افضل ميكانيكى للبيتلز من واقع التجربه افيدونا

[ahit]

انا بصراحة خايف اروحله يقلبلي العربية توك توك لانه من طرف حماتي هي اللي قايلالي عليه
بس باين عليه جامد عديت عليه من يومين لقيت عربيتين فاكك مواتيرهم

هههههههههههههههههههههههههههههههههههههه
و الله إنت راجل عسل
بس لو مراتك بتركب معاك روحله و ماتخفش لأن أكيد حماتك هاتخاف على مراتك
لكن لو عربيتك مش عاجبه مراتك أوعى تعدى من هناك تانى !!!!!!!
هههههههههههههههههههه

[ramremo]

انا بقى الميكانيكى بتاعى اسمه الاسطى عبد الناصر وبيشتغل معاه ابنه البشمهندس سعد وبصراحه - بسم الله ما شاء الله - راجل محترم وامين هو وابنه وبيراعوا ربنا فى تعاملهم مع الناس واسعارهم كويسه جدا وعنوانهم 6 اكتوبر الحى 11 و تليفون الاسطى عبد الناصر - 0101036791

[sakr84]

انا اتصلت بالحاج محمد على على الموبيل اللى موجود على المنتدى علشان اعرف اذا كان فاتح يوم الجمعه قالى انا فاتح وتعالى بعد الصلاه علشان عايز اعمل طقم سرفيس على العربيه لانها ملخبطه معايا اخر لخبطه وبصراحه لاقيته راجل زوق جدا جدا وان شاء الله لما اروحله يوم الجمعه هقولكم عملت ايه بالظبط عنده

[El.Hossieny]

ان شاء الله انا واثق ان الموتور هيطلع من تحت ايه الحاج محمد علي جديد و ده لانه احسن واحد يعمل سرفيس للعربية و يظبط الكهرباء... و انا ان شاء ا لله رايح اعمل سرفيس يوم السبت ... و يا ريت تبقي تحكيلنا يا تامر باشا عملت ايه .. و ان شاء الله ربنا يوفقك

[sakr84]

ان شاء الله انا واثق ان الموتور هيطلع من تحت ايه الحاج محمد علي جديد و ده لانه احسن واحد يعمل سرفيس للعربية و يظبط الكهرباء... و انا ان شاء ا لله رايح اعمل سرفيس يوم السبت ... و يا ريت تبقي تحكيلنا يا تامر باشا عملت ايه .. و ان شاء الله ربنا يوفقك

استاذ حسينى لو سمحت انا كنت عايز اكلمك لو مفيهاش غلاسه ممكن تكتبلى موبايلك علشان عايز استفسر منك عن شوية حاجات بخصوص الاسعار قبل ما اروح للحاج محمد على علشان انا اول مره اروح لمكانيكى

[El.Hossieny]

بعتلك رقمي في رسالة خاصة ياباشا

[sakr84]

معلش يا جماعه اتأخرت فى الرد انا كنت قلتلكم انى هروح للحاج محمد على علشان اعمل سرفيس للعربيه وفعلا روحتله يوم الجمعه وكلمته على الموبيل لما وصلت وقالى ان ابنه عمرو هيكون موجود كمان شويه ولما وصل عمرو ابن الحاج محمد على قالى ايه مشكلتك قلتله ان العربيه مبتسحبش وصوت الموتور عالى ومليانه بلاوى لاقيته قام فك الكربيترير والبوجيهات وكل حاجه واشتغل فيها بينى وبينكم انا خفت منه قلت ده عيل وهيخرب الدنيا سألته عن ابوه قالى انه مش جاى المهم اشتغل فى العربيه من الساعه 3 العصر لغايه 7 وبعد ما خلص قالى دور ولف بالعربيه حسيت بصراحه انى راكب عربيه تانيه خالص بجد بسم الله ماشاء الله عليه ممتاز جدا وصنايعى فاهم كويس اوى اوى اوى وزوق جدا فى تعامله ورخيص جدا جدا فى مصنعيته وادانى حقى فى الوقت يعنى مكروتنيش علشان الناس اللى كانت مستنيه وانا عرفت انه بيعمل كده مع كل زباينه وبيدى كل واحد حقه وزياده وقابلت واحد مهندس ميكانيكا عنده اسمه محمد من مدينة نصر كان معاه برده عربيه بيغيرلها وش سلندر سألته عن عمرو قالى انا مبتعملش مع ورش غير ورشة الحاج محمد وابنه زيه والكلام ده من 8 سنين بجد وبما يرضى الله الناس دى كويسين جدا ومش ناوى اتعامل مع حد غيرهم وبالرغم من انى ساكن فى الهرم لكن المشوار يستاهل انى ارحله جسر السويس واى حد عايزنى اوصفله المكان بالظبط أو يسئلنى على اى حاجه يقولى بجد زى ما استفدت من المنتدى عايز افيد الناس

[ahmed2y]

مبروك يا باشا وكمان لما تشوف الحج محمد وتتعامل معاة كمان هتقول اية فعلا الواحد بيمشى من عندهم بيبقى حاسس انها عربية تانية

[beetleMOSH]

لا جدال ان الحاج محمد على و ابنه عمرو ما شاء الله عليهم ممتازين فى تصليح و تظبيط السيارات البيتلز فى كافه المشاكل و الاعطال باذن الله ... دة غير التعامل الكويس و الاخلاق و الضمير و مراعاه ربنا فى شغلهم ... و بجد هما لو مش اد المكانه اللى هما فيها دي مكناش اتكلمنا عنهم كدة ولا حتى رشحناهم للمكانه دى ... ربنا يرزقهم و يرزقنا بالرزق الحلال دايما يا رب

[ابوهاشم]

فعلا احسن مكان كنت بعمل سرفيس للعربيه
واحس ان العربيه ادائها كله اتحسن
عند الحاج محمد ربنا يباركله ويديله الصحه

[kempel]

اهم حاجة ياجماعة تبعدوا عن الصنايعية الاى كلام واللى بيعملوا مصالح من وراء الزبون وبيسرقوه وكمان مابيبقوش فاهمين فى العربية زى محمد الفار ميكانيكى فولكس فى مدينة نصر من اسوأ ميكانيكية الفولكس اللى شوفتهم فى حياتى غير انه مش فاهم كما ممكن يسرق الزبون بدون ما يعرف وكانت لى معه تجربة سيئة ذكرتها فى موضوع اسوا ميكانيكة الفولكس

[sakr84]

بصوا يا جماعه انا فعلا عملت سرفيس للعربيه عند ورشة الحاج محمد على بس فى ملاحظه هامه جدا ان الحاج محمد مبقاش موجود معظم الوقت وابنه عمرو بس اللى شغال هو فعلا بيعمل سرفيس ممتاز وده مفيهوش جدال بس المكينيكا مش سرفيس وتظبيط كهربا وبس وهقول على تجربه شخصيه انا ساكن فى الهرم وعملت سرفيس وعمرو هو اللى عمله والحمد لله كان ممتاز بس بعد فتره سمعت صوت تخبيط ما بين النقلات ومكنتش عارف ده صوت ايه وكنت بصراحه مكسل اروح جسر السويس للحاج محمد على وكمان كنت خايف ان ابنه ميعرفش ده صوت ايه المهم كلمت استاذ احمد حسن حبيب قلبى اللى نصحنى وقالى الاقرب ليك الاسطى عاطف عبده فرج اللى فى اثر النبى جمب جراج الاوتوبيسات وفعلا رحتله وركب العربيه وانا كنت جمبه وروحنا على اول الشارع اللى كان فيه الورشه ولاقيته وقف وقام فتح عند الموتور ومنغير ما يلف ويدور حولين نفسه اكتشف من مجرد سماعه الصوت ان ده من العمه وقام ظبطها وقفل وقالى سوق الموضوع ده حاجه بسيطه بس اللى عجبنى فى الراجل ده انه من مجرد الصوت عرف العيب فين يعنى ده بيفهم كويس ومعكش الدنيا وقعد يجرب وبصراحه حسيت انه فاهم بس انا ناوى لو فى اى حاجه هروحله لانه اقرب ليا بس السرفيس العادى هبقى اروح لعمرو ابن الحاج محمد على

[ابوهاشم]

على فكره ياتامر باشا
عاطف بيعمل سرفيس كويس برضه للعربيه
ومن افضل الميكانيكيه اللى اتعاملت معاهم
هو كان عملى شوية شغل فى عربيتى
من ابرزاللى عمله عندى انه علالى العربيه
من قدام بطريقه مختلفه عن باقى الميكانيكيه
وده كان اول تعامل معاه
وبصراحه ميزته انه بيتعامل معاك دوغرى
من غير لف ودوران وطبعا فاهم جدا فى شغله
والمهنه عنده وراثه لانه ابن المرحوم عبده فرج
من اساتذة ميكانيكية الفولكس

[ايمن محمود محمد ابراهيم]

الأسطى مديح شارع سنان الزيتون

[samirsaid1]

أنا كمان كلمت الاستاذ / أحمد حسن وبصراحة طلع راجل محترم جدا جدا ونصحنى بالذهاب للاسطى عاطف بجوار جراج أثر النبى وبصراحه كان عندى مشكلة فى تسريب الزيت على الموتور وبصراحة اول مافتح الموتور عرف إن العيب من جلبة السربنتينة فراج مغير ها وغيرلى طقم كهرباء والعربية ماشاء اللة تمام
هو بس أنا عوز أظبط العفشة لأن فية رجة فى العربية وفية جنب واطى جدا بس مش عارف أروح لمين ولا أروح لعاطف ياريت لو فية حد ظبط عفشة يقولة عند مين
وشكرا جزيلا للأستاذ أحمد حسن وربنا يباركلة