رابطة مالكى الويرا (2) فيد وأستفيد .

[ahmed_h_g]

نورت كام يوم
و بعدين حطيت stp
مبقيتش بتنور
بس الموتور و العربية بارده بيعلى و يوطى
و ساعات لو شيلت رجلى من على البنزين و العربية سخنة بتبطل

هتلاقى فيشة البوابه فيها طرف مصدى أو عليه أكسده أو الفيشه نفسها مش راكبه كويس
أظبط الفيشه وشيل كبلات البطاريه ولمسهم ببعض وركبهم تانى وجرب

[Karim Salem]

هتلاقى فيشة البوابه فيها طرف مصدى أو عليه أكسده أو الفيشه نفسها مش راكبه كويس
أظبط الفيشه وشيل كبلات البطاريه ولمسهم ببعض وركبهم تانى وجرب

انا جربت موضوع كابلات البطاريه قبل كده بس محسيتش بفرق
بس ممكن تشرحلى الاقى فين فيشة البوابة
انا اسمع كتير عن البوابة بس موش عارف مكانها فين و لا بتعمل ايه
معلش اسف على كتر الاسئلة

[mostafashokry]

انا جربت موضوع كابلات البطاريه قبل كده بس محسيتش بفرق
بس ممكن تشرحلى الاقى فين فيشة البوابة
انا اسمع كتير عن البوابة بس موش عارف مكانها فين و لا بتعمل ايه
معلش اسف على كتر الاسئلة

لا يفتى فى البروتون الوييرا و أحمد حلمى جمال موجود بس أنا هتجرأ و أقولك لغاية ما يتواجد,
ده بعد إذن م/ أحمد حلمى
البوابه ديه هى ألى مربوط فيها خرطوم كاوتش بينها و بين فلتر الهواء أعلى مجموعة الإنجكشن( بمعنى أوضح هى أول الماسورة الحديد)
و أى ميكانبكى هتروحله هيفك الأفيز المربوط فيه الخرطوم الكاوتش و هيزود بنزين و يرش منظف الإنجكشن كذا مرة بس ده هيضطرك لتغيير البوجيهات مرة أخرى لأن البوجيهات بترطب وبتكون كربون بين أطرفها . فمن الأحسن تعمل عملية تنظيف الإنجكشن بالبوجيهات القديمة الى أنت غيرتها ده لو أنت مازلت محتفظ بيها
و أرجوا أنى أكون وصلت المعلومة

[islamawe]

يا جماعه حد يعرف تمن طاقم زراير الزجاج الكهرباء الرباعى بكام ؟

و 4 فرش باب بكام بالزراير ؟

عشان انا عربيتى نازله 2 زجاج امامى بس و انا عاوز اخليها 4 كهرباء

[mostafashokry]

يا جماعه حد يعرف تمن طاقم زراير الزجاج الكهرباء الرباعى بكام ؟

و 4 فرش باب بكام بالزراير ؟

عشان انا عربيتى نازله 2 زجاج امامى بس و انا عاوز اخليها 4 كهرباء

السلام عليكم أنصحك تسيب العربيه على حالها ده أسلم للضفيرة على المدى البعيد
و لو أنت عايز المجموعة هى عندى بدون مقابل . و لكن البورده سليمة و الأزرة هى المش كويسه يعنى ممكن توفقلها زراير. و ما تبحثش عنها لأنها قليلة جداً والسلام عليكم

[islamawe]

السلام عليكم أنصحك تسيب العربيه على حالها ده أسلم للضفيرة على المدى البعيد
و لو أنت عايز المجموعة هى عندى بدون مقابل . و لكن البورده سليمة و الأزرة هى المش كويسه يعنى ممكن توفقلها زراير. و ما تبحثش عنها لأنها قليلة جداً والسلام عليكم

شكرا لرد حضرتك

بس كنت عاوز ايه اللى ممكن يحصل للضفيره لو انا عملت كده ؟؟

و انا سألت على 4 فرش باب بالأزرار بالكامل لكل الفروش ( باب السائق به المجموعه و كل فرش من الباقى به الزر الخاص به ) ب 1000ج

و بالنسبه ل 2 ماكينه كهرباء للزجاج الخلفى ب 500ج


بالنسبه لو انا اخدت من حضرتك المجموعه اللى عندك (هل ينفع تركب على فرش الباب عندى ولا لازم اجيب فرش باب به مخدع اعرض شويه عشان اكيد المجموعه الرباعيه اللى عندك اعرض من المجموعه الثنائيه اللى عندى )

و شكرا على اهتمامك و ياريت تسيبى موبايلك على الخاص

[ahmed_h_g]

لا يفتى فى البروتون الوييرا و أحمد حلمى جمال موجود بس أنا هتجرأ و أقولك لغاية ما يتواجد,
ده بعد إذن م/ أحمد حلمى
البوابه ديه هى ألى مربوط فيها خرطوم كاوتش بينها و بين فلتر الهواء أعلى مجموعة الإنجكشن( بمعنى أوضح هى أول الماسورة الحديد)
و أى ميكانبكى هتروحله هيفك الأفيز المربوط فيه الخرطوم الكاوتش و هيزود بنزين و يرش منظف الإنجكشن كذا مرة بس ده هيضطرك لتغيير البوجيهات مرة أخرى لأن البوجيهات بترطب وبتكون كربون بين أطرفها . فمن الأحسن تعمل عملية تنظيف الإنجكشن بالبوجيهات القديمة الى أنت غيرتها ده لو أنت مازلت محتفظ بيها
و أرجوا أنى أكون وصلت المعلومة

الله ينور عليك يا أستاذ مصطفى وكل سنه وأنت طيب

[ahmed_h_g]

الباب كامل بالفرش بمفتاح الزجاج بالزجاج كااااامل ب550 جنيه والمتوافر الأن اللون الأزرق والكريمى
لو هتشترى ال4 أبواب ممكن يخلصوا على 2000 جنيه
طقم مفاتيح الزجاج الخاص بالسائق تمنه 250 جنيه متوافر يمين فقط ويحتاج تعديل بسيط علشان يشتغل شمال

[mostafashokry]

الله ينور عليك يا أستاذ مصطفى وكل سنه وأنت طيب

السلام عليكم , يا احمد ديه فعلا حقيقة مش مجاملة أنت فعلا ماشاء الله رغم أنك تصغرنى و لكن ماشاء الله على معلوماتك فى الوييرا , و أنا بجد أستفدت منك , و هو كده كلنا بنستفاد من بعض , ولكن ياحمد الموضوع ده هانزلة أن شاء الله بس لما أفطر عشان فيه ناس غريبة بيفتكر أنه هو بس ألى يعرف و ما غيرة جاهل لايعلم و الصنف ده تتأكد أنه فاضى من جوه و ربنا يبصرنا دائما بالحق و نرى الحق حق و يرزقنا أتباعه , أنا دمى أتحرق بالأمس, بسبب الصنف ده .
المهم أنت فين فى الجنوبيه ولا هنا؟؟؟؟؟

[mostafashokry]

انا نزلت مشاركة كنت برد فيها أيه الأضرار ألى ممكن تقع على الضقيرة عند التعديل مش عارف ماظهرتش ليه .

[mostafashokry]

المهم الأضرار ألى ممكن تضر العربيه أو ضفيرة العربية
- الأسلاك المضافة ليس لها مجارى مخصصة أو تجويف و ده مع مرور الوقت بيعرضها للأحتاك فبتعمل ماس مع بعضها أو أسلاك أخرى
- الأسلاك المضافة غير محسوبه الجهد بعنى ممكن تكون قطرها أقل و عند التحميل عليها تسخن وتسخن الأسلاك ألى جنبها و أيضا تؤدى ألى ماس و لا قدر الله ممكن تؤدى لحاجة مش كويسة للعربية كلها.
- مصدر الكهرباء هيتحمل عليه جهد زيادة غير مأخوذ فى الحسبان يؤدى إلى نفس النتائج السابقة (المصدر ألى هيشغل عليه الموتورين الخلفيين)
- علبه الفيوزات أيضا هتتحمل بحمل زيادة و بؤدى ألى أن الفيوز كل شويه يضرب أو أنك تكبر الفيوز الى متحمل عليه الموتورببن الجديدين و ليكن هيتحمل على فيوز المساحات , بعنى أى مسكلة فى المساحات الفيوز بتعها مش هيضرب لو حصلها أى ماس و برده لا قدر الله ممكن تؤدى لنتاشج مش كويسة للسبارة كلها.

[ahmed_h_g]

أستاذ مصطفى والله أنا مبسوط جدا" من كلام حضرتك الجميل ده وهقولك نصيحه
سيبك من اللى بيكتب أى كلام يحرق الدم ويخرج
أنا أتعرضت لأكتر من موقف وهوه ده السبب فى قلة تواجدى فى المنتدى
منور والله يا أستاذنا وأنا موجود فى الجنوبيه لأخر رمضان ان شاء الله ياريت أشوفك على خير

[ahmed_h_g]

أستاذ مصطفى ياريت لو عند حضرتك وقت تدخل على القسم التعليمى فى أهم موضوعات القسم هتلاقى مهندس سبعاوى ومهندس سمير عياد كاتبين مواضيع ممتاذه ومفيده جدا"
ياريت تدخل هنا
::: أهـــم مـوضـوعــات القســـم ::: - :: نــايــل مــوتــورز:: - :: NileMotors.net ::

[mostafashokry]

جزاك الله خيرا م/ أحمد فعلا قسم مفيد و شيق بالنسبه لى كان تايه عنى
و يا ريت أنت كما ياباش مهندس تدخل على الموضوع ده و تقولى لو ممكن تكون معانا

http://www.nilemotors.net/Nile/166038-a.html

[msafa]

ابو حمبد

ممكن تقولي في مجموعة الزراير اللي ب 250 جنيه
انا كده شغال عندي شباكين بس :(