اتحاد مالكي الفيات اونو

[Aymancabo]

بعد ازنكو فيدوني

انا جديد في المنتدي وعاسز رايكو
انا معايا عربيه فيات اونو موديل 93 المهم ان اخويا رجعلي العربيه جايبه طحينه يعني المكنه باظت وبتدخن المهم خبراء المنتدي بقي ايه رايكو اعمل عمره ولا اسقط متور ولو هسقط ايه المتور الي يركب عندي منغير تعديل و انا عايز حاجه اكتر من 1000 سي سي علشان مكنتش بتجيب معايا اكتر من 130 كم و انا عايز اركب تكيف ولا ايه رايكو وتكلفت العمره كام والمتور لو هسقط كام اجمالي
وشكرا

[MarCo86]

انا جديد في المنتدي وعاسز رايكو
انا معايا عربيه فيات اونو موديل 93 المهم ان اخويا رجعلي العربيه جايبه طحينه يعني المكنه باظت وبتدخن المهم خبراء المنتدي بقي ايه رايكو اعمل عمره ولا اسقط متور ولو هسقط ايه المتور الي يركب عندي منغير تعديل و انا عايز حاجه اكتر من 1000 سي سي علشان مكنتش بتجيب معايا اكتر من 130 كم و انا عايز اركب تكيف ولا ايه رايكو وتكلفت العمره كام والمتور لو هسقط كام اجمالي
وشكرا

لو ماتورك الاولنى كان كويس يبقى الافاضل تعمله عمره عند حد معرفه بس تكون واثق فيه علىشان شغل الخراطه
لكن لو متورك اصلك كان ضعيف فى السحب يبقى ممكن تغير الموتور بواحد جديدد وممكن تركبه بتاع البونتو 1100 وممكن تدور على موتور 1400 ويكون استيراد بتاع فيات لانشيا
بس تجيبه بالفتيس بتاعه

[Aymancabo]

لو ماتورك الاولنى كان كويس يبقى الافاضل تعمله عمره عند حد معرفه بس تكون واثق فيه علىشان شغل الخراطه
لكن لو متورك اصلك كان ضعيف فى السحب يبقى ممكن تغير الموتور بواحد جديدد وممكن تركبه بتاع البونتو 1100 وممكن تدور على موتور 1400 ويكون استيراد بتاع فيات لانشيا
بس تجيبه بالفتيس بتاعه

للاسف هو الماتور كان خفيف و انا عايز اجيب متور يتسقط علي الفتيس بتاعي علشان حاليا انا مش حمل مصاريف كتير ف ال1100 هيتسقط علي الفتيس بتاعي ولا هيحتاج تعديلا ويعمل كام حاليا وانا سمعت عن 1242 المتور الي هو 1300 ده ينفع عندي ولا مش هينفع وهل لو ينفع هيتسقط علي الفتيس بتاعي ويعمل كام بردو لو عندك خلفيه

[A.allam]

السلام عليكم
دي اول مشاركه ليا في المنتدي وانا الحمد لله لسه مخلص في اونو 1993
لكن في حاجه شوفتها خليتني قلقان
الموتور مكتوب عليه fiat lancia
هل هو ده الفبريكه بتاع الاونو ولا دا لانشيا فعلا
وياريت تقولولي رقم الموتور بيكون مكتوب فين

[طارق محمد عادل]

حصليت معايا للمرة التالته ان العربية تخبط من تحت في غطة بوليعة والقي الفيتس ساب من مكانه خالص ولا بيجيب اول والا تاني والا اي غيار وستر ربنا اني اكون جنب ميكانيكي ينزل يربط حاجة تحت العربية مسمار باين وتشتغل الغيارات تاني. انا عايز اعرف هل العربية واطية من تحت ولا في حاجة ممكن تحميها من تحت اعملها ولا ايه بالضبط

[طارق محمد عادل]

مع العلم اني بحول اخلع من البلاليع بس ساعات مبلقيش مفر عشان بلقيها في نص الشارع وعربيات يمين وشمال ركنه فبكون مطر اخدها في نص العربية علي هادي قوي بس بلقيها خبتيتلي في اول العربية من النص كده وشكرا راحة الغيارات. افيدوني افادكم الله

[MarCo86]

مع العلم اني بحول اخلع من البلاليع بس ساعات مبلقيش مفر عشان بلقيها في نص الشارع وعربيات يمين وشمال ركنه فبكون مطر اخدها في نص العربية علي هادي قوي بس بلقيها خبتيتلي في اول العربية من النص كده وشكرا راحة الغيارات. افيدوني افادكم الله

المفروض بيبقى فى صاجه من تحت مصفحه كدا تحمى الموتور والجزء ده
بس واضح ان العربية بتاعتك واطية شوية

[طارق محمد عادل]

المفروض بيبقى فى صاجه من تحت مصفحه كدا تحمى الموتور والجزء ده
بس واضح ان العربية بتاعتك واطية شوية

الصاجة دي باتباع بكام وفين ولو في صورة ليها ياريت

[hossamfawzy]

السلام عليكم
انا عندي مشكله في العربيه اني وانا ماشي بتنتش وتقوم مبطله عملت كده وانا علي التاني او التالت وبعد كده لما ارميلها تدور تاني ياتري حد قابله العيب ده قبل كده مع العلم ن عربيتي اونو 93

[TaoTao]

السلام عليكم
انا عندي مشكله في العربيه اني وانا ماشي بتنتش وتقوم مبطله عملت كده وانا علي التاني او التالت وبعد كده لما ارميلها تدور تاني ياتري حد قابله العيب ده قبل كده مع العلم ن عربيتي اونو 93

غالباً العطل ده له علاقة بمشط الاسبيراتير، لما بيبوظ العربية بتتبرجل كدة. الميكانيكي بيعرف يكشف عليه، وممكن تجيبه من محمد يوسف أو من شارع دمشق (لو كان السبب القطعة دي).

[TaoTao]

اشترينا تابلوه استيراد بالعدادات ، ما شاء الله جميل وفابريكا والعداد مفكوك من العربية عامل 34 ألف كيلو ! درج التابلوه ليه غطا مش مكشوف زي اللي عندنا :)

التابلوه بالعدادات عامل 650 جنيه، طبعاً هاركبه من غير العدادات لأن عدادات عربيتي سليمة ومظبوطة بالشعرة والحمد لله.

[TaoTao]

للاسف هو الماتور كان خفيف و انا عايز اجيب متور يتسقط علي الفتيس بتاعي علشان حاليا انا مش حمل مصاريف كتير ف ال1100 هيتسقط علي الفتيس بتاعي ولا هيحتاج تعديلا ويعمل كام حاليا وانا سمعت عن 1242 المتور الي هو 1300 ده ينفع عندي ولا مش هينفع وهل لو ينفع هيتسقط علي الفتيس بتاعي ويعمل كام بردو لو عندك خلفيه

اللي أعرفه (وده نقلاً عن مؤسس الرابطة Semsem Uno) إن موتور البونتو 1200 سي سي يركب عادب بدون تغيير في آلات الجر أو خلافه، بتشيل الأونو وتحط البونتو على طول.

[عمر غريب]

ياجماعة بعد ازنكو
انا اشتريت اونو94 فيها فتحة سقف والمشكله ان فتحتة السقف متوفقة مش بتاعة العربية لو ممكن تدلونى على حد اروح اغيرها عنده وتتكلف كام

[TaoTao]

ياجماعة بعد ازنكو
انا اشتريت اونو94 فيها فتحة سقف والمشكله ان فتحتة السقف متوفقة مش بتاعة العربية لو ممكن تدلونى على حد اروح اغيرها عنده وتتكلف كام

مادام مش فابريكة، يبقى أي حد من بتوع فتحات السقف يظبطهالك .. أظن في قسم الكماليات أو تظبيط السيارات هايفيدوك أكتر

[عمر غريب]

اشكرك يا استاذ تامر
بس انا روحت لواحد اسمة البرى تحت كبرى التجنيد فى جشر السويس وقال لازم يغير فتحة السقف بالكامل وطبعا دى مش حلوة او انها تيجى استيراد ومش عارف القيها فين استيراد