تعليمات هامة لمالكى السيارات اللادا

[islamnasser10]

انا نفسى اسال على حاجة عندى العربية لادا 2105 المشكلة ان العربية بتحدف لما اجى امسك فرامل بتحدف شمال ارجو الرد السريع

[sherifzahran1]

سيدى الفاضل
هذه اول مشاركه لى - ارجو تقبل راى الشخصى وهو ان السياره التى لا يتم فيها تغيرات جوهريه تصبح هى المثلى عند الشراء
امثله على ذلك سيارات المرسيدس القديمه- الفيات 128
اللادا طبعا فعن تجربه لى بالسعوديه فى طريق جده مكه كانت السيالرات تستوقفنى للسؤال عن امكانيات السياره التى معى ولا يصدقون البيانات التى يقراءها العداد للسرعه -وكان دائما ردى ان اى حصان لابد له من خيال
وعلى فكره لاتقوم اى سياره بفصول بايخع مع قائدها الا اذا كان يسبها او يستهين بها
ولايثق بهاوذلك ليس راى وحدى -- وحتى لا اطيل فللحديث بقيه
شريف زهران

[ALIHUSSIEN]

السلام عليكم انا عضو جديد اسال عن لادا 2110 الافضل روسي ام مصري والاوبشن الافضل بالاضافة الى انني بالخارج واقودها شهر فقط بالسنة ؟؟ انا لسة ما اشترتنش

[ALIHUSSIEN]

السلام عليكم من لديه سيارة 2110 ويريد بيعها انا جاهز

[judo]

السلام عليكم يأخ حسام
أنا لاحظت من خلال موضوعاتك المتميزة فى المنتدى و ردك الجميل و الدبلوماسى أنك رجل محترم و عندك خبرة و دراية جيدة بالعربية الادا’ وأنا بصراحة لسة متعلم سواقة جديد و بفكر اشترى عربية تكون اقتصادية وقطع غيار رخصية و متوافرة وتكون قوية و مش اروح بيها للميكانيكى كتير و الناس نصحونى بالادا و قلت اعمل بحث عنها و ادرس الموضوع كويس من كل الجوانب و هما :
1 - سعر العربية.
2 - من ناحية البنزين.
3 - قطع الغيار.
4 - القوة و المتانة.
5 - و بعدين لاحظت من خلال المنتدى ان العربية مش ليها ثبات مع السرعات العالية فأنا عايز اعرف اية حقيقة الموضوع دة.
6 - فين أفضل مكان ممكن اشترى منه العربية.
7 - وهل فيها دركسيون بور و لا لا.
8 - و انا حاليا بقارن بين ثلاث أنواع الكيا البيكانتو - الادا - سزوكى ماروتى (لظروف اقتصادية بحتة و على فكرة انا هجيب قسط مش كاش ان شاء الله)

مش عارف اية تانى ناقص و دة راجع لقلة خبرتى أساسا بالعربيات عموما و اتمنى ان طولت عليك بأسألتى الكتيرة دية و ربنا يجعله كله فى ميزان حسناتك إن شاء الله

[samyomar]

السلام عليكم

السلام عليكم جميعا
انا عاوز اعرف هو امكانيات مواتير اللادا 2105 موديلات الثمانينيات تختلف عن موديلات 95و 96ولا هى نفس المواصفات

[happy]

انا هشترى لادا2107 موديل 94 وهي فابريقه من الداخل اريد ان اعرف تقريبا سعرها يكون كام وهى كام سي سي

[ahmad--ezzat]

السلام عليكم جميعا
انا عاوز اعرف هو امكانيات مواتير اللادا 2105 موديلات الثمانينيات تختلف عن موديلات 95و 96ولا هى نفس المواصفات

هو هو الموتور يعنى الادا 2105 موديل 85 زى الادا 2005 موديل 95

[mzzizz]

السلام عليكم
مطلوب عنوان مصنع لادا في مصر
وكذلك مصنع لادا في روسيا
وشكرا للجميع

[Ahmad Shawky]

انا عندى طلب يا جماعه ممكن حد يكتبلنا كل الكشوفات الى ممكن تتم على العربيه الادا علشا نانا مشتت شويه فيها وفين مكان كل حاجه وايه الى حاجه الى نستعملها عند تغير حاجه فيها

[abugaza]

السلام عليكم
عندي استفسار - هل الادا سمارا سيئة في السوق المصري ام لا

[waleedsaaf]

السلام عليكم ورحمة الله وبركاتة
سؤال ا/ حسام انا عندى لادا 2017 موديل 2005 عاملة 63 الف كيلو اغير زيت الكرونة امتا واية هوة نوع الزيت الجيد وشكرا

[a_sabeq]

بيض المقصات مش بيعمل ثقل ف الدركسيون ولا حاجة.. بس هو بيعمل طقطقة وأصوات احتكاك وخشونة (صرير) عند إدارة الدركسيون، أو لما تضغط على مقدمة السيارة لفوق وتحت كأنها بتاخد مطب أو كأنك بتختبر المساعدين..
فبر اتياش الدركسيون هو اللي بيزود التقل ويقلله.. لو الفبر تعبان بتلاقي الدركسيون بقى أسهل في الادارة، الطبيعي إنه يكون تقيل شوية..

[a_sabeq]

والأفضل طبعا إنك تشحم بيض المقصات كل شهر وانت مغمض عشان متوصلش لمرحلة الصرير والتزييق.. وفي أنواع بيض بتبقى ليها طبة، مش بتتشحم.. بس الأفضل الروسي أبو مشحمة، هو بيكون فيه خرم مكان لتشحيم، ويا حبذا لو اشتريتله بنوز تشحيم تربطها فيه عشان الشحم بينشف أو يخش له تراب فيكون التشحيم ساعتها صعب شوية، وكمان اللي بيشحم ممكن يطنش اتشحمت اتشحمت ما اتشحمتش مش مهم لسة هاسلك الخرم؟.. فخلي بالك لأن البيض بجد مهم..

[oraby2000]

السلام عليكم
فى ظاهرة حصلت معايا لما ادور الموتور بحس ان فى صوت هواء رحت الميكانيكى و غير بيرينج فى الدبرياج و غير اسطوانة
و الصوت دة رجع تانى هل دة عيب فى السواقة او فى العربية (لادا 2107 97)
و شكرا