::: البولونيز المظلومة :::

[ايفيت]

الدوكو غالي عندي و احد يلمها كلها بمصنعيه ٥٠٠ جنيه بس المهم السمكره تكون صح .١٠٠٠ سمكره مش وحش بس المهم الضمير

[ايفيت]

انا مش عارف الناس نامت هنا ليه؟عموما كل سنه وانتم طيبين بمناسبه عيد الاضحي

[ايفيت]

ياجماعه انا مستني واحد ابن ناس منكم يقولي علي واحد سمكري يكون صنيعي.بتاع شغل.مش عايز اروح لواحد يفك و يركني جمبه.اتمي عد يعبرني ههههههههههه

[ايفيت]

مش عارف ده يبقي اعلان والادارة هترفضو ولا لا
المهم لو غلط ياريت الادارة تمسحوا

السمكري ده يا جماعة صنايعي من الاخر وسعره مهاود جداااااااااااااااااا
الحاجة اللي هتسأل عليها بره ب 100 تلاقيها عنده ب 50 وأقل وعن تجارب معاه
انا والله مش راجع عليا حاجة منه غير اني بحبه في الله لانه واحد بيخاف ربنا وده بقي قليل تلاقيه في صنايعي

انا هكتب عنوانه وتليفونه ولو الادارة رفضت ومسحت البانات هبقي ابعتها علي الخاص للي عايز

امشي في شارع العشرين فيصل
هيقابلك كشري رسلان علي ايديك الشمال
ادخل الشارع بتاع الكشري في اتجاة الدائري
قبل ما توصل للدائري بلحظات هتلاقي الورشة علي شمالك
ورشة صغيرة علي شمالها قهوة وعلي يمينها محل حلواني

الاسطي حسين
0174788918

الراجل كده كده اسعاره حنينه بس بما اننا عشرة ولي عشم عنده ف يا اما تقوله انك من طرف الدكتور وفيق .علي فكره الراجل ده انا عرفته من الموقع هنا .شكرا للرجاله اللي بتعرفنا علي ناس محترمه و شكر خاص لاداره الموقع

[ايفيت]

علشان الناس اللي بتسال علي الخاص لو عايزين رقم تلفوني ممكن اكبهولكم

[Mostafa_hassan]

انا عايز اشترى بولونيز على 10 الف و تكون حالتها حلوة ممكن ولا لا ؟؟؟

[kokololososo]

عربية لذيذة

انا معايا بولونيز
عربية مش إعتمادية أوي بس هتضحكوا عليا لو قلتلكو بحس إنها ركوبة
يعني انا معايا التو إعتمادية بس بحس وأنا راكب بولونيز اني راكب مدرعه
ولو واحد فاهم فيها وفي خباياها يبأه هي أنسب يارة لمحدودي الدخل لإنها ماكسمم 15 ألف جنيه
إلا في حالات شاذة بتوصل ل 20 ألف
سلامي لكل البولونيزاوياه ومتصدقوش اللي بيترقوا علي العربيه دي
دي ناس حقوده

[Abo Ali]

رجالة البولونيز عايز حد يفدنى فى تركيب تابلوه تانى غير تابلوه موديل 90 أو المعدل بتاع البولونيز
أنا ركبت تابلوه الدايو شاكله مش حلو عليها، مع العلم عايز تابلوه يكون ليه تلاجة تكييف يا ريت حد يفدنى

[Abo Ali]

يا جماعة محدش جاوبنى محتاج مساعدتكم ضرورى

[ايفيت]

انزل عزبه شلبي خد لفه هناك و هتلاقي هناك تابلوهات اشكال و الوان.علي فكره الموقع هنا انتخ خالص مبقاش زي الاول

[kokololososo]

عزبة شلبي فيه حاجات البولونيز كلها
وسبب كره الناس للبولونيز إن البولونيز اللي موجود دلوقتي حالته وحشه بسبب بخل صاحبها انه يسرف عليها
لكن لو صرفت علي البولونيز هتلاقيها وعربية جميلة وبتمن ال128 وبرقبتها وارخص منها كمان

[erth2009]

البولونيز عربيه يعتمد عليها وابعدو عن حرميه عزبه شلبي مصنع النصر فيه سمكره ودوكو بارخص مما نشرتو
والدوكو اصلي معتمد شغل شركات واستبدال اي قطعه صاج ولحام اصلي وانتو في القاهره وانا هنا في اخر البلاد اسووووووواااااااااااااااان ومعيا مو 88 المواتير الجديده استندر مش استعمال او استيراد في شركه النصر ادي حوف امام محطه المترو المعرض هناك بلاش كسل اهل القاهره اتلحلحوا مع احترامي لكل مالكي بولونيز

[amro_ahameed]

البولونيز عربيه يعتمد عليها وابعدو عن حرميه عزبه شلبي مصنع النصر فيه سمكره ودوكو بارخص مما نشرتو
والدوكو اصلي معتمد شغل شركات واستبدال اي قطعه صاج ولحام اصلي وانتو في القاهره وانا هنا في اخر البلاد اسووووووواااااااااااااااان ومعيا مو 88 المواتير الجديده استندر مش استعمال او استيراد في شركه النصر ادي حوف امام محطه المترو المعرض هناك بلاش كسل اهل القاهره اتلحلحوا مع احترامي لكل مالكي بولونيز

اولا شكرا للمعلومه القيمة ديه
يا ريت كنت قولت الكلام ده من اسبوع واحد .. بس الحمد لله .. قدر الله وما شاء فعل
انا وديت العربية سمكره ودوكو من اسبوع ومش عارف لحد دلوقتي هادفع كام ولا امتي هاستلم العربية

لو تكرمت ممكن تبعت رقم التليفون بتاعهم ؟؟ ولو عندك معلومات بيفتحوا امتي؟ كل الايام ولا في اجازه؟ طيب المصنعيات عامله ايه؟ قطع الغيار موجودة ولا لأ؟ وشكرا مقدماً

[kokololososo]

معلومة عظيمة
أنا لو رشيت هروح شركة النصر في وادي حوف

[Mostafa5900]

بعد فضل ربنا ومتابعة هذا المنشور .... أصبحت من ملاك البلونيز