عشاق و ملاك البيتلز بالمنتدى

[ابوهاشم]

ياريت ياجماعه لو حد من الاعضاء اتعامل مع بتوع عدادت وعوامات
يفيدنا ويدلنا عن حد كويس بس يكون غير كوستا اللى فى جسر السويس لانى اتعاملت معاه وهو صلحلى االعداد والعوامه وباظو تانى ورجعتلو وشغلهم كويس قدامى وعلى ماروحت لقيتهم رجعو زى الاول والتانك بيكون مليان بنزين والمؤشر بيقرا نص التانك بس يصراحه بقت حاجه صعبه جدا ان الواحد يلاقى صنايعى محترف فى مهنته وامين فى نفس الوقت حتى الاستاذ احمد حسن كلمته ذكرلى انه اتعامل مع كوستا اللى فى التحرير وبرضه مش كويس وان الاتنين قرايب

[ahit]

ياريت ياجماعه لو حد من الاعضاء اتعامل مع بتوع عدادت وعوامات
يفيدنا ويدلنا عن حد كويس بس يكون غير كوستا اللى فى جسر السويس لانى اتعاملت معاه وهو صلحلى االعداد والعوامه وباظو تانى ورجعتلو وشغلهم كويس قدامى وعلى ماروحت لقيتهم رجعو زى الاول والتانك بيكون مليان بنزين والمؤشر بيقرا نص التانك بس يصراحه بقت حاجه صعبه جدا ان الواحد يلاقى صنايعى محترف فى مهنته وامين فى نفس الوقت حتى الاستاذ احمد حسن كلمته ذكرلى انه اتعامل مع كوستا اللى فى التحرير وبرضه مش كويس وان الاتنين قرايب

السلام عليكم و رحمة الله و بركاته

إزيك يا أستاذ/ هاشم
ههههههههه و الله كانت مفاجأه لما عرفت إن مصطفى كوستا إللى فى التحرير يبقى عم خالد كوستا اللى فى جسر السويس و فعلاً فى اليوم دا ترددت فى إنى أصلح العوامة بس الحاج/ محمد على قالى خالد كوستا أحسن واحد فيهم صراحة و بعد ما عرفت اللى حصل معاك يا هاشم قررت إنى مش هاصلحها أحسن تبوظ كلها
و أنا عندى العوامة بتكون فى على العلامة الحمرا لما بيكون التانك فى نصه تقريباً و كد تمام أوى بالنسبالى لغاية لما نشوف واحد صنايعى فنان و أمين و إبن حلال

[El.Hossieny]

و الله بدات اشك ان في صنايعي شاطر و بيخاف ربنا .... بجد يا رب يتوب علينا بقي من الحيرة دي

[ahit]

و الله بدات اشك ان في صنايعي شاطر و بيخاف ربنا .... بجد يا رب يتوب علينا بقي من الحيرة دي

شكك سليم ... كل صنايعى فاكر إنه هوا بس اللى صح و أمين و بيفهم و باقى الصنايعية غلط و حرامية و أغبيا و فى الأخر إحنا اللى مظلومين منهم و الله.
و ربنا يسمع منك و يتوب علينا من اللف و الحيرة بتاعة الصنايعية

[ابوهاشم]

ان شاء الله عن طريق المنتدى الكبير ده هنوصل بعض لاحسن الصنايعيه
من خلال تجاربنا اللى بنحكيها هنا وكل واحد بيتعامل مع صنايعى كويس بيفهم ومش جشع بيقول عليه وبرضه بننصح بعض بعدم الذهاب للصنايعيه اللى اتعاملنا معاهم وطلعو مش كويسين

[ahit]

ان شاء الله عن طريق المنتدى الكبير ده هنوصل بعض لاحسن الصنايعيه
من خلال تجاربنا اللى بنحكيها هنا وكل واحد بيتعامل مع صنايعى كويس بيفهم ومش جشع بيقول عليه وبرضه بننصح بعض بعدم الذهاب للصنايعيه اللى اتعاملنا معاهم وطلعو مش كويسين

إن شاء الله يا أستاذ/ هاشم
بس أتمنى كلنا نشارك باللى نعرفه و نخدم بعضنا بما يرضى الله عشان كلنا نستفيد و نفيد

[RAAFAT10]

الأخوة الأعزاء
بالنسبة لعطل عداد البنزين أنا طبعا فكيت العداد قبل كدة وصلحت فية ترس الكيلو متر بنفسى لأن عندى أعتقاد أنى محدش هيعملى الحاجة صح زى منا عايز لأن معظم اللى بيصلحوا, يصلحلك حاجة ويبوظلك حاجة تانى , فأى حاجة أطول أعملها بأيدى فى العربية بحاول أعملها بنفسى لأن دى هواية عندى وبالمرة مخليش حد ما يفهمش يبوظلى الحاجة بدل ما يصلحها, بس للأسف فى حاجات كنت أتمنى أطولها علشان أحط أيدى فيها ,المهم أنا لما فتحت العداد لقيت عداد البنزين بيشتغل بطريق غريبة شوية وهى أنها بتعتمد على ملف سلك حرارى بيسخن حسب قيمة فولت الكهرباء اللى الواصل الية وملفوف على صفيحة نحاس قابلة للأنحناء طبقا لدرجة السخونة اللى بيسببها الملف الملفوف عليها وهى من نوعية المعدن الموجود فى ترموستات المكواة الكهربائية القابل للأنحناء طبقا لدرجة الحرارة وهذة الصفيحة متصلة بطريقة معينة (مفصلة) بمؤشر العداد فعند تمدد أو أنكماش هذة الصفيحة تنحنى فيتحرك المؤشر سواء بالزيادة أو النقص , وزى ما قلت قبل كدة,أن المؤثر على التمدد بالحراره هو قيمة الفولت الواصل للملف,وطبعا قيمة الفولت دة بتتحكم فية العوامة اللى فى التنك لأن بها ملف عبارة عن مقاومة متغيرة تحدد قيمة الفولت الواصل الى مؤشر العداد حسب كمية البنزين فى التنك وأرتفاع العوامة أو أنخفاضها , ومؤشر البنزين يصل الى أقصى قرائة عندما يكون فولت التسخين على الملف قيمتة 6 فولت ,طبعا كل ما يقل البنزين فى التنك يقل الفولت اللى بيغذى السلك الحرارى فى العداد فيعطى قراءة أقل, ويوجد داخل العداد أسفل الجزء الخاص بمؤشر البنزين فتحتين يمكن عن طريقهم رجلشة مؤشر العداد بحيث يعطى أكبر قراءة على أخر شرطة فى العداد ويعطى أقل قرائة للعداد على أخر شرطة بعد المنطقة الحمراء ,طبعا الرجلشة دى بتاخد وقت شوية وعايزة صبرودقة لكن بتتظبط فى النهاية بشرط أن يكون ملف العوامة فى التنك سليم
أرجو أن أكون تمكنت من أيضاح الصورة والشرح
وشكرا لكم

[ahit]

الأخوة الأعزاء
بالنسبة لعطل عداد البنزين أنا طبعا فكيت العداد قبل كدة وصلحت فية ترس الكيلو متر بنفسى لأن عندى أعتقاد أنى محدش هيعملى الحاجة صح زى منا عايز لأن معظم اللى بيصلحوا, يصلحلك حاجة ويبوظلك حاجة تانى , فأى حاجة أطول أعملها بأيدى فى العربية بحاول أعملها بنفسى لأن دى هواية عندى وبالمرة مخليش حد ما يفهمش يبوظلى الحاجة بدل ما يصلحها, بس للأسف فى حاجات كنت أتمنى أطولها علشان أحط أيدى فيها ,المهم أنا لما فتحت العداد لقيت عداد البنزين بيشتغل بطريق غريبة شوية وهى أنها بتعتمد على ملف سلك حرارى بيسخن حسب قيمة فولت الكهرباء اللى الواصل الية وملفوف على صفيحة نحاس قابلة للأنحناء طبقا لدرجة السخونة اللى بيسببها الملف الملفوف عليها وهى من نوعية المعدن الموجود فى ترموستات المكواة الكهربائية القابل للأنحناء طبقا لدرجة الحرارة وهذة الصفيحة متصلة بطريقة معينة (مفصلة) بمؤشر العداد فعند تمدد أو أنكماش هذة الصفيحة تنحنى فيتحرك المؤشر سواء بالزيادة أو النقص , وزى ما قلت قبل كدة,أن المؤثر على التمدد بالحراره هو قيمة الفولت الواصل للملف,وطبعا قيمة الفولت دة بتتحكم فية العوامة اللى فى التنك لأن بها ملف عبارة عن مقاومة متغيرة تحدد قيمة الفولت الواصل الى مؤشر العداد حسب كمية البنزين فى التنك وأرتفاع العوامة أو أنخفاضها , ومؤشر البنزين يصل الى أقصى قرائة عندما يكون فولت التسخين على الملف قيمتة 6 فولت ,طبعا كل ما يقل البنزين فى التنك يقل الفولت اللى بيغذى السلك الحرارى فى العداد فيعطى قراءة أقل, ويوجد داخل العداد أسفل الجزء الخاص بمؤشر البنزين فتحتين يمكن عن طريقهم رجلشة مؤشر العداد بحيث يعطى أكبر قراءة على أخر شرطة فى العداد ويعطى أقل قرائة للعداد على أخر شرطة بعد المنطقة الحمراء ,طبعا الرجلشة دى بتاخد وقت شوية وعايزة صبرودقة لكن بتتظبط فى النهاية بشرط أن يكون ملف العوامة فى التنك سليم
أرجو أن أكون تمكنت من أيضاح الصورة والشرح
وشكرا لكم

جزاك الله خيراً
أنا ببقى سعيد جداً لما بلاقى ناس بتعمل حاجات بإيدها فى عربياتها لآن أنا كمان عندى حب إستطلاع و بحب أتعلم و أعمل حاجات بإيدى ، بس المهم عدم التسرع و إتخاذ الإحتياطات اللازمة قبل التجربة مع كثرة القرأة و التعلم و الإستشارة و متابعة الفنيين فى بعض الأمور المقدور عليها.
و انا فعلاً خدت بالى من موضوع الرجلاش دا قبل كدا من الصنايعى و لكن هل هو رجلاش ولا مسمار بيتلف للتظبيط فقط ؟
هل من السهل إعادة لف الملف الخاص بالعوامة ؟ و بيستخدو فيه نوع معدن إيه ؟ و سمكه إيه ؟ ولا المسألة دى ممكن تكون صعبة؟

على العموم تحية و تقدير للأستاذ/ رأفت ... على الشرح الممتاز و الوافى و نتمنى من حضرته شرح كل اللى ممكن بيعملو بإيده فى عربيتو عشان كلنا نستفيد معاه من خبرته .
و نتمنى كل أعضاء البيتل الكرام يفيدونا بردو بكل ما لديهم من تجارب صيانه بأيديهم و النتائج .

شكراً

[ihab]

انا بالنسبة لى الحاجات اللى ممكن اعملها فى العربية كالاتى :
- تغيير او تنظيف بوجيهات و ابلاتين و تغيير كوندنسر
- فك الكرابراتير و تنظيفه و تغيير الفلتر
- تغيير سير الدينامو و ضبط الرجلاش الخاص به
- فك الفوانيس الامامية و الخلفية و تنظيفها
- تغيير الزيت و فك المصفة الداخلية و تنظيفها و تركيبها
- الحاجات الرفيعة اللى ممكن نعملها فى الجراج

[El.Hossieny]

انا بالنسبة لى الحاجات اللى ممكن اعملها فى العربية كالاتى :
- تغيير او تنظيف بوجيهات و ابلاتين و تغيير كوندنسر
- فك الكرابراتير و تنظيفه و تغيير الفلتر
- تغيير سير الدينامو و ضبط الرجلاش الخاص به
- فك الفوانيس الامامية و الخلفية و تنظيفها
- تغيير الزيت و فك المصفة الداخلية و تنظيفها و تركيبها
- الحاجات الرفيعة اللى ممكن نعملها فى الجراج

الله ينور عليك يا بوب ....

بسم الله ما شاء الله عليك ...انت تقريبا بتعمل الصيانة الدورية ل وحدك ...

[ahit]

انا بالنسبة لى الحاجات اللى ممكن اعملها فى العربية كالاتى :
- تغيير او تنظيف بوجيهات و ابلاتين و تغيير كوندنسر
- فك الكرابراتير و تنظيفه و تغيير الفلتر
- تغيير سير الدينامو و ضبط الرجلاش الخاص به
- فك الفوانيس الامامية و الخلفية و تنظيفها
- تغيير الزيت و فك المصفة الداخلية و تنظيفها و تركيبها
- الحاجات الرفيعة اللى ممكن نعملها فى الجراج

ما شاء الله عليك - ربنا يزيدك
طب لو ممكن تشرحلنا طريقة تغيير الأبلتين و كمان إزاى بتظبط الخلوص بتاعه؟
و كيفية تنظيف الكلبراتير و مدى صعوبتو ؟ و إيه هو الفلتر اللى بيتغير ؟!!!
ما هو أفضل نوع بوجيهات استخدمتو ؟
و لو ممكن شوية نصايح بخصوص عملية التغيير أو التنظيف ؟
جزاك الله خيراً و ربنا يبارك فيك يا إيهاب باشا

شكراً

[ihab]

بص يا سيدى
1 - بالنسبة للابلاتين فده ممكن تفك الوش و بعدين بتسحب الشاكوش لفوق بيظهر من تحته الابلاتين و بيكون مربوط بمسماربتفك المسمار و تشيل سلكة الابلاتين من الكوندنسر و تلاقى الابلاتين كده حر بتسحبه بره و تغيره او تنظفة بصنفرة علشان لو لادع (بتلاقى جزء من احد القطبين لاصق فى الجزء الثانى يعنى قطب فيه حتة زيادة و قطب فى حتة ناقصة )
2 - ممكن بمفتاح 13 تفك الاسبراتير و تطلعه بره خالص و تعمل الشغلانة دى بره العربية على كرسى صغير و انت قاعد قدام الموتور
3 - انا باضبط مقاس فتحة الابلاتين بواسطة حاجة اسمها فيلر و الفتحة بتبقى من 30 -40
4 - لو حاتضبط الابلاتين و الاسبراتير راكب فى العربية يبقى حاتحتاج مفتاح بلدى علشان تلف الطنبورة ( لو عندك مفتاح العجل الاصلى بتاعها من انحية لصواميل العجل و الناحية الثانية صامولة الطنبورة و طبة الزيت )
5 - فى عامود فى نص الاسبراتير و الاحرف بتاعته بتبقى واخدة دوران ( الاربع احرف ) طبعا انتوا عارفين ان الابلاتين بتبقى فيه حتة فبر و دى هى اللى بتلف على العامود ده و اقصى فتحة ليها لما بتبقى الفبرة على الحرف و لازم تجيب الفرة دى على الحرف علشان تضبط فتحة الابلاتين باستخدام الفلر
ما تقلقوش من استخراج الاسبراتير من العربية لانه مالهوش غير وضع واحد بس و لازم يركب فيه فى مكانه لان الاسبراتير من تحت مش مسنن زى الخاص بـ ال 128 و انما عبارة عن دائرة مقسومة نصين و فيها جزء اعلى من التانى و ده علشان ما يباتش الا فى الوضع الخاص به
و طبعا ما ننساش لسعة شحم صغيرة جدا على الفبرة علشان ما تعملش صوت و طبعا ماتنسوش لازم توصل سلك الابلاتين
و بعدين ممكن بصنفرة ناعمة تصنفر الشاكوش و فحمات غطاء وش الاسبراتير
و بعد كده مرحلة ضبط الكهرباء و دى ممكن سماعى او باستخدام الشرارة الواردة من البوبينة على بودى العربية

[ihab]

بالنسبة للكربراتير فاولا بتشيل العمة اللى فوقه و بعدين بتفك خرطوم البنزين اللى طالع من الطلمبة ( ترومبة البنزبن ) و بتفك سلك السخان و سلك البك الكهرباء و بعد كده باستخدام مفتاح 13 بتفك صامولتين بتوع الكربراتير و بيطلع الكربراتير ماعك على طول
بتلاقيه له وش مربوط ب 5 مسماير عادة
بتفكهم و بتلاقى الوش اتشال و جوه الوش حتلاقى بلف (ابرة عبارة عن صامولة و لها صباع العوامة هى اللى بتخليه يفتح او يقف - نفس فكره عوامة السيفون اللى فى البيت ) خاص بالعوامة و ده المسئول عن سماح او عدم سماح دخول البنزين لحوض الكربراتير و اده لو بايظ ممكن يخلى العربية تشرق معاك
بتلاقى جوان خفيف ما بين الوش و الكربراتير و بتلاقى بكات و مسارات للبنزين
يستحسن من تفكش البيكات لو مش حاتعرف ترجعها مكانها و ممكن تفك واحد و تنظفه و تنظف مساراته باستخدام اسبراى للتنظيف و بعدين تفك اللى بعده
الاحسن طبعا انك تفوره خالص و كذلك الرشاش و تجيب طبق فيه بنزين و تنظف الدنيا دى كلها الاول بالبنزين و بعدين باستخدام الاسبراى
يوجد فى حوض الكربراتير بك خاص بدخول البنزين من الحوض للمسارات الداخلية و ده اللى بتغيروه علشان توفروا فى استهلاك البنزين او لما تلاقى العربية مخنوقة
- بالنسبة للفلتر ده بيبقى من تحت العربية من ناحية الكاوتش الخلفى شمال و مكانه بالضبط بعد نهاية المواسير االواصلة من التانك لغاية تقريبا جنب الفتيس و بعدين حتلاقى خرطوم ثم الفلتر ثم خرطوم ثانى ثم ماسورة تعدى من الموتور ثم تدخل بعد كده على الطلمبة ( يعنى الفلتر ما بين التانك و الطلمبة )

[ihab]

بالنسبة للبوجيهات انا كنت باجيب البوش بس بقى مضروب و بعد كده جبت الدنسو كويس و اخيرا فى التوفيقية بتتباع بوجيهات روسى بيشكروا فيها و دى انا لسه مركبها
بالنسبة للابلاتين فغالبا بوش و هو مش نوع واحد يعنى كذا نوع للبيتلز و بيختلف حسب الاسبراتير
و طبعا لما نغير البوجيهات و الابلاتين يستحسن نغير معاهم كوندنسر علشان بيحافط على الابلاتين انه ما يلدعش

[ihab]

معلومة مهمة و غالبا اغلب الناس عارفاها :
مهم جدا يكون معاك سير دينامو احتياطى وذلك لان عربيتنا روحها فى السير ده لان توربينة التبريد اللى بيحركها هو السير ده ( السير واصل ما بين طنبورتين الاولى راكبة على الكرنك و الثانية على الدينامو )
و خلى بالكوا ان السير ده لو قطع لازم تركن فورا مفبهاش جدال
و تغييره سهل جدا و مش حياخذ معاك اكثر من خمس دقائق