سوال عن ال هورس باور بتاع الجين ياريت الكل يشارك

[mido_soliman]

السلام عليكم ورحمة الله وبركاتة
دلوقتى الموقع بيقول ان القدرة الحصانية للعربية 110 bhp دة معناة ان العربية خرج الموتور صافى 110 يعنى مش net hp اللى بيتقاس بعد ما تركب الجير بوكس والشكمان والباور الخ اللى هوة صافى القدرة من الحدافة زى ما بيتقال معنى الكلام دة ان الانسرالبومة قدرتها الحصانية اعلى ؟؟؟ طب ادائها اعلى فى التسارع من الجين لو فرضنا ان الاتنين اوتو لانى لو حشترى باذن الله حشترى اوتو وطالما هية كدة 110 موتور لوحدة امال الهورس باور بتاع العربية الفعلى كام ؟؟ وعايز اعرف مقارنة بينها وبين ال frv فى الهورس باور بردة بتاع الاتنين الصافى لانى معرفش بتاع ال frv وشكرا
وياريت لو راى كل واحد عندة جين يقارن بين الجين والبومة وال frv
من حيث التسارع والثبات وقوة المحرك والعفشة مليش دعوة بسعر اعادة البيع لانى بشترى علشان اتمتع بعربية مش علشان ابيعها كل سنة وشكرا ليكوا

[mangere90]

السلام عليكم ورحمة الله وبركاته

انا معرفش الهورس باور الأساسي كام بس المنوال بيقول ان خارج الماتور 110 حصان وماذكرش
حاجه تانيه غير كده معناه ان خارج الماتور بعد كل حاجه لأنهم ماذكروش اي تفاصيل عن الموتور
تانيه بخلاف النيوتن وغيره , وبعدين لو عملت مقارنه ما بينها وبين الانسر انا في رأي الجين تكسب
من جهة العافشه الجين اقوي من الانسر بكتير قوي , ومن جهة عزم الماتور الجين برده بالذات علي
السرعات العاليه انا بشد مع الانسر علي طريق مصر ومابيعرفش يشد معايا اصلا وده ناتج عن
ان موتور الجين بهه اتنين كامه , والانسر كامه واحده , اما بالنسبه Frv بصراحه انا معرفش
عنها حاجه الا غير انها راكب عليها موتور لانسر وعافشة جولف 5 يعني كوكتيل .......
يارب اكون افدت حضرتك بهذه المعلومات الفقيره

[mido_soliman]

متشكر جدا جدا وجزاك الله كل خير بالنسبة لسوالى عن تسارع الانسر الاوتو والمقارنة الغريبة شوية دى فدة كان لانى سوقت الانسر اكتر من مرة (1600) لانها مع اكتر من واحد صاحبى دة غير القرايب وكدة وفعلا العربية هايلة بس مش عارف حسيت ان العربية على الطريق مبتعرفش تجيب سرعة كويسة يعنى انا فاكر مرة ان اول ما جابت 140 الصوت بتاعها على جدا دة غير ان احساس الثبات بدا يقل جدا جدا ومكنش فى تكييف وكانت الفئة الهاى لاين اللى فيها sport drive وتحياتى

[mangere90]

السلام عليكم ورحمة الله وبركاته

العفو ياباشا احنا كلنا هنا اخوات , وبجد اعضاء بروتون اعضاء فوق الوصف , وبعدين لو عايز
تشتري اشتري علشان الأعضاء مش علشان العربيه , انا فكرت فمره اشتري جولف 5 وابيع الجين
تحسين مستوي يعني بس بصراحه ارتجعت بسرعه والحمدلله بسبب اعضائنا الجمال هتلاقي
اي مساعده انت عايزها حتلاقي بدل الواحد 1000000 يساعدوك , وربنا يوفقق ان شاء الله .

[mido_soliman]

ملقتش مشاركات من الناس يعنى هوة الموضوع بايخ ؟؟؟ طب مش حتكلم تانى
اسخنوا شوية معايا المنتدى بقالوا كام يوم نايم والمواضيع كلها عادية عايزين حاجة نتكلم فيها طب نغير عنوان الموضوع ؟؟؟ نخليها مثلا اقصى سرعة جبتها بالجين كام اوتو ومانوال ؟؟؟

[XXXMEMOXXX]

موضوع الاحصنه اللي بيتقاس من العجل ولا من الموتور ,,انا بعد ما كنت اقتنعت ان كل الشركات بتقيس من الموتور قبل تركيبه في العربيه,, وان اللي بيقيس من العجل العربيات اللي بتدخل سباقات فقط ,, في اكتر من موضوع في المنتدى بيشكك في النقطه دي ,, مابقتش عارف صراحة فين الصح ,,
بس موضوع ان البومه ادائها احسن من الجين 2 ,, ماعتقدش انه صح خالص ,, لاني سقت لانسر كتييير ,,ولما جبت الجين 2 كان في فرق كبير لصالح الجين 2 ,, ولما سالت معظم الناس اللي جربت تشد معها كله اجمع انهم بيطلعوا منها بسهوله,, ( مع اني مش معترف بالمبدا ده قوي لانه بيعتمد على السواق والطريق في المقام الاول , انا هاخد غرزه انت تخاف تاخدها مثلا وكده )

[ahmad alshaaer]

انا اللي اقدر اقوله اني شديت مع frv في بداية نزولها على طريق اسكندريه

وكان الموضوع ساخر جدا لاني كنت بعد ال 170 بالكتير مش بشوفه فعلا ولازم اهدي عشان يجيبني

وبعدين الجن 2 ماليزي وهناك فرق ان شاء الله كبير واللانسر عربيه محترمه ولكن اشك انها بثبات او قدرة الجن 2 ولكن اكيد اللانسر انعم كعفشه

تحياتي

[momopersona]

بالنسبه للهورس باور كله بيتقاس من الموتور وهو بره العربيه يا باشا
والشد مش متوقف بس على الهورس باور لكن برده متوقف على العزم torque والوزن والات الجر والجنوط ومقاس الكاوتشات .. الخ
عشان كده ممكن تلاقى عربيه موتورها اضعف زى الفيرنا بس باقى العوامل كويسه تطلع من عربيه موتورها قوى جدا لكن وزنها تقيل وكده

بالنسبه للجين 2 بتحس بقوة موتورها جدا لان الات الجر ونقل الحركه رياضيه زى الفتيس والكبالن ..الخ
بالنسبه للاوتو بتاع اللانسر ال 1600 افضل كتير لانه cvt بيحقك تسارع خرافى مشابه جدا للمانويل لكن بتاع الجين وال frv اوتوماتيك تقليدى جدا زى غالبية العربيات

موتور الجين اقوى واحد فيهم 110 حصان لكن اللانسر المصرى 105 وال frv 101
اللانسر الخليجى هى اللى 120 حصان لكن لازم يتحطلها بنزين 95 بس

ثبات الجين2 الافضل ثم ال frv ثم اللانسر
التسارع فى الاوتو : لانسر ثم جين2 ثم frv
التسارع فى المانويل : جين 2 ثم لانسر ثم frv
العفشه كتحمل :لانسر ثم جين 2 ثم frv لكن ثبات : الجين افضل ثم frv ثم لانسر

حاولت ابعد عاطفتى شويه لانى باعشق الجين 2 وفى رأيى كمجمل وكسعر مقابل قيمه هى الافضل بدون منافس
وربنا يوفقك للاختيار السليم

[mido_soliman]

جزاكم الله خيرا ومتشكرين جدا على الكلام المقنع دة

[hantu]

بالنسبه للهورس باور كله بيتقاس من الموتور وهو بره العربيه يا باشا

Proton’s dyno tests of the new Campro IAFM engine reveals power ratings of up to 98 horsepower is achievable, but Proton prefers to publish the power figures in brochures at 94 horses for some reason, perhaps for consistency sake as not all engines may be able to achieve the 98 horses figure.

New Proton Saga Launch and Test Drive Report
http://images.paultan.org/images/Pro...aga_torque.jpg

Saga's HP as quoted is 94hp but the dyno test showed it can achive 98 hp.. yes that is on wheel not on engine alone... could you tell me the source that said any car's BHP quoted on brochure is actually refer to the test on engine only ? if saga hp's figured 98hp on dyno test so what do you think gen2's hp ? might be lower than quoted in its brochure??

regards.
wassalam.

[XXXMEMOXXX]

Proton’s dyno tests of the new Campro IAFM engine reveals power ratings of up to 98 horsepower is achievable, but Proton prefers to publish the power figures in brochures at 94 horses for some reason, perhaps for consistency sake as not all engines may be able to achieve the 98 horses figure.

New Proton Saga Launch and Test Drive Report
http://images.paultan.org/images/Pro...aga_torque.jpg

Saga's HP as quoted is 94hp but the dyno test showed it can achive 98 hp.. yes that is on wheel not on engine alone... could you tell me the source that said any car's BHP quoted on brochure is actually refer to the test on engine only ? if saga hp's figured 98hp on dyno test so what do you think gen2's hp ? might be lower than quoted in its brochure??

regards.
wassalam.

Thank you Mr.hantu,, a critical comment , especially you attach the source ,
now the question must be reflected ,,, if campro iafm in dyno test reveals 98hp ,,,so what is the result from engine directly ?! ,, without doubt ,, amazing result ..

regards

[hantu]

Thanks mr memo.

Actually i dont know about the truth behind the HPs quoted on any car's Brochure ... it might be as what mr momopersona said ( وهو بره العربيه يا باشا) .

perhaps mr momopersona can give us the source about it. So there will be no doubt anymore. lol .


thanksss

wassalam.

thanksss

wassalam.

[ahmed_h_g]

طبعا" ال110 حصان عزم الموتور لوحده من غير أحمال
ال110 لوحدها ممكن تعمل البدع . وطبق الكلام ده عالموتوسيكل

[ahmedelkadi75]

السلام عليكم
اللى انا اعرفه ان hp غير bhp وغالبية السيارات اللى فى شرق اسيا بتلاقيها hp بمعنى لو bhp 110 بتضربها فى ( 1.3) يديلك 143 hp
hp الموتور من غير احمال
ياريت اكون وصلت المعلومة

[momopersona]

Thanks mr memo.

Actually i dont know about the truth behind the HPs quoted on any car's Brochure ... it might be as what mr momopersona said ( وهو بره العربيه يا باشا) .

perhaps mr momopersona can give us the source about it. So there will be no doubt anymore. lol .


thanksss

wassalam.

thanksss

wassalam.

والله انا معلوماتى ان فى طريقتين لقياس قدرة المحرك
1- net hp : دى قدرة المحرك لوحده يعنى من غير باقى الحاجات ودى اللى بيتم اعلانها لانها بتبئى الرقم الاكبر والادرق لقوة المحرك نفسه عند اختراعه وصناعته بدون تأثير باقى العوامل عليه
2- gross hp : ودى القدره اللى الفعليه المحسوسه اللى بتوصل فعليا للحدافه بعد تركيب كل اجزاء الجر وضياع جزء من قدرة المحرك فيهم وده بعض الشركات الرياضيه بتعلن عنها بردو زى الهوندا مثلا اعلنت عن الاتنين ولكن سوقت باnet طبعا

هل كده يبئا بروتون بتسوق عربياتها بgross hp اعتقد يبئا غباء
ولو كده يبئا قدرو المحرك بتاعنا من 120 ل130 تقريبا وده صعب تحقيقه بتكنولوجيا الcampro
وعلى فكره مافيش ولا شركه فى العالم بتعلن الgross فقط يعنى لو كده كانو قالو بردو الnet زى بعض الشركات

ياريت مصدر بيقول ان ال gross hp لجين 2 110 وللساجا 94