تكييف 128

[maka]

ياباشا فتحات التكييف مش بعيدة اوى كده المشكلة انهم فتحتين بس فى

النص وانا جبتلك صورة لتابلوه الفيورا



هو بصراحة الكويل الخارجى هيبقى اسهل فى التركيب لكن معنى كده انه

هيبقى تحت الكاسيت يعنى تقريبا على الارض او ممكن اغير مكان

الكاسيت وهو تمن الكويل ده بيبقى فى حدود كام

[mrghost]

السلام عليكم ورحمة الله
بص ياباشا انت ممكن تركب كويل خارجى لان الفتحتين قريبين من بعض بالتالى مش هيبقى الهواء قريب من الاشخاص داخل العربيه ثانيا مفروض انه يكون اربع فتحات لان الكويل اربع مخارج وبصراحه انا مش عارف سعر الكويل الخارجى كام بس انا شايف الاحسن ليك والارخص هو انك تجيب تابلوه بتاع اى عربيه تانيه زى البرايد او الفيات البونتو او العربيات الصغيره وبالتالى هتبيع التابلوه بتاعك وتكمل عليه ودى صوره لعربيه 127 فى مصر مركب ليها تابلوه كيا برايد

[sweetheart_]

هو التابلوه دا ينفع ل 128 وسعره كام والاوبل كورسا سعر التابلوه بتاعها كام

[mrghost]

السلام عليكم ورحمة الله
بص بصراحه انا مش عارف الاسعار كام بس تابلوه الكيا برايد ينفع على 128&127 وأكيد تابلوه الاوبل هيكون اغلى وممكن تسأل على السعر فى الوكاله او عزبة شلبى لان هو هيكون موجود هناك واى استفسار انا فى الخدمه

[mig44n]

بالنسبه لاسعار التابلوهات:
تابلوه اونو عامل من 400 الى 600 جنيه حسب الحاله
تابلوه اوبل كورسا عامل 700 الى 800
الاتنين دول يركبو على ال 128 وانا بفضل الكورسا طبعا وفى ناس ركبت تابلوه لانوس فى ال 128 وعلى العموم مش موضوعنا والى عايز يستفسر عن موضوع التابلوه ياريت لو يعمل موضوع مستقل وانا هرد عليه بأذن الله.

انا كنت سمعت عن الكويل الخارجى ده قبل كده و انه شبه الفيديو كده او التكييف السبليت و بيبقى جوه العربيه تحت الطابلو فعلا

بص اهم حاجه تعرف مهمه الكويل ايه ساعتها هتعرف هو مكانه هيبقى فين.
الكويل مهمته انه بياخد سائل التبريد الى هو الفريون ويخليه يعدى داخل ممرات فى الكويل ولما يعدى السائل الى بتكون درجه حرارته متجمده او تحت الصفر..ساعتها الكويل بيتجمد من الخارج وبتبقى درجه حرارته منخفضة جدا..
ساعتها بقى بيجى دور المروحه الى متركبه على الكويل (المروحه بتشتغل كأنها شفاط) بتروح تشفط الهواء وتخليه يعدى او يمر خلال الكويل وساعتها الهواء هيبقى ساقع لان الكويل ساقع...
هى دى فكره الهواء الساقع...
لو فرضا اتحط الكويل تحت التابلوه ده معناه انه هيحتاج مروحه!!!....طيب المروحه هتطحت فين؟؟؟؟ساعتها بقى اكيد المروحه والكويل جايين حته واحده ومتقفلين...طيب المروحه هتجيب هواء منين او هتشفط هواء منين..هرد واقولك هتشفط هواء من داخل السيارة لان المروحه داخل السيارةانما لو تكييف فبريقا هتبقى المروحه بين حوض الموتور وبين السيارة فتشفط هواء من خارج السيارة...
اهم حاجه للكويل انه يبقى فيه مروحه تمرر الهواء من خلاله...
صوره للكويل بدون مروحه وبتظهر فيها ان حجم الكويل صغير (الى جنب الكويل ده هو الاكسبنشن فلف وعامل زى علبه اسبراى):-

ودى صورة لعلبه تكييف بتحتوى بداخلها على مروحه وكويل تبريد والعلبه محكمه الغلق وبتاخد الهواء من خارج السيارة:-

معلش احنا بتقل عليك لكن لى استفسار الكويل ده هيوزع الهواء لوحده

اسفل التابلوه ولا هيتاخد منه خراطيم للهوايات(سواء ان كانت هوايات

التابلوه او هوايات خارجية)

تانى حاجة انا احتمال افك التابلوه علشان العزل فاحسن اركب كويل داخلى

ولا لا وخصوصا وجود المروحة والهوايات ونظام التحكم

انا مشوفتش الكويل الى بيتحط تححت التابلوه بس اكيد هو بيوزع الهواء لوحده لانه اكيد متركب هو والمروحه (كويل ومروحه وهوايات لخروج الهواء الساقع)..

انا النهاردة فكت حوض المروحة وطقم التحكم(مفتاح سرعة المروحة -

مفتاح التبريد - مفتاح التسخين _مفتاحان لتغيير مسارات الهواء)

الخلاصة:

المميزات؛

1- وجود حجم كافى لوضع الكويل فى حوض المروحة

2-طقم التحكم فعلى (يعنى مفتاح التبريد مش واقف فى الهواء لكن متصل بسلوك وسوست)

العيوب:

1- السيستم كله غرقا تراب انا اسودت من كتر التراب اللى عمانى(يعنى هيقرف اللى هيشتغل فيه اوى)

2- طقم التحكم قديم اوى (مفتاح التبريد منفصل عن التسخين - مفتاحان لضبط مسارات الهواء) حبذا لو تم تغييره

بص بالنسبه لمفاتيح التحكم فى ال 128 او الفيورا او اى عربيه غير مجهزة لتكييف..بتبقى مهمتها فتح وغلق بابين.
الباب الاول باب دخول الهواء البارد او الهواء الى خارج السيارة (طبعا بيدخلك الهواء الى بره السيارة سخن او بارد او فيه تراب او فيه عوادم)..
الباب الثانى بيدخلك هواء سخن عن طريق سربنتينه السخنيه او كويل السخونية وده بيشتغل عن طريق مرور الماء الساخن من الريداتير وساعتها السربنتينه تسخن ولما الهواء يمر خلالها بيسخن برده وبتجبلك هواء سخن..
بص المفاتيح الى انت هتحتاجها مفتاح سرعة المروحه ومفتاح لتشغيل الكومبرسور..والمفاتيح الى خاصه بفتح وغلق الابواب علشان تسمح اوتمنع مرور الهواء لداخل السيارة...

بص ياباشا انا افضل الكويل الخارجى علشان الهواء بيتوزع فيه زى العربيات الجديده لانه بيحتوى على ريش ممكن توجها فى الاتجاه اللى انت عاوزة او لو عاوز تركب كويل داخلى من الافضل تركب تابلوه تانى غير اللى فى العربيه بتاع كيا برايد مثلا علشان فتحات التكييف تبقى قريبه من الاشخاص علشان تحس بالتكييف وبالنسبه للمفاتيح بيجى مع الكويل مفتاح (عامل زى الزمبلك )فيه 3 سرعات للتبريد واى استفسار انا فى الخدمه ان شاء الله

الى بيجى مع الكويل ده مفتاح خاص بسرعه المروحه ومفيش حاجه اسمها سرعه التبريد لان الكومبرسور سرعه واحده مبتتغيرش...
ومش شرط تغير التابلوه المهم انك تلاقى فتحات مناسبه علشان تخرج منها الهواء انت ممكن توصل خراطيم تكييف لعلبه المروحه (حتى لو فتحت فى العلبه) وساعتها تاخد الخراطيم دى وتركبها ورا اماكن الهوايات الى موجوده فى التابلوه....

[mig44n]

ودى صورة لكويل داخل صالون السيارة واكيد هو الى قصدكو عليه الى بيتحط تحت التابلوه:-

طبعا دى وحده متكامله او علبه تكييف زى مبنقول..(كويل+مروحه+خرطوم الى الكومبرسور وخرطوم جاى من الكوندنسر+فتحات لخروج الهواء الساقع+خرطوم خروج الفايظ او المياه فى حاله ان الثلج ساح من على الكويل)..

[HATEMHANY]

الله ينور عليك يا استاذ

هو ده اللى انا باتكلم عليه بالظبط

يبقى مافيش مشكله غير فى 1 - العزل بتاع الصالون علشان الكومبروسور يوصل لدرجه الحراره و يفصل.
2- مكان للكومبريسور قدام الرادياتيؤ طبعا وده شئ مش متأكدين منه .... هل المكان يكفى.

[maka]

الله ينور عليك يا استاذ

هو ده اللى انا باتكلم عليه بالظبط

يبقى مافيش مشكله غير فى 1 - العزل بتاع الصالون علشان الكومبروسور يوصل لدرجه الحراره و يفصل.
.

والحل بالذهاب لسروجى كويس

[mrghost]

السلام عليكم ورحمة الله وبركاته
اولا بالنسبه للصوره اكويل ده كبير اوى اللى انا شوفته مش كبير كده وبيركب فى التابلوه من تحت مش فى السقف وهو متكامل طبعا
ثانيا :الكمبروسر بيركب على سير زى الدينامو مش بيركب قدام الردياتير ولا حاجه اللى بيركب قدام الردياتير دى سربنينه التكييف وهى رفيعه جدا مابتاخدش مكان بقولقوا ايه ياجماعه ممكن نتفق على ميعاد نتقابل فيه كلنا وتشوفوا التكييف عندى حته حته علشان العملى احسن طبعا وبكده تقدروا تقرروا وانا فى الخدمه ان شاء الله

[zakiali]

ودى صورة لكويل داخل صالون السيارة واكيد هو الى قصدكو عليه الى بيتحط تحت التابلوه:-

طبعا دى وحده متكامله او علبه تكييف زى مبنقول..(كويل+مروحه+خرطوم الى الكومبرسور وخرطوم جاى من الكوندنسر+فتحات لخروج الهواء الساقع+خرطوم خروج الفايظ او المياه فى حاله ان الثلج ساح من على الكويل)..

وبكده يبقي فاضل النجف والسجاد والتلفزيون الملون وتكمل الجهاز . وربنا يتمم علي خير .


علي فكره ال 128 من اكتر العربيات اللي ممكن تتعدل وتبقي لزيزه انما حوار التكييف ده مش عارف الصراحه انا لو منك مغامرش .





.

[maka]

وبكده يبقي فاضل النجف والسجاد والتلفزيون الملون وتكمل الجهاز . وربنا يتمم علي خير .

فاضل اهم حاجة العرؤسة :smile:

علي فكره ال 128 من اكتر العربيات اللي ممكن تتعدل وتبقي لزيزه انما حوار التكييف ده مش عارف الصراحه انا لو منك مغامرش

.

هى تجربة لو نجحت يبقى كسبنا عربية قديمة بتكييف حتى لو الاداء قل

شوية ولو فشلت يبقى خسرنا التكييف بس (مقصدش فلوسه)

[mrghost]

ان شاء الله تنفع بس هى عاوزه قلب جرئ مش اكتر وانا مع اللى ناوى ينفذ ان شاء الله لو عاوز اى مساعده

[maka]

ان شاء الله تنفع بس هى عاوزه قلب جرئ مش اكتر وانا مع اللى ناوى ينفذ ان شاء الله لو عاوز اى مساعده

ربنا يخليك لينا ياباشمهندس محمد :smile:

[mohamed_mohsen]

انا داخل بس عشان أحييك علي مجهودك
و أتمني لك كل النجاح و التوفيق في تنفيذ الفكره
تحياتي,,,,

[mrghost]

باذن الله الفكره تنفع وكله ينفذها ان شاء الله بس خلوا بالكوا العزم بتاع الموتور هيقل كل ما الكمبروسر يشتغل ولما يفصل العربيه ترجع لطبيعتها تانى