للأرتقـاء بمستـوي -:خدمـات مابعد البيع:- للساده عمـلاء بروتـون في مصر

[Eng. AMMER EL KWAFI]

السلام عليكم ورحمه الله وبركاته


في البدايه احب ان اوضح ... ان النقد البناء يساهم في رفع مستوي الخدمات المقدمه لملاك سيارت بروتون في مصر .


حرصا من شركه عز العرب علي تقدبم الافضل


نرحب بمقترحاتكم ورغباتكم للعام الجديد -2010- للاستمرار في تطوير وتنميه خدمات مابعد البيع .

-----


م/أمــر الكـوافى

After Sales Manager Proton Egypt

___________________________

هذا الموضوع مخصص لتلقى مقترحات ملاك بروتون ... والنقد البناء للارتقاء بمستوى الخدمه

سوف يتم متابعه الموضوع بشكل يومى , واى مشاركه خارج نطاق هدف الموضوع ... سوف تحذف مباشرة

مشرف القسم

[Osama.shihata]

دائما تحافظ على التواصل معنا بشمهندس امر
جزاك الله خيراً

[islamnabil]

اولا شكرا جدا لحضرتك على حرصك على متابعة عملاء بروتون
و كل عام و حضرتك بألف صحة و عافية
الملاحظة التي لدي عن توافر قطع الغيار
رجاء الاهتمام بهذا الموضوع لانه مهم و حيوي لجميع الاعضاء و ايجاد وسيلة لحجز قطع الغيار او طلبها مخصوص سواء كانت داخل الضمان ام لا
وشكرا يافندم على اهتمامك

[Abo.Mayyam]

أولا: جازاك الله كل خير يا بشمهندس أمر

ثانيا: لتخفيف الحمل على التوكيل الصحراوى

لماذا لا يتم التعاقد مع مراكز خدمة لتكون مراكز معنمدة منكم لخدمة عملاء بروتون

أو العمل على إنشاء مراكز خدمة أقرب لساكنى مدينة نصر ومصر الجديدة والمعادى (مدينة العبور أو المعادى الجديدة)

وشكرا لإهتمام حضرتك يا فندم ودائما للأمام

[DR_EMAD]

رجل محترم بجد
ومن تفوق إلى تفوق بإذن الله

وأنا هتكلم عن الناس اللى بتعامل معاهم (فرع اسكندرية)

ناس محترمة بجد وحصل معايا أكتر من موقف .. أكد لى أد إيه الناس دى محترمة وعلى مستوى راقى فى التعامل
سواء مهندسين أو فنيين أو مسئولين
وأخص بالذكر مسئولة خدمات ما بعد البيع السابقة بالفرع .. وان شاء الله المسئولة الجديدة

مهندس آمر .. شكرا لحضرتك على اهتمامك .. وأترك الفرصة لأحبائى باقى الأعضاء لعرض أفكارهم ومقترحاتهم

[brashy101]

بالتاكيد خطوه ممتازه من سياتك يا باشمهندس
في مشكله عندنا في مركز خدمه الغد وهي عدم توافر قطع الغيار . بقالي فتره مستني يغيروا علبه الدركسيون ب بس بيقولولي مفيش قطع غيار .!!!!!!!!!
يا ريت يا بشمهندس تتوصي بينا شويه . واكون شاكر لو المشكله اتحلت .
وربنا يعينك والي الامام

[osameeez]

أوافق بشدة على ضرورة توفير مركز خدمة معتمد يعطي خدمة زي الصحراوي لسكان مدينة نصر و مصر الجديدة.. وشكرا..

[A. Ibrahim]

1000شكر للمتابعه و الاهتمام وفعلا المداخله ديه من حضرتك اهم دليل علي ان فيه تطوير و اهتمام وتحسين خدمات ما بعد البيع.

اما بالنسبه للنقط احنا كنا حددنا شيت مواضيع و اقتراحات للمقبله السابقه و منها النقط التاليه:

http://www.nilemotors.net/Nile/104098-5-3.html

1- اقتراح عمل كول سنتر للصيانة بنمرة ---19 للحجز بالقاهرة و الاسكندرية مثلا و ده لان المشاكل حصلت كتير من عدم الرد علي التليفونات للحجز و ده برضه مع التوكيل

2- اقتراح عمل زجاج بين مكان الانتظار للعملاء و الورشة حتي يمكن للعميل متابعة العربية و مايفضلش يسال عليها كل شوية و نبقي ريحنا الطرفين و الاقتراح ده خصوصا للمركز الجديد

3- عمل نظام كارت لقياس جودة الخدمة و تلقي الاقتراحات من العملاء و دي برضه حناقشها مع التوكيل

4- توافر قطع الغيار في التوكيل خصوصا الحاجات المطلوبة كتير .

و عشن الموضوع يكون ايجبي و مفيد و يحقق اهدافه يا ريت جضرتك تبلغنا بالحاجات اللي ان شاء الله هتتم

و بكرر شكر تاني

[mahmoud_magdy]

شكرا للتواصل يا بشمهندس امر
جعله الله في ميزان حسناتكم

في نقطه مهمه جداا يمكن من اكثر النقاط المهمه على مستوى توكيلات مصر عموما وليس فقط توكيل عز العرب

بعد تواجدي اكثر من مره في التوكيل
والتحدث مع اكثر من عميل قد تعرفت عليهم ودار بيننا حديثا مطولا عن التوكيل توصلت الى الاتي

اهم نقطه :- عدم رضاء العميل عن مستوى الخدمه في التوكيل
دايما وفي حالات كتير العميل بعد الصيانه وبعد ما يجرب عربيته وبالذات اذا كان فيها مشكله يلاقيها زي ماهي او المشكله زادت
وطبعا في المهندس المختص بيقول انه حل المشكله دي
طبعا العميل يتنرفز ويمشي وبحلف بأغلظ الايمان انه مش هيرجع تاني للتوكيل ده بعد ما يرجع ليه اكتر من مره والمشكله متتحلش
للمعامله السيئه اللي شافها وعدم الاهتمام بمشكلته

رجاء :- المراقبه على شغل المهندسين والفنيين
لان هناك البعض غير مهتم بالمره ولا يراعي ضميره

في حالات عكس كدا وانا شاهد عليها ان التوكيل حل المشكله ليهم ودا اللي مفروض يحصل
وانا واحد من اللي بيشكروا في التوكيل بحكم ان اي مشكله اتعرضتلها الحمد لله اتحلت

لكن انا مقابلتش واحد في التوكيل الا وبيشتكي
وعنده عدم رضا
واصبح توكيل عز العرب سئ سواء في الصيانه او المبيعات
وسمعته بقت ( وحشه ) وده على لسان الكثير والكثير
سواء اللي جرب او اللي بيحكي من غير تجربه (بيفتي)

ارجو ان حضرتك متزعلش من كلامي
لكن انا بنقل لحضرتك الكلام السائد واللي ناس كتير اوي بتقوله
والكلام بيكون طالع من قلبها بجد

تحياتي ليك يا بشمهندس
وشكرا لشخصك للتواصل للارتقاء بمستوى خدمة ما بعد البيع

[eslam_wega]

شكرا للتواصل يا بشمهندس امر
جعله الله في ميزان حسناتكم

في نقطه مهمه جداا يمكن من اكثر النقاط المهمه على مستوى توكيلات مصر عموما وليس فقط توكيل عز العرب

بعد تواجدي اكثر من مره في التوكيل
والتحدث مع اكثر من عميل قد تعرفت عليهم ودار بيننا حديثا مطولا عن التوكيل توصلت الى الاتي

اهم نقطه :- عدم رضاء العميل عن مستوى الخدمه في التوكيل
دايما وفي حالات كتير العميل بعد الصيانه وبعد ما يجرب عربيته وبالذات اذا كان فيها مشكله يلاقيها زي ماهي او المشكله زادت
وطبعا في المهندس المختص بيقول انه حل المشكله دي
طبعا العميل يتنرفز ويمشي وبحلف بأغلظ الايمان انه مش هيرجع تاني للتوكيل ده بعد ما يرجع ليه اكتر من مره والمشكله متتحلش
للمعامله السيئه اللي شافها وعدم الاهتمام بمشكلته

رجاء :- المراقبه على شغل المهندسين والفنيين
لان هناك البعض غير مهتم بالمره ولا يراعي ضميره

في حالات عكس كدا وانا شاهد عليها ان التوكيل حل المشكله ليهم ودا اللي مفروض يحصل
وانا واحد من اللي بيشكروا في التوكيل بحكم ان اي مشكله اتعرضتلها الحمد لله اتحلت

لكن انا مقابلتش واحد في التوكيل الا وبيشتكي
وعنده عدم رضا
واصبح توكيل عز العرب سئ سواء في الصيانه او المبيعات
وسمعته بقت ( وحشه ) وده على لسان الكثير والكثير
سواء اللي جرب او اللي بيحكي من غير تجربه (بيفتي)

ارجو ان حضرتك متزعلش من كلامي
لكن انا بنقل لحضرتك الكلام السائد واللي ناس كتير اوي بتقوله
والكلام بيكون طالع من قلبها بجد

تحياتي ليك يا بشمهندس
وشكرا لشخصك للتواصل للارتقاء بمستوى خدمة ما بعد البيع

+1111
فعلا دة اهم نقطة فى الموضوع كله الضمير
لان بسبب الاستسهال حصل معيا نفس المشكلة
كنت محتاج اغير حساس الاكوسجين والفنى بدل ما يفك الوش ويفك الحساس فك الحساس من بارة من غير ما يفك الوش وبهدلى الشفة الى حولين الحساس

فيريت حضرتك تركز على النقطة دى جدا

[Eng. Rafy Samy]

شكراً جزيلاً لمشركتك معانا ومحاولة الوصول بالخدمة لاعلى مستوى

في رأي :

1- زيادة الدعاية والاعلان عن ماركة بروتون وكل موديلاتها سواء في الجرايد او التليفزيون او الاعلانات على الطرق والكباري

2- عمل عروض خالة من فترة لاخرى زي الصيانة المجانية و غيرها.

3- اعادتة النظر في تكلفة ساعات العمل المضافة على فاتورة الصيانة الدورية.. لانها زيادة شوية

4- اعادة النظر في الموقع الالكتروني لبروتون وادخال معلومات اكتر عن كل موديل والكماليات المتاحة والاسعار

5- اعادة النظر في تكلفة السمكرة والدوكو لانها عالية وتعجز

6- توفير كل قطع الغيار لكل موديلات بروتون في كل فروع الخدمة

تقبل خالص تحياتي واحترامي

[Osama.shihata]

انا ليا اقتراح وهو

الاتفاق بين شركة بروتون وعز العرب على تخفيض اسعار قطع الغيار بنسبة 50% واعلان ذلك رسميا فى وسائل الاعلام المختلفة وده هيخلى الاقبال على شراء السيارة رهيب بل مثل الصاروخ لان السيارة البرتون تتميز بالجودة والانفراد وينقصها توافر وانخفاض سعر قطع الغيار

[A. Ibrahim]

اخري

عمل يومين او تلاته يمد فيهم العمل الي الساعه 9 ال10 مساء للناس اللي متقدرش تاخد اجازه او مشغوله و تكون مثلا يوم واحد لكل فرع فيبقي


الضغط اقل علي المراكز


و الجوده زادت


و العميل (اتكيف)

[DR_EMAD]

مهندس آمر

معلش هشارك للمرة التانية

أولا شكرا على توفير صالة الاستقبال الجديدة فى فرع اسكندرية والتى تتيح مشاهدة كل ما يتم للسيارة من خلال جدار زجاجي

ثانيا عايزين خدمة ترصيص الكاوتش .. وضبط الزوايا فى فرع اسكندرية

وشكرا

[tamer_aj]

مبدئيا أحب أن أبدي شكري و تقديري لشخصك الكريم,

وتعقيبا علي ما كتبه الأخ محمود عن متابعة عمل العاملين بخدمة ما بعد البيع, فأنا أوكد لسيادتكم أن ما قاله هو صميم الموضوع, و هو المسبب الرئيسي لعدم رضاء الكثير و هو ما حدث معي و لاحظته كثيرا عند تواجدي بالتوكيل مع أكثر من واحد, و أخيرا الآسبوع الماضي في مشكلة الحساسات الخلفية,

و رغم كون المشكلة تبدو أسهل بكثير من أن تصنف علي أنها مشكلة ولكن للآسف بقت مشكلة عويصة مع المهندسين و الفنين و هو ما لفت نظري إلي أن أنبه سيادتكم إلي أن جميع العاملين بالورشة بحاجة إلي تدريب تقني علي جميع الأعطال و كيفية إكتشاف العطل و حله, بل و الأهم من ذلك التدريب علي كيفية التفكيير, لأنه و للأسف أكتشفت أن المشكلة الأساسية كانت عدم التفكيير السليم في سبب العطل.......
و بالتالي أرجو من سيادتكم الإسراع من عمل دورات تدريبية و بصفة دورية للعاملين بالقطاع الفني, و عمل إختبارات بصفة دورية لقياس مدي إستعابهم للأعطال المختلفة قدرة تفكيرهم في حل المشكلات المتنوعة,
أخيرا أرجو من سيادتكم حس جميع الأفراد العاملين علي العمل بكد و إجتهاد لآني و من ملاحظتي لهم لاحظت بطء شديد و تراخي متعمد في العمل ويكأنهم موظفين حكومة....!!!
في النهاية متأسف علي الإطالة, أتمني رفع مستوي الخدمة بعز العرب لما يتناسب و جودة السيارة.
شكرا.
م. تامر حافظ