فتيس dsg حقائق ومعلومات !

[foda330]

شكرا جزيلا بشمهندس فرحات على سرعة الرد والنصيحة الغاليه.
وده يدل انك فعلا رجل بن ناس ومحترم .. والله اقل مايقال.
ولى رجاء ممكن رقم موبيلك ؟...

[hany63]

انا حابب اضيف حاجة بخصوص الفتيس dsg 7
انا اخويا معاة جيتا 2010 خليجي هاي لاين الحمد لله ماشاء الله ممتازة و احنا بنشتريه صاحب المعرض قالنا الحرص و انت سايق العربية يطول في عمرها يعني مش قرص و نتش و كيكات كتير و كدة و اخويا بيسافر بيها دايما العريش ما شاء الله عملة 100000 كم و كل المور تمام الحمد لله و موفر للبنزين جدا و هو بيعماها باحترام وكل اللي كان بيحصل من يوم ما اشتيرناها لو اخدت مطب و طالع علي التاني تكون في رعشة خفيفة جدا فقط

طب ما ده اللي قولناه طالما طوالي كأن الفتيس لا يستعمل تقريبا المشكله في وسط البلد السواقه فيها بتطحن الفتيس

[Astra200]

وعليكم السلام ورحمة الله وبركاته

أخي العزيز، أولاً أحب أشكرك على ذوقك وكلامك المشجع دة

ثانياً بالنسبة للعربية إلي حضرتك بتتكلم عليها فهي موديل 2008 يعني فيها الموتور ال-fsi العادي ال-115 حصان ، والفتيس الاوتو إلي فيها هو الفتيس ال ٦ نقلات العادي وليس dsg ، وبالتالي من الناحية دي لا تقلق .

من ناحية العربية والأداء فهي في نفس مستوى الأداء بتاع الميجان الستيشن (115 حصان يعني نفس القوة ، بس وزن أكبر شوية من الميجان ، ولكن فتيس ٦ نقلات ونسب بتاعته أحسن كتير يعني هيعوض الفرق ده ،وبالتالي هتكون نفس الأداء تقريباً ) ، ونفس جودة الخامات في الداخل والخارج .

أخر نقطة موضوع السعر والحالة ، السعر شكله كويس جداً لكن ده لزم يقارن بالحالة بتاعت العربية ، ودي مش هقدر أفتي فيها لأن دي معتمدة على المعاينة والكشف ودي مش في ايدي ، لكن انصح حضرتك تكشف عليها كويس في مركز معتمد ويكون عنده الأجهزة والمعدات بتاعة الفولكس الجديد ، مش مجرد كشف ميكانيكا وعفشة وسمكرة وخلاص ، وأكيد حضرتك فاهم كلامي لأن كان معاك ميجان . وبعد كدة تحدد السعر المناسب حسب المطلوب عمله فيها لأن ١٢٠ ألف أكيد محتاجة شوية صيانات ودي بتكون مكلفة في العادة .

واتمنى لك التوفيق إن شاء الله ونبارك قريب على العربية الجديدة :)

استاذ فرحات باحاول ابعتلك رسالة علي الخاص بس صندوق البريد الخاص بيك ماليان -- عايز اسال علي حاجة بخصوص وضعية عجلة القيادة ومش عرف اسالك فين

[farahat]

استاذ فرحات باحاول ابعتلك رسالة علي الخاص بس صندوق البريد الخاص بيك ماليان -- عايز اسال علي حاجة بخصوص وضعية عجلة القيادة ومش عرف اسالك فين

اتفضل إسأل يا باشا ، وعموماً أنا مسحت بعد الرسائل من الصندوق عشان تعرف تبعت، اعتذر على اللخبطة دي

[ATC MAN]

السلام عليكم ورحمة الله
يا جماعة لو سمحتوا تفيدوني عشان انا بفكر اشتري جيتا ٢٠١٢ وشكرا

[ATC MAN]

السلام عليكم;
انا كنت كتبت استفسار امس بخصوص اني عايز اشتري الجيتا ومش عارف الرسالة اتشالت ليه...لو حد يقدر يفيدني ايه مميزات العربية وايه سلبياتها...وشكرا للاخوة

[ATC MAN]

جيتا ٢٠١٢

السلام عليكم;
انا كنت كتبت استفسار امس بخصوص اني عايز اشتري الجيتا ومش عارف الرسالة اتشالت ليه...لو حد يقدر يفيدني ايه مميزات العربية وايه سلبياتها...وشكرا للاخوة

[bobozoro]

معليش يا جماعة انا قرأت اربع صفحات و مقدرتش اكمل بس انا كنت عمال ابحث في الموضوع قبل كده الفيتيس dsg حلو قوي في التسارع بس في حالة السواقة اللي في مصر اعتقد ال cvt افضل طبعا التسارع فيه اقل لكن تصميمه مناسب اكتر للسواقة في مصر

وكان عندي سؤال يتعلق ب tsi انا شفت ان فيه متور جديد للجولف 1.2l tsi والكلام اللي سمعته عنه جبار وانه جامد جدا حد يقدر يفيدنا في المووع ده وشكرا

[bobozoro]

يبدو فعلا ان فتيس الاودي ايه 3 مختلف
Audi S-tronic Transmission - YouTube

[جيتاوي على طول]

اولا اشكر كل المساهمين برأيهم في موضوع الجير دي اس جي وفعلا الإفادة كبيرة واحب ان اضيف خبرتي كمالك لجيتا 2011 اخر دفعة من الشكل القديم هاي لاين وهي خليجي من الوكيل في السعودية وبقالها معايا سنة لكن باستخدمها في نهاية الاسبوع وعاملة دلوقت2900 كم وبعد اجراء اول صيانة عند الوكيل (في السعودية) اختلفت العربية معايا تماما فبعد ماكانت تقيلة في الطلعة الاولى لدرجة اني كنت باكره ادوس فرامل عشان الطلعة الاولى اصبحت خفيفة زي الريشة حتى الطارة كمان كانت تقيلة ولما كلمت المهندس وسألته عن السبب قالي بسبب تحديث السوفت وير والله اعلم كلامه صح والا في حاجة غيروها لكن انا بعد الصيانة طلبت منه تقرير بالاعمال اللي كشفوا عليها مالقيتش اي حاجة عن تغيير في قطع الجير او الطارة لان الفاتورة اللي اخذت كمان صورة منها كان فيها تغيير زيت فقط وهم تحملوها لانها داخلة في الصيانة المجانية. على فكرة الكفالة في السعودية 3 سنين ضد كل العيوب او 30 الف كيلو.
انا طبعا زي معظم الناس اللي اشترت وهي لاتعلم شيء عن الجير لكن بسؤال الميكانيكية الأتراك هنا قالوا ان 80% من سلامة الجير من عدمه بتكون نتيجة الاستخدام طبعا انتم عارفين بسواقة الشباب في السعودية وان في تركيا سواء الجيتا او الباسات عليها طلب عالي طبعا هم درجة الحرارة عندهم غيرنا لكن برضه عندهم زحمة سير. وعرفت ان سعر وحدة الميكاترونكس في حدود الف دولار وانهم معتادين على تغييره في تركيا لان العربية تستاهل

[samoevil911]

بصراحة ابداع في الشرح
اينعم انا حجات كتير مفهمتهاش
بس مجملا , فاهم
ابداع بجد

[amr salah eldin]

هنا في السعودية الجيتا الشكل الجديد نازل موتور 2000cc و الفيتيس ستيبترونيك ده طبعا علشان يناسب الجو و زحمة المرور الموجودة الان وخاصة في الرياض , توكيل vw ابتدا اخيرا يعرف احتياجات البلدان الي بتستقبل سياراته والاعتراف بالخطأ مش عيب . عموما السيارة معايا من شهرين فعلا رائعة تسارع معقول ثبات علي الطريق فوق الممتاز اوسع من الشكل القديم , ياريت تنزل في مصر بالفيتيس ستبترونيك علشان الواحد يعرف يركب سيارة محترمة بسعر ليس مبالغا فيه .

[bobozoro]

هنا في السعودية الجيتا الشكل الجديد نازل موتور 2000cc و الفيتيس ستيبترونيك ده طبعا علشان يناسب الجو و زحمة المرور الموجودة الان وخاصة في الرياض , توكيل vw ابتدا اخيرا يعرف احتياجات البلدان الي بتستقبل سياراته والاعتراف بالخطأ مش عيب . عموما السيارة معايا من شهرين فعلا رائعة تسارع معقول ثبات علي الطريق فوق الممتاز اوسع من الشكل القديم , ياريت تنزل في مصر بالفيتيس ستبترونيك علشان الواحد يعرف يركب سيارة محترمة بسعر ليس مبالغا فيه .

حضرتك تقصد ايه ب "ستبترونيك" لان الستبترونيك ممكن يكون DSG , CVT , S-Tronic, powershift, mmt

[amr salah eldin]

الجيتا الشكل الجديد نازل هنا في السعودية 2000cc و الفيتيس s-tronic

[mody3on]

حضرتك تقصد ايه ب "ستبترونيك" لان الستبترونيك ممكن يكون DSG , CVT , S-Tronic, powershift, mmt

ستيب ترونيك يعني ستيبترونيك ! مش دوال كلتش زي ال dsg