اتحاد مالكي الفيات اونو

[السريع]

حضرتك تعالا على صفحه الاونو على الفيس بوك و ان شاء الله هاتلاقى الحل و على فكره فى موتور اونو 1400 لسا معروض للبيع فى عزبه شلبى الينك اهوه

https://www.facebook.com/groups/Egyptian.UNO/

[refath]

السلام عليكم ورحمة الله وبركاته

انا الحمد لله ربنا وفقنى واشتريت اونو موديل 1997 لكن محتاجة شوية حاجات ومش عارف بتباع فين وسعرها كام
- جوز كبالن (ايه احسن نوع)
- جوز مساعدين بالقيبرة بتوع الشنطة
- فلتر هواء
- فلتر زيت (ايه احسن نوع)
- زرار انتظار
- جوز مرايات جانبية ( يا ريت حاجة تانية ممكن تركب غير بتاعت الاونو )

بالاضافة
- ان العربية بتبرجل لما مروحة الردياتير بتشتغل
- خبط اسفل الدواسات
- وكنت عايز اركب كسوة زى ديه





واسف على الاطالة

[mikho83]

السلام عليكم ورحمة الله وبركاته

انا الحمد لله ربنا وفقنى واشتريت اونو موديل 1997 لكن محتاجة شوية حاجات ومش عارف بتباع فين وسعرها كام
- جوز كبالن (ايه احسن نوع)
- جوز مساعدين بالقيبرة بتوع الشنطة
- فلتر هواء
- فلتر زيت (ايه احسن نوع)
- زرار انتظار
- جوز مرايات جانبية ( يا ريت حاجة تانية ممكن تركب غير بتاعت الاونو )

بالاضافة
- ان العربية بتبرجل لما مروحة الردياتير بتشتغل
- خبط اسفل الدواسات
- وكنت عايز اركب كسوة زى ديه





واسف على الاطالة

انا لسا مشتري كبالن، الجوز إيطالي من عند مرجان في الحي السابع ب240 جنيه. الفلاتر بيتهيالي مش أنواع، يعني فلتر الزيت كدا كدا بيتغير مرة ومرة، وفلتر الهواء هاته من عند الكيلاني قوله للأونو، اشتريته ساعاتها أعتقد ب 40 جنيه.

[refath]

انا لسا مشتري كبالن، الجوز إيطالي من عند مرجان في الحي السابع ب240 جنيه. الفلاتر بيتهيالي مش أنواع، يعني فلتر الزيت كدا كدا بيتغير مرة ومرة، وفلتر الهواء هاته من عند الكيلاني قوله للأونو، اشتريته ساعاتها أعتقد ب 40 جنيه.

شكرا على استجابتك
فين بالضبط مرجان اللى فى الحى السابع
والكيلانى ده مكانه فين

[sh13]

http://www.nilemotors.net/Nile/450203-a.html

ارجو افادتي بهذا الموضوع

[mahmoud002]

يا جماعه أنقذوني
معايا أونو 98 و محتاجه بطاريه أجيب نوع ايه ؟
عشان في واحد بتاع بطاريات قاللي أجبلها بطاريه كلورايد جافه كوري
فأرجو الأفاده من مالكي الأونو
و تقبل مروري

[Mahmoudyoussif]

يا جماعة انا عايز اونو 93 او 94 لو موجود حد هنا عايز يبيع

[m abo zead]

السلام عليكم
عندى أسبراتير جديد بالكرتونة تركى لم يستخدم عايز ابيعه 350 هابيعه
01226902808

[MarCo86]

يا جماعه انا لسه جايب ماستر فرامل اونوا 1998 ب 85 جنيه وعلبة زيت باكم ب 15 جنيه

الاسعار ديه للافاده كل واحد اشترى حاجه قريب فى العربية ينزل سعرها

انا دلوقتى كذا ماره اسيب العربية مركونه لمده اسبوع ولما اجى اركبها اسمع طقطه خفيفه كدا فى العفشه الخلفيه عند العجل يادوبك امشى بيها مشوار ولا حاجه لمده ساعه الطقطه تختفي خالص اجى اركنها تانى يومين تلاته تعمل نفس الصوت فى الطالعة


لو حد عنده فكره عن اسعار السوست الخلفيه او مساعدين خلفيه واماميه يقولنا اخبار الاسعار اية

[amam244]

السلام عليكم بعد التحيه
بعد اذنكم عندى مشكله وعايز ليها حل جزرى

اانا عندى العربيه لازم تسخن علشان تمشى ولو مسخنتش بتقف وتحس انها مخنوقه قوى ولو كبست بنزين بتقف وطبطل قالولى روح لحد بتاع كاربراتير راحت لتلاته قالولى الكربيراتير ذى الفل وانا مش عارف اعمل اه كل الليساق العربيه حتى بعد مبتسخن يقولى العربيه مخنوقه

[MarCo86]

باشا
اكيد العربية واخده هوا
بص هو مش فتي بس انا عندى العربيه كانت بتعمل كدا و الميكانيكى قالى على الموضوع ده وانا عملته بنفسى موضوع بسيط بس هو عاوز كام جركن مايه

شغل المتور بس خاليك فاتح الغطاء بتاع الردياتير و هتلاقى جنبها مسمار كدا جنب الغطاء بتاع الردياتير الي هو بتاع الفايظ فكه باردو وخاليه مفتوح

المهم افضل زود مياه فى الردياتير لحد ما المايه تخرج من فتحه الفايظ زود مايه كتير فى الردياتير وحتى لما المايه تخرج من مكان الفايظ خاليه يفضل يطلع مايه كتير حط جركنين مايه لازم الهواء كله فى الماتور يخرج وزود بنزين هتلاقى الردياتير بيرجع مايه تانى من مكان الفطاء بتاع الردياتير عادى جدا جدا ولا تقلق من اى حاجه المهم انك تزود بنزين علشان يقلب المايه جوا المتور ويفضى الدورة من الهواء
واستنى لحد ما المروحه بتاعه التبريد تشتغل على الاقل مرتين علشان تتأكد ان الهواء كله خرج

بس وبعد كدا اقفل الردياتير والمسمار بتاع الفايظ وجرب وهتلاقيه بتسحب وزى الفل

وللعلم باردو علشان تبقى عارف لو ده مكنش السبب عندك وطلع السبب ميكانيكا او حاجه تاني الي انت عملته ده ميضرش بالعكس انت بطلع الهواء من الماتور وبتحافظ عليه عادى جدا جدا واسئل اى حد

والعربيه مدام بتاعت اشتغل فيها بايدك حتى مع الميكانيكى وخاليك فاهم فى كل حاجه هو بيشتغل فيها علشان العربيه متجيش تعمل معاك حركه نداله فى اى وقت وتبقى محتاس

[Mah. Shehata]

دى اول مشاركة ليا وحابب اشكر المؤسسين والقائمين على الموضوع
وسبب المشاركة الاساسى انى محتاج حد يجاوبنى على سؤال مهم قبل ما اشترى الاونو عشان انا ناوى خلاص
هل فى فرق بين العربيات الايطالى (لحد 1994) او البولندى..... وهل فى برازيلى كمان ولا اه
.
.
عشان بصراحة قلقان انى اجيب موديل قديم فى اوائل التسعينات يحصل ويحدد بعد كدة سنين للترخيص وخايف يكون فى مشكلة فى البولندى او الايطالى يكون افضل رغم القدم
..
ولو فى نصيحة لاخوكم وهو نازل يشترى عشان مش يلبس فى حيطة بالنسبة الاول عربية

[مصطفى عمر]

يا جماعه انا هشترى كمان يومين اونو 97 ب 28500 بس حالتها محترمه اوى
صاحب العربيه بيقولى فيها كوبلن يمين ممكن تقلولى الكوبلن دا تمنه كام و مصنعيه تركيبه فحدود كام
و ياريت حد يكون مزاجه عالى يقولى اعمل صيانه ايه بالظبط و اغير ايه لانى اول عربيه ليا بس انا بسوق عادى بس خبرتى المكنيكا تقريبا محدوده فعاوز اعمل صيانه بحيث امشى مطمن من كوله قولىلى اغير ايه و اشترى ايه جديد و اسعار قطع االغيار بتاعه الصيانه دى لانى بسافر بالعربيه على طول و على طريق
و شكرا وواضح ان الرابطه فيها معلومات مهمه جدا و مفيده و الناس هنا كلها زوق و خدومه و شكرا مقدما لاعضاء الرابطه

[مصطفى عمر]

يا جماعه لو فيه مشكله فشاسيه العربيه قب ما اشترى ممكن تنصحونى بأيه لانى لقيت واحد كاتب الشاسيه فاصل مش فاهم معنى كلمه فاصل

[مصطفى عمر]

هى ال 97 فيها امبير حرارهيا جماعه و لا دا مغير طابوه