يا جماعة انا جبت البرافو الأوتوماتيك للمهتمين فقط

[Ahmad Aboul Fotouh]

فيات برافو نقطة تحول جديدة لفيات فى مصر

، مقاعد رياضية من ريكارو ، مقاعد خلفية قابله للطى بزاوية 60 درجة ،

لم يكن حصول فيات برافو على خمسة نجوم فى إختبارات التصادم الأوروبية محض صدفه فهى تمتاز بهندسة شاسية مميزة كما أنها تسوق بستة وسائد هوائية فى الخارج فيما تأتى بأربعة فقط فى السوق المصرى

هل فعلا المقاعد الخلفية قابلة للطي و هل العربيه فيها 4 وسائد هوائية؟؟

[fadynabil]

عربيه وهمية بجد ربنا يباركلك فيها .. بس كان ليا سؤال بالنسبة للشيفتات اللي في الدركسيون

بتنقل بيها وهيه علي المانيوال بس ،، ولا كمان علي الأوتو ( d ) بمعني إني لو مثلا عاوز أسقط نقله وأنا علي غيار معين وأنزل بالغيار .. عشان أزود السرعة ينفع أعمله ولا إيه بالظبط

،، ياريت توضيح أكتر عن موضوع الشيفتات ده وإيه فايدته ...

أصلي بصراحة لما بسوق أوتو بتخنق من موضوع الكيك داون ده بحس إنه بياخد وقت ومش بيدني فرصه إني أخد غرزة ضيقه مثلاً

[Sala7.Bravo]

بما إن أنا جبت برافو وأريح ياسر شوية تسمحولي أرد عليكم العربية فيها ٤ وسائد هوائية أيوة اتنين أدام واتنين فالكراسي بس مش فاهم يعني أيه فالكراسي بس هفهم وحقولكو ...... موضوع الشفتات أيوا ممكن وانت سايق على الاوتو تسقط نقلة عادي وهتفضل اوتو عادي يعني تتحكم وانت سايق مانوال وأوتوماتيك .... وفايدتوه انك بتتحكم فالعربية ذي المنوال ومريح جداً

[yasserit]

بما إن أنا جبت برافو وأريح ياسر شوية تسمحولي أرد عليكم العربية فيها 4 وسائد هوائية أيوة اتنين أدام واتنين فالكراسي بس مش فاهم يعني أيه فالكراسي بس هفهم وحقولكو ...... موضوع الشفتات أيوا ممكن وانت سايق على الاوتو تسقط نقلة عادي وهتفضل اوتو عادي يعني تتحكم وانت سايق مانوال وأوتوماتيك .... وفايدتوه انك بتتحكم فالعربية ذي المنوال ومريح جداً

الف الف مبروك يا معلم و مرحب بيك في نادي البرافو اللي انتا بقيت فيه العضو رقم 2 و يا مسهل مستنين الناس المتردده ينضموا لينا عن قريب ان شاء الله و همتك معايا بقى عشان الظاهر ان انا كنت الوحيد في مصر اللي معاه البرافو بس يا رب تكون دي البدايه و الناس تعرف القيمه الحقيقيه لهذه السياره و الف مبروك مره تانيه و نورت نادي البرافويه...

[yoko]

وسائد هوائية أيوة اتنين أدام واتنين فالكراسي بس مش فاهم يعني أيه فالكراسي بس هفهم وحقولكو ......

الي في الكراسي دول بيفتحوا في التصادم الجانبي على البيبان يعني وبيبقوا فوق عند الإزاز أما ال٢ الزياده في اللينيا (معرفتش بيفتحوا منين) بيفتحوا على البيبان برده بس تحت
لو عايز تفهم قصدي إيه شوف التصادم بتاع الجراند بونتو في إختبار الأمان

[yoko]

أسف هيا العكس الي في الكرسي بيفتحوا تحت والي بيفتحوا على الإزاز بيفتحوا من فوق

[wildesso]

ماتينسانييش يا ياسر عشان أنا جبتها برضو :)

[yasserit]

ماتينسانييش يا ياسر عشان أنا جبتها برضو :)

يا راجل !!!و ساكت!!!
طيب مش تقول يا راجل!!!
دا انتا جايب نفس الفئة و كمان ساكن جانبي و ساكت؟؟
ططيب يا سيدي الف مبروك عليك و مرحب بيك في عضوية البرافوية ...بقينا 3 مين يزود!!
عايزين بقى نتعرف عليك و تحكيلنا كده عن العربيه و ايه اخبارها معك...

[yasserit]

يا جماعه في خبر حلو قوي للناس اللي معاهم فيات او اللي عايزين يجيبوها....
انا النهارده رحت لتوكيل فيات اللي في الهرم عشان اعمل صيانة ال ٥٠٠٠ للبرافو و عايز اقولوكوا على انطباعي بكل امانه....
الناس هناك في قمة الاحترام و الأدب و استقبلوني احسن استقبال و سيبتلهم العربيه و من غير حجز كمان و لا حاجه و استلمتها بعد ساعه واحه تقريباً و المفاجئه بقى انهم مدفعونيش ولا مليم!!!!!
اه والله مدفعتش ولا مليم.....
المهندس هناك و هو بيسلمني العربيه قاللي انهم كشف على الزيوت و الفلاتر و على الفرامل و ربطوا العفشه و عملوا كشف كامل على العربيه و قاللي.مش حنغير الزيت كمان عشان حرام لأنه المفروض بيعمل ١٠٠٠٠ و قاللي خليها في المره الجايه (امانه غير مسبوقه الصراحه) و كانوا في منتهى الود و الترحاب .....الصراحه مشفوتش كده و لا حتى في بي ام.........

[wildesso]

فين في الهرم يا ياسر عشان أنا مكسل أروح جسر السويس
أنا فعلا أعرف إنو ببلاش

[yasserit]

فين في الهرم يا ياسر عشان أنا مكسل أروح جسر السويس
أنا فعلا أعرف إنو ببلاش

في شارع العريش بالهرم

[khalid_adel]

بجد ناس محترمه اوي ودول قليلين اوي في البلد
انا الصراحه من الناس اللي بكفيني معامله كويسه ويكونو بيفهمو اي حاجه حتى لو غالى يهون بدل من وجع الدماغ اللي بنشوفه في البلد

[ilavm]

ياجماعة هي الأسعار هي هي ولا اتغيرت
يعني الكاملة لسة ب144
ولا إيه

[ilavm]

إيه اخبار ال blue&me
معاك
وال voice commands

[mohamedsaeed]

tayeb 3yzin takrir 3nha keda w as3ar keta3 el 3`yar ma3lish hatt3b ma3ana
w rabna yebariklak feha