فتيس dsg حقائق ومعلومات !

[DrMAbdelkader]

الزيت اللى فيه دا عند وحده الميكاترونيكس ودا مابيتغيرش
اتغير بس عشان كان سبب المشكله
واسطوانات الدبرياش الاتنين "الكلاتشات" نوعهم Dry Clutch يعنى برضو مش حواليه زيت

[lovemessenger]

انا بشتري فانتازيا 2011 وعايز اعرف هل الموديل دا فيه مشكله فى الفتيس

زي الجيتا و الباسات لان شوفت حد كاتب كلهم نفس الفتيس و الموتور

انا العربيه اللى قدامي 2011 خليجي و على ما اعتقد فتيس 6 نقلات

[mohamed ebeid]

استاذ فرحات
اشكرك على مجهودك الرائع و انا فعلا موافق على كلامك من الناحيه النظريه بالكامل وان كنت فعلا كنت معجب ب dsg كاختراع جديد وكنت فاهم نظرية عمله كويس ولكن بالتجربه العمليه وجدت اداء اكثر من رائع على الطرق الغير مزدحمه واداء سىء جدا على الطرق المزدحمه و على فكره انا غيرت 2 فتيس خلال 27000 كم يعنى وصلت لاحدث حاجه ونفس المشاكل يعنى الفتيس كان يبوظ على 15000 كم فحكاية 100000 كم مستحيله لان اقصى حاجه شوفتها فى عربيات اصحابي 35000 كم ودى الفلته و المعتاد 25000 كم والارقام دي للامانه و ارجو اكون وضحت وجهه نظرى و سعيد بمعرفة حضرتك

أستاذ هاني : بالنسبة لموضوع تغيير الفتييس مرتين خلال 27000 هل كانت العربيه داخل الضمان (المفترض الضمان حتي 100000 كم) غير ذلك هل تم التغيير داخل التوكيل و كيف كان التعامل معك؟

[2alb]

يعنى نفهم من كدة ان المشكلة لسا موجودة فى االفتيس مع ان العربية طالعة من عينى

[hany63]

أستاذ هاني : بالنسبة لموضوع تغيير الفتييس مرتين خلال 27000 هل كانت العربيه داخل الضمان (المفترض الضمان حتي 100000 كم) غير ذلك هل تم التغيير داخل التوكيل و كيف كان التعامل معك؟

الفتيس اتغير مرتين في الضمان و التعامل كان معقول و بعدين اتقلب في الاخر نظام احنا كده عملنا اللي علينا قمت بايع العربيه

[tema]

جولف ٥

ممكن معلومه عن عيوب جولف ٥موديل٢٠٠٦

[tema]

شكرا ليك
ارجو الرد عن عيوب جولف٥

[mario_9111]

شكرا لكل الموجدين بالموضوع بجد انا استفدت كتير جدا انا قرات الموضوع 25 صفحه من 2011 وحتي الان 2015 شكرا جزيلا لكم
بس سؤال لو سمحتوا وارجو الرد
كنت عايز اشتري باسات لانها عجباني من زمان اشتري 2006_2007_2008 وابعد عن dsg ,,,,,,,, ولا اخليني في الكورولا بالفتيس 4نقلات الاوتو روعه طبعا
ارجوا الافاده

[noor eldin]

استاذ فرحات انا ليا استفسار بسيط جدا..
اولا شكرا على الموضوع دا لانه مهم جدا و مفيد ..
انا مشكلتي تتلخص في ان انا معايا سيات ليون tsi فتيس dsg طبعا و الموتور فولكس 1.2 زي ما انت عارف.. بس ف يوم راجع من القاهره مسافه متزيدش عن 100 كيلومتر لا قيت رعشه في العربيه غريبه و انا على الطريق دا عند رجلي دواسه البنزين.. و العربيه اترجت رجه جمده اول مجبت ال D لما وقفت في الكارته روحت و ركنت و بعد نص ساعه ادور تاني اجيب ال D العربيه مبتمشيش و قاللي error:gearbox انا عربيتي سيات ليون 2015 مشيت 1500 كيلو بس!!!!!!!!!
تقدر تساعدني في المشكله دي؟ انا سبت العربيه يوم في الجراج و الحمد لله رجعت طبيعيه تاني بس قلقان لا تحصل تاني

شكراا :(

[ahmed azowz]

للأسف هو كدة فعلاً بادي فالف ، مع إن إلي بايظ هو فالف واحد من ال-8 لكن ماعرفش حد عرف يصلح في بادي فالف بتاع الفولكس دة

يابشمهندس فرحات انا عندي باسات ٢٠١١ وماشية ١٨ الف كيلو فقط لسة شاريها واول مااشتريتها لقيت رعشة اول مااجيب الفتيس علي ال r عشان ارجع ورا بس
لكن طول منا ماشي مفيش اي حاجة هو في اول المارشدير بس
ممكن اعرف السبب حد يفيدني قبل مااروح التوكيل
مع العلم ان محدش قرب من الفتيس بتاعها خااالص واللي اشتريتها منه شبه مكانش بيستعملها خالص ومركونة
شكرا لحضراتكم

[abomickey]

صباح الخير
انا معايا تيجوان 2014 فتيس dsg 6 نقلات بس الكلام المكتوب ان ال dsg 6 كان فی الموديلات القديمة و بعد كدا نزلو ال 7 ف هل ره طبيعی ان تكون 2014 dsg 6 و لو اه ری حاحة كويسة ولا لا ؟

[wma_eg]

موضوع اكثر من رائع

موضوع اكثر من رائع
كل الشكر والتقدير للمهندس فرحات صاحب الموضوع وطبعا المهندس هانى
انا عن نفسى قرأته كاملا من اول صفحة لاخر صفحة واستفدت منه كتييييييير اوى ..
اتمنى ان المهندس فرحات والمهندس هانى يكملو متابعة مع الناس ويفيدونا عن الجديد فى الموضوع وهل المشاكل اتحلت ولا لسة ؟
ولى استفسار ( للمتخصصين ) وارجو الاجابة بستفاضة مع التفاصيل لو تكرمتو ..
وهو ايه احسن عربية حاليا فى 2015 ؟
من ناحية اداء المتور على بنزين 92 وافضل فتيس من ناحية الاعتمادية وعدم وجود مشاكل سواء كانت المانى او يابانى او غيره

وشكرا مقدما (:

[issanasr]

بصي انا هحاول اساعدك قدر اﻹمكان

زي ما قالك المهندس لو حسيتي ان الرعشه دي جايه من الفتيس بانك تحطي ايدك عليه
يبقي الفتيس و هو غالبا الفتيس
و ده علشان الفتيس ده بيحتاج سواقه خاصه جدا مش زي الفتيس الاوتوماتك العادي
نمشي علي ال d وخلاص

زي ما اخ فاضل هنا كان قال لما تبقي في طريق مفتوح يبقي نمشي علي ال dعادي
لو في زحمة يبقي sلحد ما الطريق يبقي مفتوح
لو في اشاره يبقي نجيبه علي n علشان نريح الفتيس لحد ما الاشاره تفتح
السبب في ده ان فتيس ال dsgهو عباره عن 2 فتيس مانوال مع بعض ووالمشي علي dعلطول بيخليه ينقل نقلات كتير ملهاش لزمه فياكل مجموعه الدبرياج بسرعه فالفتيس يعمل مشاكل

انا كان ليا سؤال لو سمحت.. لو انا سايق فى زحمه انقل الفتيس على ال S بس؟ لان البعض بيقول انقل على المانويل واغير (- or +)؟ فا ايه الفرق بين الاتنين؟ العربية جولف 6

[elhaggar87]

السلام عليكم و رحمة الله وبركاته
انا عندي جيتا 2011 دي اس جي 7 غيار طبعا المهم و انا سايق امبارح لاقيت العربيه علي التاني و مش عايزه تغير قومت مبطل العربيه و دورتها تاني لقيتها اشتغلت تمام المهم ركنت العربيه شويه و شغلتها لقيتها بتنقل علي السرعات الزوجيه بس ياعني من التاني للرابع للسادس المهم بطلتها و دوروت علي طول لقيتها اشتغلت عادي و مافيش مشاكل
برجاء يا اخواني ضرورة ان حد يفهمني ايه ده لان بطني و جعتني جدا جدا جدا
اخوكم محمود

[juba8]

شكراااااااااااااااا