للأرتقـاء بمستـوي -:خدمـات مابعد البيع:- للساده عمـلاء بروتـون في مصر

[eslamkasem]

مركز الغد الفنين الي فيه ضعفاء جدا واقل من مستوي توكيل مهم زي بروتون
كان عندي مشكله في الباب وزي مهيا مفيش اي حل ومحدش عارف يعملها
وفعلا قمة المهزله الفني الي هناك يقولي هيا جايه كدا عيب مصنع ...امال حضرتك موجود ليه اصلا

وكمان زارير المالتلي فنكشن بايظه عندي وقالي انا بعت اجيب القطعه وهتصل بيك وانا قاعد مستني من ساعة صيانة الالف قبل العيد لحد دلوقت ولا حس ولا خبر
عنوان مركز صيانة الغد
مركز صيانة الغد شارع العيسي المنصوره امام كوبري المرور

[ahmad alshaaer]

شكرا للتواصل يا بشمهندس امر
جعله الله في ميزان حسناتكم

في نقطه مهمه جداا يمكن من اكثر النقاط المهمه على مستوى توكيلات مصر عموما وليس فقط توكيل عز العرب

بعد تواجدي اكثر من مره في التوكيل
والتحدث مع اكثر من عميل قد تعرفت عليهم ودار بيننا حديثا مطولا عن التوكيل توصلت الى الاتي

اهم نقطه :- عدم رضاء العميل عن مستوى الخدمه في التوكيل
دايما وفي حالات كتير العميل بعد الصيانه وبعد ما يجرب عربيته وبالذات اذا كان فيها مشكله يلاقيها زي ماهي او المشكله زادت
وطبعا في المهندس المختص بيقول انه حل المشكله دي
طبعا العميل يتنرفز ويمشي وبحلف بأغلظ الايمان انه مش هيرجع تاني للتوكيل ده بعد ما يرجع ليه اكتر من مره والمشكله متتحلش
للمعامله السيئه اللي شافها وعدم الاهتمام بمشكلته

رجاء :- المراقبه على شغل المهندسين والفنيين
لان هناك البعض غير مهتم بالمره ولا يراعي ضميره

في حالات عكس كدا وانا شاهد عليها ان التوكيل حل المشكله ليهم ودا اللي مفروض يحصل
وانا واحد من اللي بيشكروا في التوكيل بحكم ان اي مشكله اتعرضتلها الحمد لله اتحلت

لكن انا مقابلتش واحد في التوكيل الا وبيشتكي
وعنده عدم رضا
واصبح توكيل عز العرب سئ سواء في الصيانه او المبيعات
وسمعته بقت ( وحشه ) وده على لسان الكثير والكثير
سواء اللي جرب او اللي بيحكي من غير تجربه (بيفتي)

ارجو ان حضرتك متزعلش من كلامي
لكن انا بنقل لحضرتك الكلام السائد واللي ناس كتير اوي بتقوله
والكلام بيكون طالع من قلبها بجد

تحياتي ليك يا بشمهندس
وشكرا لشخصك للتواصل للارتقاء بمستوى خدمة ما بعد البيع

تمااااااام
فعلا كل المشاكل من قلة الضمير في الورشه وقلة الاهتمام

واضحه جدا وانا من الناس اللي تعرضت لهذا اكتر من مره

وبؤيد كمان فكرة ان العميل يرى سيارته وهي بتتصلح من وراء زجاج من استراحة الانتظار

تحياتي للبشمهندس امر
اخونا الكبير والمحترم في توكيل عز العرب لملاك بروتون

والله اني بحبك في الله وربنا يشهد عليا

وعلى فكره انا خارج الضمان يعني فعلا بحبك في الله

اشكركم جميعا

[ahmad alshaaer]

والله فعلا كل كلام ورأي الاعضاء حاجات صادقه

انا بحيي اعضاء بروتن نايل موتورز

[ahmed_h_g]

شكراً جزيلاً لمشركتك معانا ومحاولة الوصول بالخدمة لاعلى مستوى

في رأي :

1- زيادة الدعاية والاعلان عن ماركة بروتون وكل موديلاتها سواء في الجرايد او التليفزيون او الاعلانات على الطرق والكباري

2- عمل عروض خالة من فترة لاخرى زي الصيانة المجانية و غيرها.

3- اعادتة النظر في تكلفة ساعات العمل المضافة على فاتورة الصيانة الدورية.. لانها زيادة شوية

4- اعادة النظر في الموقع الالكتروني لبروتون وادخال معلومات اكتر عن كل موديل والكماليات المتاحة والاسعار

5- اعادة النظر في تكلفة السمكرة والدوكو لانها عالية وتعجز

6- توفير كل قطع الغيار لكل موديلات بروتون في كل فروع الخدمة

تقبل خالص تحياتي واحترامي

يارييييييييييييييييت

[MohabSaeed]

بشكر حضرتك م/ امر على مبادرتك بالاستماع لمقتراحات مالكى سيارات بروتون و التعرف على ارائهم فى تحسين مستوى خدمه مابعد البيع .

وهذة بعض مقترحاتى لخدمات ما بعد البيع :-

1 - افتتاح اكتر من مركز خدمه فى اماكن متفرقه من الجمهوريه ... مركز يخدم الوجه القبلى , مركز يخدم مدن القناة , مركز اخر فى القاهره " القطاميه , القاهره الجديده " ... لتخفيف الضغط على مركزى ابو رواش و العجوزه .

2 - افتتاح منفذ لبيع قطع غيار بروتون الاصليه فى القاهره ... اسوه بكثير من التوكيلات فى مصر , فكثير مننا يحتاج لقطع غيار لا تحتاج الذهاب للتوكيل لتغيرها .

3 - تخفيض اسعار قطع الغيار حيث انها مغالى فى ثمنها مقارنه بباقى السيارات من نفس الفئه .

4 - مراقبه العماله الفنيه داخل الورشه والتأكد من اتمام الاعمال المدونه فى امر شغل سياره بكفائه تامه .

5 - تشغيل خدمه انقاذ سريع و صيانه متنقله " على الاقل فى القاهره الكبرى و الاسكندريه " لتصليح السياره فى حاله تعطلها فى الطريق .


مره اخرى بشكر حضرتك على مباردتك بالاستماع لمقتراحتنا .

بالتوفيق ان شاء الله

[hesham_soaida]

بشكر حضرتك م/ امر على مبادرتك بالاستماع لمقتراحات مالكى سيارات بروتون و التعرف على ارائهم فى تحسين مستوى خدمه مابعد البيع .

وهذة بعض مقترحاتى لخدمات ما بعد البيع :-

1 - افتتاح اكتر من مركز خدمه فى اماكن متفرقه من الجمهوريه ... مركز يخدم الوجه القبلى , مركز يخدم مدن القناة , مركز اخر فى القاهره " القطاميه , القاهره الجديده " ... لتخفيف الضغط على مركزى ابو رواش و العجوزه .

2 - افتتاح منفذ لبيع قطع غيار بروتون الاصليه فى القاهره ... اسوه بكثير من التوكيلات فى مصر , فكثير مننا يحتاج لقطع غيار لا تحتاج الذهاب للتوكيل لتغيرها .

3 - تخفيض اسعار قطع الغيار حيث انها مغالى فى ثمنها مقارنه بباقى السيارات من نفس الفئه .

4 - مراقبه العماله الفنيه داخل الورشه والتأكد من اتمام الاعمال المدونه فى امر شغل سياره بكفائه تامه .

5 - تشغيل خدمه انقاذ سريع و صيانه متنقله " على الاقل فى القاهره الكبرى و الاسكندريه " لتصليح السياره فى حاله تعطلها فى الطريق .


مره اخرى بشكر حضرتك على مباردتك بالاستماع لمقتراحتنا .

بالتوفيق ان شاء الله

نرجو ان نسمع قريبا اخبار سارة من المهندس امر بالبدء في تنفيذ هذه المقترحات
وشكرا

[Eng. AMMER EL KWAFI]

كل عام وانتم بخير يارب يكون عام 2010 عام سعيد عليكم
انا منتظر مشاركات اكتر علشان نسمع راي الاغلبيه

[Ahmed.Ali]

المهندس امر انا ليا طلب اعتقد انه سهل
الحيطه الفاصله بين استراحه العملاء و الورشه تبفي قزاز هتريحنا كتير و هتريح العمال من الزن
الطلب التاني الكول سنتر مش منطقي ان حجز الصيانه يبقي بموبايل و ساعات كتير محدش بيعبرنا!!!!
الحجز من النت ممتاز بس للاسف انا حجزت من موقع الشركه و في الاخر لقيت ان محدش سجل اسمي علي البوابه !!!!

[rony]

أحب أشكر مهندس أمر على تواصله الايجابي مع عملاء بروتون

واتمنى محاوله البدء في هذه التغيرات

- محاولة الارتقاء بسمعة التوكيل عن طريق ارضاء العميل بأكبر قدر ممكن وتحسين مستوى المهندسين والفيين العاملين بالتوكيل
- عمل Call Center لحجز الصيانة و معرفة أسعارها و الاستفسار عن توافر قطع الغيار
- تخفيض تكلفة ساعات العمل المضافة على فاتورة الصيانة الدورية
- توافر قطع الغيار
- طباعة صندوق شكاوي واقتراحات العملاء. مجرد ورق مطبوع ووضعه في صالات الانتظار في جميع الفروع
- عمل استفتاء Questionnaire كل فترة لمعرفة مختلف أنواع الشكاوي والمشاكل ويكون أيضأ ورق مطبوع لزوار التوكيل لاستطلاع أراء جميع نوعيات العملاء

وشكرأ مرة ثانيه على اهتمامك بالعملاء

رانيا عبدالرازق

[mahmoud_magdy]

مهندس امر
اسمحلي اضيف نقطه صغيره ولكن مهمه جدا
وهي قطع الغيار المستبدله اثناء الصيانه
المفروض (اللي بيحصل في اغلب ان لم يكن كل التوكيلات في مصر)
ان قطعة الغيار القديمه بترجع للعميل مره تانيه (بما انها بتاعته وهو شاريها ودافع تمنها)
النقطه دي مهمه اوي لكن مش موجوده في توكيل عز العرب
الرجاء النظر في هذا الموضوع

[rony]

مهندس امر
اسمحلي اضيف نقطه صغيره ولكن مهمه جدا
وهي قطع الغيار المستبدله اثناء الصيانه
المفروض (اللي بيحصل في اغلب ان لم يكن كل التوكيلات في مصر)
ان قطعة الغيار القديمه بترجع للعميل مره تانيه (بما انها بتاعته وهو شاريها ودافع تمنها)
النقطه دي مهمه اوي لكن مش موجوده في توكيل عز العرب
الرجاء النظر في هذا الموضوع

Yes, this is an important issue to satisfy the customer
I have discussed this point before with Eng. Medhat and he told that some of spare parts returned already back to the customer and others not
For example, in Hyundai they return the Oil bucket back to the customer
Simply, this will increase Proton credibility and the customer satisfaction

[Osama.shihata]

م امر تحية طيبة لحضرتك

اتمنى ان تنضم هذه الخدمة( ICare) ومابها من مميزات حضرتك اعلم بها منى وذلك لباقى خدمات التوكيل المتميزة كما بالصور المرفقة
اعتقد انها ستضيف ثقل فى العلاقة مع العملاء

[mahmoud_magdy]

م امر تحية طيبة لحضرتك

اتمنى ان تنضم هذه الخدمة( icare) ومابها من مميزات حضرتك اعلم بها منى وذلك لباقى خدمات التوكيل المتميزة كما بالصور المرفقة
اعتقد انها ستضيف ثقل فى العلاقة مع العملاء

استاذ اسامه ياريت تفهمني الخدمه دي عباره عن ايه

[ahmad alshaaer]

والله انا تعاملت مع التوكيل خلال سنة 2009 كلها صيانات داخل التوكيل وزي مابتقولولي بعمل
في بدايتها واخرها كل الموضوع هو يتلخص في نقاط واللي هي

1- عدم وجود رقم مركزي للحجز واللي بيه ممكن اتصل الاقي موبايل مقفول او مشغول وحصلت معايا مرتين
2- كتير بتمنى اشوف عربيتي وهي بتتصلح واتابعها بعيني احسن ماكل شويه اقف قدام باب الورشه واشوف ايه اللي تم فيها
3-احيانا ببقى عاوز اشرح للي هيشتغل في العربيه فعلا العيب اللي بحسه ومش هينفع اني انقله من شخص لاخر لانه مع كتر استلام السياره مش هيفتكر انا وصفتله العطل باي طريقه
4-لاحظت كتير عدم وجود قطع الغيار واللي ااحيانا بتكون حاجات اساسيه وماينفعش ماتتغيرش زي مساعد مثلا او مفتاح زجاج لاني عمري ماهسيب العربيه مفتوحه والازاز مش راضي يقفل لحد مايجي مفتاح الازاز من ماليزيا اللي التوكيل بيقوللي احجزه
5-احيانا بعد مااحجز الصيانه واشرح فيها العيوب للي بيكلمني وانا مثلا رايح التوكيل يظهر عيب معايا اقوللهم عليه يقوللي لأ ماينفعش ومافيش وقت واحجز يوم تاني
طب ازاي !!!
6- الاهتمام بوقت العميل وده احيانا بيبقى معدوم عند التوكيل اللي ممكن انا اروح الصبح 9 صباحا واستلم 5 مساءا وكمان احيانا يظهر عيب تاني وتضطر تيجي يوم تاني من اوله ودي بردو حصلت معايا شخصيا 3 مرات ومعايا الجوبات بتواريخها
7-قطع الغيار غاليه جدااا لان اللي بعمله في التوكيل وليكن مثلا صيانة 60000 كم والله ممكن اعمله بره اقل 1000 جنيه فعلا وبنفس الكفاءه
8- موضوع زي موضوع التيل ليه مايكونش في تيل اصلي وازاي توكيل مافهوش قطعة غيار اصليه
9- كتير شفت تهريج وهزار بين الفنيين والمهندسين داخل الورشه وتنابذ بالالقاب والله حصلت كتير وده كان بيخليني اقول في نفسي مافيش اي اهتمام
10-احيانا بروح بالعربيه بعطل بيظهر عيب تاني بعد معالجة المشكله الاولى وحصلت معايا شخصيا بردو ومعايا الجوبات اللي تدل على ده
باختصار للنقطه دي ( عدم كفاءة الفنيين داخل الورشه وعدم وجود ضمير لدى البعض وليس كلهم واللامبالاه واقسم على ذلك )
11-لازم يكون في عقاب رادع جدا للاهمال او السرقه من قبل اي احد من الفنيين داخل الورشه
12- ليه مايكونش في خدمة طواريء لاعطال الطريق ؟
13-عدم الاهتمام بالسيارات اللتي خارج موديل السنه الحاليه في العروض واللي منها موقف قريب لسيارات 2008 الفلتر العادي
لما لقيتوا 2009 فلترها مش كويس عملتوا تعديل واللي اصلا 2008 فلترها تعبان على سرعات بطيئه لدرجة انه مع التكييف بيبقى ممل ولا سأل التوكيل في ملاكها لانهم اغلبهم بره الضمان
13- المصداقيه فيييين ؟ انتوا كنتوا قلتوا في البروشور بتاع 2008 ومعانا منه نسخ ان ضمان العربيه 60000 كم ولكن الفتيس والموتور 100000 كم ولكن الكلام ده اتغير ! فين المصداقيه
14-مثلا صيانة كاسيت السياره ليه مش بتبقى في الوقت نفسه او مثلا كاسيت بديل لحد اللي فيها مايجي ويتصلح وكمان موضوع اني استلمه من ادريان في احمد عرابي واحاسب واجيب الفاتوره
اعتقد انه مش متجانس مع بعضه الموضوع ككل
15 ليه فيه عربيات 2008 فيها كاسيت mp3 وعربيات بردو 2008 اوديو
ازاي كده يبقى في بي دي اي قبل البيع
اخيرا والله انا مش متحامل وربنا يعلم انا بحب العربيه دي وتوكيلها والاستاذ امر قد ايه ! ولكن انا بتمنى بجد اننا نتطور ونتقدم ويبقى كل واحد مننا يضع نفسه مكان صاحب السياره اللي هو العميل ويعمل معاه اللي هو هيعمله مع نفسه حتى من باب التدين وقدوة برسولنا الكريم صلى الله عليه وسلم

تقبلوا مني فائق الاحترام واسف للاطاله

احمد عبد الرحمن
جن2 اوتوماتيك هاي لاين 2008
70000 كم
تاريخ الشراء 20/8/2008

تحياتي

[مصطفى_صديق]

مهندس أمر

لك تحياتى على هذا التجاوب الذى يدل على رغبة صادقة فى تحسين مستوى الخدمة المقدم لعملاء بروتون وبإذن الله سيكون موضوع بناء تستخلص منه بعض الافكار التى تساهم فى ذلك ، واحب أن اطمئن سيادتكم بأنك قد أخترت المكان الامثل للتحاور مع ملاك سيارات بروتون ، معظم بل كل ملاك بروتون فى هذا الموقع يحبون سيارتهم حيا شديدا ويتمنون ان يحصلوا على خدمة مميزة يكتمل بها استمتاعهم بسياراتهم الجميلة

عندما يذهب مالك السيارة للتوكيل ، فانه يذهب باختصار شديد للحصول على خدمعة معينة ، وهى ، أجراء الصيانة اللازمة بصورة سليمة فى اقل وقت ممكن وبأقل سعر ممكن فى ظل معاملة محترمة تقديرا له على انه فضل ان يشترى تلك السيارة على مثيلاتها

نعم يفضل العميل أن يجلس فى مكان انتظار نظيف ،جميل ، مكيف ، مغطى بالانترنت ويشاهد التليفزيون ، ولكن الاكثر أهمية هو الاهتمام بأساسيات الخدمة المتوقعة

أعتقد فى المرحلة الحالية الرجاء التركيز على

1- رفع المستوى الفنى للفنيين
2-تطبيق اساليب توكيد الجودة للتأكد من مستوى جودة الخدمة المقدمة
3-توافر قطع الغيار
4-تخفيض أسعار قطع الغيار
5-محاولة الالتزام بالوقت المحدد للصيانات
6-تخفيض الوقت المستهلك للصيانات
7-افتتاح مراكز خدمة للصيانات السريعة ، مع تشديد الرقابة عليها
8-مراجعة العملاء والتأكد من تسلمهم الخدمة بالجودة المطلوبة ومدى رضائهم عنها.


تحياتى لك وشكرا لسعة صدرك ، واجمل التمنيات بالتقدم والتطور