تحذير من شراء السارة البروتون الجين 2 2013

[dramrmostafa]

تحذير ابعد تماما عن البروتون الجين 2 و البيرسونا

انا عربيتي عامله 800 كم

و اسوأ من ما تتخيل انا اتخدعت في العربية دي خدعة عمري

1 من اسوأ تقفيل السيارات اللي ممكن تشوفها لدرجة ان اي عربية تقفيل مصري احسن منها.
*ملحوظة انا رفضت استلام عربيتين عشان عيوب التقفيل دي

2سيئة جدا جدا في الفرامل انا لسه مكملتش 800 كم ولا عملت صيانة 1000 و روحت التوكيل مرتين

3 استهلاك بنزين بشع لدرجة ان العربية متوسط استهلاكها داخل المدينة 7.5 الي 8كم/ ليتر يعني 150/160 في الصفيحة

4 بتنزل فيها عيب في الزوايا و مش بيعرفوا يضبطوها

5 لما تشغل التكييف تحس ان العربية تحول صوتها الي غسالة فول اوتوماتيك من صوت مروحة التكييف.

6 حرام فيها الفلوس اللي بتدفعها في تمنها و قطع غيارها حيث انها ليست في مستوي الجودة التي تستحق هذه المبالغ.

و مفيهاش حاجة عدلة غير العفشة و الثبات بصراحة

علي فكرة يا جماعة انا ما اشتريتش العربية دي عمياني و لكن بعد دراسة شاملة من اراء الأعضاء

هذه شهادة حق عشان ماحدش يتدبس و معظم السيارات بها نفس العيوب زاد او نقص و لكن فعلا عيب الفرامل الأكثر شيوعا

انا مش عارف هاعمل ايه بس في الأغلب هعرض العريبة للبيع و ربنا يعوض عليا

[speed_magnum]

لا حول ولا قوة الا بالله
ربنا يعوضك خير بإذن الله
وركوب العربيه دا نفس ولو نفسك طلعت منها مش هتعرف تستمتع بيها وهتحس انك متكدر وانت راكبها
فحاول تشوفلها بيعه حلوة خصوصا ان العربيه زيرو وهتجيب سعر حلو باذن الله

[eng.m7md.ali]

شكرا على التحذير :)

[eng.m7md.ali]

بس خليني ارد عليك على كذا حاجة

1- لو عيوب التقفيل ظهرت من قبل الاستلام كان حقك تسحب فلوسك وتشوف عربية تانية .. كمان بلاش مبالغة الله يخليك في موضوع التقفيل المصري

2- تتظبط في التوكيل ( مركز عصام صفا ) وسيبك من التوكيل الاصلي عز العرب

3-متاخدش على كلام الكومبيوتر بتاع الرحلات لانه هيبالغ جداً وانت بتحرق

4- بتتظبط في التوكيل في الصيانة زيها زي اي عربية عادي جداً

5- صوت المروحة عالي وانت برة العربية لكن من جوة مش مسموع

6-لو حرام الفلوس اللي بتدفع فيها ممكن تروح تشتري صني الجديدة اللي شبه البتنجاية وملهاش قطع غيار اصلا ومليانة مشاكل لان ببساطة مفيش عربية مفيهاش عيوب ولا مشاكل

ربنا يعوض عليك ويرزقك باللي احسن منها

[gadieb]

بس خليني ارد عليك على كذا حاجة

1- لو عيوب التقفيل ظهرت من قبل الاستلام كان حقك تسحب فلوسك وتشوف عربية تانية .. كمان بلاش مبالغة الله يخليك في موضوع التقفيل المصري

2- تتظبط في التوكيل ( مركز عصام صفا ) وسيبك من التوكيل الاصلي عز العرب

3-متاخدش على كلام الكومبيوتر بتاع الرحلات لانه هيبالغ جداً وانت بتحرق

4- بتتظبط في التوكيل في الصيانة زيها زي اي عربية عادي جداً

5- صوت المروحة عالي وانت برة العربية لكن من جوة مش مسموع

6-لو حرام الفلوس اللي بتدفع فيها ممكن تروح تشتري صني الجديدة اللي شبه البتنجاية وملهاش قطع غيار اصلا ومليانة مشاكل لان ببساطة مفيش عربية مفيهاش عيوب ولا مشاكل

ربنا يعوض عليك ويرزقك باللي احسن منها

+11111111111111111111 كلام مظبوط 100%

[zicooo2008]

الاخ الكريم السلام عليكم ورحمة الله وبركاته
ارجو ان يكون النقد الخاص بك اكثر موضوعية لان نعلم جميعا ان لليس هناك شئ كامل انما الكمال لله و وحده لا شريك له و بعدين يا اخى استعن بالله تعالى و ان شاء كل العيوب تكون محلوله بعد صيانة الالف ان شاء و تعمل تقرير جميل مصور عن العربية و ربنا يبارك لك فيها و يكفيك شرها

[monamize4]

للاسف كل العيوب اللى انت قولت عليها عيوب منتشرة مش فرديه , و احب اضيف للعيوب دى المالتى فانكشن اللى على طول بيعلق و التوكيل اللى معاملته اشتكى منها ناس كتير و فعلا احسن حاجه ف العربيه دى الثبات




لكن ايه البديل ؟؟؟؟؟؟؟؟؟؟؟؟ فين عربيه ف مصر بالسعر دا ؟؟؟؟؟؟؟

[Ahmed.Ali]

الجين2 لو محبتهاش متشتريهاش و بس الموضوع سهل وبسيط علي العموم ربنا يوفقك في بيعها

[Raul_7]

الجين2 لو محبتهاش متشتريهاش و بس الموضوع سهل وبسيط علي العموم ربنا يوفقك في بيعها

+111111

و معلش سؤال لصاحب الموضوع، دراسة شلملة ايه اللي عملتها دي؟ كل الي قلتوا ده معروف انه في الجين ٢ بس بدرجات متفاوتة، و مع ذلك اللي بيحب العربية دي و عايزها بيجيبها رغم كل العيبب البسيطة دي، لكن حضرتك شكلك مصدوم كأنك كنت متوقع عربية مفيهاش الهوا.
غ
طب اقولك علي حاجة، انا اول مشتريت العربية كان عندي مشكلة في ترموستات الحرارة انه كان معلق و الحرارة بتعلي، و رحت التوكيلمرتين قبل صيانة الالف. كان ممكن اتقفل من العربية بقي دي بتسخن مش عيوب تقفيل بسيطة، و مع ذلك غيرت الترموستات و الموضوع اتحل و الحمد لله معملتش معايا اي موقف مخذل و بحمد ربنا اني مجبتش عربية تانية.

نصيحتي ليك بيع العربية و اشتري اي عربية كوري معروفة.

[gadieb]

+111111

و معلش سؤال لصاحب الموضوع، دراسة شلملة ايه اللي عملتها دي؟ كل الي قلتوا ده معروف انه في الجين ٢ بس بدرجات متفاوتة، و مع ذلك اللي بيحب العربية دي و عايزها بيجيبها رغم كل العيبب البسيطة دي، لكن حضرتك شكلك مصدوم كأنك كنت متوقع عربية مفيهاش الهوا.
غ
طب اقولك علي حاجة، انا اول مشتريت العربية كان عندي مشكلة في ترموستات الحرارة انه كان معلق و الحرارة بتعلي، و رحت التوكيلمرتين قبل صيانة الالف. كان ممكن اتقفل من العربية بقي دي بتسخن مش عيوب تقفيل بسيطة، و مع ذلك غيرت الترموستات و الموضوع اتحل و الحمد لله معملتش معايا اي موقف مخذل و بحمد ربنا اني مجبتش عربية تانية.

نصيحتي ليك بيع العربية و اشتري اي عربية كوري معروفة.

+1111111
ان كمان من راى حضرتك ... الى صاحب الموضوع اذا كنت بتضور على عربيه حاجتها عند البقال وتوكيل معروف واى صنايعى يشتغل فيها هات حاجه كورى ولو عاوز عربيه قلما تجد فيها ملحوظه بس تقدر تصرف عليها هات المانى ... وان شاء الله تبيع عربيتك بسعر كويس وماتخسرش فيها على شان هى كسر زيرو فعلا

[dramrmostafa]

شكرايا جماعة علي ارائكم و تعليقاتكم
بس والله انا كنت حابب البروتون جين 2 جدا و مش فارق كل اللي كتبته غير الفرامل اللي بكل اسف ماكنتش اتخيل انها بالسوء ده
و كمان انا حاولت تصليحها بالطريقة اللي في مشاركات الأعضاء الكرام من اول مااشتريتها بس بكل اسف تغير زيت الفرامل و الهواء و رجلاش البدال لم ينجح السيارة مافيهاش فرامل مفاجيء وده مخليني في منتهي الارهاق من التركيز و الانتباه لعدم ثقتي في الفرامل
لا يوجد حل الا تعديل نظام الفرامل و ده هايلغي ضمان السيارة اللي اصلا التوكيل بقي يتلكك عشان يلغيه

[Gexo]

شكرايا جماعة علي ارائكم و تعليقاتكم
بس والله انا كنت حابب البروتون جين 2 جدا و مش فارق كل اللي كتبته غير الفرامل اللي بكل اسف ماكنتش اتخيل انها بالسوء ده
و كمان انا حاولت تصليحها بالطريقة اللي في مشاركات الأعضاء الكرام من اول مااشتريتها بس بكل اسف تغير زيت الفرامل و الهواء و رجلاش البدال لم ينجح السيارة مافيهاش فرامل مفاجيء وده مخليني في منتهي الارهاق من التركيز و الانتباه لعدم ثقتي في الفرامل
لا يوجد حل الا تعديل نظام الفرامل و ده هايلغي ضمان السيارة اللي اصلا التوكيل بقي يتلكك عشان يلغيه

طيب ممكن حضرتك توضح اكتر انت لقيتها بالسوء دا ازاي وايه الموقف اللي حصلك؟؟؟

[eng.m7md.ali]

هقول لحضرتك حل

سيبك من التوكيل الزوبالة ده خالص وخليك في مركز الدكتور المهندس عصام وان شاء الله تلاقي حل

اعتقد المشكلة في الماستر ولو اثبتلك كدة تقدر تغيره غصب عن عين ام التوكيل في الضمان

[Motarjim]

شكرايا جماعة علي ارائكم و تعليقاتكم
بس والله انا كنت حابب البروتون جين 2 جدا و مش فارق كل اللي كتبته غير الفرامل اللي بكل اسف ماكنتش اتخيل انها بالسوء ده
و كمان انا حاولت تصليحها بالطريقة اللي في مشاركات الأعضاء الكرام من اول مااشتريتها بس بكل اسف تغير زيت الفرامل و الهواء و رجلاش البدال لم ينجح السيارة مافيهاش فرامل مفاجيء وده مخليني في منتهي الارهاق من التركيز و الانتباه لعدم ثقتي في الفرامل
لا يوجد حل الا تعديل نظام الفرامل و ده هايلغي ضمان السيارة اللي اصلا التوكيل بقي يتلكك عشان يلغيه

حسب كلام أحد المهندسين في التوكيل، أن منظومة فرامل بروتون عامةً مشكلتها أن الـ abs بيفتح بدري عشان كده العربية مش بتقف على طول، وبتزحف. وأضاف أن أصواتهم اتنبحت مع الشركة الأم في ماليزيا لتعديل منظومة الفرامل، لتلافي هذه المشكلة، ولكن فيما يبدو أن بروتون ماليزيا متحفظة على هذا الطلب، ومتمسكة بمنظومة الفرامل كما هي دون تعديل. والعهدة على المهندس الذي روي لي هذه الحكاية منذ أيام.

[Gexo]

هقول لحضرتك حل

سيبك من التوكيل الزوبالة ده خالص وخليك في مركز الدكتور المهندس عصام وان شاء الله تلاقي حل

اعتقد المشكلة في الماستر ولو اثبتلك كدة تقدر تغيره غصب عن عين ام التوكيل في الضمان

طيب حضرتك اعرف ازاي ان المشكله من الماستر وبيحصل ايه عشان يبان...انا هستلم العربيه بكره ان شاء الله بس عايز اخد فكره عن الموضوع بس