128 بتسخن مع السرعات العالية

[H_Daim]

بص يا باشا انا عندى نفس المشكلة مع اختلاف ان الريداتير الاصلى المونيوم ومتغير حاليا بواحد نحاس 3 ماسورة زى الفل طول ما انا اقل من 100 فالحرارة مظبوطة ازود الدنيا تولع نار غيرت طلمبة المية وغيرت جوان وش السلندر وفى الاخر طلع العيب فى الريداتير النحاس اللى راكب لازم الاصلى الفيبر

بس حضرتك 128 ملهاش رداتير المونيوم انا سألت عليه بس للاسف ما لقتش خالص مع العلم ان الرداتير الاصلي اللي كان راكب فيها هوه رداتير حديد و للعلم انه كان في موضوع لزميل في المندى مع عربية اسكودا لما شال الرداتير الالمونيوم و حط نحاس العربية بقت تسخن معاه فقام بشراء وش سلندر جديد 2500ج وكانت النتيجة هي هي في الاخر واحد صاحبة قاله هات رداتير المونيوم صيني ركبه و العربية بقت ممتازة.

يمنع الكتابه بالأحمر لأنة مخصص للمداخلات الإداريه فقط
5:55م
23\8
مشرف 18ب

[H_Daim]

ايه يا جماعة محدش عارف حل للمشكلة ولا ايه!

[memononos]

نفس المشكله عندى متابع باهتمام .....مع العلم ان لسه شارى ريداتير نحاس جديد وفرق معايا بس مش فى السرعات العاليه
وانا اعتقد ان كل المكن 1100 بيسخن بعد 100 لان هو اقصى سرعه ليه مثلا 130 لانه ضعيف

[bassem.naguib]

متنسوش يا جماعة أنكم راكبين عربيات تكنولوجيا قديمة قوي .. بالإضافة إلى أن الجو اليومين دول زي الزفت في السخونية .

المسايسة مع العربيات القديمة (وأنا أحد مالكيها) هو ده الحل .

[mohamed9999]

متنسوش يا جماعة أنكم راكبين عربيات تكنولوجيا قديمة قوي .. بالإضافة إلى أن الجو اليومين دول زي الزفت في السخونية .

المسايسة مع العربيات القديمة (وأنا أحد مالكيها) هو ده الحل .

++++++++++ باسم بيه عامل ايه .................على رايك لازم المسايسه يا جماع يعنى كل 10كيلومتر تريحوها ساعه هههههههههههه

[Eng_Mostafa_89]

نفس المشكله عندى متابع باهتمام .....مع العلم ان لسه شارى ريداتير نحاس جديد وفرق معايا بس مش فى السرعات العاليه
وانا اعتقد ان كل المكن 1100 بيسخن بعد 100 لان هو اقصى سرعه ليه مثلا 130 لانه ضعيف

مش شرط
معايا ال 128 وبجيب بيها 145 من غير متسخن والحمد لله

متنسوش يا جماعة أنكم راكبين عربيات تكنولوجيا قديمة قوي .. بالإضافة إلى أن الجو اليومين دول زي الزفت في السخونية .

المسايسة مع العربيات القديمة (وأنا أحد مالكيها) هو ده الحل .

مش شرط
معايا ال 128 وبجيب بيها 145 من غير متسخن والحمد لله

جت فترة وموضوع السخونية دة حصل معايا
اول مرة كان بسبب شربون المروحة
تانى مرة كان بسبب الرديتاتير وغيرتة بواحد نحاس 3 ماسورة والحمد لله ظبط الدنيا

ممكن كدة يكون عندك مشكلة فى الشنابر
الشنبر بيبقى لية خلوص عرضي وخلوص طولى
الخلوص الطولى دى بيسمح للتمد الطولى للشنبر لما يسخن
فهنا ممكن يكون خلوص الشنبر دة خلوصة بقى صغير فلما بيتمدد بيبتدى يتحشر فى الاسطوانة ومن زياد الحك فى الاسطوانة يبتدى يرفع درجة حرارة الموتور زيادة عن اللزوم .... والله اعلم بس نخلى دة اخر احتمال

الاول اتاكد ان الريداتير مبيسربش مياة ولا بيدخلة هوا وكمان اتاكد ان غطاء الريداتير كويس
وجرب كدة قبل متعمل بيها مشوار افتح الريداتير واملاة مية على الاخر وركب الغطاء وجرب كدة اية اللى هيحصل
وكمان اتاكد من ان المروحة شغالة بسرعة كويسة واتاكد كمان ان المروحة بتشفط هوا لجوة (لان مرة واحد كهربائى عبقرى كان موصل المروحة بالعكس فى عربية وكانت بتزق الهواء للامام وطبعا الحرارة بتفضل محبوسة فى الريداتير والعربيى تسخن ودوخنا فى العربية دى كتير جدا وعملنا جوانات وطقم شنبر وغيرنا كل حاجة ليها علاقة بلسخونية)

وابقى طمنا يا باشا وصلت لاية

[bassem.naguib]

بجيب بيها برضه 140 و 150 من غير ما تسخن .. بس بنزل بسرعة علشان بتبقى عاملة زي المراجيح هههههههههههه

مش شرط بتجيب سرعة كام .. الشرط بتجيب السرعة دي ازاي بالمسايسة .. ولا بالحرق على الغيارات .

أسلوب سواقة أي واحد هو اللي بيحدد المكنة تحت رجله عاملة ازاي .. هو ده بقى الشرط

[Eng_Mostafa_89]

ها يا باشا طمنا وصلت لاية؟
وحاجة كمان اتاكد من ان سير طرمبة المية مشدود كويس ومش مرخى

[ahmednashaat]

متابــــــع

[ainshouka]

طب هل المراوح بتكون شغالة وهي سخنة ممكن يكون عيب ثرموستات المروحة

[H_Daim]

مش شرط
معايا ال 128 وبجيب بيها 145 من غير متسخن والحمد لله





مش شرط
معايا ال 128 وبجيب بيها 145 من غير متسخن والحمد لله

جت فترة وموضوع السخونية دة حصل معايا
اول مرة كان بسبب شربون المروحة
تانى مرة كان بسبب الرديتاتير وغيرتة بواحد نحاس 3 ماسورة والحمد لله ظبط الدنيا

ممكن كدة يكون عندك مشكلة فى الشنابر
الشنبر بيبقى لية خلوص عرضي وخلوص طولى
الخلوص الطولى دى بيسمح للتمد الطولى للشنبر لما يسخن
فهنا ممكن يكون خلوص الشنبر دة خلوصة بقى صغير فلما بيتمدد بيبتدى يتحشر فى الاسطوانة ومن زياد الحك فى الاسطوانة يبتدى يرفع درجة حرارة الموتور زيادة عن اللزوم .... والله اعلم بس نخلى دة اخر احتمال

الاول اتاكد ان الريداتير مبيسربش مياة ولا بيدخلة هوا وكمان اتاكد ان غطاء الريداتير كويس
وجرب كدة قبل متعمل بيها مشوار افتح الريداتير واملاة مية على الاخر وركب الغطاء وجرب كدة اية اللى هيحصل
وكمان اتاكد من ان المروحة شغالة بسرعة كويسة واتاكد كمان ان المروحة بتشفط هوا لجوة (لان مرة واحد كهربائى عبقرى كان موصل المروحة بالعكس فى عربية وكانت بتزق الهواء للامام وطبعا الحرارة بتفضل محبوسة فى الريداتير والعربيى تسخن ودوخنا فى العربية دى كتير جدا وعملنا جوانات وطقم شنبر وغيرنا كل حاجة ليها علاقة بلسخونية)

وابقى طمنا يا باشا وصلت لاية

جزاك الله خير اخي الكريم على اهتمامك.

عموما انا كنت عامل طقم شنبر من سنة هوه كان شنبر برازيلي بس من قبل ما اعمل الشنبر وهي كانت بتسخن في السرعات العالية بس انا كنت فاكر ده عيب رداتير علشان كان الحديد (الاصلي).

بالنسبة للرداتير جديد 3 ماسورة مفيش تسريب و الحمد لله و مروحة جديدة و ثرموستات جديدة و صباع الحرارة اللي في وش السلندر جديد.

عموما انا بعمل زي ما حضرتك قولت بملى الرداتير على الاخر و اغطيه ولكن العربية بتسخن برده!

[Adham]

إتأكد ان مافيش عجل تقيل شوية بسبب عيب فرامل

لان العجل لو تقيل بيبقى حمل عالموتور و مع السرعه يسخنة

و تلاقي الطنابير كمان سخنة قوي

اضرب مشوار كبير و انزل للميكانيكي قولة يشوف سخونة الطنابير عادية و للا زيادة

لو لقيت طنبورة معينة او اتنين سخونتهم زيادة شوف التيل لايكون بيلزق او الماستر بيقفش شوية

[bassem.naguib]

فيه حاجة عبيطة قوي ممكن تكون هي السبب في السخونة دي .. عاوزك تبص على القربة بتاعة المية .. المفروض المية جوة القربة متبقاش مليانة على الأخر .. بمعنى أخر تكون تحت العلامة الموجودة في القربة .. ولو زادت عن كدة زي ما بيقولوا بالبلدي الردياتير مبيبقاش فيه نفس للتبريد .. كمان ممكن يكون غطا الردياتير مش مظبوط في الإحكام بتاعه سواء بالسلب أو الإيجاب .. كل ده يعمل سخونة حتى لو الموتور والردياتير مظبوط .

[Eng_Mostafa_89]

طيب بص بقى علشان نوصل لحل ان شاء الله سوا

احكى بقى السخنية دى ابتدت من امتى ازاى علشان نعرف اية اللى حصل وخلى السخنية تزيد؟

[ahmedfawzy14]

بص من الاخر كده

انا فضلت 6 شهور فى فيلم زى بتاعك ده بس فى الشاهين

و بعد ماغيرت الشكمان كله والريداتير وترموستات كذا مرة وحاجات تانية كتير وعملت زرار للمروحة وبرده مفيش فايدة

وفى الاخر يطلع العيب فى امبير الحراة اللى فى التابلوه

كان بيقرا مع السرعة ان الحراة بتزيد ولكن فعليا الحرارة بتنزل

عليك وعلى كهربائى شاطر او بتاع عدادت

وطمنى عملت ايه