اتحاد مالكي الفيات اونو

[mohamed shawky]

صباح الفل على الأونووية (ملاك الاونو)
احكيلكم على تجربة صغيرة كده
من فترة صغيرة بدأت اسمع صوت تزييق في العفشة ورا يمين
والدريكسيون احيانا بيكون خفيف واحيانا بيكون تقيل
رحت لعفشجي كشفت قالي العفشة سليمة
ونصحني اغسل العربية من تحت بالجاز
طبعا الغسيل بالجاز هيلم تراب ويعمل طين وبلاوي في العربية من تحت
المهم رحت بنزينة كالتكس اللي في عباس العقاد (توتال حاليا)
ربطت العفشة تمام وغسلت العفشة من تحت بإسبراي تنظيف بيركبوه في كمبريسور
وبعدها غسلت العرببة كلها غسلة تمام التمام جوه وبره وفوق وتحت
وغسلت الحوض بالبخار (وده اول مره اعمله ) بس ميزته مش بيعمل مشاكل في الكهرباء
المهم .. العفشة فاقت تماما والدريكسيون بقى اخر حلاوة
بس اتدبست في 200 جنيه ...

[Job.Ehab]

صباح الفل على الأونووية (ملاك الاونو):b4_048:
احكيلكم على تجربة صغيرة كده
من فترة صغيرة بدأت اسمع صوت تزييق في العفشة ورا يمين
والدريكسيون احيانا بيكون خفيف واحيانا بيكون تقيل
رحت لعفشجي كشفت قالي العفشة سليمة
ونصحني اغسل العربية من تحت بالجاز
طبعا الغسيل بالجاز هيلم تراب ويعمل طين وبلاوي في العربية من تحت
المهم رحت بنزينة كالتكس اللي في عباس العقاد (توتال حاليا)
ربطت العفشة تمام وغسلت العفشة من تحت بإسبراي تنظيف بيركبوه في كمبريسور
وبعدها غسلت العرببة كلها غسلة تمام التمام جوه وبره وفوق وتحت
وغسلت الحوض بالبخار (وده اول مره اعمله ) بس ميزته مش بيعمل مشاكل في الكهرباء
المهم .. العفشة فاقت تماما والدريكسيون بقى اخر حلاوة
بس اتدبست في 200 جنيه ... :_alshmokh08[1]:

انا عندى حل أرخص من الحوارات دى كلها بص ياباشا:
انت حتروح لأى بنزينة مصر للبترول وحتشترى كيلو زيت بــ 15 جنيه وتقوم رايح على أى بنزينه او فى نفس البنزينه تقوله عاوز اغسل العربيه من تحت حيقوم رافع العربيه على الونش وغاسلها من تحت بالمياه كويس قووووووووووووى وبعدين بعد ما يغسل بالمياه يقوم بالكومبريسور الهواء يرش العربيه بالزيت النضيف اللى انت شاريه على العفشه كلها بتاعة العربيه وبس كده وحتلاقى الحوار ده كلو مش حيكمل الــ 30 جنيه بالمراضيه بتاعة الراجل كمان :-)

[Job.Ehab]

عندى عداد البنزين بيقرا زيادة حوالى 10 لتر زيادة .... اي الحل

خالى الكهربائى يكشفلك على العوامه بتاعة تتك البنزين وبالمره طالما فكيت بقا يكشفلك على طلمبة البنزين بالمره عشان لو فيها حاجه بايظه تتعمل بالمره

[Job.Ehab]

انا عندى اونو موديل 90 .... العربية بتقطع مني ....وبعد كده بتقف ومع تكرار المحاولة لتشغيلها بدور بس بعد وقت 5 دقائق تقريبا من المحاولة ومش عارف اي السبب ... هل العربية بتشرق ولا عيب مشط كهربة .. ياريت تفدونى

خالى الميكانيكى يزودلك كهربة العربيه سنه بسيطه وشوف فى فرق ولا لأ لو لاحظت فرق احسن يبقا زودها تانى لحد ما تتزبط معاك ده لو هى ماتزبطتش من اول زواده فى الكهربه

وابقى زود الكاربراتير سنه بسيطه بردو

[ksm3445]

عاوز اجيب سلك فرامل يد للأونو عاوز اعرف منين اجيبه وبكام سعره .....

[ahmadcrespo]

متابع و نفس الوضع زيك بالظبط ..ماعنديش خبرة فى الصيانة بدور على أونو كويسة ماتتعبنيشو يستحسن تكون أوتوماتيك .. أسعارها كام و ايه احسن موديل و ايه اللى اتأكد منه و اخد بالى كويس و انا بشترى
ياريت وحوش الأونو يفيدونا

السلام عليكم جميعا
احسن موديلات اونو من 1990 الي 1993 عشان اد اخر التقفيل الايطالي
بعد كدا بولندي وغيره
مفيش اونو اوتوماتيك
السعر حسب الحاله ولو حاله حلوه بتعمل في حدود 26 ل 28
اهم حاجه تدور عليها انك تتاكد من اساسيات العربيه ومتكونش عامله حادثه
اي حاجه بعد كده امرها سهل
ربنا يوفقكوا للي فيه الخير انشالله

[ahmadcrespo]

انا عندى اونو موديل 90 .... العربية بتقطع مني ....وبعد كده بتقف ومع تكرار المحاولة لتشغيلها بعد كده بدور بس بعد وقت 5 دقائق تقريبا من المحاولة ومش عارف اي السبب ... هل العربية بتشرق ولا عيب مشط كهربة .. ياريت تفدونى

بتقطع يبقي بوجيهات او مشط
لما بتبطل وتدور بعد 5 دقايق دا غالبا مشط

[ahmadcrespo]

عاوز اجيب سلك فرامل يد للأونو عاوز اعرف منين اجيبه وبكام سعره .....

اسال الكيلاني في وسط البلد

[ahmadcrespo]

دى اول مشاركة ليا وحابب اشكر المؤسسين والقائمين على الموضوع
وسبب المشاركة الاساسى انى محتاج حد يجاوبنى على سؤال مهم قبل ما اشترى الاونو عشان انا ناوى خلاص
هل فى فرق بين العربيات الايطالى (لحد 1994) او البولندى..... وهل فى برازيلى كمان ولا اه
.
.
عشان بصراحة قلقان انى اجيب موديل قديم فى اوائل التسعينات يحصل ويحدد بعد كدة سنين للترخيص وخايف يكون فى مشكلة فى البولندى او الايطالى يكون افضل رغم القدم
..
ولو فى نصيحة لاخوكم وهو نازل يشترى عشان مش يلبس فى حيطة بالنسبة الاول عربية

بص يا باشا
1994 ناس بتقول ايطالي وناس بتقول بولندي فانا ريحت نفسي وجبت 1993
باختصار يا باشا هات الايطالي وانت مغمض وعن تجربه
لو 1994 ايطالي هاته ... لو مش ايطالي هات 1993

[ksm3445]

انا عندى اونو موديل 90 ... كنت بسافر بيه كانت تمام .. بس في اخر مشوار سفر كنت ماشى على 120 ك وفجاة لاقيت لمبة الحرارة نورت روحت هديت وركنت العربية على جنب ... ونزلت ببص على المياه لاقتها زي ما هي ... وقفت شوية وبعد كده مشيت بس فضلت ماشى على اقصى سرعة 100 ك لحد ما اليوم عدى وما نورتش تانى ... ده ياترى عيب اي واعمل ايه علشان ما يتكررشى

[مروا ن]

عايز اسئل علي اكتر من حاجة رفيعة يا ريت حد يفدني في اونو فاير 2006
1- الشبكة اللي في وش العربية اتسرقت سالت في الكيلاني قالي ب350 ياريت لو حد عنده مكان تكون هناك و ارخص لاني لفيت التوفيقية كلها ملقتهاش
2- الكبوت في العربية ضعيف جدا من اقل خبطة بييتني هل ليه حل لانه عندي اتني كذا مرة و عايز اعرف تكلفة رشه قد ايه
3- العربية بقي فيها اهتزاز غريب و انا واقف و اول ما بطلع بتتهز و تتدي صوت كركرة ممكن يكون من ايه هي مكنتش معايا كدة
4- عايز عفشجي كويس انا ساكن في الدقي و سعر المساعدين كام
5- عايز كهربائي كويس و فاهم العربية بفك التابلوه ينضفو من جوه لان البريبريز اتكسر و اتفرفت و دخلت جوه قطع ازاز كتير في التابلوه
6-صوت الكلاكس ضعف جامد ايه الحل
7- لو حد يعرف سعر اوكرة الكبوت عشان بتعلق عندي

[MarCo86]

عايز اسئل علي اكتر من حاجة رفيعة يا ريت حد يفدني في اونو فاير 2006
1- الشبكة اللي في وش العربية اتسرقت سالت في الكيلاني قالي ب350 ياريت لو حد عنده مكان تكون هناك و ارخص لاني لفيت التوفيقية كلها ملقتهاش
2- الكبوت في العربية ضعيف جدا من اقل خبطة بييتني هل ليه حل لانه عندي اتني كذا مرة و عايز اعرف تكلفة رشه قد ايه
3- العربية بقي فيها اهتزاز غريب و انا واقف و اول ما بطلع بتتهز و تتدي صوت كركرة ممكن يكون من ايه هي مكنتش معايا كدة
4- عايز عفشجي كويس انا ساكن في الدقي و سعر المساعدين كام
5- عايز كهربائي كويس و فاهم العربية بفك التابلوه ينضفو من جوه لان البريبريز اتكسر و اتفرفت و دخلت جوه قطع ازاز كتير في التابلوه
6-صوت الكلاكس ضعف جامد ايه الحل
7- لو حد يعرف سعر اوكرة الكبوت عشان بتعلق عندي

بص يا باشاا
1- الشبكة الي قدام للاسف سعرها غالى جدا ومش عارف ليه بس ممكن تنزل العتبه تدور على واحده استيراد اى لون وبعد كدا ابق رشها بلون العربية وحت لو كانت ضوافر التثبيت بتاعتها مكسوره ممكن توديها عند اى حد بتاع فيبر ودول هيرجعهوالك سليمه ودول تسئل عليهعم السمكري او بتاع الدوكو .

2- الكبوت ضعيف ده معرفش حله اية بس يعنى لو قرفك قوى والسمكرى قالك ان هو باظ ممكن تنزل تشتريه جديد من الوكاله او الحرفين فى حدودو 500 جنيه على ما اعتقد .

3- الاهتزازات ديه محسوسه ولا مسموعه يعنى ممكن يبقى ليها اكتر من حاجه
1-3 الزجاج الي اتكسر و وقع فى التابلوه ممكن هو يكون السبب
2-3- ممكن يجون زجاج الجنب بيتهز وبيعمل صوت ( عندى نفس المشكله )
3-3- ممكن يكون الكبوت ذات نفسه بيتهز من عند خوابير التثبيت نتيجه خبطه او تريحات كتير
4-3- ممكن يكون ديسك واسطوانه لقدر الله
5-3- ممكن تكون كهربية الاسبراتير مش مظبوطه ( بسيطه )
6-3- ممكن يكون صوت الموتور العالى هو الي بيعمل كدا ( بسيطه )

4- فى عفشجى تمام التمام اسمه عادل الباشا عند طلعت كوبرى العمرانية الشارع الي بعد مدرسه الحسينية على طول ( ناس محترمه وأمينة عن تعامل )

5- هيبقى فى العمرانيه من جوا على ما اعتقد بعيد عليك بس لو فكرت قولى وانا اديك العنوان

6- حلها عند الكهربائي

7- معرفش بس انزل اسئل فى الوكاله

انا ناوى اشد العربية عندى فلو نزلت وعرفت اجيب اى اسعار هبقى اكتبها هنا على الجروب
والي عنده اي اسعار لسه سائل عليها قريب ياريت يفيد الجميع ويكتبهلنا

[مروا ن]

بص يا باشاا
1- الشبكة الي قدام للاسف سعرها غالى جدا ومش عارف ليه بس ممكن تنزل العتبه تدور على واحده استيراد اى لون وبعد كدا ابق رشها بلون العربية وحت لو كانت ضوافر التثبيت بتاعتها مكسوره ممكن توديها عند اى حد بتاع فيبر ودول هيرجعهوالك سليمه ودول تسئل عليهعم السمكري او بتاع الدوكو .

2- الكبوت ضعيف ده معرفش حله اية بس يعنى لو قرفك قوى والسمكرى قالك ان هو باظ ممكن تنزل تشتريه جديد من الوكاله او الحرفين فى حدودو 500 جنيه على ما اعتقد .

3- الاهتزازات ديه محسوسه ولا مسموعه يعنى ممكن يبقى ليها اكتر من حاجه
1-3 الزجاج الي اتكسر و وقع فى التابلوه ممكن هو يكون السبب
2-3- ممكن يجون زجاج الجنب بيتهز وبيعمل صوت ( عندى نفس المشكله )
3-3- ممكن يكون الكبوت ذات نفسه بيتهز من عند خوابير التثبيت نتيجه خبطه او تريحات كتير
4-3- ممكن يكون ديسك واسطوانه لقدر الله
5-3- ممكن تكون كهربية الاسبراتير مش مظبوطه ( بسيطه )
6-3- ممكن يكون صوت الموتور العالى هو الي بيعمل كدا ( بسيطه )

4- فى عفشجى تمام التمام اسمه عادل الباشا عند طلعت كوبرى العمرانية الشارع الي بعد مدرسه الحسينية على طول ( ناس محترمه وأمينة عن تعامل )

5- هيبقى فى العمرانيه من جوا على ما اعتقد بعيد عليك بس لو فكرت قولى وانا اديك العنوان

6- حلها عند الكهربائي

7- معرفش بس انزل اسئل فى الوكاله

انا ناوى اشد العربية عندى فلو نزلت وعرفت اجيب اى اسعار هبقى اكتبها هنا على الجروب
والي عنده اي اسعار لسه سائل عليها قريب ياريت يفيد الجميع ويكتبهلنا

بص هو اولا شكرا علي الرد السريع .. انا عارف انها اسئلة رفيعة بس عايز اخلص من الحاجات دي عشان وقفال
الشبكة هجبها خلاص بدل ما اجيب واحدة و اعد الف وراها و ممكن تجيب سعرها في الاخر هو واضح ان اللي سرقها من عندي كانت غالية عليه فخدها و جت فبه
انا شوفت الكبوت الجديد كان سعره 650 حد سال عليه في الحرفيين و نفس بتاع العربية تقريبا خفيف عموما شكلي هدعبس في الموضوع ده اكتر اكيد هلاقي حاجة كويسة بسعر كويس ان شاء الله

الاهتزاز محسوس و للعلم انا لسة مغير اسطوانة و ديسك ب 600 عشان لو حد عايز سعرهم برده من الكيلاني اصلي فمش هما اكيد ، العفشجي ممكن يشوف الموضوع ده لاني شاكك في قواعد الموتور لو تبعتلي عنوانه و رقم تليفونه هنا او علي الايميل ده tamorr.hussin@gmail.com و بعيد مش مشكلة لو مضمون و مش هيتعبني في سعره انت عارف الصناعية بيعملوا فينا ايه
و لو تعرفلي الكهربائي هياخد كام بالتقريب كدة علي فكة التابلوه دي يبقي كتر خيرك
و بشكرك مرة تانيه علي ردك و يعني اتمني انك ترد عليا في الحاجات دي لو تقدر

[مروا ن]

و كنت عايز اعرف سعر المساعدين تقريبا كام؟

[Hamada dawsha]

سمسم عايز رقمك ضروري عايز اعمل شغل ف العربية وانت اللي هتفدني