منتدى الواجا

[abdohod]

أرجوا الرد للأهمية

[mora2007]

يا جماعه فى واحد عارض واجا 2009 اوتو ماشيه 72000 كيلو وفول اوبشن ب75 الف وحالتها حلو جدا
هو السعر ده مناسب ولا تساوى كام

[abdohod]

إلى كل ملاك الواجا ..... وننتظر الرد سنوات كالعادة .... ماذا عن كماليات للواجا ... هل منكم خاصة سكان القاهرة من يشتري كماليات كالنواكل مثلا .... وياريت من يواحه مشكلات في السيارة يطرحها هنا سواء بالحل أو بدونه ...حتى تعم الفائدة

[abdohod]

اين الردود

[abdohod]

إلى كل ملاك الواجا ..... وننتظر الرد سنوات كالعادة .... ماذا عن كماليات للواجا ... هل منكم خاصة سكان القاهرة من يشتري كماليات كالنواكل مثلا .... وياريت من يواحه مشكلات في السيارة يطرحها هنا سواء بالحل أو بدونه ...حتى تعم الفائدة

[abdohod]

للعلم : قمت بشراء نواكل فوانيس خلفية ونواكل مرايات واجا من بروتون الأمير ع الفيس بوك

[ahmed-shalaby]

السلام عليكم

انا كنت ببحث عن عربيه واجا 2006 اتوماتيك فول اوبشن بحاله ممتازه

ارجو المساعده

[abdohod]

لا توجد أمامنا سيارات بالفعل الآن ولكن يمكننا مساعدتك فيما سيعرض عليك من سيارات ويمكننا الرد على كثير من استفساراتكم بخصوص السيارة بالطبع .... وفقكم الله

[abdohod]

للعلم وربما للمساعده
تم عمل عفشة خلفية للواجا منذ اسبوعين ماعدا المساعديين

[abdohod]

يا جماعة ..... حد جرب يشتري شاشة عدادات للبروتون واجا ..... أرجو المشاركة بأي معلومات ... وشكرا

[eng.m7md.ali]

يا جماعة ..... حد جرب يشتري شاشة عدادات للبروتون واجا ..... أرجو المشاركة بأي معلومات ... وشكرا

ازي حضرتك ياباشا؟؟

اسف جداً مبشاركش معاكو حالياً عشان معايا جين2 :)

دلوقتي في فكرة مطروحة من الاستاذ عبد العزيز بخصوص تغيير فتيس الواجا الاوتوماتيك بواحد ستب ترونك بتاع الكريستالة 1500 سي سي 2 كامة

اعتقد الموضوع ده لو مشي كويس هيفرق كتير جداً مع الناس في التسارع واستهلاك البنزين

[abdohod]

كيف حال حضرتك ؟ ونفتقدك بشده في هذا المنتدى الذي يتميز بعدم المشاركة
وأنا متابع موضوع الفتيس باهتمام ولكن ليس لدي أي معلومات عن الموضوع

[abdohod]

يا أهل الواجا
هل من جديد بشأن قطع غيار الواجا والكماليات؟؟؟؟؟

[abdohod]

كنت قد كتبت أني عملت عفشة خلفية للواجا منذ شهر تقريبا ولكن تتوالي المفاجأت
قمت بشراء كل حاجة من محل مكة بشارع دمشق
يوجد لكل عجلة خلفية شدادين (واحد طويل وواحد قصير)... دول طبعا غير المقصات ... قمت بشراء طقم (4 شدادات) للعجلتين من محل مكة (قال لي أنها تايلندي وماركتها 555) وتم التركيب عند الميكانيكي الشاطر اللي بتعامل معاه من سنين وللإنصاف الميانيكي قال لي أن نوعية الشدادات دي سيئة ولكن لم يكن أمامي بديل .... المفاجأة حصلت عند ظبط الزوايا بعد التركيب ... الراجل بتاع الزوايا وجد العجل قافل و مفهاش مسافة في مسمار الريجلاش وسألني أنت مركبلها شدادات عربيه إيه ..وطبعا رديت بأنها الشدادات بتاعتها ... لأني شاريها من محل ثقة غير إني قارنت القديم بالجديد وكانت نفس الشكل ... المهم بتاع الزوايا اضطر يفك الشدادين الطوال ويحط ورد أسفل الشدادات وظبطت شويه وخلص الموضوع ... امبارح رحت تاني اظبط زوايا لأن مش مستريح لشكل العربية من الخلف ومشيها كده مش عاجبني .... وكانت المفاجأة .. وجدنا جلب الشدادات بايظة (الجلد بتاعها متقطع وهي راكبة) فقلت للراجل دي بقالها شهر بس ..... المهم فكيناهم كلهم ووجدنا نفس الشيء ... وبدأت رحلة البحث عن شدادات غير النوع الزفت555 والحمدلله وجدت نوعية أخري عند محل أولاد منصور في الجيزة وكان للحقيقة قد حذرني من شراء النوع التايلاندي من قبل ولكن هذا ما حدث ... المهم ركبتهم امبارح وظبطت زوايا عند نفس الشخص وقالي إن كده تمام .... ويبدو إن الشدادات (555) فيها عيب تصنيع سواء في مقاساتها أو في جلد الجلب .... أو أن محل مكه باع لي شدادات متنفعش للواجا مع إني زبونهم من سنين ...ودي طبعا فضيحة ...
طبعا انا بكتب وعارف إن المنتدى ميت ونادرا ما يرد أحد ولكني أروي التجربة بالتفاصيل والمعلومات حتى يستفيد الغير ... كنت أكتب انتظر الردود ...ولكني الآن أكتب أنني لا أتوقع أي رد كالعادة

[BadrSalah]

يا جماعة في حد بيبيع مرايا بروتون واجا 2005 مستعملة أو ليها بديل ؟