اتحاد مالكي الفيات اونو

[ahmadcrespo]

اشكرك يا استاذ تامر
بس انا روحت لواحد اسمة البرى تحت كبرى التجنيد فى جشر السويس وقال لازم يغير فتحة السقف بالكامل وطبعا دى مش حلوة او انها تيجى استيراد ومش عارف القيها فين استيراد

استاذ عمر/
الاستيراد في 3 اماكن
الحرفيين اللي قبل السلام
الوكاله اللي علي الكورنيش
عزبة شلبي ... بس بلاش ديه عشان محلات اونو قليله واسعار اعلي من المكانين اللي فاتو
الاحسن والارخص بينهم هيا الحرفيين !!!

[عمر غريب]

شكرا يا باشا

[لوللي]

انا اشتريت اونو93 ومحتاجه الاتي
جوان
وش نظافه
تظبيط عفشه
السنتر بايظ
كل طبله بمفتاح شكل
الابواب والكبوت والشنطه عايزين يتريحوا ويتظبطوا
ياريت الساده الافاضل يفيدوني بالاهم ثم الاهم
واماكن قطع الغيار وميكانيكي وكهربائي كويسين بالاسكندرية لو امكن علشان دي اول ركوبة لي

[medo12877]

يا باشاالف مبروك على التبلوه الجديد لوا لعدادات الفيه حراره مؤشر انا ممكن اشتريهم منك

اشترينا تابلوه استيراد بالعدادات ، ما شاء الله جميل وفابريكا والعداد مفكوك من العربية عامل 34 ألف كيلو ! درج التابلوه ليه غطا مش مكشوف زي اللي عندنا :)

التابلوه بالعدادات عامل 650 جنيه، طبعاً هاركبه من غير العدادات لأن عدادات عربيتي سليمة ومظبوطة بالشعرة والحمد لله.

[ahmedshawkizak]

كنت عاوز اسأل على مشكله عندى عربيتى فيات اونو ٩٧ انا غيرت ٣ موبينه وكلهم نفس المشكله تشتغل شويه وتقطع شويه وما تبقاش مخرجه الشراره وبعد كده تشتغل تانى لوحدها.. السؤال بقا هل مشط الاسبراتير لو هو اللى بيعلق ممكن يعمل كده ويخلى الموبينه ما تخرجش الشراره بتاعتها وشكرا على الرد مقدما.

[ahmadcrespo]

كنت عاوز اسأل على مشكله عندى عربيتى فيات اونو ٩٧ انا غيرت ٣ موبينه وكلهم نفس المشكله تشتغل شويه وتقطع شويه وما تبقاش مخرجه الشراره وبعد كده تشتغل تانى لوحدها.. السؤال بقا هل مشط الاسبراتير لو هو اللى بيعلق ممكن يعمل كده ويخلى الموبينه ما تخرجش الشراره بتاعتها وشكرا على الرد مقدما.

بناءا علي كلامك بقي العيب في المشط

[andndoy]

ممكن نصيحة . معروض عليه عربية انو فاير 2006 وعاملة 100000 ك . بس مش عارف قطع الغيار ايه اخبارها وسعر العربية ده يعمل كام ؟

[BETABETABETA]

ايه رايكم في عربية فيات اونو ٩٣ عاملة ١٢٦ الف كيلو وعلي ٢٨ الف جنية ايه رايكم
العربية حالتها معقولة ومجنطة

[ABO BELAL]

كوري ماركه ايه

[ABO BELAL]

22 هي موديل كام

[محمد طاهر سالم]

دمياط

اهلا انا عضو جديد وبشتري ف اونو ومحتار بين مديلات التسعينات والالفين ترشح لي اية مع ان فية ناس خوفوني من 2000 لانها انجكشن

[emamphoto]

فيات اونو 93 استيراد

معروض عليه فيات اونو 93 استيراد سنة 2006 مكيفه موتور 1400 عامله 57000 لأنها مرفوعه على 30000 الف العربيه فبريكه دواخل ورشه بره نضافه أرجو الإفاده من الخبراء

[نيبال]

Nibal.moh@gmail.com

السلام عليكم
انا عندى عربيه اونو 94 عندى فيها مشكله انها بتنقط زيت من تحت عرفت من الميكانيكى انها من حله الفتيس و بيقولى انها متتلحمش لانها فيها شرخ فعايزه اعرف هل هى فعلا مش بتتلحم و ان كان كده اجيب حله فتيس منين و بكام و لو هجيب يبقى الافضل انى اجيب فتيس كامل ولا الحله كفايه و هل هو بيبقي جديد افضل ولا استيراد

[sharawy77]

انا معايا فيات اونو 98 1000 cc بولاندي
عاوز اقلبها اتوتوماتيك وعندي كام سؤال ياريت تفيدوني
1- هل ينفع تغيير فيتيس بس ولا لازم موتور و فتيس؟
2- ايه الموتور و الفيتيس المناسبين ليها ؟ بونتو مثلا؟
3- منين اجيب قطع الغيار دي؟
4- فيه ميكانيكي في المعادي ممكن يفيدني في القصه دي؟

وشكرا ليكوا مقدما

[Uno1994]

اونو موديل 94

السلام عليكم

انا لسه شارى عربية اونو موديل 94 وهى اول عربية لي ومش عارف اعملها صيانة دورية ازاى

ياريت تنصحونى اعملها صيانة ازاى ولو حد عنده نفس العربية وساكن فى اكتوبر ياريت يقولى احسن كهربائى وميكانيكى لها مين

سوال تانى الاشارات اليمين والشمال قطعت اعمل ايه؟