعد التغير العربيه عملت 1390 كم و حصل نفس المشكله و رساءل عجيبه تشوفها علي الشاشه زي
tcs errot
lower left beam problem
break oil problem
العربيه مش بتدور اصلا و راحت التوكيل علي الونش الكلام ده من 4 ايام و لسه هما مستنين الرد من المانيا
انا طبعا محروق دمي حاسس اني اشتريت عربيه 128 مش جولف 2011
الان انا بعمل كل جهدي ان الضمان علي الفتيس يكون 5 سنين او اعمل تريد ان و ابدل العربيه
و ناوي ارفع عليهم قضيه و بلاغ لجهاز حمايه المستهلك

السلام عليكم
انا شرحت للزملاء بالمنتدى فى المداخلات السابقه حاله عربيتك مع التوكيل
بس شكلها كده محتاجه تضامن من مالكى السياره بالمنتدى للضغط على التوكيل
ان شاء الله توصل معاهم لحل.........

[Falcon.Crest]

النهارده بعد ا بعت ميل الي المانيا , ميلات الي الناس الكبيره في التوكيل في مصر كلمني مدير عام التسويق في التوكيل اسمه مهندس محمد مراد و كان كل همه ان يقنعني ان الغلط مني انا بس انا فضلت مصر علي موقفي ان ده عيب صناعه خطير و انا مش هتنازل عن عربيه جديده
يا جماعه كل الي عنده مشكله مع الوكيل مش يسيب حقه لان ده ناس مش يستاهلو ان احنا نحترمهم لازم يفهمو ان احنا الي بنخليهم يعملو فلوس

[Gelgel2004]

النهارده بعد ا بعت ميل الي المانيا , ميلات الي الناس الكبيره في التوكيل في مصر كلمني مدير عام التسويق في التوكيل اسمه مهندس محمد مراد و كان كل همه ان يقنعني ان الغلط مني انا بس انا فضلت مصر علي موقفي ان ده عيب صناعه خطير و انا مش هتنازل عن عربيه جديده
يا جماعه كل الي عنده مشكله مع الوكيل مش يسيب حقه لان ده ناس مش يستاهلو ان احنا نحترمهم لازم يفهمو ان احنا الي بنخليهم يعملو فلوس

انا معاك فى الراى ده

[Astra200]

شكراً لكل الناس إلي تفاعلت مع الموضوع ، ويا ريت يكون فعلاً مفيد وموضوعي للناس إلي بتفكر في العربيات اللي فيها الفتيس دة

طيب ايه أخبار فتيس بيجو 508 ؟ و هل هو نفسه بتاع الستروين c5 ?

[ahmadm]

واضح ان مصر ما ينفعشى فيها غير العربيات الكوري و الله حاجة تخنق و استخفاف بالناس زاى ما نكون سارقين الفلوس المفروض الفيتيس دة فعلا يكون علية ضمان عشر سنين ساعتها الواحد يشنري و هو مطمن لاكن بردة ماهو العطلة اللى بتحصل للملاك لما الفتيس يبوظ حاجة سيئة وضياع للوقت جامد ربنة يكرم و يصلح الاحوال و جزيل الشكر للمهندس فرحات على مجهودة المبذول فى الموضوع مع انة عمرة ما بيرد عليا

[farahat]

النهارده بعد ا بعت ميل الي المانيا , ميلات الي الناس الكبيره في التوكيل في مصر كلمني مدير عام التسويق في التوكيل اسمه مهندس محمد مراد و كان كل همه ان يقنعني ان الغلط مني انا بس انا فضلت مصر علي موقفي ان ده عيب صناعه خطير و انا مش هتنازل عن عربيه جديده
يا جماعه كل الي عنده مشكله مع الوكيل مش يسيب حقه لان ده ناس مش يستاهلو ان احنا نحترمهم لازم يفهمو ان احنا الي بنخليهم يعملو فلوس

بالطريقة دي حضرتك قدامك حل من اتنين ، يا إما تبيع العربية الجديدة دي أول ما تستلمها وتبقى خلصت من فولكس وكل علاقتك بمشاكلها وتجيب حاجة تانية بأقل خسارة ممكنة (لأنها هتكون زيرو ) ، يا إما تجيب العربية الجيددة وتركبها وكل 25 ألف تروح تتخانق معهم تاني وتاخد واحدة جديدة .

[farahat]

طيب ايه أخبار فتيس بيجو 508 ؟ و هل هو نفسه بتاع الستروين c5 ?

للأسف معنديش معلومات فنية عن بيجو أو سيتروين ، وبالتالي مش حابب أفتي في حاجة مش عارفها .
لكن النقطة إلي ممكن أقول فيها وجهة نظري إن الاتنين فيه أجزاء كتير مشتركة بينهم بما فيها الشاسيه نفسه ، وإحتمال وارد جداً إن الاتنين يكون فيهم نفس الفتيس، لكن لا أعلم وبالتالي لن أفتي أو أؤكد الكلام .

[farahat]

واضح ان مصر ما ينفعشى فيها غير العربيات الكوري و الله حاجة تخنق و استخفاف بالناس زاى ما نكون سارقين الفلوس المفروض الفيتيس دة فعلا يكون علية ضمان عشر سنين ساعتها الواحد يشنري و هو مطمن لاكن بردة ماهو العطلة اللى بتحصل للملاك لما الفتيس يبوظ حاجة سيئة وضياع للوقت جامد ربنة يكرم و يصلح الاحوال و جزيل الشكر للمهندس فرحات على مجهودة المبذول فى الموضوع مع انة عمرة ما بيرد عليا

أولاً ألف شكر ليك يا أحمد بيه على الشكر والمجاملة دي ،
واحب اعتذر إذا كان في أي وقت إنت سألت وأنا ما جاوبتش ، بس أكيد ماشفتش السؤال

مش عايز أقولك أنا راجعت الموضوع تاني من الاول عشان أشوف إذا كان فيه سؤال أنا ماجاوبتش عليه ، فيا ريت لو تكرمت تفكرني .