رابطة مالكى الويرا (2) فيد وأستفيد .

[ahmed_h_g]

استاذ احمد انا عندي مشاكل كتيرة في العربية وفعلا محتاج حلول لاني كرهت عربيتي مع اني بحب البروتون عموما وبالذات ويرا

اول حاجة انا فلوسي كلها خلصت بسبب العربية ، انا كان عندي مشكلة ف ترس الكرنك و كان مبهدل العربية و غيرتة بواحد استيراد من الوكالة ب ١٠٠ جنية و ركبتة ب ١٥٠ جنية طبعا مع اعادة ضبط التقسيمة و كنت قبليها مغير طقم سيور و اسطوانة ودسك ياباني و فلتر بنزين كوري ومشيت عليهم بتاع شهر كدة المهم العربية باقت كويسة جدا وفجاةةةةةةة العربية فتحت بقها السحب قل جدا وبقيت بحس برعشة جامدة و الميكانيكي نضفلي البوابة وكل حاجة بعديها العربية عليت جدا وكانت بتخلي المارشدير يزعق وميجيبش بسهولة ودايما كنت ببطل العربية علشان اجيبة لحد لما رحت لمكانيكي فبنزينة و وطالي العربية بطريقة جامدة جدا علما ان الويرا ٢٠٠٤ البوابة الكتروني مش فيها رجلاش بس انا عرفت هوة عمل اية بس قبليها الميكانيكي بتاعي كان فكها من جوة ينضفها وساعت مشكلة الغيارات كان فك عصا الفيتيس وكان بيظبط حجات ولا كانة عمل حاجة اصلا المهم العربية وطيت بس حاسسها رايحة فداهية بتعلى وتوطى لوحدها(المشكلة ظهرت بعد التنضيف و ياريتني ما نضفت) و رجرجة وانا طالع اول وسحب مش مكتمل في البداية فقط ولو حرقت جامد على الاول التاني بيكون سحبة حلو وبمعنى اخر لو جبت ٤٠ بالاول ودة غلط شوية على الماتور بتاعي لاني عايز اغير طقم شنابر و صباب وحركات كدة... تكلفتها ١٠٠٠ جنية تقريبا وبعدين انا عندي مشكلة بالصدر كانت خبطة من صاحب العربية الاصلي و شكلها من قدام وحش اوي في فروقات مابين الكشافات والكابوت بجد انا نفسي العربية تكون كويسة ومحتاج حل يا استاذ احمد انا سجلت في المنتدى دة بسببك انت على فكر بقالي شهر بقرأ تعليقاتك و عارف انك ملك الويرا وانت اللي ممكن تساعدني انشالله في الميكانيكا بس و دي المهم بالنسبالي و بعدين المظهر الخارجي شكرااااا

مشاكلك بسيطه ان شاء الله
كلمنى على 01068442242 ولما تحل المشاكل ان شاء الله أكتب التفاصيل كلها علشان الكل يستفاد

[moh81]

السلام عليكم و رحمه الله و بركاته

إزيكم يا مالكى الويرا ... مش عارف انتوا فاكرينى ولا لأ .. لأنى بقالى فترة مش بدخل ع المنتدى
المهم أنا كان ليا مشاركات بتجربتى مع الويرا من حوالى سنه و المشاركه دى كانت من ضمنهم

السلام لكل مالكى الويرا
و سلام خاص لأستاذ أحمد .. ملك الويرا

أنا رحت لسمكرى علشان أركب الشبكه الأماميه ... علشان أنا كنت شارى العربيه و هى مكسورة
و الراجل اتصرفلى فى جوان عنده و ركبته مكان اللى وقع


و رحت من يومين لميكانيكى فى الزاويه ..نسيبى قالى عليه انه بيفهم و عنده ضمير و قلتله ع موضوع نقص الزيت و حكيتله الحكايه و ان لما غيرت البوجيهات كانت معرقه زيت فقام زود الماتور و بص ع الشكمان لقى دخنه بيضه خفيفه

قالى موضوع الزيت ده من الأولسيه .. و علشان تظبط الماتور تمام .. محتاج طقم شنابر .. و كل ده هيكلف 1500 جنيه
بس هعملها على رمضان بقى لما ربنا يفرجها :)

كده تمام ؟


بس فى حاجه كمان كنت عايز أسألكم عليها .. النهارده و أنا مروح و انا بنقل الغيار .. و كنت ماشى على 35 كم كده الفتيس قفش معايا .. و حسيت برجه فيه و صوت حكه .. .. و حاسس إن الفتيس دلوقتى خفيف معايا .. ده ممكن يكون من إيه .. و ممكن أختبر ايه علشان أعرف إن كل حاجه تمام ولا فى حاجه حصلت ؟

و النهارده هكلملكم تجربتى مع الويرا 2005 ... 1300 سى سى ... اللى بحبها علشان هى أول عربيه ليا .. و هى اللى اتعلمت عليها السواقه :)

طبعا أنا كنت ساكت ع الموضوع ده لأن العربيه كانت حلوة معايا و سافرت بيها كذه مرة إسكندريه و بورسعيد و بقضى كل مواشيرى بيها ( مع انى مش بخرج كتير ) و كانت تمام التمام .. كانت ديتها كل فترة ببص ع الزيت و بزود زيت كل ما ينقص و خلاص
المهم .. الشهر اللى فات قلت أظبط العربيه انا تعبتها معايا كتير

رحت بيها لعصام صفا .. علشان كان فى لمبه بتاعه الإنجكشن بتنور لما بعدى ال 90 ع الرابع أو 110 ع الخامس ... رحت كشفت قالى حساس السرعه عايز يتغير .. و بالنسبه للزيت قالى ده اويلسيه كرنك أمامى و أويلسيه كامه .. المهم غيرت الحساس و غيرت الأولسيهات و بالمرة غيرت طقم السيور .. و كل ده كلفنى حوالى 1050 جنيه بالمصنعيه و الضرائب

و أنا مروح لاقيت اللمبه نورت تانى .. و بعدها بيومين لاقيت العربيه غرقانه زيت من تحت
رحتله تانى ... قالى حساس الأكسجين بيعلق ... و هو مش موجود .. و بالنسبه للزيت فهو بيرشح من جوات التاكيهات .. علشان لما قفلنا من الأولسيهات ضرب من الجوان

غيرت الجوان الأصلى من عنده و غيرت الفلتر الأصلى و غيرت زيت كمان بالمرة و غيرت فلتر البنزين الأصلى ... و كلفتنى 500 ج بالمصنعيات .. ( الحمد لله على كل شئ )
كده بقت 100 100 و العربيه سحبها إتغير و بقت جامده
بس شكلى حسدتها .. و هتعرفوا بعدين :)

و أنا عند عصام صفا و الميكانيكى بيزود الميه فى الريداتير كان فى صدا باين قوى .. فالمهندس عصام قالى انت تروح بنزينه موبيل اللى فى دائرى المطار .. و تغسل دورة التبريد بتاعه العربيه ... بعد ما ظبطت العربيه بكام يوم ثلت اروح انظف الصدا ده .. و رحت فعلا البنزينه .. و نظفت و طلع منها صدا كتير قوى .. و خطيت 4 لتر ميه موبيل الزرقا دى .. ب 80 جنيه و مصنعيه 30 ج
و رحت مشوار بيها .. و أنا مروح بالليل لاقيت العربيه عماله تخبط معايا و سحبها بيقل .. إسغربت بس قلت يمكن البوجيهات .. علشان مغيرتهاش لأنى كنت مغيرها من 3000 كيلو بس ... و لما قربت ع البيت لاقيت مؤشر الحرارة فى السما ... قلت صلاة النبى أحسن ... .. و ربنا يستر .. بفتح الكابوت لاقيت الميه نازله من ورا الماتور فى ماسورة بدخل الميه السخنه ع الريداتير .. منزله كل الميه بتاعه موبيل اللى حطتها .. و الريداتير ناشف و الموتور سخن جدا .. تانى يوم جيت أدور .. لاقتها مش بدور غير لما ادوس بنزيت كذا مرة ... رحت لميكانيكى جنبى .. فتح غطا الريداتير و قالى دور ... لقى الميه بتترفع لفوق .. قالى ده جوان وش السلندر ضرب .. عايز يتغير
رحت جبت اليابانى من عند الشرقاوى فى جسر السويس بـ 35 جنيه .. و بالليل اتصل بيا و قالى تعالى فى حاجات عايزة تتغير .. رحتله لاقيت ماسورة الميه اللى اسمها الشجرة مصديه من جوا خالص .. قالى عايزة تتغير .. و البساتم خفيفه فمعنى كده الشناير عايزة تتغير لأنى كنت قلتله بصلى ع الشنابر بالمرة طالما كده كده فتحنا :) .. .. و جبت بوجيهات يابانى NGK .. و طقم شنبر يابانى NPR إستاندرد بـ 165 ج ... و جركن زيت التعاون 1000 ك .. بـ 55 ج .. للتنظيف و هيغير بعد يومين ... و لسه هوديله الحاجات دى بكره الصبح .. إدعولى تكون أخر الفتحات :) .. و تتظبط معايا

أنا قلت أشارككم تجربتى ... و لسه هكملها .. لما اروح بكره .. إن شاء الله

[yousefsemsem]

ربنا يعينك علي الموضوع ده وتتصلح لكن كانافضل انك كنت غيرت شورت بلوك بواحد تاني 1500 بالمصاريف اللي انت صرفتها بس الحمد لله علي كل شيء ويارب تكون تمام معاك العربيه بعد النص عمره وهي عربيه ممتازه وربنا يكفيك شرها

[ahmed_h_g]

بوابة ال2004 وصلت يا جماعه جديد ومستعمل من أول أمبارح
حاليا" معايا بوابه ومارش كالجديد للفتيس الأوتو وحساس أكسجين وقاعدة موتور ناحية الفتيس للفتيس الأوتو فقط

[visualamr]

سؤال الى اصحاب الخبرة

انا دكتو رعمرو
معايا بروتون 1999 والعربيه معايا بقالها فترة واا مستهلكها
فرحت اشتريت حبه حجات وعايز استفسر عن حبه حجات لو حد يقدر يفيدنى
انا اشتريت2 فوانيس امامى بالاشارات من عند مكه الى فى دمشق ودول سعرهم فوانيس 300 واشارات 80 واكصدام امامى 260 وكمان شبكه من عند محل المدينه وفانوس خلفى ودول سعرهم 130 و85 على التوالى.

واحب اضيف للناس الى بنحب تغير المهعلومات ديه
المهم لقيت عند مكه فوانيس امامى شكل جامد جدا ~((فوانيس عداسات ولقيتهم ب 850 جنيه بالاشارات )
ولقيت فوانيس خلفى الاربعه ليدات 650

انا عايز اعرف رايكو فى الاتى :-
مساعدين خلفى الى فى محل المدينه الحج مصطفى قلى 440 ودول المانى ((يا ترى حد جربهم ولو حد اشترى مساعدين خلفى يريت يقولى منين ونوعهم ايه وسعرهم كام ))
كمان عندى مزراب من الاتنين طار وعايز اعرف سعرة فى حدود كام
عايز اغير الطارة الخاصه بالدريكسيون علشان الى عندى بنتى ربنا يخليهالى قطعت الجلد بتعها فياريت حد يقولى اجيبها منين وبكام

عاز حد يقولى على سمكرى فى عين شمس وبتاع دوكو لو عايز اسمكر العربيه وادهنها تكلفنى كام ومين جرب حد محترم فى الحكايه ديه .
معلش انا طولت عليكم
والسلام عليكم

[yousefsemsem]

الاسعار ممتازه بصراحه وانا نويب اشتري الاربعه الليدات اللي ورا باذن الله بس لما ربنا ياذن بالماديات
بالنسبه للتاره انزل عند ملك البروتون في الحرفين انا كنت شوفت كام طاره بتوع ال2004 وحالتهم ممتازه اخترلك واحده منهم بس فاصل معاه وربنا يخليلك الامورة الصغيره تبوظهالك ومايحرمكش منها ابدا
اما بالنسبه للسمكره والدوكو ودي العربيه عند ورشه نايل موتورز للاستاذ كريم في ناس هنا اتعاملت معاه كتير وهيطلعلك العربيه باسم الله ماشاء الله وربنا يعينك علي المصاريف

[ahmed_h_g]

ايه الأخبار يا جماعه مفيش جديد

[yousefsemsem]

انا رشيت الاكصدامين وروحت للبوهيجي علشان اللمع العربيه طفاها وقالي يومين والمعها وساب عليها شمع بس شكلها وحش وهي مطفيه

[ahmed_h_g]

طفاها خطأ منه ولا كان قاصد

[yousefsemsem]

لا كان قاصد مسكها سنفرها كلها
والنهارده الحمد لله لمعها وظبطها بقت جديده الحمد لله

[ahmed_h_g]

كويس والله مبروك عليك
أنا شكلى هروح التوكيل اليومين دول أجيب كارتيرة الموتور البلاستيك اللى فى الرفرف الشمال
وهسأل عالبودى كيت الأصلى للويرا وهشوف الرد هيكون ايه

[yousefsemsem]

ياريت يااحمد باشا لو لقيت كمان الكارتيرات ديه اسالنا عليها بكام

[ahmed_h_g]

فيديو ليك يا أستاذ يوسف
Proton Wira 1.3/1.5 Rear Sway Bar / Rear Anti Roll Bar - YouTube

[yousefsemsem]

تمام يااستاذ احمد هو ده بقي اللي انا عاوز اعمله بس يارب تكلفته ماتكونش كبيره

[ahmed_h_g]

هتلاقيه يا عند حماده غوزى فى بورسعيد أو عند ورشة tps فالحرفيين
غوزى أرخص بس مبيركبش بيستورد ويبيع فقط أو ممكن تسأله