ايه رئيكم نبدء دورة صيانة الفولكس البيتلز

[El.Hossieny]

هو اكيد مجهود رائع .... بس ممكن يا ابو حميد تترجملنا اي حاجة

او تشرح لينا الرسم بالكلام

[ahit]

السلام عليكم و رحمة الله و بركاته

مجهود كبير من أستاذ أكبر
شكراً على التوضيحات الجامدة و عاوزين أكتر يا باشا
و بجد كنت واحشنا كتير

شكراَ

[أحمد سالم]

البوجيهات مرأة المحرك تركيبها ووظيفتها ومؤشراتها عن حالة الماتور

السلام عليكم
هنتكلم عن جزء هام جدا فى الماتور ويعتبر من اهم الاجزاء التى تحدد لنا حالة الماتور وده بنعرفه من لون البوجيه وشكله لما نيجى نغيره
اولا شرح تشريحى للبوجيه او شمعة الاشتعال

شمعة الاشعال أو شمعة الشرر Spark Plug.. هي ما يطلق عليها في الوسط المهني بين العامة ب'البوجيه' او البوجى فى الخليج ,وتستخدم شمعة الإشعال في غالبية آلات الاحتراق الداخلي* ماعدا محركات الديزل
ووظيفتها هى توفير الشرارة ذات الجهد الكهربائي المرتفع واللازم لاشعال خليط الوقود والهواء داخل غرفة الاشتعال.
انواعها (2 شمعة* 3 شمعة* 4 شمعة)
خصائص شمعات الاحتراق المناسبة لسيارتك
وعلي كل شمعة اشعال يكتب عليها حروف وأرقام تدل علي خصائصها فمثلا:
W16EXR-U11
W= حجم القلاووظ وحجم السداسي المشكل بها (حسب الجدول)
16= معدل درجة حرارة التشغيل (درجة مئوية).
E= طول قلاووظ الشمعة
X= يختص ببعض التصميمات الخاصة بشمعة الاشعال
R= يدل علي أن شمعة الاشعال تحتوي علي مقاومة داخلية
U= يدل علي أن شمعة الاشعال تأخذ شكل وهيئة خاصة
11= ثغرة (فتحة) شمعة الاشعال (مم).. وهنا تكون (1.1مم)
طبعا هناك مواقع خاصه بالبوجيهات
تعطيها نوع سيارتك وتاريخ تصنيعها وسعة المحرك
وهو يحدد لك نوع البوجيه المناسب لسيارتك
بعد ماعرفنا انواع واشكال البوجيهات
هنحاول نحدد عيوب محرك السياره من شكل البوجيه لما نفكه عند التغيير
يفضل فى انواع البوجيهات العادية الرخيصه ان يتم تغيرها عند 5000 كيلو وهناك انواع جيده تستمر الى 15000 الى 20000 كيلو وهناك نوع ذو رأس بلاتينى يتغير عند 100000 كيلو لاكنه غالى الثمن
ولازم علشان نعرف وظيفة البوجيهات نعرف مامعنى كلمة اشواط المحرك لان منهم شوط الاحتراق الذى يستخدم فيه البوجيه
والصورة القادمه تبين ذلك


نرى في الشكل السابق الجزء الأساسي من المحرك والذي يسمى المكبس Piston وهو الجزء المماثل للمدفع في المثال السابق. يتصل المكبس بعامود الحركة crank shaft الرمز P في الشكل التوضيحي. وبدوران عامود الحركة يمكن إعادة المكبس إلى وضعه الابتدائية كما ويعمل هذا الجزء على تحويل الحركة الرأسية للمكبس إلى حركة دائرية.


وصف الدورة الكاملة لمحرك السيارة

(1) شوط الأخذ: يبدأ المكبس عمله في الحركة من أعلى موضع له ليتحرك إلى الأسفل حيث يكون صمام الإدخال مفتوح ليدخل خليط من الوقود والهواء إلى داخل اسطوانة الاحتراق. وتكون نسبة الوقود صغيرة بالنسبة للهواء ولكن كافية لإحداث الاحتراق. وهذا الشوط موضح في الفترة المحددة باللون الأصفر.

(2) شوط الانضغاط: يغلق صمام الأخذ عندما يبدأ المكبس في الحركة للأعلى ليضغط خليط الوقود والهواء وترتفع درجة حرارته تدريجياً ليساعد على رفع كفاءة الاحتراق. وهذا الشوط موضح في الشكل الجانبي باللون البنفسجي.

(3) شوط الاحتراق: في اللحظة التي يصل إليه المكبس إلى أعلى ارتفاع له يصبح الخليط عند ضغط عالي تنطلق شرارة كهربية لينتج عنها احتراق (انفجار) للوقود المكون للخليط فترتفع كلا من درجة الحرارة والضغط ارتفاعاً هائلاً لتدفع المكبس بقوة للأسفل. وهذا الشوط موضح في الشكل الجانبي باللون البرتقالي.

(4) شوط العادم: عندما يصل المكبس في حركته للاسفل إلى ادنى قيمة له يفتح صمام العادم لتخرج نواتج الاحتراق من المكبس ومنه إلى العادم خارج السيارة ويرتفع المكبس نتيجة لدوران ناقل الحركة إلى الاعلى طاردا ما تبقى من نواتج الاحتراق ليبدأ دورة جديدة بسحب كمية جديدة من الهواء والوقود. وهذا الشوط موضح في الشكل الجانبي باللون الاخضر.

مرة اخرى لا حظ ان حركة المكبس كانت دائما حركة رأسية للأعلى وللأسفل ولكن هذه الحركة تتحول بواسطة الجزء المغمور في الزيت (لتقليل الاحتكاك) من حركة رأسية إلى حركة دائرية ليأخذها عمود ناقل الحركة crank shaft ليدير عجلات السيارة والتي ستحرك السيارة للأمام أو للخلف.

شكل محرك البيتلز وطريقة عمله كما فى الصورة القادمه

البوجيه
Spark plug وهي التي تولد الشرارة الكهربية في لحظة انضغاط الخليط لتحدث الاحتراق وللعلم في محركات الديزل لا توجد هذه القطعة حيث يحترق الوقود نتيجة لارتفاع حرارته.

الصمامات Valves
لكل اسطوانة صمامين واحد لادخال الوقود والهواء والثاني لاخراج ناتج الاحتراق وكلاهما يفتحا ويغلقا حسب الشوط ولكن في حالة شوط الانضغاط يغلغا تماما.

المكبس Piston

وهو قطعة من الصلب تتحرك للأعلى والاسفل داخل الاسطوانة.

حلقات المكبس
Piston rings توجد حلقات المكبس بين الجزء الخارجي للمكبس والجزء الداخلى للاسطوانة لتسمح بحركة المكبس دون السماح لتسرب خليط الوقود والهواء أو ناتج الاحتراق من التسرب كذلك تمنع من تسرب الزيت إلى داخل الاسطوانة. وعادة ما يحتاج المحرك إلى تغيير هذه الحلقات إذا لوحظ نقصان متكرر في معدل الزيت لانه يكون قد تسرب إلى داخل الاسطوانة.

غرفة الاحتراق
Combustion chamber

وهي المساحة التي يحدث فيها الانضغاط والاحتراق وكما لاحظنا فهي تتغير بين قيمة صغرى (عند الانضغاط) وقيمة عظمى (عند سحب الخليط). إن الفرق بين القيمة العظمى والقيمة الصغرى تسمى الاازاحة Displacement وتقاس بوحدة الليتر أو السنتمتر المكعب (1000 سنتمتر مكعب تعادل لتر). فإذا كان المحرك يحتوي اربعة اسطوانات بحيث أن كل اسطوانة تعمل ازاحة نصف لتر يكون سعة المحرك 2 لتر، أما اذا كان عد الاسطوانات 6 على شكل حرف V فإن سعة المحرك في هذه الحالة تكون 3 لتر وتكتب "3.0 liter V-6."
بصفة عامة سعة المحرك يعطى معلومات عن قوة المحرك. فمحرك يعمل ازاحة بمقدار نصف ليتر يستهلك وقود ضعف ما يستهلكه اسطوانة تعمل ازاحة مقدارها ربع ليتر وهذا يعني ان قوة المحرك ذو السعة الاكبر تكون اعلى من المحرك ذو السعة الاقل.
يمكن زيادة ازاحة المحرك أما بزيادة عدد الاسطوانات أو بزيادة حجم الاسطوانة نفسها أو زيادة الاثنين معاً.

عمود التوصيل
Connecting rod وهو العمود الذي يوصل المكبس مع عمود ناقل الحركة Crank shaft والذي يجعله يدور في حركة دائرية

Crank shaft
وهو الذي يعمل على تحريك المكبس للأعلى وللأسفل.

وعاء الزيت Sump
وهو وعاء يحتفظ بالزيت ليغمر عمود ناقل الحركة Crank shaft.


سبب عدم عمل المحرك
في حالة عدم قبول محرك السيارة من العمل فإن هذا يعود إلى خلل ما وحيث أنك اصبحت على دراية بفكرة عمل المحرك فإن العديد من الاسباب يمكن ان تسبب في عدم تشغيل المحرك ولكن هناك ثلاثة اسباب رئيسية نذكرها على النحو التالي:

خلل في خليط الوقود والهواء:
وهذا يعود لاحد الاسباب التالية:

نقص كمية الوقود اللازم لتشغيل المحرك فيدخل الهواء بدون الوقود فلايحدث الاحتراق.

انسداد في منفذ الهواء فيدخل الوقود بدون كمية هواء كافية فلا يعمل المحرك.

كمية الوقود اما تكون اكثر أو اقل من اللازم فيحدث خلل في الاحتراق الناتج.

وجود شوائب في الوقود مثل بعض الماء الذي سيمنع الوقود من الاحتراق.
ضعف في شوط الانضغاط

تسرب الشرارة الكهربية
خلل يصيب مولد الشرارة (spark) نتيجة لكسر في احد طرفيه أو ان توقيت الشرارة يحدث في غير الوقت المطلوب
توزيع الشرارة الكهربية

يوضح الشكل المقابل الدائرة الكهربية المسؤولة عن توزيع شرارة الاحتراق. لا حظ دور الدتربيوتر distributor (باللون الاحمر) في توزيع الكهرباء على الـ Spark. حيث أنه موصل في مصدر فرق الجهد العالي عند المنتصف ويخرج منه اربعة توصيلات لكل اسطوانة بحيث تحصل كل اسطوانة على الكهرباء في الوقت المناسب

بعد ماعرفنا تكوين ووظيفة البوجيه
دلوقتى عايزين نعرف نفهم ايه من شكل ولون البوجيه لما نفكة من المحرك
1- لون البوجيه اسود ولا يوجد عليه اى ترشيح زيت ولا تأكل وهذه الصوره تبين الشكل هذا يبين لنا ان شوط الاحتراق او شوط الشرارة مظبوط والتاكيهات مظبوطه ولا يوجد اى مشاكل

2- تأكل فى فحمة البوجيه وده بيبين ان البوجيه مستخدم لفترة طويله جدا وهذا دائما مايتسبب فى صعوبة تشغيل المحرك

3- الشكل القادم يبين ان البوجيه بيخبط فى حاجه فى غرفة الاحتراق وممكن يكون طويل وغير مناسب للمحرك

4- الشكل القادم يبين انكسار فى السيراميك المغلف للبوجيه ولو حصل كده لازم نتوقف فورا عن ادارة المحرك حتى نعرف السبب ودائما مايكون السبب سخونه عااليه جدا داخل غرفة الاحتراق وعادة مايكون بسبب استعمال بنزين غير مناسب للماتور زى بنزين 95 ويكون المحرك غير مناسب لهذا البنزين

5- الحالة القادمة هى من اخطر الحالات لان المحرك سينتهى عمره قريبا لو اسمرت هذه المشكله
وهى ان راس البوجيه يكون عليه كربون ابيض وتاكل فى الجزء المعدنى العلوى
والاسباب اولا ممكن يكون البنزين المستخدم سيء جدا او عليه شوائب كتير او عليه مياه مثلا او سولار وطبعا ده معناه ان البوجيه بيسخن جدا برده وبيدى الشرارة الكهربائيه فى غير توقيتها وممكن يكون الهوا فى الكربرتير مش مظبوط وغاليا مايكون زايد عن اللزوم وممكن يكون زيت الماتور ناقص جدا

6- الشكل القادم بيبين ان فى طبقة لونها بنى لاكن فاتح اتشكلت على راس البوجيه وهى هتمنع انبعاث الشراره لانها هتعمل عازل وده بيبين ان نسبة البنزين اللى بتدخل لغرفة الاحتراق زياده عن المطلوب والعيب ده يحتاج ظبط كربرتير العربيه

7- الشكل القادم معناه ان فى انسداد فى الكربرتير وعدم انتظام مرور البنزين لاكن هناك مؤشر اخر لازم يكون مع السلانسيه او التزويد المفاجء فى دخان اسود بيطلع من الشكمان اما لو الدخان ازرق فاتح فمعناه ان فى مشكله فى شنابر البساتم بمعنى ان الشنبر غير محكم وزيت الماتور بيدخل غرفة الاحتراق

8- الشكل القادم بيبين ان لازم نغير فلتر الهواء فى العربيه لانه متسخ جدا ويتسبب فى دخول الشوائب الى غرفة الاحتراق

9- الشكل القادم اسبابة قريبه من السبب السابق مع زياده ان ممكن يكون الهواء اللى داخل من الكربرتير قليل جدا او فلتر الهواء متسخ وده لازم من تغيير الفلتر واعادة ظبط مسامير الكربرتير الخاصة بالهواء والبنزين ولو العيب ده موجود فى البوجيه لازم يكون فى معاه ايضا عادم اسود اللون فى الشكمان

[أحمد سالم]

طبعا شركة فولكس فاجن بتنصح مستخدمين سياراتها بنوع مضمون من البوجيهات وهو ngk

وكمان بتنصح بتغيير اسلاك البوجيهات والموبينه والابلاتين والكوندنسر كل فتره حتى تحافظ على المحرك بحالة جيده

[BEBO]

موضوع رائع يااستاذ احمد وربنا يباركلنا فيك و فى مواضيعك المفيده دائما

[أحمد سالم]

الاخ الفاضل tashash
انت تأمر بس انا شايف ان الرسم واضح جدا
الجزء الاحمر هو اماكن مرور الزيت ومكتوب درجات حرارة الزيت وهو فى كل مكان تقريبا
اما كلمة oil cooler فهى مايسمى ب سربنتينة الزيت ودى تقريبا بتقوم بدور الريداتير وهى داخل العلبة الصاج اللى فى الماتور الكبيره وتعتبر خلف الدينامو من الداخل
وكلمة crank shaft هى الكرنك وباقى الدائرة واضحه زى البساتم وكنترول الزيت اللى متوصل عندك بلمبة الزيت
ارجو انى اكون وضحت لك
وشكرا لمرورك الكريم

[ahit]

السلام عليكم و رحمة الله و بركاته

و الله ما شاء الله عليك و ربنا يحفظك
إيه الكلام و الشغل الجامد دا - فينك يا أحمد باشا من زمان
و الله واحشانا مواضيعك و إضافاتك المبهرة و المفيدة
موضوع و كلام مميز و مفيد جداً جداً ولازم كلنا ناخد بالنا منه لضمان سلامة المحرك

[أحمد سالم]

موضوع رائع يااستاذ احمد وربنا يباركلنا فيك و فى مواضيعك المفيده دائما

شكرا لذوقك يااخ بيبو

[RAAFAT10]

لك جزيل الشكر يا أستاذ أحمد على مجهودك الرائع ولى سؤال وهو أنى لاحظت عندى أن فية 2 بوجية بيقطعوا كل فترة 10 أيام تقريبا
وكنت فى بعض الأحيان أفكة وأنضفة وأركبة يشتغل وقت قليل ويقطع تانى وبيكون فية أثر زيت على البوجية فهل الزيت فقط نتيجة تلف الشنابر فقط أم يكون سببة تكونة هو تلف البوجية وردائة نوعة وتوقفة عن العمل أثناء التشغيل وهل هناك طريقة يمكن معرفة صلاحية البوجية خارج الماتور أم لا
ولك منى جزيل الشكر والتقدير

[أحمد سالم]

السلام عليكم اخ Raafat10
طبعا شرفنى جدا وجودك فى مشاركاتى ويشرفنى اكثر انك تسالنى وتستفسر منى
اول اهلا بيك
وثانيا بالنسبة للبوجيهات اللى بتقطع وبتبقى عليها اثار زيت اخر عيب ممكن تتوقعه ان يكون المشكله فى الشنبر لان لو فى مشكله فى الشنبر اكيد هتبقى عارف لان اكيد العربيه هتبقى بتاكل زيت بعنى ان زيت الماتور بينقص بصورة واضحه وثانيا لما الزيت بينقص يعنى بيدخل غرفة الاحتراق وده هيخلى فى دخان ازرق يطلع من الشكمان
يعنى لو ماعندكش دخن ازرق وزيت الماتور مش بينقص ده معناه ان الشنبر كويس وفى كمان اختابر تانى بنعمله علشان نتأكد من سلامة الشنبر وهو قياس كبس البساتم وده بيكون فى البنزينات وطريقة قياس الكبس فى الموقع الخاص بالبيتلز هى اننا نفك بوجيه رقم 1 مثلا ونحط مكان البوجيه عداد له مؤشر يشبه العداد اللى موجود فى الكمبروسر عند بتوع الكاوتش هو عداد بيقيس الكبس بالبار
وبيبقى باقى البوجيهات راكبين عادى وبندور العربيه من ومن العداد بنعرف قوة الكبس ونحدد عمر الشنبر وقوة واداء الماتور انا ان شاء الله هرفق لك صور توضيحيه عن قريب
وبعد بوجيه واحد بنركب البوجيه ونفك رقم 2 وهكذا
انا راى انك تنظف الكربرتير وتشوف البيكات لو فى بيك عايز يتغير غيره وتظبط مسامير الهوا والبنزين
وتكسف على فلتر الهوا وفلتر البنزين والاهم انك تعمل ظبط للتاكيهات لان التاكيهات هى بوابات دخول وخروج البنزين والهواء وخروج العادم
وليها توقيتات فى الفتح والقفل لازم تكون مناسبه لتوقيت اشتعال البوجيه وفى بداية الموضوع فى طريقة ظبط التاكيهات العدد المطلوبه ومقاس البوابات
ان شاء الله اكون قدرت افيدك

[أحمد سالم]

دينامو البيتلز والبطاريه وقياس الفولت فى العربيه

السلام عليكم
اولا ده شكل الدينامو ذو الكتاوت الخارجى والكتاوت هو منظم الكهرباء

القيم الخاصه به كلاتى
الكهرباء الخارجه من الدينامو تقريبا 45 فولت كهرباء غير منتظمه
عدد لفاته للحصول على اقصى شحنه كهربائيه من 2000 الى 3000 rpms او لفه
الكهربا اللى طالعه من الدينامو بتدخل اولا للكتاوت بطلع من الكتاوت تتراوح مابين 13.5 الى 14.2 كهرباء منتظمه لاستخدامها فى الاناره وتشغيل الكاسيت وخلافه طبعا انا اخترت الشكل ده من الدينامو لانه الاكثر استخداما فى البيتلز
لاكن يوجد نوع اخر منه اسمه اكتو فير او بمعنى اخر دينامو بكتاوت داخلى وهو لايختلف كثيرا عن هذا الشكل تقريبا لاكنه يختلف فى الاسلاك الخارجه منه وهو كما سمعت افضل من العادى ومشاكله اقل لاكن ميزه العادى انه سهل التصليح طبعا الصيانه الوحيده اللى بتتعمل للدينامو هو تغيير الشربون كل فتره لاكن الفتره دى ممكن تكون سنين والشربون تقريبا ب 3 الى 4 جنيه
ارجو من الاخوه الاعضاء يقولولنا عن تجاربهم فى تصليح الدينامو او شرأه

[original]

موضوع هايل

[أحمد سالم]

طريقة للمحافظة على عدم تسرب الكهرباء من المولد الصورة القدامه توضح

[أحمد سالم]

رسم توضيحى للدينامو والمارش والموبينه والاسبرتير

[أحمد سالم]

مختصر مخطط الكهرباء فى البيتلز الخاص بدائرة الشحن