اتحاد مالكي الفيات اونو

[mohamed shawky]

السلام عليكم

انا لسه جايب فيات اونو 2000 من شهر ونص كده

للعلم انا اول مرة اركب عربية
المهم ظبطها ومشيت معايا شوية وكانت بتحرق مية كتير جدا جدا غيرت لها جوان وش سلندر وبقت مية مية

من اسبوعين او 3 كده حصلت معايا مشكلة
كنت ماشي فى زحمة وبنستخدم طبعا بنزين وفرامي ودبرياج
ادوس عالدبرياج فقط الاقي صوت الموتور بيعلى جدااااااا وفى دخانة بيضاء بتطلع
المهم المشكلة دي اختفت لوحدها
من اسبوع كده
العربية بقى صوت الموتور عالى جدا وكشفت عالكهرباء و الميكانيكة مفيش مشكلة
وانا ماشي على 80 واجيب الخامس بدوس دبرياج الصوت عالى ومستمر مش بيقل كده زي الاول مع التنقل بين الغيارات
لا الصوت عالى ومستمر
امبارح لاقيت المشكلة برده فى الزحمة صوت عالى للموتور و دخنة بيضاء و امور العربية وانا ماشي على 20 الاقى العربية بتجري منى و المؤشر بتاع الكيلوات بيزيد

انا تعبت صراحة وقفلت من العربية :(
ياريت تفيديوني
روحت للمياكنيكي قالى فى زيت من البويجيات بيطلع ومحتاجة شنبر

هل ده صحيح ولا اية يا شباب
للعلم انا مفهمش حالجة فى الميكانيكة ولا شئ واول مرة اركب عربية
ارجوا الافادة سريعا :(

طبعا الف مبروك على العربية وصدقتني مش هتندم انك ركبت اونو
انا معايا نفس الموديل ده
العربية تحفة سحب وسرعة وثبات واقتصادية واستغلال جيد للمساحات الداخلية
هأكد على كلام الاستاذ الي قال لحضرتك على طقم السيور والزيوت البوجيهات
واكشف عل طقم الدبرياج (دسك واسطوانة وبلية وسلك)
اكشف على الشكمان
غير الفلاتر كلها ( زيت وبنزين وهواء)
واهم حاجة اكشف على الحساسات واـاكد ان كلها شغالة بكفاءة وهتلاقيها متركبة في البوابة اللي تحت العمة اللي فوق الموتور وده لازم يكون عند ميكانيكي امين وياريت لو تلاقي حد عنده كشف بالكمبيوتر عشان تريح دماغك
وماتقلقش كل الحاجات دي امرها سهل بإذن الله

[a.m.a2011]

ميكانيكي حرامي معندوش زمة كان هيضيعني انا و الأسرة لكن ربنا ستر و الحمد لله

السلام عليكم
انا جاي النهاردة عشان أبلغ كل الناس انهم ياخدوا حرصهم من الميكانيكية ، و أوعى حد يقولك هشتغلك في العربية بعدين و تسيبه و تمشي.


انا معايا عربية 126 ، روحت لميكانيكي بشتغل فيها و في عربيات تانية كمان في الإمام ، جنب كوبري التونسي ، شهرته سيد التونسي.
قالي العربية محتاجة بلي ورا عشان البلي ضايع و هوه ده اللي بيعمل الصوت العالي ، كنا في رمضان بعد صلاة الجمعة و كنت جيابله بليتين لكل عجلة و اتنين اولسيه من عند علي شاهين ب 200 جنيه.


قالي مش هشتغل فيها دلوقتي ، لسة هشتغل فيها بعدين عشان عندي شغل كتير، تعلالي بعد الفطار مش قبل 10 او 11 بالليل. و بالفعل مشيت بس رجعتله بعد العصر على 4 ونص عشان اديله زيت يغيرلي زيت المحرك. لقيته بيقولي انا خلصتلها بعد الصلاة الجمعة و كانت سهله وربنا يسرها و خلصت بسرعة و وراني بلي قديم و قالي هوه ده بتاعك اللي انا خلعته.


بعد أسبوعين و انا على المحور على سرعة 70 ، العجلة اللي ورا قفشت و العربية اطوحت و لفت و وخمست و وقفت عكس في وش اللي جاي في الشمال.


ربنا سترها معايا انا و مراتي و اخويا و بنتي و مكنش فيه حاجة ورايا و رجعنا بالسلامة.
الحمد و الشكر لله رب العالمين


وانا عند ميكانيكي تاني امبارح لقى ان البلي بتاع العجلة الشمال قفش و دقر في الصرة لدرجة انه مرديش يفك ، ولما روحنا نخلعها عند المكبس ، الصرة اتكسرت. وطلعت المفاجأه ان البلية بتاعة الفبريكه.
حسبي الله و نعم الوكيل فيه الحرامي
اسمه سيد التونسي
في الإمام
ومشهور انه بيشتغل في 126


ربنا يسترها علينا و عليكم و الحمد لله رب العالمين على نعمه التي لا تحصى

[sniper266]

بعد اذنكوا يا جماعة انا اجيب تابلوه اونو 93 منين عشان عايز اركبه فى العربية بتاعتى ؟؟؟؟؟

[hossamfawzy]

السلام عليكم
انا كان عندي سؤال العربيه عندي وانا ماشي بطلت فجاءه فقولت العيب اكيد من الموبينه او المشط الخلاصه انا غيرت الاتنين والعربيه الحمد لله اتصلحت بس السؤال هنا ازاي اعرف انهي اللي بايظ الموبينه ولا المشط عشان مش كل مره اغير الاتنين العربيه اونو 93 كربراتير وملحوظه ان موبينه ومشط الشاهين بيركبوا عليها

[hossamfawzy]

بعد اذنكوا يا جماعة انا اجيب تابلوه اونو 93 منين عشان عايز اركبه فى العربية بتاعتى ؟؟؟؟؟

ممكن تلاقيه في عزبه شلبي في ناس بتوع فيات اونو هناك

[حسام فهمي]

اولا مبروك العربيه علي حضرتك وانشالله ربنا يرزقك خيرها ويبعد عنك شرها
حضرتك بعد ما جبت العربيه لازم تغيير جميع الزيوت والسيور اللي في العربيه
زيت الماتور وزيت الفتيس وسير الدينامو والكاتينه وطبعا يا ريت البوجيهات
التشخيص المبدئي ممكن يكون الزيوت في موضوع الصوت العالي

المشكله التانيه يا ريت حضرتك تشوف استهلاك البنزين بتاعك عالي عشان كدا ممكن يكون عندك مشكله في حرق البنزين فمن الاحسن حضرتك تشوف الانجيكشن

وانشالله خير
العربيه فووووووووووووووووووووووووق الممتازه

الله يكرمك يافندم انا فعلا اول ما جيبتها حد حبيبي ظبط لى كل ده

العيب طلع من رومبيلات العجل ةالامامي العربية كانت ناشفة اوى اوى
وحسيت بفرق كبير لما اتغيروا
الميكانيكي قالى 70% و 30% وقالى انصحك تغير برده الرومبيلات الى ورا و تجيب معاهم ميوهين
وتغير سير التقسيمة لانه متاكل

العربية بتاخد معايا 20 لتر بيمشو 220 كيلو سئلت قالو لى كويس جدا
الف مليون شكر عالاهتمام
انا فعلا عرضتها للبيع لانى اتخنقت منها بس بعد ما اتظبطت حبيتها
:)

[ahmadcrespo]

ممكن تلاقيه في عزبه شلبي في ناس بتوع فيات اونو هناك

عزبة شلبي
ولو عرفت الحرفيين او الوكاله احسن هيدوك سعر اقل

[ahmadcrespo]

السلام عليكم
انا كان عندي سؤال العربيه عندي وانا ماشي بطلت فجاءه فقولت العيب اكيد من الموبينه او المشط الخلاصه انا غيرت الاتنين والعربيه الحمد لله اتصلحت بس السؤال هنا ازاي اعرف انهي اللي بايظ الموبينه ولا المشط عشان مش كل مره اغير الاتنين العربيه اونو 93 كربراتير وملحوظه ان موبينه ومشط الشاهين بيركبوا عليها

الموبينه مش عتدور تاني
لو المشط هتدور بعد 5 دقايق

[طارق محمد عادل]

انا اول مرة ادخل معاكم انا اشتريت عربية فيات اونو معرفش فى العربيات قوى جبت واحد سمكرى المفروض انه معرفه يشوفلى عربية قالى العربية دى تم خلص فيها هات عربون وخد العربية جربها العربية كانت ماشية كويس خلصت فى العربية واكتشفت بع مدفعت فيها ٢٢ الف انها كلها برومة من تحت لما رفعتها فى بنزينة عشان اغسل واشحم لقيتها متكله من الجنبين من البرومة عرفت انى اتنصب عليا من الاتنين والفلوس مش رجعا تانى لو فضلة انهاد لغية بكرة وشغل تجار وسوق سيارات ومكاتب الموضوع وسع وجبت ناس فاهمه قاعدت معاهم الحل الوحيد تسيب العربية نبعهالك زى مبعنهالك طبعا مش نقصه نصايب موفقتش طبعا ولسا بحاول معاهم الموضوع كله بقاله يومين مشتريها وقلتلهم اخصر الشرط الجزائى الف جنيه طبعا مفيش حاجة طلعه منهم المشكله انى حطيت فلوسى كلها فى العربية وانا فاتح بيت مبقليش سنتين ومعايا عيال كمان ومش عارف لا اضبط حاجة فيها ولا ارجع الفلوس

[طارق محمد عادل]

فى ناس بتقولى العربية دى لازم تفضل وراهم لحد مترجعه واخسر الف الفيين احسن وناس تانيه تقولى ربنا واضبطه واحده واحده واركبها بلى واركبه ولما تعوز تبعه حتتعوزبيع بس مش حتجبلك الى انت دفعته بس ركبت سنة سنتين بلدفعته مش عارف اعمل ايه المشكلة التااديكالتانيها اخدها متلصمه يعنى فاتحة بقه عليا شغل فى الكهربا مش مضبوط وميكانيكا عايزة تتضبط شوية برده . ربنا على المفترى و حسبى الله ونعم الوكيل فى كل الى غشينى

[طارق محمد عادل]

كل شوية اسأل حد . واحد قالى اعمل محضر وهات معرفه فى قسم وهو يجيبلك الفلوس بطريقته وواحد يقلى دول متعودين على كده وليهم سككهم فى موضوع المحضر ده .
ووحدتانى ييقولى سيب لهم عملتهمم الى كانت ليهم وهما الباقى يعنى ارجعها ب ١٨ وانا دافع ٢٢

[طارق محمد عادل]

انا مش عارف ايه الحل الصحيح

[MarCo86]

كل شوية اسأل حد . واحد قالى اعمل محضر وهات معرفه فى قسم وهو يجيبلك الفلوس بطريقته وواحد يقلى دول متعودين على كده وليهم سككهم فى موضوع المحضر ده .
ووحدتانى ييقولى سيب لهم عملتهمم الى كانت ليهم وهما الباقى يعنى ارجعها ب ١٨ وانا دافع ٢٢

بص يا باشا انا عاوزك تهون الموضوع على نفسك الناس مبقاش عندها ضمير انا شايفك مقهور وبتشتكى من حرقتك انا عاوز اقولك ان فى الاول والاخر انت الي عملت الفلوس ومحدش بيتعلم ببلاش فبجد بلاش تحط على نفسك اكتر من كدا
انت هتفضل فى حورات كتيره و فى الاخر مش هترجع فلوسك بسهوله وهتلاقى نفسك دفعت جزء منها مصاريف وانت مش واخد بالك فأحسنلك حاول توصل معاهم لحل جزرى وسريع ولو خسرت فلوس عادى والله مبقولكش عادى علشان انا مش تعبان فى الفلوس لا انا بقولك كدا علشان القهره والزعل الي انت فيهم واى حد لو فى مكانك هيبقى متجنن بس فى الاخر الناس مبقاش عندها ضمير

[طارق محمد عادل]

وصلت لخسارة 4000 جنيه عشان اطلع من الموضوع يعني اخد 18 واسيبها لهم وهما يتصرفو او اخد 15 و5000 علي خمس اشهر. يا رب اطلع من الكارثة دي باقل الخساير

[Mohaswany]

فيات آونو ٢٠٠٠

السلام عليكم
أنا اشتريت من أسبوع آونو ٢٠٠٠
و دى اول عربيه ليا
و من أسباب اختياري لها قراءتي لبعض مشاركات الرابطة هنا
و ألعربيه فعلا جميله
عربيتي مغيرة موتور و راكبلها موتور ١٣٠٠ بتاع ٢٠٠٢ حسب كلام صاحبي ال اشتريتها منه
لكن و أنا بابص علي مقاس الزيت لقيت المتور مكتوب عليه فيات لانشيا
ال قالقني أني في اسوان و العربية دي مش منتشرة
فهل الموتور ده قطع غيارة زي سير الكاتينة و الدينامو متوفرين؟
و كمان لما شيكت علي الفرامل بتاع الفرامل قالي غير الماستر و ركب ماستر ١٢٨ عشان جلوده متوفرة هنا
أرجو الافادة