افضل ميكانيكى للبيتلز من واقع التجربه افيدونا

[timonet2020]

ربنا يعينك ياتامر باشا
من كلامك طبعا واضح انك مش راضى عن التعامل مع عمرو زكريا

شكرا يا هاشم و شكرا ليكم كلكم
لو عايزين تعرفوا انا عملت ايه مع عمرو زكريا بصوا على اللينك ده

http://www.nilemotors.net/Nile/showthread.php?t=73512

و عالعموم انا خلصت سمكرة و هبقى احكيلكوا عالباقى اول باول و ربنا يحفظنا جميعا

[pharos]

هل جربت فى الأسكندرية
حسن فولكس فى أرض الأمريكان بسيدى بشر مثفرع من طريق جمال عبد الناصر
تليفونة: 0124503660

[hossam2222]

[frame="1 80"]
[frame="8 80"]
[frame="1 80"]
مساء الخير على جميع الاعضاء فى مكانيكى محترم جدا اسمه احمد عبد الحميد (حلاوة) شغال فى الشركه الفولكس وشاطر جدااااااااااااااااوالله دى شهاده حق بقالى سنتين بتعمال معاه وده عنوانه شارع الشركات خلف المطافى محطه الويلى وده تليفونه 0101736043
[/frame][/frame][/frame]

[أحمد سالم]

شباب البيتلز راحو فين

[solmking]

طبعا الباش مهندس سيد جولف عبقري الفولكس و الاودي و السيات و الإسكودة

0103326060

[fantomvw]

ياجماعه انا حبيت افيدكوم
فى سمكرى شاب محترم محترم جدا و ان باتعامل معاه من زمان اسمه احمد انور و هوا بيشتغل فى البيتل من زمان و حافظها و شغله ممتاز وممكن كمان يعمل اى شغل يطلب منوا او يرجع العربيه فابريكه ومكان الورشه ف شارع كمال حجاب خلف حديقة بدر بجسر السويس قصاد اسامه العسكرى بتاع المسامير وكمان اسعاره حنينه ......و دى نمرتوا 0126217779

[ابوهاشم]

حد عارف مكان فيه جنوط سبور مستعملة او استيراد بسعر مهاود ؟؟؟

فى واحد موجود فى عمارات صقر قريش قبل المعادى
خلف وحدة مرور البساتين وهو بيبع استيراد واستعمال
بحاله كويسه بس مش عارف اذا كان عنده جنوط تناسب البيتلز

[ابوهاشم]

ياجماعه انا حبيت افيدكوم
فى سمكرى شاب محترم محترم جدا و ان باتعامل معاه من زمان اسمه احمد انور و هوا بيشتغل فى البيتل من زمان و حافظها و شغله ممتاز وممكن كمان يعمل اى شغل يطلب منوا او يرجع العربيه فابريكه ومكان الورشه ف شارع كمال حجاب خلف حديقة بدر بجسر السويس قصاد اسامه العسكرى بتاع المسامير وكمان اسعاره حنينه ......و دى نمرتوا 0126217779

الف شكر على المعلومه دى
واحنا محتاجين نعرف كل اماكن الصنايعيه اللى بيشتغلو
فى البيتلز

وان شاء الله هنجرب شغله

[jackal_sheriff]

السلام عليكم يا جماعة البيتلز
موضوع هام و ارجو الافادة
انا عندي بيتلز للبيع و كنت عملت اعلان في المنتدى في صفحة البيع و الشراء بس طبعا عشان مفيش الا اصحاب البيتلز بس هما اللي بيقدروها محدش رد عليا
انتوا اكيد مهتمين بالعربية دي و عارفين ناس بتحبها و عايزين يشتروها
انا هاعما copy and paste للاعلان مرة تانية هنا
يا ريت حد يفدني بشىء افادكم الله





السلام عليكم و رحمه الله و بركاته
لو سمحت يا جماعه عايز ابيع سيارتي ال VW Beetle
العربية الماني موديل 1968 (1300)-1200 سي سي معدلة للسبعينيات
لونها سماوى ميتاليك و بها فتحة سقف الماني اصلي
الكاوتش GT اندونيسي جديد لنج
بها كاسيت سي دي clarion اندونيسي و سماعات symphoney جديدة
العربية متغير فرشها بالكامل (كراسي جلد-موكيت-سقف)
الموتور كفاءته 75-80 %
المساعدين الخلفيين تم تغيرهم و العربية مش محتاجة مصاريف خالص
نيجي بءة للمهم انت عايز تبيع ليه لما العربية مفهاش حاجه؟؟؟؟؟؟؟
اقولك عشان انا محتاج فلوس عشان اتجوززززززززززززززززززززززززززززز
اللي هايجبلي مشتري ليه الحلاوة و طبعا الحلاوة دية مش اكتر من 2 %
عشان محدش يسرح بخياله و يفكر كتير
ياريت يا جماعة تتعاونوا معايا و لكم جزيل الشكر

[ابوهاشم]

ربنا يحسنلك بيعها ويعوضك بأحسن منها
والف مبروك مقدما للزواج

[shreef79]

ياااااااا رااجل حد يبيع عربيته عشان يتجوز
يا ناس يا متجوزين حد يقولو

[ابوهاشم]

حبيت اضيف هنا ميكانيكى للبيتلز
اتعاملت مع من فتره قريبه وبصراحه لقيته اكثر من ممتاز
وفاهم جدا فى البيتلز وده لانه واخدها وراثه
هو عاطف عبده فرج اخو جمال فرج بس مختلف عنه تمام للاحسن طبعا
وهو ورشته عند موقف اثر النبى بجوار باب الجراج اللى هناك
وانا بصراحه اتعاملت معاه فى شغل العفشه وعليت العربيه
وعملت سرفيس كامل وعجبنى شغله مبدئيا
ومعاه صنايعيه فاهمين كمان وماشاء الله عنده عربيات كتير باستمرار

[kharboush]

طيب و أخبار الميكانيكية و السمكرية فى المعادى أو حولها ايه و ياريت كمان كهربائى ... أنا أصلى لسة جايب بيتلز 1300 و مروحتلش غير لميكانيكى واحد و مش عارف اذا كان كويس ولا لأ اسمه سعيد فى حدايق المعادى شارع حسنين الدسوقى

[ابوهاشم]

طيب و أخبار الميكانيكية و السمكرية فى المعادى أو حولها ايه و ياريت كمان كهربائى ... أنا أصلى لسة جايب بيتلز 1300 و مروحتلش غير لميكانيكى واحد و مش عارف اذا كان كويس ولا لأ اسمه سعيد فى حدايق المعادى شارع حسنين الدسوقى

كمل شارع احمد ذكى كله واطلع على اثر النبى اللى عند محطة مترو الزهراء
وقدام جراج اثر النبى هتلاقى عاطف عبده فرج
ده ميكانيكى كويس جدا ومش طماع
بالنسبه للكهربائى فى برضه فى شارع احمد ذكى عند الكوبرى الاسود بعد البنزينه
شارع جانبى وتحديدا اما حديقة الطفل
واحد اسمه جوده كهربائى ممتاز

[أحمد سالم]

حد عنده فكرة عن ميكانيكى بيتلز فى مصر الجديده اسمه مديح؟؟
لان اخونا عمر بقاله فتره بيتعامل معاه وحاليا العربيه بتنش معاه
وكان رئى مديح ان الموتور عايز عمره
عمرى ماشفت عربيه محتاجه عمرة لمجرد انها بتنتش
انا نصحت عمر انه يعرضها على الحاج محمد على ويشوف رئيه
هو تقريبا من ساعة ماغير الحاج محمد على والعربيه مش مريحاه