فتيس dsg حقائق ومعلومات !

[farahat]

استاذ فرحات
ياريت تشرحلنا نظام الفتيس بتاع البى ام ال 8 سرعات الجديد اوتو عادي ولا ايه
ماداهيه ليطلع زي ال dsg برضه
عشان انا ناوي اجيب حاجه من الفئه التالته الشكل الجديد

هههههههه ، لا متقلقش ، الفتيس أوتوماتيك عادي مع تحسينات في الأداء ، الفتيس إلي ذي ال-DSG عند بي إم إسمه SMG ، ودة مش بيستعمل في العربيات العادية من فترة ، يعني كانو بيركبوه على العربيات السبورت أو ال-M

بس أوعدك أول ما تقع تحت ايدي ال-technical design ........s بتاعت الفتيس الجديد ال-8 سرعات بتاع ZF دة هشرحه هنا على طول

[HISHAM80]

استاذ فرحات أنا بس كنت عايز اوضح نقطه ان احنا بنتكلم عن عربيه في مصر سعرها غالي جدا واي مستهلك لما بيشتري عربيه من النوع ده يتوقع قدر قليل من الاعتماديه وراحه البال زي ما قولت قبل كده مع ال حترامي لملاك الصيني ما بيحصلش فيها كده احنا ممكن نتكلم عن عيوب صناعه في اجزاء ثانويه مش في حاجه اساسيه زي الفتيس
أول حاجه ان شايف ان فولكس و تيوتا غلطو لما نزلو الفتيس من غير دعايه كافيه ويعرفو المستهلك يعني ايه فتيس DSG يعني معظم الناس بتشتري النوع ده من العربيات في مصر من شريحه عمريه معينه معتقدش ان حد فيهم كان فاهم يعني ايه فتيس DSG كل الي كان بيفكرو فيه انها اوتوماتيك بس كان مفروض انهم يعرفو المستهلك ان في ديسك واسطوانه بس هما خافوا من الناحيه التسويقيه وده اعتبرو تضليل للمستهلك.
الفتيس متجربش كويس في مصر علشان يشوفو ان كان مناسب ولا لأ ودي حاجه اساسيه في أي منتج جديد عايز تنزلو السوق لازم يتم اختباره لمده كافيه في مع الظروف.
التوكل متعملش مع المشكله بجديه سواء العربيه خليجي أو مصري كان لازم يوجد قطع غير كافيه ويتم استبدال كل قطع الغير واضافه ضمان اضافي على مجموعه الحركه على الاقل 5 سنوات بعد ضمان العربيه.
الكلام ده بيحصل في أي شركه محترمه خصوصا في مجال الهندسه لما تكون شركة ليها اسم وعن تجربه بس بدون الدخول في تفاصيل لما يكون في مشكله من المنتج عايز قل لحضرتك ممكن علشان نصلح العيب بيكلفنا ملايين بس بيتعمل من منطلق Customer satisfaction

[HISHAM80]

احب اضيف أنا مستمتع جدا بالنقاش مع حضرتك انشاء الله خلال اسبوع هتيجي عربيه باسات cc موتور 2.0 و فتيس DSG انشاء الله هعمل عنها تقرير هتعد معايا 3 شهور على الاقل هسافر بيها يوميا 240 كم

[ayman_sff]

شكرا لسرعة الرد

[farahat]

استاذ فرحات أنا بس كنت عايز اوضح نقطه ان احنا بنتكلم عن عربيه في مصر سعرها غالي جدا واي مستهلك لما بيشتري عربيه من النوع ده يتوقع قدر قليل من الاعتماديه وراحه البال زي ما قولت قبل كده مع ال حترامي لملاك الصيني ما بيحصلش فيها كده احنا ممكن نتكلم عن عيوب صناعه في اجزاء ثانويه مش في حاجه اساسيه زي الفتيس
أول حاجه ان شايف ان فولكس و تيوتا غلطو لما نزلو الفتيس من غير دعايه كافيه ويعرفو المستهلك يعني ايه فتيس dsg يعني معظم الناس بتشتري النوع ده من العربيات في مصر من شريحه عمريه معينه معتقدش ان حد فيهم كان فاهم يعني ايه فتيس dsg كل الي كان بيفكرو فيه انها اوتوماتيك بس كان مفروض انهم يعرفو المستهلك ان في ديسك واسطوانه بس هما خافوا من الناحيه التسويقيه وده اعتبرو تضليل للمستهلك.
الفتيس متجربش كويس في مصر علشان يشوفو ان كان مناسب ولا لأ ودي حاجه اساسيه في أي منتج جديد عايز تنزلو السوق لازم يتم اختباره لمده كافيه في مع الظروف.
التوكل متعملش مع المشكله بجديه سواء العربيه خليجي أو مصري كان لازم يوجد قطع غير كافيه ويتم استبدال كل قطع الغير واضافه ضمان اضافي على مجموعه الحركه على الاقل 5 سنوات بعد ضمان العربيه.
الكلام ده بيحصل في أي شركه محترمه خصوصا في مجال الهندسه لما تكون شركة ليها اسم وعن تجربه بس بدون الدخول في تفاصيل لما يكون في مشكله من المنتج عايز قل لحضرتك ممكن علشان نصلح العيب بيكلفنا ملايين بس بيتعمل من منطلق customer satisfaction

احب اضيف أنا مستمتع جدا بالنقاش مع حضرتك إن شاء الله خلال اسبوع هتيجي عربيه باسات cc موتور 2.0 و فتيس dsg إن شاء الله هعمل عنها تقرير هتعد معايا 3 شهور على الاقل هسافر بيها يوميا 240 كم

يا باشا بدون النقاش في التفاصيل دي كلها ، في الحقيقة أنا مش شايف إن دي حاجة تعيب المنتج ، لكن مش هختلف معاك إن التوكيل نص كم شوية في الموضوع دة، ومش في الموضوع دة بس ، توكيل فولكس من زمان معروف إنه مش أحسن توكيل في مصر يعني ، يمكن اتحسن شوية في الاواخر لكن واضح إن لسة محتاج شوية .


ومنتظر تقريرك عن الموتور ال-2000 مع ال-dsg :)

[hany63]

طب لما يكون التوكيل نص كم في الحاجه اللي من غير مشاكل امال يبقى ايه مع الفتيس الجديد اللي ليه مشاكل؟

[HISHAM80]

أنا ولله حاسس بحضرتك ربنا معاك بس هوا توكيل فولكس زي مقال الاستاذ فرحات مش أحسن توكيل في مصر بس هقول لحضرتك على نصيحه بحكم شغلي أي منتج هندسي جديد محتاج فتره علشان يتجرب حتى لو الشركه عملت أبحاث ودي مكلفه جدا بيحتاج برده يجرب على الطبيعه وبعد فتره بينزل تحسينات جديده سواء software أو hardware فحضرتك دايما متشتريش من اول batch بينزل استنى شويه لما يتجرب شوف reviews أنا شخصيا بأعمل كده في أي حاجه بشتريها حتى لو موبيل لاني عارف ان لازم فيه نسبه خطأ وارده, طبعا أنا معترض على الفتيس لأن جزء اساسي بس صدقني الفتيس ده ثوري يبمعنى الكلمه لما نتكلم من ناحيه هندسيه بس من وجهة نظر المستهلك الي دفع الفلوس أكيد لأ

[hany63]

هو فعلا ثوري بس عايز واحد مشاويره طوالي
انا مع حضرتك ان الغلطه ان الواحد خد وش القفص بس لعلمك الوكيل مانبهش لموضوع الفتيس انه نظام اسطوانات دبرياج و كان الكلام كله علي قوه الموتور اللي الواحد لما عمل تيست درايف للعربيه وده كان طبعا في العبور انبهر و ماكنش عارف بالخيبه اللي مستنياه لدرجة اول انطباع في السواقه في الزحمه كأن واحد سايق مانيوال وما مبيعرفش يسوق وطبعا عشان مافيش بدال دبرياج حاسس ان الفتيس بيتكسر تحت رجللك ولا حول لك ولا قوه
المهم ان الشركه عدلت طقم الدبرياج عشان تمنع البوش وكمان عدلت الوفت وير وبقت تخلي النقلات تيجي على اقل rpm ممكن عشان تقلل الاحساس بالنقله في حاله الزحمه (shift down)
لدرجه ان العربيه تقريبا بتطلع على الغيار التاني و بتجيب الغيار السابع على 55 كم
فاتحسن الاداء نسبيا بس للاسف ده كان حمل زايد جدا على الدبرياج و خصوصا الاسطوانه رقم 2
فبقي الفتيس اخره معاك في حدود 25000 كم و بعدها تلقي العربيه بترعش على التاني مش في الطلعه
و الغريب ان لحد الجمعه اللي فاتت الفتيس بيتغير بالكامل عشان العربيه ترجع زي الاول و لو مش مصدقين اديكوا نمر تلاته اصحابي واحد ربنا كرمه اخيرا وغير الفتيس بالكامل بعد ما غيروا طقم الدبرياج و العيب ما راحش و التاني عربيته في التوكيل حاليا بعد ما غير ميكاترونيك وبرضه لقاها بترعش برضه و التالت ربنا يتولاه عمالين يحطوا في سوفت وير ويكسبوا وقت وفي الاخر قالوا ان تعليمات المانيا ان السوفت وير يتجرب لمده شهر وبعدين يبقوا يشوفوايعني من الاخر لما العربيه تيجي علي ونش
ولو رجعنا للاستاذ اللي معاه بي ام 316 مانيوال وافاد ان طقم الدبرياج اتغير على 560000 كم و اكيد طبعا ان الراجل سواقته كويسه نتخيل ان نفس الشخص ونفس المشاوير غير لعربيه بفتيس DSG النتيجه الطبيعيه ان الفتيس هايبوظ بالكتير على 200000 كم عشان طول مانت ماشي علي سرعات متغيره هافضل ينتقل باستمرار غصب عنك يعني حتى لو رجللك حرير يعني مافيش فايده

[hany63]

نسيت اقول ان عربيات اصحابي كلها 2010 يعني بعد ما ظبطوا الليله

[farahat]

نسيت اقول ان عربيات اصحابي كلها 2010 يعني بعد ما ظبطوا الليله

قصدك بعد ما يدوب صلحوا مشاكل 2008 ؟ ، لو فيه عيوب ظهرت في موديل بتظهر التصليحات بتاعتها في الموديل إلي بعديه بسنة ، يعني الفتيس بتاع 2010 هو عبارة عن تصليحات عيوب ظهرت في 2008 ، وهكذا ..
صحيح مدل 2010 و-2011 أداهم كان أحسن في ال-dsg لكن لسة ماتقدرش تقول إن الفتيس أصبح 100% وبدون مشاكل ، ممكن نسبة الأيوب أقل كتير من الاول والعدد أقل ، لكن لسة فيه ناس هتفضل تشتكي، يمكن لحد 2013 كمان .

[hany63]

استاذ فرحات - ازيك
هستأذن حضرتك تراجع مداخلاتي تاني وهاحاول الخص
لازم نفرق مابين عيوب الصناعه وبتبقى موجوده و العربيه على الزيرواللي الشركه بتحلها و بتقل فعلا مع الوقت
يعني العيوب دي كانت موجوده بنسبة 100% سنه 2009 لكل عربيات الباسات وانخفضت النسبه ل 40% من اول مارس 2010 و ده مجهود يشكروا عليه ولو برضه النسبه مهوله لدرجة انها مابطلت تنزل خليجي
تعالى نتكلم عن ال 60% السليم المعدل واللي الناس مااشتكتش منها من الاول و هو ده المهم
يرضي ربنا اركب عربيه الماني محترمه وتجيب فتيس كل سنه (انا بتكلم على السليم ) ويا ريت حضرتك ما تقوليش بسبب الكيك داون هو لو حصل هيبقى كام مره في اليوم و خصوصا و الشوارع مش ماشيه اصلا وهو ده السبب على فكره ومعلش سامحني انامجرب عن حضرتك و سايق 10 عربيات غير عربيتي
التوكيل مشكور بيغير (ساعات الفتيس الجديد مابيكونش بجودة القديم لما كان جديد و ساعتها هتكره عيشتك ومش هاتوصل لحاجه عشان الكلمه اللي هاتسمعها ان كله تمام وساعتها هتبيع بخساره)
هنفرض ان العربيه رجعت زي الفل ماهي برضه هتبوظ بعد سنه مش لوجود عيب صناعه لا سمح الله انما لعدم الملائمه مع شوارعنا وساعتها هكون خرجت من الضمان وهفضل طول مانا سايق مركز معاها ايشى رعشه و دي نقله فلتت و مرعوب لاغير الفتيس على حسابي
واسمح لي اشرحللك ايه اللي بيحصل في التوكيل
الفتيس لما يبوظ بيحصل واحد من تلاته:
1-العربيه ترعش في الطلعه و تقعد تعمل زي الجمل في الزحمه كل ما تشيل رجللك من البنزين وفي الغالب كل اللي يحصل هينزلوا سوفت وير وهايحطوا العربيه على الجهاز اللي بالمناسبه ما بيعرفش العطل عشان العربيه واقفه وهاتمشي و انت عمال تحرق في دمك
2-العربيه ابتدت ترج جامد علي التاني (على 20000 كم) لما بتسخن و طبعا في التوكيل يطلعوا يجربوا في الشوارع الفاضيه ويحطوها على الجهاز و يقولوا كله تمام وتفضل رايح جاي و الحوار ده مش خلصش الا لما انا سوقت و خطفت المهندس بالعافيه في حته زحمه ووريته العيب وهو قاعد جنبي فكتب على مسئوليته ان الفتيس بايظ
3-لو صمموا ان العربيه تمام ما فيش غير انك تمشي بيها بس خلي بالك العربيه هاتقف فجأه في اي حته زي طريق السخنه وده حصل مع واحد صاحبي و حصل على يدي 3 مرات و طبعا العربيات بتروح متشاله على ونش و الوكيل بيغير في خلال شهر
المهزله في ده كله ان ولا واحد في التوكيل بيشغل دماغه ويحدد العيب و يصلحه كل اللي بيعمله يحط العربيه على الجهاز و يشوف المانيا تقول له ايه و ينفذ حتى لو مش مقتنع وطبعا كتير يغيروا الجزء السليم ويرجعوا يغيروا تاني زي ما حصل مع اصحابي
استاذ فرحات احب اقول لك اني دعيت على صحفي عمل تيست درايف و اتشكر جامد في ال tsi وده طبعا بغرض الاعلان , و مشيت ورا كلامه و اشتريت وانا اعتقد ان حضرتك عامل الموضوع بغرض المعرفه مش بغرض التسويق و ياريت ماتزعلش مني بس انا ايدي في الموضوع و لازم اقول الصراحه

[farahat]

هاني باشا ، أشكرك على التوضيح عن طريق شرح لوقائع ، هو دة المطلوب ،
لكن تعليقي على الكلام إلي فات إن احنا نستخدم استنتاجات ونؤكدها على انها وقائع وحقائق ، وهو دة إلي أنا كنت برد عليه ، ما تزعلش مني برضه ، لكن هو دة إلي مفروض نتجنبه ، بمعنى إن لواحد لو عنده معلومة أو رقم أو حقيقة مؤكدة يقولها ، عشان تفيد الناس، تخيل كدة إن واحد ممكن من المعلومات دي ييجي في دماغه حل أو إبتكار أو يشغل دماغه ذي ما حضرتك قلت ويتطلع بحل منطقي لكل الناs ،


لو تلاحظ أنا مش بعلق ولا برحاول أتكلم في حاجات من نوعية التوكيل حرامي ونصاب ولا كل العربيات إلي فيها DSG وحشة ولا الناس بتبيع عربياتها ليه وبكام ، عرف ليه ؟ .. أكيد مش عشان أنا مش عرف أقول كلام وحش ولا عشان أعمل دعاية ذي م احضرتك بتقول ، أنا مش بتكلم في الجانب دة عشان معنديش أرقام ، مش عارف كام عربية إتباعت ولا كم وحدة منها فيها DSG ولا كام وحدة اصحابها باعوها تاني عشان مش عجبهم الفتيس أو عشان طلع بايظ ولا عارف حاجات كتير .. عشان أحكم على السوق لازم أكون دارس السوق !!! ، لكن مجرد إستنتاج بدون معلومة .. يبقى أنا بفتي و دي مش حاجة كويسة ولا بتفيد حد بالعكس ممكن تضلل ناس .


على فكرة ذي ما حضرتك جربت DSG أنا كمان جربته ، وكمان عندي أصحاب كتير معهم العربية ، وفيهن ناس غيرته ، وناس برضه عدت بيه 50 ألف ولسة محصلش فيه مشاكل ، وناس تانية عندها رعشة ومش حاسين انها مزعجة قوي ، أو بمعنى أصح إتعودو عليها وتعاملوا معها ، بس أصحابي أو معرفي مش هما المقياس ، لأنهم مش كل الناس ولأن حتى ما بينهم كل واحد عند حالة غير التانية !


هديلك مثل ازاي المعلومات دي ممكن تكون مفيدة ، في واحد صاحبي برضه كان بيشتكي من الرعشة ، وأخد باله انها ديماً بتيجي في الزحمة وديماً لم بيطلع على التاني ، قعد يدور لم عرف إن الفتيس مانوال ، عارف عمل إيه ؟
لما فكر مع نفسه قالك في المنوال لم بطلع على التاني لازم ترعش ، إلا لو دست دبرياج ، و أنا كدة مفيش عندي دبرياج ، يبقى لازم أخليها تجيب أول ، وكل إلي عمله إنه لما بييجي في الزحمة بيجبها على M و وبالتالي بتطلع على الاول وبدون رعشة .


اتمنى تكون فهمت وجهة نظري وماتزعلش مني عشان علقت على إستنتاج حضرتك السابق .

[hany63]

استاذ فرحات صباح الخير
1-اعتقد ان تجربة حضرتك للفتيس مش بقدر تجربتي عشان انا عملت بيه 27500 كم
2-التوكيل مش وحش بدليل انه بيغير بس الظروف اقوى منه
3-زي مانا مصدق حضرتك انه بيعمل 50000 كم يبقى تصدقني لما اقول لك انه في 2009 كان بيعمل كيلو متر قليل غير اللي نزل بايظ اصلا و حاليا ظهرت مشاكل 2010 في عربيات كانت سليمه و زي الفل وانا سوقتها بنفسي و هي جديده واللي راكبنها ناس كبيره ما يعرفوش يعني ايه كيك داون اصلا فالموضوع لازم فيه الاستنتاجات اللي مش محتاجه نباهه و خصوصا ان حضرتك مهندس واللي بيكلم حضرتك مهندس الكترونيات فنستبعد موضوع الفتي وانا عارف ان فيه مشاكل كتيره بحكم اني روحت التوكيل فوق العشرين مره واتصاحبت على كل الناس اللي عندها مشاكل تقولش ضحايا الريان و على اتصال مع بعض وبيكلموني عشان يسألوني عن الحلول المتاحه و حاليا اعز اصحابي عرفتهم من التوكيل وبنخرج و نسافر مع بعض اهو الموضوع طلع بفايده
4-حضرتك انا المفروض راكب عربيه اوتوماتيك اللي الناس بتجيبها عشان الزحمه انما تقول لي اجيبها ستب ترونيك طول مانا ماشي في الزحمه و تفضل ايدي على عصايه الفتيس يبقى الموضوع فيه حاجه غلط عشان استخدام الخاصيه دي بتكون و انا ماشي و عايز اعدي عربيه مثلا و اثبت النقله و اتحكم في الفتيس واول ما الطريق يبقى طوالي او يقف ارجع ل d تاني و الحركه دي للناس اللي بتجب تجري
5-لما تكون التكنولوجيا القديمه تعيش 1500000 على الاقل في المتوسط وده للاوتو العادي المفروض الجديده ماتقلش ان ما زادتش كمان مش تبقى ربع عمرها بعد التعديلات يبقى اسف في الكلمه قمه التهريج
ارجو خلافنا في الرأي لا يفسد للود قضيه

[Youssef.Awad]

موضوع غاية فى الروعة والاستفادة
شكرااااااااااااااااااااااااا استاذ فرحات

[د.محمود صلاح]

الف شكر ع المجهود المميز