اتحاد مالكي الفيات اونو

[ahmadcrespo]

الف شكر ياباشا ع الرد واتمنى لو حد قدامه عربيه يقولى... شكرا

حضرتك ساكن فين في القاهرة
ليا واحد صاحبي بيفكر يبيع الاونو بتاعته وهو من سكان حدائق القبه

[Saeed_Niazy]

يا جماعة انا بدور على اونو وشايف من معظم المشاركات ان الكربراتير سبب معظم المشاكل فى العربية و الانجكشن صعب صيانته و تصليحه ... ادور على انجكشن ولا كربراتير

[yaraamr]

سعر المياة الخضرا كام

[midooooh]

السلام عليكم

انا اشتريت أونو 97 بس الفرامل مش بتمسك كويس مع العلم اني غيرت تيل الفرامل
هل هي كدة محتاجة طنابير جديدة و لا أغير طنابير أمامي وخلفي وأسعارهم ايه برجاء الافادة

[ahmadcrespo]

يا جماعة انا بدور على اونو وشايف من معظم المشاركات ان الكربراتير سبب معظم المشاكل فى العربية و الانجكشن صعب صيانته و تصليحه ... ادور على انجكشن ولا كربراتير

يا عم الموضوع مش صعب اوي كدا
انا الكربراتير شغال معايا كويس جدا الحمد لله رغم اني بحط بنزبن 80
بس ظبط كهربا كل شهرين او تلاته ب 10 جنبه وخلاص
المهم تشوف مقدرتك كام واتوكل علي الله

[ahmadcrespo]

سعر المياة الخضرا كام

انا بشتري اللتر ب 8.5
في 3 لتر وخمسه لتر حسب الاحتياج
تقريبا 3 لتر كان عامل 25 جنيه

[MarCo86]

سعر طقم دبرياج اونو كامل

ياصباح الفل على رجالة الاونو
انا معايا أونو 98 وكنت عاوز اسئل حد يعرف سعر طقم دبرياج كاااااااااااامل حد يعرف يعمل كام ؟؟؟!!

[MarCo86]

يا جدعااااااااااااااااااااااااااان هو انا بتكلم هنا لوحدى مال المنتدى بقى كله خمول فى خمول كدا ليه
عموما انا بس حبيت اقولكم انس سئلت على طقم دبرياج الانو 98 ولقيته فى شارع فيصل عند يوسف ب 300 جنيه ( اسطوانه + ديسك + بلية )

[عمرو صدقى]

السلام عليكم ورحمة الله وبركاته

[عمرو صدقى]

لسة شارى عربية فيات انو 93 من حوالى شهر .. العربية ماشاء الله فبريكة .. والعربية رفعتها لقيتها من تحت احسن من فوق كمان.. وديه اول عربية ليا .. اوتجربة معايا تغيير زيت الماتور .. فى بنزينة التعاون تحت كوبرى الدقى التعاون 3 الاف sj .
86 جنية وفلتر 30 جنية ..

[habazlam2]

طقم دبرياج الانو 98

يا جدعااااااااااااااااااااااااااان هو انا بتكلم هنا لوحدى مال المنتدى بقى كله خمول فى خمول كدا ليه
عموما انا بس حبيت اقولكم انس سئلت على طقم دبرياج الانو 98 ولقيته فى شارع فيصل عند يوسف ب 300 جنيه ( اسطوانه + ديسك + بلية )

بص يا كبير انا لسه مغير طقم الدبرياج كامل هو كان عامل بالظبط 293 جنيه بص هتلاقى البليه ايطالى والديسك والاسطوانه تركى العلبه اللى لونها ابيض فى برتقالى

[MarCo86]

طيب يا باشا الف شكر على الرد بس كان ليا سؤال كدا المصنعيه تعمل كام ؟؟؟؟؟؟؟؟؟

[MarCo86]

بص يا كبير انا لسه مغير طقم الدبرياج كامل هو كان عامل بالظبط 293 جنيه بص هتلاقى البليه ايطالى والديسك والاسطوانه تركى العلبه اللى لونها ابيض فى برتقالى

طيب يا باشا الف شكر على الرد بس كان ليا سؤال كدا المصنعيه تعمل كام ؟؟؟؟؟؟؟؟؟
وانت مغيرها فين يعنى انت جيزة و لا قاهره ولا اسكندرية

[mgw2007]

شباب العربية و لما بدورها بتكون كرهرتها شغالة كويس اشارت و نور تمام لكن لما بمشي بيها بتفضل تضعف واحده واحده لحد ما تروح خالص العربية بتفضل دايرة لكن مفيش كلكس و لا كشفات ولا اي كهربة ولما افصل العربية شوية وا رحع ادورها الاقي الكهربا رجعت
وهكذا ده عيب ايه

[ahmadcrespo]

لسة شارى عربية فيات انو 93 من حوالى شهر .. العربية ماشاء الله فبريكة .. والعربية رفعتها لقيتها من تحت احسن من فوق كمان.. وديه اول عربية ليا .. اوتجربة معايا تغيير زيت الماتور .. فى بنزينة التعاون تحت كوبرى الدقى التعاون 3 الاف sj .
86 جنية وفلتر 30 جنية ..

مبروك العربيه الجديده ... انا كنت بعمل زيك بالظبط
بص الفلتر بره من محلات قطع الغيار او وكلاء بيع الزيوت سعره 18 جنيه دلوقتي
انت ممكن تجيبه من بره وتخلي بتاع البنزينه يركبهولك وتوفر ال 12 جنيه دوول