عشاق و ملاك البيتلز بالمنتدى

[ahit]

كل سنة و انتو كلكم طيبين و بأتم صحة و عافية

انا حبيت بس اصبح و أعيد عليكم و يا رب دايما يجمع بينا بكل خير

و حبيت اوريكم صورة عربيتي اصيلة ( بعد ما استحمت حماية العيد )

و الصورة دي النهارة الساعة 8 و نص الصبح

السلام عليكم و رحمة الله و بركاته

كل عام و أنت بخير جميعاً و لعشاق البيتلز خاصة

جميلة يا بو حميد ما شاء الله ربنا يباركلك فيها
و انت دايماً بتفتح مواضيع حلوة و تخلى الواحد يطلع اللى عنده
و الله العربيات دى بيبان فيها النظافة و الترويش ( ههههههههه )

أنا عربيتى موكيت إسود من جوه و كل أسبوع تقريباً بروش البطة المستريحة بتاعتى عند البيت و فى ساعة روقان كدا و المزاج يكون عالى و أبدء الشغل الصح
1- بالبلاور بتاع الهوا و أنظف جوا العربية و الاعتاب و الماتور و بعدين ألبس الإسبراتير و الدينامو كيس بلاستيك عشان ما يجيش عليهم ميه
2- بالمكنسة الكهربائية و أشفط التراب و الموكيت و التابلوه
3- أغسل العربية كويس بخرطوم الميه عشان أنزل التراب و البوية ماتجرحش و كمان تحت الرفارف
4- أجيب كيسين شامبو ( أبو خمسين قرش و هو أفضل من أى مسحوق عشان البوية و اللون ما يتأثروش ) و أفضيهم فى الجردل و أملى ثلثين الجردل ميه و بفوطة نظيفة أو سفنجة أبدأ أغسلها كويس كلها و ألمع العربية و الفرش و الموكيت من جوا
5- بفرشة البلاط أبدأ أغسل الكاوتش كويس بالميه بالشامبو اللى فاضلة
6- أستنى دقايق بسيطة و أبدأ أشطفها بالمية و بعدين أجيب فوطة نظيفة و أبدأ أنشف كويس و خاصة تحت العتب و الأبواب عشان البارومة
7- و أستنى شوية لغاية ما العربية تتشمع و تنشف كويس أوى و بعدين أجيب فوطة تانية ناشفة خالص ( مش مبلولة ) و أبدأ فى تلميع الأزاز تانى من برا و من جوا و كمان النواكل و الإكصدام عشان يلمعو كويس
8- أمشى بالعربية شوية كشان الأماكن اللى فيها ميه و مش طايلها تنشف مع الهوا

*طبعاً بعد الموضوع دا ببقا فى منتهى الفرح و السعادة عشان بلاقى بطتى نظيفة و بتبرق ما شاء الله , و بنام قتيل بعد المجهود اللى عاملته

*و كمان تنظيف العربية بنفسك أحسن 100 مرة من أى بنزينة و كروته العمال اللى فى البنزينة و أئمن كمان و كمان فى علاقة قوية بتنشأ بينك و بن عربيتك و جرب و قولى :k10:

معلش طولت عليكم
و شكراً

[ahit]

السلام عليكم و رحمة الله و بركاته

دى معلومة قريتها دلوقتى فى المنتدى بخصوص زيت الشمبر و حبيت أحطهالكو عشان تستفيدو معايا , و هى كانت رد من الأستاذ سبعاوى على موضوع زيت الشمبر:

زيت الشمبر هو عبارة عن مكون بترولى عالى الللزوجة ولا تتأثر لزوجته بدرجات الحرارة العالية

عندما يتم إضافته على الزيت العادى يرفع من لزوجته لدرجة كبيرة مما يجعله مناسبا لملئ خلوصات المحركات القديمة ومنع تسرب الزيت الى غرف الإحتراق وبالتالى الإحتراق والدختة ونقصان الزيت

زيت الشمبر مفيد جدا للمحركات الخفيفة لأنه:

1- يمنع خروج دخنة زرقاء من الشكمان

2- يمنع نقصان الزيت او يحد منه

3- يحسن اداء المحرك الخفيف

4- يخفض من صوت المحرك

5- يطيل من فترة تشغيل المحرك قبل الإجتياج للعمرة بشرط استعماله مع كل غيار زيت

6- يطيل عمر الزيت فى المحرك الخفيف قبل الإحتياج لتغيير الزيت

عيبه انه بيخلى تدوير المحرك صعب جدا فى الشتاء بسبب لزوجته وبالتالى لازم يكون المارش فى حالة ممتازة، كما ان لابد من تسخين السيارة جيدا قبل الحركة لضمان ملئ كل الفراغات

العيب الآخر انك طالما استعملته مرة لازم تستعمله مع كل غيار زيت لحد لما تبقى تعمل عمرة لأن المحرك بياخد عليه

هام جدا جدا جدا: لا احد يستعمل زيت الشمبر غير مع المحركات الخفيفة فقط، أحذر تماما من وضعه فى محرك سليم

و دا رابط الموضوع

http://www.nilemotors.net/Nile/showthread.php?t=16882

[amrdessoky]

السلام عليكم يا تري حد عندة معلومات عن البيتلز برازيلي موديل 81 وهل هي احسن ولا الالماني سبعينات منتظر ردودكم وشكرا

[ahit]

السلام عليكم يا تري حد عندة معلومات عن البيتلز برازيلي موديل 81 وهل هي احسن ولا الالماني سبعينات منتظر ردودكم وشكرا

السلام عليكم و رحمة الله و بركاته

تم بيع خط إنتاج البيتلز الألمانى الشكل 1300 للبرازيل سنة 76 تقريباً و كذلك للمكسيك و أمريكا و جنوب أفريقيا بدأت انتاج فى الثمانينات

المهم إن البرازيلى زى الألمانى مع إختلاف بعض الأشياء زى :
1- صاج الألمانى أقوى من البرازيلى
2- كل موديلات البيتلز البرازيلى 1300 ( الشكل القديم ) و لا يوجد منها الشكل الحديث زى 1302 و 1303
3- الطابلوه الداخلى مختلف فى الشكل مع إختلاف شكل الطاره
4- كلها دنجل و لا يوجد منها عفشة ( سوست و مساعدين ) زى بعض موديلات اللمانى زى 1302 و 1303

* غالبية قطع الغيار الحالية الجديدة برازيلى
* يوجد برازيلى متركب لها مواتير ألمانى
* يوجد فى مصر بيتلز برازيلى حتى عام 1984
* البيتلز 1302 ألمانى فقط و انتاج عام 1971 و 1972 فقط
* البيتلز 1303 ألمانى فقط و انتاج من 1973 إلى 1976 فقط
* أى سيارة تقاس بالحالة و الموديل بمعنى لو سيارة ألمانى مثلاً موديل 70 بس حالة ممتازة بتكون أغلى من برازيلى كويسة جداً موديل ثمانينات و ذلك لأن الغالبية العظمى فى مصر تفضل الألمانى بسبب أنها ألمانى فقط و صاجها أقوى و لكن البرازيلى له رانج سعر و كذلك الألمانى الستينات و السبعينات ما عدا 1302 و 1303 لو حالتهم كويسة ليهم سوق و شريحة سعر مختلفة

و أرجو أكون أفدتك و أى إستفسار لا تتردد فى السؤال

و شكراً

[amrdessoky]

الف شكر لحضرتك
طيب معلش انا ليا سؤال تاني لو سمحتلي انا امامي سيارة برازيلي موديل 81 حالتها جيدة جدا و واحدة 1200 الماني موديل 76 بردة حالتها جيدة بس البرازيلي احسن شوية و الاثنيين تقريبا بسعر واحد اختار ايهما
شاكر افضالك واسف علي اضاعة وقتك

[ahit]

[3mr=backgrounds/16.gif]

الف شكر لحضرتك
طيب معلش انا ليا سؤال تاني لو سمحتلي انا امامي سيارة برازيلي موديل 81 حالتها جيدة جدا و واحدة 1200 الماني موديل 76 بردة حالتها جيدة بس البرازيلي احسن شوية و الاثنيين تقريبا بسعر واحد اختار ايهما
شاكر افضالك واسف علي اضاعة وقتك

السلام عليكم و رحمة الله و بركاته

لا شكر و لا حاجة كلنا إخوات فى المنتدى
و كان نفسى ناس كتير ترد على طلبك و يشاركونا برأيهم عشان بردو كلنا نستفيد

على العموم انت بتقول إن البرازيلى أحسن شوية بالتالى فهى أفضل , و يا ريت تركب العربيتين و تشوف بردو إنت مستريح نفسياً لأنهى عربية
كمان يا ريت تقولنا مواصفات و تفاصيل أكتر عن كل عربية و كمالياتها عشان نفيدك بصورة أكبر

المهم فى جميع الحالات تشوف ميكانيكى كويس و فاهم و خبرة و أمين يكشفلك على العربية قبل ما تشترى عشان الموضوع دا مهم جداً , و يكشفلك على حالة الموتور من فوق و تحت و الرقبة و الشنطة و السقف و العفشة بردو

و كلنا تحت أمرك فى أى إستفسار أو طلب و ربنا يوفقك إلى ما فيه الخير و ما تنساش صلاة الإستخارة فهى فى غاية الأهمية و هاتستفيد كتييييييرر

و شكراً[/3mr]

[amrdessoky]

شاكر افضالك وان شاء الله هبقي احكيلكوا عن السيارة الي هشتريها و اعتقد هتكون البرازيلي علشان اجدد شوية

[ahit]

السلام عليكم و رحمة الله و بركاته

إخوانى عشاق البيتلز

أنا كنت غيرت الزيت اللى بستخدمة من Shell X100 إلى زيت التعاون الأحمر و الكلام دا من 10 أيام تقريباً و العربية عملت من ساعتها 450 كيلو تقريباً و لاكنى لاحظت إن زيت التعاون الأحمر سريع البخر جداً و كنت كل يوم ببص على العربية من تحت بلاقى ماسورة الفايظ بتنقط بسيط مع إنى كنت ظابط كويس جداً مقاس الزيت و كمان الحمد لله بعد ما غسلت الماتور من فوق و تحت كويس جداً مش بلاقى زيت إلا من الماسورة دى , و بعد السؤال و التفحيص عرفت إن فيه أنواع زيوت بتكون كويسة و تقيلة بس للأسف سريعة البخر زى زيت التعاون الأحمر و الموضوع دا ماكنتش بحس بيه مع زيت Shell X100 و هو الأنسب للمحركات القديمة و عن تجربة و هو سعره بتاريخ اليوم 59 جنية مع إنه كان من اسبوعين بس ب 54 جنية ( 4 كيلو )
و دى صورة الجركن

و هذا للإفادة فقط
و شكراً

[El.Hossieny]

تعقيبا لكلامك يا احمد باشا....

انا اويد الموضوع ده اوي ... لان اني كمان غيرت زيت التعاون الجركن الاحمر يوم الوقفة ... بس معملتش بيه 500 كيلو ... و غيرتة لاني شوفت العادم بتاعه و انا في مركز تغيير زيت و طلع وحش اوي و قالولي ان التعاون بقي مضروب .... و الراجل قالي ان زيت شل اكس 100 ممتاز و احسن منه بكتير

و هذا للافادة

[ahit]

تعقيبا لكلامك يا احمد باشا....

انا اويد الموضوع ده اوي ... لان اني كمان غيرت زيت التعاون الجركن الاحمر يوم الوقفة ... بس معملتش بيه 500 كيلو ... و غيرتة لاني شوفت العادم بتاعه و انا في مركز تغيير زيت و طلع وحش اوي و قالولي ان التعاون بقي مضروب .... و الراجل قالي ان زيت شل اكس 100 ممتاز و احسن منه بكتير

و هذا للافادة

السلام عليكم و رحمة الله
شكراً على المشاركة و سرعة الرد

بالفعل هو ممتاز و بيخلى صوت الماتور هادى جداً و ناعم و مش مضروب و كمان مابيتبخرش بسرعة خالص و ممتاز جداً جداً فى الصيف و عن تجربة لأنى تقريباً كنت بغير زيت كل أسبوع تقريباً عشان كنت بسافر كتير الإسماعيلية شغل و كان مساعد معايا جداً فى عز الحر

[mahmoudcheetos]

ياريت حد يدينى فكرة عن الاسعار بتتراوح ما بين كام اكون شاكر جداااا

[ahit]

ياريت حد يدينى فكرة عن الاسعار بتتراوح ما بين كام اكون شاكر جداااا

السلام عليكم و رحمة الله و بركاته

أخى العزيز
يا ريت توضح أسعار ايه بالظبط الزيت ولا البيتلز؟

و شكراً

[ahmed azab]

طيب بما ان في مشجعين للبيتلز اقدم لكم شوية صور للعربية اللي لسه بايعها من شهرين تقريبا اخوكم لاعيب بيتلز من زمان
العربية كانت موديل 68 1200 سي سي
كنت حاطط فيها
سي دي - تارة اسبور - اربي ام بشيفت لايت - جنوط اسبورATS الماني - زينون عالي وواطي - كراسي ريكارو - سنتر بقا وانذار ومفتاح بريموت
ودي بقا شوية صور ليها




















يارب تكون عجبتكم اللي جايه دي بقي عربية اخويا اصل انا واخواتي راكبين بيتلز ودي موديل 74 موتور 1600 مكيفة







طبعا عملت حوارات علشان اركب الجنوط دي لان البيتلز مبيركبش عليها غير جنوطها
واي خدمة في هذه السيارة العجيبة

[ahit]

طيب بما ان في مشجعين للبيتلز اقدم لكم شوية صور للعربية اللي لسه بايعها من شهرين تقريبا اخوكم لاعيب بيتلز من زمان
العربية كانت موديل 68 1200 سي سي
كنت حاطط فيها
سي دي - تارة اسبور - اربي ام بشيفت لايت - جنوط اسبورATS الماني - زينون عالي وواطي - كراسي ريكارو - سنتر بقا وانذار ومفتاح بريموت
ودي بقا شوية صور ليها




















يارب تكون عجبتكم اللي جايه دي بقي عربية اخويا اصل انا واخواتي راكبين بيتلز ودي موديل 74 موتور 1600 مكيفة







طبعا عملت حوارات علشان اركب الجنوط دي لان البيتلز مبيركبش عليها غير جنوطها
واي خدمة في هذه السيارة العجيبة

السلام عليكم و رحمة الله و بركاته

منور و الله يا أستاذ/ أحمد عزب

و بسم الله ما شاء الله و الله أكبر

جميلة جداً العربيتين صراحة و شكلك فعلاً غاوى بيتلز و تظبيط

بس ياريت تحكلنا أكتر عن تجربتك مع البيتلز , من حيث الأداء و التحمل و شوية نصايح لينا فى الصيانة مثلاً و كنت بتتعامل مع صنايعية فين و مدى رضاك عن شغلهم و كنت بتستخمد زيوت نوعها إيه و نوع طقم الكهرباء و هكذا ... عشان بس كلنا نقدر نستفيد منك و من خبراتك فى التعامل مع العربيات البيتلز.

و جزاك الله خيرا و أنا سعيد جداً لمشاركتك معانا :k32:
شكراً

[ابوهاشم]

[QUOTE=ahmed azab;552307]طيب بما ان في مشجعين للبيتلز اقدم لكم شوية صور للعربية اللي لسه بايعها من شهرين تقريبا اخوكم لاعيب بيتلز من زمان
العربية كانت موديل 68 1200 سي سي
كنت حاطط فيها
سي دي - تارة اسبور - اربي ام بشيفت لايت - جنوط اسبورATS الماني - زينون عالي وواطي - كراسي ريكارو - سنتر بقا وانذار ومفتاح بريموت
الله اكبر عليها
بعتها بكام دى يانجم