اتحاد مالكي الفيات اونو

[ramsisthethird]

التوفيقية في رمسيس اصلا

وانت في الميدان اسأل علي التوفيقية هتلاقي كل حاجة

شكرا يازعيم

[Piowood]

السلام عليكم .. انا كنت بفكر اشتري فيات اونو بس واحد ميكانيكي قالي قطع غيارها غاليه جدا .. كنت عايز اعرف رأي ملاك الأونو في الموضوع ده .. وانا كان معايا 128 وبعتها ... وشكرا لكم

[tamerelsoud]

طلب انضمام للرابطة

سلام عليكم يا جماعة .. انا عايز اشتري عربية اونو .. ممكن اعرف افضل موديل ايه وايه الحاجات اللي مفروض آخد بالي منها عند المعاينة .. وبعد الشراء ايه هي الحاجات اللي مفروض اغيرها فيها .. وجزاكم الله كل خير

[abohassan]

الإشارة الشمال

السلام عليكم ورحمة الله وبركاته

أنا عدى مشكله .. انى لما با آجى ادى إشاره شمال .. التردد بتاع الإشاره بيبقى سريع جدا عكس ما بكون عاطى إشاره يمين .. المشكله دى مكنتشى موجوده يعنى هيه ظهرت فجأه وكمان لو كنت عاطى إشاره شمال وكان فيه مطبات او عيون قط القيها رجعت لطبيعتها تانى والتردد بتاع الإشاره بقى طبيعى .. هل المشكله فى ذراع الإشاره

[WHATZUP]

شباب اخباركم عاملين اية؟؟؟
انا عندي استفسار بسيط...
العربية كل ما اغسلها مرة لازم يحصل فيها مشاكل اثناء التدوير.في اليومين اللي بعد الغسلة
المهم انا غاسل انبارح ورحت ادور النهاردة وانا متوقع انها مش هاتدور(زي ما يكون البطارية نايمة)زي كل مرة
المهم ما دارتش... وزقيناها ودارت,,,
وانا ماشي بيها بطلت مرة ودارت تاني لوحدها... وبطلت تاني مرة بعد مطب حاولت ادورها بالزق بسمع صوت تخبيط في الموتور لكن ما بتدورش!!!!!!!! غيرنا البطارية,,,,, المارش بس هو اللي صوتة مسموع والموتور مفيشلة صوت ,,,,,,,,,,, قطرناها للبيت في انتظار باكر نعرضها علي كهربائي...
اية رايكم ؟؟ ياتري دي حاجة بسيطة (فيوز)؟؟؟ ولا حاجة كبيرة في الكهرباء؟؟؟؟؟؟

[creatinin]

يا جماعه برجاء المساعده
انا معاى اونو 99 فابريكا بره وجوه المشكله تكمن معى فى العفشه ازى اقولكو............
انا غيرت العفشه اول ماجبت العربيه من 3 سننين مفيش فتره قصيره سمعت تخبيط تحت رحت للعفشجى قاللي مقصات جبت مقصات شويه غيرت المساعدين والكابلن المانى تمام العربيه مشيت كويس لحد يناير 2011 سمعت خبط جامد تحت رحت لميكانيكى ممتاز صاحبي قالي مقصات ومساعدين وسوست غيرت كله ده مشيت تمام قبل ماروحله كنت جبت علبه دركسيون ايطالى جديده المهم الدنيا تمام بعد 4 شهور لاقت خبط تلنى رحتاله الاقى علبه الدركسيون تعبانه ؟؟؟ وتقريبا مضروبه بس انا لما غيرتها ف الاول مكنتش عنده المهم مشيت بالعربيه لاقيت زيت ع البوجيهات رحت لميكانيكى قريب قالي طقم شنبر اعمل ياعم تمام التمام شهرين لاقيت يوجد زيت ع البوجيهات رحت عملت طقم جديد عند واحد تانى العريه تمام بس الخبط مازال موجود ثم لاقيت زيت بيسرب من تحت الفيتس ومستوى الزيت الماتور نقص شويه معرفش ليه ولمبه الزيت بتنور ع طول بصراحه انا زهقت من العربيه وقلت العربيه فاشله اغير عفشه كامه مرتين فى سنتين فقررت ابيعه بس خايف لاكون ظالم العربيه وهتطر استلف لكى اشترى اكسنت 2002

اى رايكم فى الماساه بتاعتى



ملاحظه انا ساكنفى منطقه غير مسفلته

[ambitious]

سيارة فيات اونو موديل 1990 بحالة جيدة جدا
السيارة 1500 سي سي - إنذار - سنتر - بطارية جديدة( استعمال 3 شهور) - كاسيت - زجاج كهرباء
بها عداد ار بي ام و امبير حرارة - فتح الشنطة من الداخل-
دواخل فبريكة

Mob. 01222528951

[TaoTao]

شباب اخباركم عاملين اية؟؟؟
انا عندي استفسار بسيط...
العربية كل ما اغسلها مرة لازم يحصل فيها مشاكل اثناء التدوير.في اليومين اللي بعد الغسلة
المهم انا غاسل انبارح ورحت ادور النهاردة وانا متوقع انها مش هاتدور(زي ما يكون البطارية نايمة)زي كل مرة
المهم ما دارتش... وزقيناها ودارت,,,
وانا ماشي بيها بطلت مرة ودارت تاني لوحدها... وبطلت تاني مرة بعد مطب حاولت ادورها بالزق بسمع صوت تخبيط في الموتور لكن ما بتدورش!!!!!!!! غيرنا البطارية,,,,, المارش بس هو اللي صوتة مسموع والموتور مفيشلة صوت ,,,,,,,,,,, قطرناها للبيت في انتظار باكر نعرضها علي كهربائي...
اية رايكم ؟؟ ياتري دي حاجة بسيطة (فيوز)؟؟؟ ولا حاجة كبيرة في الكهرباء؟؟؟؟؟؟

غالباً دي مشكلة في مشط الكهربا، كانت بتحصل معايا حركات من دي لما غيرت المشط اتظبطت الحمد لله.
الكهربائي بيعمل تست ويقول لك العيب منين (المشط أو البوبينا)

[mohamed_atef]

انا بعمل دلوقتي عمرة متور ارجو النصيحة. هل فيه حاجة معينة اخد بالي منها ...

[ahmed_zimo]

استفسار عاجل

انا بجدد دلوقتي يارجالة والعربية واقفة عند البوهيجي بيظبط معجون المهم القي فين كود اللون للعربية هي موديل 1993 دي حاجة
هل تنصحوني بنوع معين للبويا والفلر وكدة ولا اية عشان انا محتاااااار
ارجو الرد بسرعة جداااااا للاهمية

[ahmed_zimo]

استفسار عاجل

انا بجدد دلوقتي يارجالة والعربية واقفة عند البوهيجي بيظبط معجون المهم القي فين كود اللون للعربية هي موديل 1993 دي حاجة
هل تنصحوني بنوع معين للبويا والفلر وكدة ولا اية عشان انا محتاااااار
ارجو الرد بسرعة جداااااا للاهمية

[emeryaly]

الاونو 2000 بتهمد مني

ان لسة شاري عربية اونو 2000 و غيرت سير دينامو سير كتينة زيت ماتور و زيت فتيس اويل سل الفتيس ديسك الدبرياج سلك الاكسرتير البوجيهات فلتر الزيت و فلتر البنزين و جوان كرتيرة الزيت . وبعدين ؟؟؟؟
العربية كانت ماشية زي الفل بعد ماركبت الموتور بعد تغيير اويل سيل الفتيس و الديسك
العربية بتهمد مني بمعني لما بدوس بنزين بتسحب عادي خالص و بعدين تجد سحبها قل خالص و بعد شوية يبتدي يرجع لسحب العادي و بعدين يهمد وهكذا و علشان الحافظ علي الثبات النسبي لسحب لازم ادوس بنزين بطريقة متقطعة لان الهمدة او الكتمة دي بتنتهي مع رفع دواسة البنزين سنة صغيرة و اعادة الضغط عليها مرة اخري .
روحت اكشف عليها كمبيوتر و للاسف لم يتمكن المركز من الدخول عليها و لكنة اقترح ان العيب من فيش الحساسات و خصوص حساس الايدل . و نصح بتغيير الدفيرة بالمرة .
حد يقولي اعمال اية ان لسه جيبها قعد عند الميكانيكي اكثر ما قعدة فيها ان كنت جيبها اتعلم السوائقة و لا كنت جيبها اتعلم الميكانيكا
حد يقولي امشي في سكة الكهربائي و لا الميكانيكي و لا اعمل اية ..

[it_elias]

السلام عليكم ورحمة الله وبركاته

بصراحة الموضوع ده انا قعدت اقرا فيه من صفحة 1 لحد صفحة 50 وتعبت بصراحة بس عايز اقولكو ان ربنا يبارك للي فتح الموضوع ده بأمانة كله افادة ومرجع اعطال وحلول لكل مشاكل العربية الجميلة Fiat Uno . .
يشرفني اني انضم للرابطة الجميلة دي .
وانا من اسكندرية واسمي محمد و معايا Uno موديل 97 اسود اللون

[it_elias]

بالمناسبة ياجماعة . .
حصل معايا حاجة مش عارف افسرها وياريت تساعدوني
كان عندي كوبلن بيطلع صوت المهم واخد قريبي بيشتغل في العربيات التجاري المستعمل
رحنا عند واحد متخصص في الكبالن . . المهم قاللي الكوبلن اللي عندك فبريكه وحرام اغرمك واخليك تجيب غيره ده غير ان الكوبلن التاني اللي عندك سليم .. قلتله اومال هتعمل ايه قاللي هغيرله الكاوتشة المقطوعة وهغيرلك الرمبيل وهظبطهولك تمام .. وفعلاً الراجل حل وظبط وشحم الجوز كبالن وغير الكاوتشات . واخد 50 جنيه علي الليلة دي
المهم وانا طالع بيها مع قريبي ومشينا بتاع 200 متر بعد التجربة طبعاً وكلو كان تمام .. المهم لقيت في صوت عالي تحت رجلي مش صوت المكنة .. فكلمت قريبي قاللي لا الصوت طبيعي قلتله لا فيه خشونه قاللي لا انت بيتهيألك بس
المهم روحت انا ومشيت بيها بتاع 10 كيلو لقيت الصوت علي قوي ..
المهم قلت مصيبة لا يكون الجيربوكس مفيهوش زيت .. المهم طلعت جري علي بتاع الزيوت .. ولما فتح الطبة قاللي الزيت ناقص المهم هو الزيت عنده في برميل كده صغير وفيه طلمبة رفع يدوي .. قعد يزود بتاع 12 رفعة بالطلمبة .. حاسبته ومشيت وفعلاً لقيت الصوت هدا الي جد ما .. بس يا جماعة دلوقتي انا حاسس ان العربية لسه فيها حاجة غريبة ولسه حاسس ان فيها نسبة خشونة وانا بدوس علي الاكسليريت (البنزين) .. طلعت بالعربية من اسكندرية لبرج العرب مسافة 120 كيلو رايح جاي .. السحب هو هو ومفيش اي حاجة اتغيرت بالنسبة لأداء العربية .. بس برضه حاسس ان الصوت اتضخم وانا مش عارف ايه السبب ياريت حد يفيدني يا جماعة العربية كانت ناعمة حداً جداً معرفش ايه اللي حصل ..

[it_elias]

بالمناسبة ياجماعة . .
حصل معايا حاجة مش عارف افسرها وياريت تساعدوني
كان عندي كوبلن بيطلع صوت المهم واخد قريبي بيشتغل في العربيات التجاري المستعمل
رحنا عند واحد متخصص في الكبالن . . المهم قاللي الكوبلن اللي عندك فبريكه وحرام اغرمك واخليك تجيب غيره ده غير ان الكوبلن التاني اللي عندك سليم .. قلتله اومال هتعمل ايه قاللي هغيرله الكاوتشة المقطوعة وهغيرلك الرمبيل وهظبطهولك تمام .. وفعلاً الراجل حل وظبط وشحم الجوز كبالن وغير الكاوتشات . واخد 50 جنيه علي الليلة دي
المهم وانا طالع بيها مع قريبي ومشينا بتاع 200 متر بعد التجربة طبعاً وكلو كان تمام .. المهم لقيت في صوت عالي تحت رجلي مش صوت المكنة .. فكلمت قريبي قاللي لا الصوت طبيعي قلتله لا فيه خشونه قاللي لا انت بيتهيألك بس
المهم روحت انا ومشيت بيها بتاع 10 كيلو لقيت الصوت علي قوي ..
المهم قلت مصيبة لا يكون الجيربوكس مفيهوش زيت .. المهم طلعت جري علي بتاع الزيوت .. ولما فتح الطبة قاللي الزيت ناقص المهم هو الزيت عنده في برميل كده صغير وفيه طلمبة رفع يدوي .. قعد يزود بتاع 12 رفعة بالطلمبة .. حاسبته ومشيت وفعلاً لقيت الصوت هدا الي جد ما .. بس يا جماعة دلوقتي انا حاسس ان العربية لسه فيها حاجة غريبة ولسه حاسس ان فيها نسبة خشونة وانا بدوس علي الاكسليريت (البنزين) .. طلعت بالعربية من اسكندرية لبرج العرب مسافة 120 كيلو رايح جاي .. السحب هو هو ومفيش اي حاجة اتغيرت بالنسبة لأداء العربية .. بس برضه حاسس ان الصوت اتضخم وانا مش عارف ايه السبب ياريت حد يفيدني يا جماعة العربية كانت ناعمة حداً جداً معرفش ايه اللي حصل ..