اتحاد مالكي الفيات اونو

[MarCo86]

صباح الفل على الرجالة الحلوة
انا لسة جديد هنا فى المنتدى
المهم انى لسة شارى عربية اونو موديل 1998
العربية حلوه مفيهاش اى مشاكل فى الميكانيكا الحمد لله
هى بس محتاجه تتروق من برا يعنى يتصرف عليها 1500 جنية تشدها من برا شده حلوه دوكو ولوازمة
الي كان بيسأل على الاسعار انا جبت العربية ب25000 الحمد لله وكل الي شافها قالى انها لقطه علشان مكنتها وسحبها وعفشتها حلوين
الصراحه العربية حلوة ومناسبة جدا
بس كان ليا استفسار
العربية تشيل كام فرد يعنى لو ركبنا ورا 3 افراد يبقى بتعب العربية ولا اية ظروفها
غير كدا ياريت الي عنده اى فكره عن أخر اسعار قطع الغيار يفدينا كلنا
انا لسة مغير زيت شيل 5000 الجركن الأصفر + الفلتر + مصنعية التغير ب 170 جنية
والناس نصحتنى بزيت شيل ال 5000

عاوز اغير حبه حاجات وعاوز اعرف اسعارها

1- فوانيس خلفية
2-باغه الفوانيس الأمامية
3- اكصدام أمامى
4- أكصدام خلفى

للعلم بس انا هغيرهم من باب التجديد لكن هما مش مغدغين يعنى [/quote][/color]

[mikho83]

أول تجربة ليا بالسفر بالأونو، روحت راس البر، حوالي 300 كيلو من مكاني، روحتها بدون توقف في الطريق، أقصي سرعة جيبتها 130 وما رديتش أزود عشان كان معايا الأولاد، كنا راكبين في العربية 3 أشخاص كبار وطفلين 7 و4 سنوات زائد الشنط :)
الحمد لله العربية تمام طول الطريق. بس لما روحت راس البر وسيبتها يوم كامل من غير ما اشغلها جيت أشغلها ما اشتغلتش وطلع العيب في البطارية، تقريبا عايزة تتشحن أو تتبدل. ربنا يستر في الرجوع إن شاء الله\. بالمناسبة العربية عملت معايا 15 لتر في المشوار.

[Mido Alex]

السلام عليكم يا جماعة ممكن حد يفيدنا فى اماكن قطع الغيار والاكسسوار الخاصة بالاونو فى الاسكندرية علامة او نو وكلمة فيات اللى على الشنطة وفوانيس الخلفية .. وشكرااا للجميع

[Mido Alex]

ولو سمحتم حد يفيدنى فى رسوم نقل الملكية لفيات اونو موديل 94 لانى لسه شريها من شهر وفى شهر 10 القادم انتهاء رخصة السيارة يا ريت الافادة بجميع التكاليف والاوراق المطلوبة وشكراااا لكم ؟؟؟؟

[h0pa]

واحد صاحبي اخد العربية مشوار رجعت بتكركر و بتسقف و بتخبط كمان لما بتدوس بنزين - صاحبي مش غشيم و هو اللى معلمني السواقة و هو اللى كان بياخدني للصنايعية لما كان بيبقي في مشكلة في العربية علشان ما حدش يتهمه انه بوظها او عمل فيها حاجة لانه تقريبا بيخاف عليها يمكن اكتر ما انا باخاف عليها لحداثتي في السواقة
العربية اول ما جبتها وديتها لميكانيكي عملها عمرة جوان وش سلندر
كلفتني حوالى 600 ل 700 جنيه
و قالي امشي سلانسيه علشان ما تعمرش منك فانا بالتالى كنت باتعلم فسبتها لصاحبي ده هو اللى يلينها و تم بالفعل الكلام ده من حوالى 15 يوم او اقل
و بعد ما بقت تمام و ينفع تتركب ابتديت اركبها يوم ورا التاني و اقضي بيها مشاوير للعفشجي و الكهربائي و هلم جرا
المهم اني صرفت عليها بتاع 4 تلاف جنيه لحد النهاردة ما الموقف ده حصل
اتصل بميكانيكي يعرفه علشان النهاردة الجمعة و مش هايلاقي حد فاتح و الميكانيكي اللى عمل النص عمرة الاولانية موبايله مقفول فالميكانيكي قاله في الاول زيادة في الكهربا ! و لما سمعه الصوت علي الموبايل قاله لا دي كدة هاتحتاج عمرة !!!!
فانا دلوقتي محتار و المفترض انى اروحله بكرة ان شاء الله مع صاحبي ده و مش عارف هايبقي ايه الحل لو قالي تعمر تاني
مش ناقصة مصاريف هي
اصلي مش هاجيب اونو علشان اوفر اقوم اصرف عليها و اوصلها تمن اللانوس ولا الاكسنت
المهم دلوقتي سؤال خطر علي بالي لما قالي هاتحتاج عمرة
ايه الماتور الانسب اللى اجيبه بدل وجع دماغ العمرة !
سعره ؟ ومكانه ؟ و نوعه ؟ و سعته؟ و ايه الاجراءات اللازمة علشان يتثبت؟
العربية 92 و الماتور اللى فيها 1000 سي سي و فيها مروحة التكييف اللي بتدخل هوا سخن دي
ايه المناسب بقي علشان لو فكرت اشتري كمبرويسور التكييف بالمرة
سمعت عن موديلات للمواتير زي التيربو و الفاير و حاجات كدة ما افهمهاش
ياريت الافادة في اسرع وقت للاهمية القصوي

[mgw2007]

انا ان شاء الله حستلم انهارده اونو 2000 اخدتها على 29000 هي فيها شوية خبطات بسيطة بس الاساس كويس
انا كنت عايز اعرف ايه المفروض اهتم بيه في العربية ده و اتبعه علطول و اغيره كل فترة انا مش خبير خالص في العربيات
انا كمان قلقان منها انها هالف انجكشن فكنت عايز اعرف ده حاجه كويسه ولا وحشة
وكمان ايه رايكم في السعر
و ايه المفروض اغيره لما استلم العربية و اتاكد منه
في حاجه كمان انا لاحظت ان العربية وطية شويه انا لما بركب اللادا و بنزل منها بنزل مستريح بس في الاونو 2000 انا بنزل بصعوبه شوية هل ده طبيعي في العربية تكون وادية شوية ولا اوديها لحد بتاع عفشة
و لو لعفشة فيها مشكلة ممن اصلحها بكام و فين
انا من اسكندرية

[Saeed_Niazy]

السلام عليكم
انا عاوز ابقى عضو فى المنتدى عندكو فبدور على حتة اونو 93 فى اسكندرية تكون حالة نضيفة ومش متهانة ومش محتاجة مصاريف فلو حد يعرف حاجة يقوللى او حتة انزل ابص فيها لانى جديد فى شراء العربيات
وشكرا

[habazlam2]

استفسار ارجوكم

اولا انا معايا اونو 1993 انا محتاج اعرف ايه افضل نوع زيت موتور ممكن اشتغل بيه وهل لازم اغيرفلتر الزيت كل مره ولا لأ
محتاج اعرف طريقه تغيير لمبات التابلوه
ومنين اجيب فوانيس الشبوره وسعرها كام دلوقتى تقريبا
وايه اللى ممكن يخللى العربيه سحبها افضل

[MarCo86]

كنت باشوف واحدة النهاردة
92
فابريكة برة و جوة
فرش الزيرو
بيقولي كانت مرفوعة حوالى 15 سنة
و هو اشتراها من المالك الاول اللى كان رافعها
كنت واخد معايا سمكري الراجل بصراحة انبهر من العربية و قاللي موديل 92 وبالنضافة دي برة و جوة ؟
علقلي بس علي حتتين برومة في قرن الباب اللى ورا السواق
و حتة برومة في العتبة بتاعة نفس الباب و قالي مش هي دي اللى توقف عليها البيعة دي برومة بسبب الغسيل و دي تتعمل في ما فيش وقت و العربية حلوة كحالة اما كنوعية انا ما اشتغلتش فيهم قبل كدة علشان اقدر اقولك موفرة في البنزين ولا لا ولا قطع غيارها موجودة و رخيصة ولا لأ
العربية بالنسبالي كحالة اقولك 85 %
قولتله مش كدة قليل قالي لا لانى باقارنها بالزيرو العربية ما فيهاش قلم بوية برة ولا جوة
حتة و انت قاعد جوة العربية كل الاكسسوارات بتاعة الزيرو
هي بس عاوزة تظبيط في الاكواليزر و الرفرف القدام و في فانوس يمكن عاوز يتغير علشان هو لازقه بسوليتيب
المهم الراجل السمكري ده مش هايضحك عليا لانه جاري و فيه معرفة سنين فهو انا باخد منه الحاجة ثقة لانه بعد كدة هو اللى هايشتغل فيها اى حاجة تطلع لا قدر الله
بس هو قلقني من حوار النوعية دي
هو قالي كحالة ابصملك بالعشرة العربية زيرو و مافيهاش الهوا
بيقولي انا و انا راكب جنب الراجل حسيت انى راكب ياباني او عربية زيرو من نعومة الصوت و الثبات
لكن النوعية دي انت اللى تسأل فيها الناس و تشوف رأيهم ايه بما انك عاوز تجيب اونو
انا شايفها كويسة بس العيب اللى لاحظته انها ضيقة من جوة تكاد تكون زي الماروتي
و الطارة بتاعتها تقريبا كانت لازقة فيا النهاردة !! مالهاش حل ان الطارة تعللي لفوق او تتغير بواحدة اصغر ؟ علشان بالمنظر ده هاتتعب الواحد

اولا انا معايا اونو 1993 انا محتاج اعرف ايه افضل نوع زيت موتور ممكن اشتغل بيه وهل لازم اغيرفلتر الزيت كل مره ولا لأ
محتاج اعرف طريقه تغيير لمبات التابلوه
ومنين اجيب فوانيس الشبوره وسعرها كام دلوقتى تقريبا
وايه اللى ممكن يخللى العربيه سحبها افضل

يا صباح الفل
بص يا باشا افضل نوع زيت هو شيل الاصفر ال5000 ويفضل انك كل ماره تغير زيت تغير معاه الفلتر انت عارف الجو عندنا فى مصر كل اتربه وبعدين الفلتر بيعمل من 15 الى 25 وبيركبلها فلتر الشاهين عادى مفيهوش مشكله اهم حاجه يركب بدون اى مشاكل ويكون القطر بتاعه نفس مقاس قطر المكان بتاع فلتر الزيت
انا غيرت اخر ماره الزيت بالفلتر بالمصنعيه عملوا معايا 170 جنيةالكلام ده من اسبوعين

[sharawy77]

انا مركب في الاونو بتاعتي تكييف ساندن..نصيحه بلاش..انا بطلت اشغله اصلا وكل ما بشغله تحصل مصيبه..ده غير انه بيهلك الموتور فعلا

[kerberos01]

من فضلكم عايز اشترى انو وقدامى انو 2001 حاله كويسه جدا ب 31 الف فيها سنتر وزجاج امامى كهربا
1- هل موديل 2001 انجكشن؟ وبالنسبه لقطع غياره نفسى الكربيراتير؟ وبالنسبه للصيانه لانى سمعت ان الحساسات عيب شائع ف الانو ويظهر فيها مشاكل ؟
2- لو قدامى 97 و2001 نفس السعر نصيحه اجيب ايه فيهم؟

[MarCo86]

من فضلكم عايز اشترى انو وقدامى انو 2001 حاله كويسه جدا ب 31 الف فيها سنتر وزجاج امامى كهربا
1- هل موديل 2001 انجكشن؟ وبالنسبه لقطع غياره نفسى الكربيراتير؟ وبالنسبه للصيانه لانى سمعت ان الحساسات عيب شائع ف الانو ويظهر فيها مشاكل ؟
2- لو قدامى 97 و2001 نفس السعر نصيحه اجيب ايه فيهم؟

بص يا باشا الي انا اعرفه انالكربرتير احسن وممكن تحط بنزين 80 ومشاكله قليلة عن الانجيكشين بتاع 2001 لان الحساسات فى 2001 بتعمل مشاكل كتير بس طبعا عمرها ما عتدفع نفس التمن بتاع ال2001 فى اونو 97
سعر الاونو ال 97 لا يتعدى 28 على حسب حالتها
يعنى تكون حالتهال كالتالى
1- فبريكه جوا من الحوض للشنطه
2- ممكن طبيعى تكون راشه برا ( ومش فارق قوى موضوع اذا كانت راشه حزام او راشه السقف مدام انت متاكد انها هتكون فبريكه جوا كلها )
3- طقم كاوتش جديد
4- الماتور بحاله ممتازه ميكونش اتعامله نص عمره
5- المساعدين كويسين و الكبالن والمقصات تمام
غير كدا نزل فى سعرها على قد ما تقدر

وطبعا تابع المشاراكت الي قبل كدا هتلاقى كلام مفيد جدا جدا جدا اكتر من الي انا قولتهولك

[kerberos01]

الف شكر ياباشا ع الرد واتمنى لو حد قدامه عربيه يقولى... شكرا

[yaraamr]

من فضلك أجيب منين مياة خضراء

[ahmadcrespo]

من فضلك أجيب منين مياة خضراء

المياه الخضرا ممكن من اي بنزينه او محل رادياتيرات او قطع غيار
اصبحت منتشره جدا

ونصيحه انا جربتها والحمد لله شغاله كويس جدا من اكتر من 7 شهور
بدل ما حضرتك نملي الرادياتير كله مياه خضرا ... ممكن تملي الرادياتير ونحط بس نص لتر مياه خضرا وهتدي نتائج هايله
ممكن نضطر نزود مايه كل شهر مثلا مع احتفاظ الرادياتير بحالته وسخونة العربيه
ويفضل لما نيجي نزود نحط مياه خضراء